🇰🇿🇯🇵 Президент елімізде жапон университеттері мен білім орталықтарының бөлімшілерін ашуды ұсынды

Сондай-ақ Жапония үкіметінің Ақтау портындағы кедендік рәсімдерді жетілдіруге атсалысу туралы шешімін құптады.

Президенттің айтуынша, Жапонияға сапары аясында сомасы 3,7 миллиард доллардан асатын 60-тан астам екіжақты құжатқа қол қойылды.

Мемлекет басшысы Токионың Орталық Азия елдерімен жасанды интеллект саласы бойынша тың серіктестік орнату жөніндегі бастамасына қолдау білдірді.

https://t.me/sn_kz

Келесі «Орталық Азия – Жапония» саммиті Қазақстанда өтеді.

«Орталық Азия – Жапония» саммитінің қорытындысы бойынша Токио декларациясы қабылданды.

Осы форматтағы төрағалық Қазақстан тарапына өтеді.

https://t.me/sn_kz

⚠️ «Қазгидромет» Астана, Ақтөбе және Атырау тұрғындарын ескертті

21 желтоқсан, жексенбі күні аталған қалаларда ауа сапасы бойынша қолайсыз метеорологиялық жағдайлар күтіледі.

Әлсіз жел, тұман және температуралық инверсия салдарынан ауада зиянды заттар жиналуы мүмкін.

https://t.me/sn_kz

Автобустағы жанжал: Алматыда бір топ жігіт шетелдіктерге шабуыл жасады

Алматыда автобуста тұрған шетел азаматтарына бір топ жігіт шабуыл жасаған.

Оқиға 18 желтоқсанда болған, видео әлеуметтік желіде тарады. Полиция бұзақылық дерегі бойынша қылмыстық іс қозғап, күдіктілерді іздестіріп жатыр. Жүргізуші тәртіп бұзушыны автобустан түсірген.

https://t.me/sn_kz

Аңызға айналған актер әрі режиссер, Қазақстанның Еңбек Ері Асанәлі Әшімов өмірден өтті.

Ол қазақ киносы мен театрын әлемдік деңгейге шығарған белгілі актер еді.

Көрермендер оны Бекежан, Шадияров, Мәмбет, Қасымханов және Ка мырза рөлдерімен есте сақтайды.

https://t.me/sn_kz

🕊️ Мемлекет басшысы Асанәлі Әшімовтің отбасы мен жақындарына көңіл айтты

Қазақстан Республикасының Президенті Қасым-Жомарт Тоқаев Халық әртісі, Қазақстанның Еңбек Ері Асанәлі Әшімовтің қайтыс болуына байланысты марқұмның отбасы мен туған-туыстарына көңіл айту жеделхатын жолдады.

Жеделхатта Мемлекет басшысы Асанәлі Әшімовтің ұлттық театр мен кино өнерінің дамуына сіңірген орасан зор еңбегін атап өтті. Ол саналы ғұмырын өнерге арнап, сахна мен экранда сан алуан бейнені жоғары шеберлікпен сомдаған дара тұлға болды. Көрерменнің ыстық ықыласына бөленіп, кәсіби өнер иесі ретінде қазақ мәдениетінде өшпес із қалдырды.

Сондай-ақ Президент марқұмның жас буынға тәлім беріп, өнердегі рухани жалғастықты нығайтуға зор үлес қосқанын ерекше атап өтті. Өнегелі өмір сүріп, өнердің биік мұратын ұстанған Асанәлі Әшімовтің жарқын бейнесі халық жадында мәңгі сақталатыны айтылды.

22 желтоқсанға арналған ауа райы болжамы

22 желтоқсанда Қазақстанның көп бөлігінде қар жауып, боран болады. Батыс және оңтүстік-батыс аймақтарда жауын-шашын жаңбыр мен қар түрінде күтіледі. Ал солтүстік-батыс пен орталық өңірлерде антициклон жотасының ықпалынан жауын-шашынсыз ауа райы сақталады.

Ел аумағында тұман түсіп, көктайғақ болуы ықтимал, желдің екпіні күшейеді.

https://t.me/sn_kz

1 қаңтардан бастап қазақстандықтарға жеке куәлік тегін беріледі

2026 жылдың 1 қаңтарынан бастап Қазақстан азаматтары жеке куәлікті алғаш рет рәсімдеу кезінде де, құжаттың қолдану мерзімі аяқталған соң ауыстырғанда да мемлекеттік баж төлемейді.

Көші-қон қызметі комитетінің төрағасы Аслан Аталықовтың айтуынша, мұндай тәжірибе елімізде алғаш рет енгізіліп отыр. Оның атап өтуінше, бастама Ішкі істер министрлігі тарапынан көтеріліп, мемлекеттік қызметтердің сапасын арттыруға бағытталған.

https://t.me/sn_kz

Қайтыс болған адамның атын жамылған алаяқ елордалық азаматшаны алдағысы келді

Астанада интернет алаяқтықтың кезекті әрекеті әшкереленді. Белгісіз ер адам елорда тұрғынына хабарласып, оған «сәлемдеме» келгенін айтып, сенімге кірмек болған.

Алаяқ қоңырау барысында жолданған зат үшін ешқандай төлем талап етілмейтінін жеткізген. Алайда ол сәлемдемені тұрғынның 9 жыл бұрын өмірден өткен әкесінің атынан жіберілген деп көрсеткен.

Күдік туған сәттен бастап тұрғын әңгіме барысын бейнежазбаға түсіріп алған. Кейін бұл жазба қалалық киберқылмысқа қарсы іс-қимыл басқармасының ресми парақшасында жарияланды.

https://t.me/sn_kz

Астана, Алматы және 17 облыста дабылды ескерту жарияланды

23 желтоқсанда елдің бірқатар өңірлерінде қолайсыз ауа райы күтіледі. Кей жерлерде тұман, көктайғақ, қар, боран, сондай-ақ желдің жылдамдығы 20–28 м/с-қа дейін күшеюі мүмкін. Ең күрделі метеожағдайлар елдің солтүстік, батыс және шығыс аймақтарында, сондай-ақ таулы өңірлерде болжанып отыр.

Астана мен Алматыда синоптиктер тұман мен жолдағы көктайғақ туралы ескертеді. Ақмола, Қостанай, Солтүстік Қазақстан, Батыс Қазақстан, Қарағанды және өзге де бірқатар облыстарда қар жауып, боран соғып, қатты жел күтіледі. Оңтүстік өңірлерде негізінен тұман мен көктайғақ болады деп болжануда.

Тұрғындарға сақтық шараларын күшейтіп, алыс жолға шыққанда ауа райы жағдайын ескеруге кеңес беріледі.

https://t.me/sn_kz

Сиыр етінің шетелге сатуға уақытша шектеу қойылмақ

Ауыл шаруашылығы министрлігі сиыр етін шетелге шығаруға қатысты жаңа шектеу енгізуді жоспарлап отыр. Тиісті бұйрықтың жобасы Ашық НҚА порталында жарияланды.

Құжатқа сәйкес, ірі қара етін экспорттауға, соның ішінде Еуразиялық экономикалық одақ елдеріне сатуға алты ай мерзімге квота белгілеу көзделген. Қоғамдық талқылау 24 желтоқсанға дейін жалғасады.

Министрлік бұл шараны ішкі нарықтағы сиыр еті бағасын тұрақтандыру мақсатында ұсынып отыр.

https://t.me/sn_kz

Алматы жұрты аңыз адам Асанәлі Әшімовпен қоштасып жатыр

Бүгін, 23 желтоқсанда Абай атындағы қазақ ұлттық опера және балет театрында көрнекті актер, режиссер, Қазақ КСР және КСРО халық әртісі Асанәлі Әшімовпен қоштасу рәсімі өтіп жатыр.

Жерлеу рәсімі «Кеңсай-1» зиратында өтеді.
Еске салайық, Асанәлі Әшімов 21 желтоқсан күні 89 жасқа қараған шағында өмірден өтті. Ол қазақ киносы мен театрының алтын қорына енген ондаған рөлді сомдап, бірнеше буын актердің қалыптасуына үлес қосты. 

https://t.me/sn_kz