Қазақстан мен Ресей арасында 13 құжатқа қол қойылды

Олар экономикалық, көлік, ғарыш, экология, білім және қауіпсіздік салаларындағы ынтымақтастықты қамтиды. Негізгі құжаттар мыналар:
• 2026–2030 жылдарға арналған экономикалық ынтымақтастық бағдарламасы;
• Теміржол транзиті мен көлік қауіпсіздігі жөніндегі келісімдер;
• «Союз-5» және «Бәйтерек» жобалары бойынша бірлескен комиссия құру туралы келісім;
• Ақтауда Ресейдің Бас консулдығын ашу туралы келісім;
• Санитарлық-эпидемиологиялық қауіпсіздік, атом энергиясы мен экология саласындағы өзара іс-қимыл құжаттары;
• Ерекше экономикалық аймақтарды дамыту және білім беру ұйымдарын ашу туралы меморандумдар;
• Амур жолбарыстарын Қазақстанға әкелу жөніндегі бірлескен жоспар;
• Шекаралық өткізу бекеттері мен пошта, теміржол байланысын дамыту туралы келісімдер.

Жалпы, құжаттар екі ел арасындағы стратегиялық серіктестікті кеңейтуге бағытталған.

https://t.me/sn_kz

13 қарашада еліміздің басым бөлігі Атлант циклонының жазығы мен соған байланысты атмосфералық фронттардың ықпалында болады. Осыған байланысты Қазақстанның көп өңірінде жауын-шашын — жаңбыр мен қар түрінде — күтіледі.

🌦️ Астана мен солтүстік өңірлерде — қар, кей жерлерде бұрқасын мен желдің күшеюі болжанады.
🌧️ Шығыс пен оңтүстік-шығыста — қар аралас жаңбыр, кей тұстарда қатты жауын-шашын болады.
🌫️ Республиканың көптеген аймақтарында тұман түсіп, жолдарда көктайғақ күтіледі.
☀️ Ал елдің оңтүстігі мен оңтүстік-батысында ауа райы жауын-шашынсыз, салыстырмалы түрде жылы болады.

🌡️ Температуралық фон бойынша қысқа мерзімді суыту күтіледі — күндізгі уақытта ауа температурасы орта есеппен 3–5 градусқа төмендейді.

https://t.me/sn_kz

Путин қазақ әртістерін «алтынға» теңеді

Қасым-Жомарт Тоқаевтың Ресейге мемлекеттік сапары аясында Мәскеуде қазақ әртістерінің концерті өтті. Шараға Тоқаев пен Владимир Путин қатысып, Роза Рымбаева, Ренат Ғайсин, Әлішер Кәрімов, Зарина Алтынбаева және Мария Мудряк өнер көрсетті.

Кеш соңында Путин қазақ тіліндегі «алтын» сөзін ерекше атап өтіп, «Міне, сол алтын - сіздерсіздер» деп әртістерге жылы лебізін білдірді. Бұл концерт Тоқаевтың Ресейдегі сапарының қорытынды іс-шарасы болды.

https://t.me/sn_kz

Астанада жүргізуші шам бағанына соғылып қаза тапты

Астанада Қабанбай батыр даңғылында жол апаты болып, жүргізуші оқиға орнында көз жұмды.

Полиция мәліметінше, ол Керей және Жәнібек хандар көшесінен келе жатып, рөлге ие бола алмай шам бағанына соғылған. Соққыдан көлік аударылып кеткен.

Қылмыстық іс қозғалып, тергеу жүргізіліп жатыр.

https://t.me/sn_kz

Екатерина Бивол Қазақстанға экстрадициялануы мүмкін

Қырғызстандық боксшы Дмитрий Биволдың бұрынғы әйелі Екатерина Бивол Қазақстанға экстрадициялануы мүмкін.

ІІМ басшысының орынбасары Санжар Әділов оның үстінен қылмыстық іс қозғалғанын, тергеу жалғасып жатқанын айтты.

Екатерина Биволға Қазақстан мен Қырғызстан полициясы іс қозғаған, оған ұлтаралық араздықты қоздырғаны үшін айып тағылған.

https://t.me/sn_kz

Басшылар миллион, жұмысшылар 20 мың алды: «Қазақтелеком» қызметкерлері сыйақы бөлінісіне наразы

Атырау мен Маңғыстаудағы «Қазақтелеком» қызметкерлері жалақы мен сыйақының әділетсіз бөлінуіне наразы.

Олар топ-менеджерлер миллиондаған теңге көлемінде сыйақы алғанын, ал қарапайым жұмысшыларға небәрі 20 мың теңге берілгенін айтады.

Қызметкерлер коммуналдық төлем мен азық-түлік бағасының өсуі жағдайында айлықтың жетпейтінін, жалақы индексациясының инфляцияға сай еместігін мәлімдеді.

Жұмысшылар бұл мәселе туралы компания басшысы Бағдат Мусиннің хабардар болуын талап етіп, бейнеүндеу жариялаған.

https://t.me/sn_kz

Қазақстандықтар енді бірыңғай QR коды арқылы төлем жасай алады

Жаңа жүйеге қазірше елдің алты ірі банкі – Halyk Bank, Freedom Bank, RBK Bank, Home Credit Bank, Банк ЦентрКредит және Altyn Bank – қосылған. Жыл соңына дейін тағы үш банк жүйеге енбек.

2026 жылға қарай бірыңғай QR төлем жүйесін еліміздегі барлық банктер қолданады деп жоспарлануда. Жүйенің ресми іске қосылуы Central Asia Fintech Summit 2025 саммитінде өтті.

https://t.me/sn_kz

Астанадағы тұрғын үйлердің бірінде лифт құлап, 1 адам мерт болды

Астананың «Арыстан» тұрғын үй кешенінде лифт құлап, бір адам қаза тауып, екі жұмысшы жарақат алды.

Оқиға кезінде лифт ішінде қызмет көрсетуші ұйымның жөндеу жұмыстарын жүргізіп жатқан қызметкерлері болған.

Қалалық полиция оқиғаны тексеріп, еңбекті қорғау қағидаларын бұзу және абайсызда адам өліміне әкеп соқтыру бабы бойынша қылмыстық іс қозғады.

https://t.me/sn_kz

Астанада және 15 облыста дабылды ескерту жарияланды

Алдағы тәуліктерде еліміздің әр өңірінде тұман, боран, көктайғақ және екпінді жел күтіледі.

Ең күрделі жағдай солтүстік пен шығыста болжанып отыр — Шығыс Қазақстан, Абай және Ақмола облыстарында қар жауып, боран соғуы және жолдардың көктайғақ болуы мүмкін. Жетісу мен Жамбыл облыстарында желдің жылдамдығы секундына 28 метрге дейін күшеюі ықтимал. Ал Маңғыстау, Атырау, Қостанай және Павлодар өңірлерінде қалың тұман күтіледі.

Елордада синоптиктер жолдарда көктайғақ болатынын ескертеді.

https://t.me/sn_kz

“Қазақ Аруы–2025” байқауының жеңімпазы анықталды

Алматыдағы Республика сарайында өткен ақтық кезеңге еліміздің түкпір-түкпірінен келген 20 қыз қатысып, өз бақтарын сынады.

Финалдағы дауыс беру қорытындысына сәйкес, дизайнер Дария Қуатжан бас жүлдені жеңіп алып, “Қазақ Аруы–2025” тәжінің иегері атанды.

Ол жалпы 22 771 дауыс жинап, үздік нәтиже көрсетті.

https://t.me/sn_kz

2026 жылдан бастап зейнетақы жарналарын төлемегендердің шоттары бұғатталуы мүмкін

Үкімет міндетті және кәсіби зейнетақы жарналарын есептеу ережелерін жаңартты. Жаңа талаптар жұмыс берушілерге, өзін-өзі жұмыспен қамтығандарға, жеке кәсіпкерлерге және жеке практикамен айналысатын тұлғаларға қатысты болады.

Негізгі өзгерістер:
• Міндетті кәсіби зейнетақы жарналары барлық айлық табыстан есептеледі.
• Өзін-өзі жұмыспен қамтығандар БЖЗҚ-ға жарналарды өздері есептеп, ай сайын 25-іне дейін төлейді.
• Қарыз көлемі 6 АЕК-тен (2026 жылы – 25 950 тг) асса, мемлекеттік кірістер органы хабарлама жібереді. 10 жұмыс күні ішінде қарыз өтелмесе, банк шоттары бойынша шығыс операциялары тоқтатылады.
• Зиянды еңбек жағдайында жұмыс істейтіндерге жұмыс беруші кәсіби жарнаны өз есебінен ай сайын төлейді.
• Интернет арқылы қызмет көрсететіндер мен платформалық жұмыспен қамтылғандарға да талаптар қолданылады. Платформа операторлары жарна төлеу агенті болады.

Қаулы 2026 жылдың 1 қаңтарынан бастап күшіне енеді.

https://t.me/sn_kz

⚡️Президент: «Жайылымдық жерлер ауыл тұрғындарына және нақты жоспары бар инвесторларға берілуге тиіс»

Президент ауыл шаруашылығы жерлерін тиімді пайдалану мәселесін сынға алып, жерді жұмыс істей алатын азаматтарға ғана беру керектігін айтты. Соңғы екі жылда қайтарылған 14 млн гектар жердің әлі күнге дейін толық айналымға енгізілмегені сыналды. Жайылымдар ауыл тұрғындары мен нақты бизнес-жоспары бар инвесторларға берілуі тиіс.

Сондай-ақ Президент:
• жердің кадастрлық құны нарыққа сай емес екенін,
• жердің электронды конкурс арқылы ашық бөлінуі қажет екенін,
• бос жатқан жерлерді бақылау жүйесін түбегейлі жаңарту қажеттігін атап өтті.

Үкіметке келесі жылдың ортасына дейін мал шаруашылығын қолдау жоспары мен Жер ресурстарының бірыңғай цифрлық картасын әзірлеу тапсырылды.

https://t.me/sn_kz

Тоқаев ауыл шаруашылығы өнімдерін экспорттауда әуе тасымалдарын белсендірек қолдануды тапсырды

Президенттің айтуынша, Қазақстан Азия елдеріне ет өнімдерінің ірі жеткізушісіне айнала алады, бірақ әзірге қой еті экспорты бойынша басқа мемлекеттерден қалып отыр.

Ол қой шаруашылығының әлеуетін ашуға жағдай жасап, логистика, стандарттар және маркетингті ескере отырып, аграрлық экспорттың нақты жоспарын әзірлеу қажеттігін атап өтті.

https://t.me/sn_kz

Банктегі тіл дауы: қызметкердің жауабы халықтың ашуын туғызды

Home Credit Bank бөлімшесінде түсірілген видео қоғамда резонанс тудырды. Онда банк қызметкерінің «қазақшасы керек емес» деген сөзі халық тарапынан мемлекеттік тілдің мәртебесін жоққа шығаратын өрескел әрекет ретінде бағаланды.

Сарапшылар мұндай қарым-қатынастың қаржы ұйымы үшін имидждік соққы екенін, ал клиентке құрметтің мүлде сақталмағанын атап өтуде. Банк филиалында мемлекеттік тілдегі ақпараттың болмауы – тек талапқа ғана емес, қазіргі қоғамның сұранысына да қайшы. Үкімет мемлекеттік тілді қолдау туралы шешімдер қабылдап жатқанда, ірі қаржы ұйымының мұндай әрекеті ашық немқұрайдылықты көрсетеді дейді мамандар.

Бұл оқиға банктердің қызмет көрсету мәдениетін қайта қарау қажеттігін айқын көрсетті.

https://t.me/sn_kz