راح أصبُر بدونك وَ أرهم بليّاك
وَ أذبح رمَش عِيني الچان يبچيلك .!

الهَوى هَذه اليمُرني أتخيلك بي .!

لا تچين
ابقي يـم اهلچ عزيزه
وانة يـم اهلي حَـزين
محد مـن اهلـي يهتم من اضوچ
اهلـي عَالون راهمين
انتو فيروز واغـاني بگـل صباح
واحنه يـاس وچگاير شابعين
لا تچين !.

ارد اجيك
ابقى يم اهلي شسوي
واني كاتلني الحنين
ارد اجيك
كلشي مو يمك يضيع
واني ضايع وارد اجيك
وامسح احزانك بيديه
ونسمع لفيروز كل صبح ومسيه !.

ما أجيك
أخاف گلبك مَيعرف گلبي الحَنين
وخوفك وحُبك مو نفسه القَديم
عَيونك واشتَياقك اسمَع بي ونين
بَعد ذاك كلامك هَسه تگول لا تجين !.

‏مَا أجيك ولا تِجيني
بعَد ماخلص حَنيني
بعَد ما عُبرت سِنيني
بعَد ماطاحت عُيون مِن السَهر
گَلبي أسود صار بَس مِن القَهر
هسه جاي تريدنّي ارجع
مَا أجيك ولا تِجيني !.

-

شكُلچ يا بعَد عَيني
وأنتِ أقربليَ
مِن رِمشي حَتى مِن أنعَزل
عَن النّاس
بَوگت بي گارة الدُنيا
چنت وياچ أحِب گُلشي .

أجِي عَايف الدِنيا مَن الألِف لليَاء
‏وأتبَدة علىٰ عِتبة حضنَك بهمّي .

أول مرة احس روحي مو صياد
شفت عيونك وسلاحي تيهته .

وأنا حينما أوَد أن أنفَرد بنفسي اذهبُ إليك .

راح أصبُر بدونك وَ أرهم بليّاك
وَ أذبح رمَش عِيني الچان يبچيلك .

خَسران صِحتي بَس گلت لا أخسرَك
مو مُهم عِمري الله يطول عُمرك .

يهَل بغَداد مَحد عِنده حِنيه
يَجيب أخَبار عَن ولفَي الگطَع بيَه .

وَ اسَويلك وَطن مَن ديره ضلوعِي .

-

حَرت شكتب
كَلام يمثِل آحساسي
يا حُبي و حَنانِي
و شجَرة أنفاسي
يا روحِي العَزيزة
وَ الما أملها بيَوم
يا رمَز المحبة
وَ يا اعز ناسِي ..

‏لا شيءَ يُسعفني
سِوى وجودك
كخُطة مُحكمة
لإنقاذي من التهاوي ..

بعَيني
كُل الناس غُربة
وانتِ مِن ضلچ أعرفچ
ياحَبيبي كُلشي
بالدُنيا فراغ بلايه چفج ..

عِيدين عدنا بهلـ سنة
عيد الفطر وعيونچ
والعيد چان بلا طعم
صارت نكهتة باللونچ
انتِ احلىٰ من قوس القُزح
التتمنىٰ كُلها تلوحة
وانتِ احلىٰ شي صار لشخص
ما عِندة غير جروحة !.