“الله لطيفٌ بعبده إلىٰ حدِّ أنه تعالىٰ قد لا يأذَنُ بالفرج؛ حتىٰ يَصبّ عليه من جزيل الثواب وفيضِ الرضا ما تتضاءلُ أمامَه أيَّام الشِدَّة، فإذا استوفىٰ له أجر صبرِه وإلحاحِه، عافاه وجبرهُ وأعطاه مُراده، فعاد بقلبٍ رضيٍّ كأنه لم يذُق بالأمسِ مُرَّا"

إذا لم تستيقظ للفجر ، راجع حياتك وأصلحها بسرعة ، فالله لايوقظ للفجر إلا أهله وخاصته لثقلها على المنافقين
اللهم اجعلنا من أهل الفجر وخاصته 💚🌸

لو مابتصليش عشان الصلاة ما لهاش طعم... ممكن تتخيلها ماية؟
رغم إنها لا لون ولا طعم ولا رائحة إلا إنك بتشربها بحب،
أقل حاجة أن الصلاة هتطرّي ع قلبك💁‍♂️
وبعدين أنت محتاج للصلاة، مش حدوتة مزاج !
زي ما أنت بتشرب ماية عشان تعيش
اسجد واركع وصلِّ عشان تقدر تعيش دنيا في راحة وآخرة ف نعيم~

عندك فاينال ؟ البوست ده عشانك 🌸

1- حط نية صدقة بمبلغ معين ، قبل كل امتحان طلع جزء من المبلغ وبعد ما تخرج من الامتحان طلع بقية المبلغ.

2- حافظ علي الأدعية دي طول الفترة

المقبلة "اللهم اكفينهم بما شئت وكيف شئت إنك على ما تشاء قدير"

"ربي اشرح لي صدري ويسر لي أمري واحلل عقدة من لساني يفقهوا قولي"

"اللهم لا سهل إلا ما جعلته سهلًا
وأنت تجعل الحزن إذا شئت سهلًا"
"اللهم لا تصعب عليّ أمرًا"

"اللهم أجزني عن الإحسان إحسانًا وعن التقصير عفوًا وكرمًا وتقديرًا ونجاحًا"

لو خرجت من امتحان وحاسس إنه مش ولابد وحلك مش قد كده ادعي "اللهم أجرني في مصيبتي وأخلف لي خيرًا منها"

3- تفائل ومع كل معلومة تفهمها حتى لو بنسبة بسيطة قول "الحمدلله كما ينبغي لجلال وجهك وعظيم سلطانك"

4- الامتحانات فترة هم وضيق ، متشتكيش لحد وخلي ليك حال كده مع ربنا .. لا تحزن إن الله معنا :')

5- متخليش الشيطان يدخلك من باب انت يا واد مقصر ، ليك عين تطلب من ربنا؟

افتكر إن سيدنا النبي نصحنا لما ندعي بالجنة ندعي بالفردوس وهي أعلى منزلة رغم إن أعمالنا أصلًا لا تليق بالفردوس ولا حاجة 💜

فتحت لقيتها ف وشي 🤍🤍

سبحان الله .. من أعظم نعم ربنا علينا وعطاياه لينا وجود القرآن ، الكلمات اللي بتطبطب على قلوبنا في وقت الحزن وحتى وقت الفرح ، القرآن بيداوي جروحنا ، مجرد الإنصات والتلذذ في كلمات القرآن بيجعل جوانا راحة وإطمئنان وسكينة غير طبيعية مختلفة تماما عن الأغاني والأناشيد ..فالحمدلله إن ربنا هو ربنا والحمدلله على وجود القرآن في حياتنا💚

فجرًا ..

اللهُم إجعلنا مِن الذين نالوا ما تمنّوا.♥️

حاجات اتعلمتها الفترات فاتت دي

١- متتعشمش في حد واتعشم في الله بس
٢- ركز عاللي انت عايزه ومتلتفتش لمعارك جانبية
٣- خلي كرامتك فوق والدنيا تحت رجليك
٤- الرزق بايد الله عز وجل مش في ايد اي شخص
٥- اسعى والنتايج بتاعت ربنا
٦- متحاسبش حد على حاجة ملوش ذنب فيها او تاخده بذنب حد
٧- صلي عالنبي كتير اوي
٨- طلّع صدقة
٩- ظبط نيتك كل شوية لانها ممكن تتوه في وسط مشاغل الدنيا
١٠- حافظ على القرآن واقرأ وردك متفوتهوش مهما كان في ايه
١١- صلي عالنبي كتير اوي
١٢- قلل توقعات او الغيها عشان متتصدمش كتير
١٣- الدنيا صعبة والسهل مزيّف
١٤- متبخلش بمعلومة على حد باذن الله هترجعلك اضعاف
١٥- متتدخلش في حياة حد هو مطلبش منك ولو طلب وانت مش متخصص متفتيش ومتخشش
١٦- متحكمش عالناس من بره
١٧- صلي عالنبي كتير

‏"الليالي الصعبة وقود لأيام سعيدة في الطّريق ، لا تنقض أثقال الصبر ، ولا يخبُ في قلبك طرق الباب لفتح الأسباب ، واعتنق اليقين بأن الخير مهما كان شاقًا ، فإنّ عاقبته لن تكون شيئًا معتادًا ، وستذهلك هيبة ألطاف ربك لا محال"
قيام الليل 💛
ㅤ

البناءُ المنهجيّ، وما أدراكُم ما البناءُ المنهجيُّ!

أربعة أعوام من البناء، فلا تَقُل قد ذهبت أربابه؛ كُل من سار على الدّرب وصل.

أربعة أعوام لتجاوز الشتات المِعرفي المُنتشر ، خطوة مُهمّة للتدرُّج في الطلب وإحكام البناء وأحكام الشرع ، يُرتب ذهنكَ ويجعله مدركًا لكُل صغيرة وكبيرة في دينه ، يسد الفجوات المعرفية .. مزيج بين الشَرع والفِكر والمَعرفة ، على مقاس عقلك تمامًا.

البناء المنهجي مدينة لا مرئية، لا تستطيع رؤيتها أو لمح معالمها وتضاريسها إلّا أنك ستشعر بها فور أن تخُطّ بيمناك قناة الدورة. وتصبح منضمًا لذلك العالم وأحد سكان تلك المدينة. وهنا، ستتمنى لو كان الواقع هو كلّ تلك المدينة.

_إسراء عاطف

لا تقلق ولا تحزن فقلبِك بين يديّ كريم رؤوف رحيم، الله سبحانه لن ينسى نصيبك من الفرح، لكن اصبر قليلاً فلك مُفاجأه يُخبأها وفرح يفاجئك فيها قريب، وتذكر في لحظة وحدة تنقلب الأمور طالما واثق من ربك مش هيردك ابداً.💙
قيام الليل

ما أحدثَ الله لك أمرًا إلا كان خيرًا لك وما أشقاك إلا ليُرضيك وما أبكاك إلا لتتلذّذ بطعم الفرح وما حرمك إلا ليُعوّضك وما أخذ منك إلا ليُعطيك وما ابتلاك إلا لأنه يُحبك ولن يجعلك تقطع طريقًا طويلاً مُظلمًا ومُتعبًا لوحدك هو معك هو نُورك💚️.

يا واسع ، يا وليّ ، يا صمّد ، يا منان !!

‏﷽
‏ ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ
‏يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾
‏-اللَّهُم صلِّ وسلم وبارك على نبينا ‏مُحمد ﷺ ♥️
#اكسبلورر #اكسبلور #صلوا_على_رسول_الله #يوم_الجمعه #الجمعة_صلو_على_نبينا_محمد #الاقصى #فلسطين

ممكن تكون تبت من ذنب معين مرات كتير
وكل مرة بعد ما بتوب بترجع تاني
فالشعور بالفشل والإحباط ممكن يتسرب للقلب
ويقنعك إنك عمرك ما هتعرف تتوب من الذنب ده
وأنا بقى جاي أفكرك إنك فعلا تقدر والله رغم المحاولات الكتير
وافكرك إنك مش محتاج أكتر من محاولة واحدة ناجحة
فلو لسه ما حققتهاش خليك على الطريق بجدية وأكيد هتوصل
وماتخليش الشيطان يخسرك جهد المحاولات اللي فاتت
ودايما افتكر إنك مش محتاج غير محاولة ناجحة واحدة بس
وهتوصل بإذن الله

الليلة مُختلِفة

كُل عملٍ كنتَ تعملهُ قبل هذه الليلة أصبح بدخُول رجب أثقَل في مِيزانكَ

ذِكرك للّٰه، بِرَّك لوالديكَ، سجداتكَ، نوافِلك صَّار قدرهَا أعظَّم عِندَ اللّٰه فَـ اجتَهِد واحسِن واستكثِر من فعل الطَّاعات.

اللَّهُمَّ بلِّغنا رمضان.

بسم اللّٰه؛ ان شاء الله هيبدأ شهر رجب غدا ،
فـ عايز أنبه علىٰ ٣ حاجات مهمة في عُجالة.

الأولى؛ شهر رجب من الأشهر الحُرم = يعنى عقوبة الذنب تضاعف و أجر العمل الصالح يُضاعف فاسألوا الله الفتح فى الطاعات وأن يجنبكم المعاصي.

الثانية؛ السلف كانوا بيستعدوا لـ رمضان قبلها بـ ٦ شهور ولكن آكد الاستعداد من شهر رجب قالوا عنه شهر البذر وشهر شعبان شهر السُقيا و شهر رمضان شهر الحصاد.

الثالثة؛ نستعد لـ رمضان ليه !؟
أسباب كتير جداً لكن نختصرها في إن رمضان فيه فرص كتير جدًا للعتق من النيران وده غايتنا من اختبار الدنيا،

أجر الأعمال يُضاعف لأضعاف كثيرة، يكفي أن فيه ليلة العبادة فيها خيرٌ من ألف شهر،
ونحن أعمارنا قصيرة وذنوبنا كثيرة و زادنا قليل محتاجين أى فرصة، والاستعداد مهم جدًا لأن مفيش حد هينطلق في العبادة مرة واحدة لازم تدريج، وكمان قد لا ندرك رمضان فلعل الله يأجرنا علىٰ النية.

اللهم بلغنا رمضان ونحن في عفوٍ وعافية وهب لنا فيه حالًا يُرضيك عنَّا.♥️

السلام عليكم ورحمة اللّٰه وبركاته.

الليلة هذه أول ليلة من ليالِ شهر رجب، وهي ليلة كأي ليلة لا يُختص لها أي شيء، وأول يوم لا يُختص له أي فضل في الصيام.

شهر رجب هو من الأشهر الحُرم،
(إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ۚ ذَٰلِكَ الدِّينُ الْقَيِّمُ ۚ فَلَا تَظْلِمُوا فِيهِنَّ أَنفُسَكُمْ ۚ وَقَاتِلُوا الْمُشْرِكِينَ كَافَّةً كَمَا يُقَاتِلُون

الواحد بدأ يملّ من كون اننا كعرب حدودنا مستباحة ، دمنا رخيص ، حياتنا بلا قيمة ، و العشرة مننا بشلن ، الواحد مبقاش عارف يدعي لمين ولا مين ، يارب الواحد تعب من الخذلان و تعب اكتر من الخيانة ، يارب هوّن على اخواننا في كل مكان و كن لهم ولا تكن عليهم يارب ..