مـا حشمــت وداي لا فـــزعـت جار
وبذراعي مو بذراع غيري آخذ الثار

‏حملي آنه وانهض بي ووحدي انه بيها
وروحي التنخي الناس من تف عليها
‎

:ماوچد الطاكوك كتر الوجعني .
ابن امي دله وصاح وجعاته ذني 💔


ابن امي لاخر يوم شح بعطيته
مايرضة للتابوت يرهن هويته 😥

حطّوا برجلي صواب رادوني اعاني
وبس اوگع يطيحون ساندهم اني!

چف آعضب ولاويت وكتي آولويته
واليحب والكراه بالعز جزيته

ليش النكبرة اهواي ونحطه جدام
يحرن سوايت ذاك بلشارع العام

لا نومي مثل الناس لا زادي طيب
وتگلي شو كبران حگي امن شيب

الوكت جار وياي حيل وعصرني
حطني بحلك عصفور وانه شكبرني
#اللواء
ناظم الجاسمي

راح اسئل الدفان عن هالقضيه
لمن دفنت اهواي ماوصه بيه؟

حبني واخذ شتريد كص واطبخ جلاي
وشتم هلي العدلين واعبر لموتاي

رد خل اشوفك جاي صابحني مصباح
وكسر خشم من كال ها عافك وراح

معلعل وماگوم...... وگعود اصلي
وتسابگ وي الريح لو مرني خلي

كون الحبيب يصير شيخ العشيره
وكل ساعه ادگ الباب عود استشيره .

جيرانه سيد يونس ( أبو سعد ) الله يرحمه چان عنده صاحب أسمر إسمه (مخرَّب الخشاتي ) من أهل العماره چنت زغير أگعد وره السياج وهمه يگعدون بحديقة السيد أسمع سوالفهم الطيبه وضحكهم ومتونس من يمي بسوالفهم مرت الأيام وسيد يونس مات گام يجي (مخَرَّب) كل فترة يوگف بالحديقة وصوته ينسمع بالگلب والعيون ويحط إيد على صفحته وإيد على إذنه ويون ونين الهور :

امر بالدار وانشد وين اهلهه
دمعتي حرت بيهه وين اهلهه
تراباتج يروحي وين اهلهه
ادفننچ بدار العز عليه

علَمني بوكتها شنهو الصحبه وشلون لازم نوافيها. منقول

فرغصت روحي وجيت كالوا صحتني
وتابوت ابوي الجان بيها اعلى متني

كـــون اليگلي اشبيك يفرش شليله
مو بس نشد ويـــريد مني اشتكيله

موش أبغظ وياك نحــجي بضماير
وما نطلع المدفـون ونحل صــراير

حسين حليحل

ياربي عبدك واج ماتلتف ليه
ساعه وحركت الحوش والوادم البيه

ذي قار ودعت احد رجالاتها سيد شهيد الجابري
حظور مهيب وكبير

فاتحة المرحوم القائد سيد شهيد

يل عوديت الروح...... بلشده تلگاك
طاحت ابشده اليوم...والشده فرگلك