ساگيله عشر الواح ومعطشه لوحي!!
واني العجوزي وماي مامنطي روحي

لصدر المضيف انگاد مو للحِواشي
ما لابس اني اعگال بس رايي ماشي

عوف الحقد ياصاح خل شوفك بعيد
حته. الغلط .وياك. هم. زوره .بالعيد

الملح داير حول مالاح الجدور
حتى اليخون الزاد من ربعي معذور

انت ستكان الجاي يمك ذبيحه
وخل يهجع الكصاب رد لاتصيحه

منا لحد الموت ماكلك اطني
وبالجنه ماداعيك بس جاره حطني

موقف بهذا العيد غصصني بالماي
ناسي امي ميته وثوب جبتلها وياي

ايامكم سعيده وكل عام وانتم بالف خير

خدرته. چاي .العيد.. وكليجه ..سويت
واجف اباب الحوش شو لسا ما جيت

مو شيله جن دكتور عند امي بل بيت
تشفا وتطيب بساع لو بيها شميت

لهسه صواب زعلك حار بينه
وطبيب الطيب السل حار بينه
عفتنه واحنه لاجلك حاربينه
اهلنه ولاكلت فشله وخطية

موسم حصاد وفات المن بعد جاي
بثنين اديه اطباگ. غمك لهل راي

وينه.. اليصل .لحسين ويگله. مولاي
انگلبت الكوفه اعليك المن بعد جاي

إبكثر ماطعنات بيَّ من الأعزاز
صاير شبچ مگفاي من راسي للچاز

ماهمه سهم العين راعي الثجيله
سهم الوگع .بالجود. هداله .حيله

ياصبح باچر كون علّك ولاجيت

احنا اهل بيت الله/ونصبح بلا بيت

عظم الله لكم الاجر

رك خنجرك مرخوص لانـز ولاصيح

وهــواي ألك عيـلات حـدر الـعبي أطيح

حطني عله سجت ريل ونعل چديدي
اهون ولا فد يوم تنمدلك ايدي

گاضيها خبزه وماي ومستر الحال
اهون ولاطخ راس گدام الانذال

ماطلني دوم العوز بس هو حگه
لازمني لزمة خوف بس يرخه اطگه
سليم الجبوري

روح انشد الخياط تلكه الخبر طاش
سري انه بكرة خيط كل متره بقماش
عباس كريم

لو متت يبن الناس عن موتي مسؤول
متولعه بيك الروح بس تستحي تگول

الراحل رحيم المالكي