وتگلّي جرحك نام. فِل عنّه. الخيوط
حَدّ امس شفت اگبور فز چنه زعطوط

معلعل وماگوم...... وگعود اصلي
وتسابگ وي الريح لو مرني خلي

عِصرتني لف دنياي. مولف. شوَصفه
عَصرَة ال بَسّ (اثويب)عدها وتنَشفه

مرت وشال الريح طرف العبايه

بيّن الساگ تگول ملمس حيايه

الماله ناس تدير ماي اعل گبره
هم الله يهدي الغيم وترشّه مطره

كل البچه اعلى هواه واسيته ببچاي

بس من بچيت اعليك محد بچه وياي.

لو لاگــي بيــك الــواث ملزم مــحنه
چا گضه بشربت چاي وانفض زعلنه

تشتم اباب الحوش روحي وتحاچيه
بلچن .يوصل.. أعتاب. للتعتب. عليه

كاتِل وحارگ بيت يّم ديرة هِواي ؟!
وبّس گِلي الگ مشتّاك گِتله الفچِر جاي.

اياد عبدالله الاسدي،

مانتعب اعل النوگ وانگصّ اثرها
درنه الظهر لضعون دارت ظهرها

تعتقد هيچ انسان يرهمني طبعه
يطعنهم من اتگول خوش اعل ربعه

يَبني الصديج الزين موش ابّريجه
هيبة الدله تزيد كلما عتيجه

المو گدها شموازيه يشلبه ليفوگ
يوگع ونكته ايصيرصدگني بالسوگ

هم گلنه بالعربان بس لابالتراب
غم رفجته المابيه مالات الاغراب

من الزعل بسك عاد واطلب يصل ليك
(وخر امي) والباقين ما عـزهم اعليك

اتمنه... عام... الجاي ..اتلاگه ..وياه
وحچيله ربع الصأر بيه اعله فرگاه

الگضاها مسح اچتاف وموطي گدره
ينكتب حض مابي. كون.اعله.. گبره

حبني واخذ شتريد كص واطبخ جلاي
وشتم هلي العدلين واعبر لموتاي

غشمه اعله مد يمناي جزعت بديها
مادرو بـــس اهــواي يــگــدر عليها

الشيبن يعقوب؛؛ والهدن اصبااه
كدهن سبع مرات متحمل احااه