بدوي وصفن باليل وتذكر اصباه
جر حسره حتى النوگ بچاهن اوياه

اركض ركض للطيب وسبكهن الخيل
وعلماتشيل الراس مابيه كل حيل

‏خلينه لو بالطيف نكعد سويه
كض ردني واني ارتاح موش اله اديه

‎

مااجه. اعله. بالي بيوم. لافكرة بي
الضيعة عمري عليه يم شامت الگي

حدنه ويه المعزيين ما نبعد اوياك
لساا بعدنه انلوج من ســم حياياك

شلته علة ظهري سنين حد ما غدة هلال
من طحت كال انخاك دورلي حمّال

بالدنية شفت اشكال ضيم علة ضيجة
بس ما شفت بذات يطي برفيجة

كالولي يطعن بيك ..متعجبة هالناس!!
الشجرة شافت ضيم من يدة الفاس

كالولي يحجي عليك كلت انة خلة
متكتر وربيت بصفاحة علة

ينعد مره وبالبيت يصبح مچانه

الزلمة من ايصير شوفه من اذانه

اني اقره المغمضات وشبيها البطون

من توهه عود الناس تتهجه العيون

اليخص والمخصوص والكش يخص كلهم برمش العين بس انت بالنص

تتمنه روحك كون ما تستحي امرار

وتسولف المدفون وشعندك اسرار

بلنعـــش ولهه صياح روحـــي العنيده

حـــــد الثــلث نكلات وتـــصيح اريده

مضيع العرف يفلان گال انت وياي ؟

لا والله گتله وجوه شو عندك هواي

لا تمدح المابي خير والكله لوله
الكحل مثل الطين للعينه حوله

أذنب وَحلف اعليك وثبت براتك

ودخل شريچ اوياك بمكسراتك

فص عيني طاح وياك من طحت منها

تبزها وترف عليك اخ شمحنها

من شافة كلبي اندار عني وتغشه
رد ردة التابوت مجفي اعله وشه

وين ابني اريد انخاك تبسطلي ابن هاي
بلكت تجي امه تريد تتعاتب وياي

ابو احمد سعد الجنابي

عن لسانها
ما اريدة خله يضيع من ابني حكة
من كونك ابن هواي كل ساعة طكة

احمد مهلي

وسم المن تنبحين يجلابي نامي
جي حسبت خطار حت الحرامي

يم غيري اذا يطيك من تمره سله
جاورني وانه اطيك بستاني كله

گرب علينا العيد هم الك جيه
لسا الك تذكار بچفوف اديه