عدنا موضوعين مهمات اليوم نسولف بيهم خليكم موجودين

شنو هو الـ OpenSSL 🛠

هو مكتبة برمجية مفتوحة المصدر ومثل ما نعرف كلمة مفتوحة المصدر يعني ( Open Source ) 🔓 شرحنا سابقاً شنو يعني هالمصطلح.

عموماً نستخدم الـ OpenSSL بتأمين الاتصالات عبر الشبكات 🌐 باستخدام بروتكولات تشفير واللي هي مثل مانعرفها:

🔒 SSL ( Secure Sockets Layer )
🔐 TLS ( Transport Layer Security )

بشنو نستخدم هاي البروتكولات بداخل الـ OpenSSL؟ مثل عدنا أنو نشفر البيانات 🔏، ننشئ شهادات والتحقق من صحة الشهادات 📝 وهنا نقصد بالشهادات الي هي ( Digital Signature ) ✍️ وهواي عمليات أخرى متعلقة.

من خلال تشفير البيانات عن طريق الـ OpenSSL راح تدعم مجموعة واسعة من خوارزميات التشفير واللي هي:

🔷 AES
🔷 DES
🔷 RSA
🔷 DSA

تخلينا نفك التشفير ونشفر بشكل آمن 🔓🔐.

عندك إدارة المفاتيح ونقصد بي بالإنكليزي ( Key Management ) 🗝 مثل إدارة البرايفت كي والببلك كي مثل ما شرحناه، هذا الموضوع يتعلق بالتشفير 🔑.

وبنفس الوقت نكدر نتحكم بالـ OpenSSL عن طريق الكومند لاين ( CMD ) 🖥 بيها انترفيس خاصة بيها نتحكم من خلالها. أما بالنسبة للتكامل والتوافقية مع التطبيقات ف من الممكن نكدر نستعمل الـ Apache 🕸, Nginx 🌐.
هاي كلها وظيفتها هي حجز وتأمين الاتصالات بين الموقع أو التطبيق أو أي شيء أونلاين كان عند التنقل بين الصفحات حتى نمنع المهاجمين من الوصول إلى هاي البيانات باستخدام الـ OpenSSL 🚫🔍.


CH : @SparkSecurity

شلون يتم اختراق الـ OpenSSL وليش يخترقونه أساساً؟ 🧐

مثل ما كلنا أنو من خلال الـ OpenSSL والاتصالات هاي ممكن يوصل للبيانات ويدخل بشكل أعمق، فإحنا وظيفتنا نحميها بقدر الإمكان 🛡.

خلينا نتعرف على الطرق الشائعة لاختراق الـ OpenSSL

استغلال الثغرات | Exploiting Vulnerabilities 🕵️‍♂️

غالباً المهاجمين يستهدفون الثغرات المحددة داخل المكتبة، مثلاً بفترة من الفترات ظهرت ثغرة Heartbleed (CVE-2014-0160) 💔. من خلال هاي الثغرة سمحت للمهاجمين أنهم يكدرون يقرون الذاكرة من السيرفرات المُصابة، مما يؤدي كل هذا إلى عملية تسريب للبيانات 📂.

هجمات الرجل في المنتصف | Man-in-the-Middle Attacks (MitM) 🎭

من خلال هيج نوع من الهجمات، المهاجمين يعترضون الاتصالات بين الطرفين، مثلاً بين الكلاينت والسيرفر، وممكن يحاولون يعدلون عليها إذا كان الـ OpenSSL ما مهيأ بشكل صحيح أو استخدموا إصدارات قديمة 🕸. بهاي الحالة الاتصالات راح تكون معرضة للاختراق بشكل أكبر 📡.

تزوير الشهادات وانتحال الهوية | Certificate Forgery and Spoofing 📝

هاي سامعين بيها هواي، وهسه راح أقرب الكم المثال أكثر. مثلاً بتطبيقات الآيفون، أكو بعض التطبيقات ما تقدر تكررها مرتين أو تفتح المحظور بيها. أكو شي اسمه الشهادات 📜، فمن خلالها يجددون مدة الشهادة حتى يكدرون يستخدمون التطبيق لأطول فترة ممكنة ⏳.

هسه نحجيها من المفهوم مالتنا، بشكل أوضح، ممكن هاي المهاجمين أنهم ينشئون شهادات مزورة لانتحال الهوية أو المواقع أو خدمات هي شرعية أساساً يحولوها للعكس 🎭. بحيث الـ OpenSSL ما يتحقق من الشهادات بشكل صحيح ومن الممكن راح يقبل هاي الشهادات المزورة، مما يؤدي كل هذا إلى اختراقات أمنية محتملة 🚨.

ممارسات التشفير الضعيفة | Weak Cryptographic Practices 🔓

استخدام خوارزميات قديمة أو ضعيفة يسهل على المهاجمين كسر التشفير والوصول إلى البيانات 📉.

عيوب إدارة المفاتيح | Key Management Flaws 🔑

إدارة المفاتيح بشكل سيء، مثل تخزين المفاتيح الخاصة في أماكن غير آمنة، ممكن يخلي المهاجمين يحصلون على هاي المفاتيح ويستغلونها 📁.

أخطاء التنفيذ | Implementation Errors ⚙️

أخطاء في تنفيذ البروتوكولات التشفيرية داخل التطبيقات يمكن أن تؤدي إلى ثغرات أمنية يمكن استغلالها بسهولة 🐛.

أخطاء التكوين | Configuration Mistakes 🔧

تكوين غير صحيح لـ OpenSSL أو الخوادم يمكن أن يترك الأبواب مفتوحة للمهاجمين 🚪.

هجمات القناة الجانبية | Side-Channel Attacks 🎯

مهاجمين ممكن يستغلون المعلومات الجانبية، مثل توقيت العمليات أو استهلاك الطاقة، لاختراق النظام 🌐.

استغلال الميزات المتقادمة | Exploiting Deprecated Features ⏳

استخدام ميزات أو بروتوكولات قديمة وغير مدعومة يمكن أن يكون مدخلًا سهلاً للمهاجمين 🚪.

بهذه الطرق المهاجمين يحاولون يلاقون أي ثغرة ممكنة لاختراق النظام والحصول على البيانات الحساسة 💻.


CH : @SparkSecurity

السلام عليكم جميع منشورات قناة سبارك سكيورتي هي منشورات محمية وصاحب القناة لم يعط الأذن لأي شخص بأستخدام المنشورات ونشرها بقنوات اخرى بدون حقوق

شارك المعلومة نعم ، مع الحقوق

CH : @SparkSecurity

4,500 ❤️

❇️ مرحبًا بكم جميعًا في قناة سبارك سكيورتي! ❇️

نود أن نشكر كل الطلاب الأعزاء والأساتذة والدكاترة الذين يتابعوننا، ونود أن نعبر عن امتناننا العميق لدعمكم المستمر.

نحن نفهم تمامًا رغبتكم في الحصول على محتوى يساعدكم في تعلم أمور الأمن السيبراني والتقنية والنصائح العامة. لذا، نحن هنا لتقديم التوجيه المناسب لكم ولأصدقائكم.
الدورات التعليمية التي تقدمها قناتنا لا تقتصر فقط على المعرفة النظرية، بل توفر لكم فرصة كسب الأموال واكتساب الخبرة العملية التي تؤهلكم للعمل في أقوى الشركات في المستقبل. بالإضافة إلى ذلك، نقدم نصائح قيمة في مجال الأمن السيبراني والتقنية في قناتنا.

فلنعمل جميعًا لتحقيق النجاح والتطور المستمر.

ندعوكم لنشر هذه المعلومات والتوجيه لأصدقائكم والأشخاص الذين ترون أنهم يستحقون أن يكونوا في مكان مرموق ❤️.

سوف نبقى ملتزمين بتقديم أفضل المحتويات والموارد لكم، لذا تابعونا لتحصلوا على المزيد من التعليمات والنصائح القيمة ⚠️ .

" شرارة نحـو المستقبل 🔥🤩! "

مع خالص التحية والتقدير،

إدارة قناة سبارك سكيورتي

CH : @SparkSecurity

يالله اليوم اكو مواضيع دسمة وراح نحجي بيها على اللينكس جاهزين؟


" شاركونا بالتعليقات بكتابة هاشتاكات مثل

#برمجة #شبكات #الامن_السيبراني_العراقي

للوصول الى عدد اكبر من الناس

واكيد الرياكشنات بكل منشور لاتنسوها هاي كلها عوامل حتى تصعد من القناة 🔥😍."

شلون نختار النظام التشغيل الأنسب إلنا؟ 💻

راح نقارن بين الـ Windows 🆚 Linux وننطي مميزاتهم اثنينهم.

مبدئياً:

إذا تريد نظام مرن وآمن ومناسب للتطوير والبرمجة والأمان، فأكيد الخيار المناسب هو لينكس 🐧. أما إذا أنت تعتمد على برامج محددة ومعينة وتحتاج هاي البرامج تتوافق ويا العديد من الأجهزة والتطبيقات، فأكيد راح نختار الـ Windows 🪟.

هسه نجي للمقارنات :

بوجهة نظري، لينكس هو اللي يفوز، ولكن خلي نقارن. 🏆

أسباب اختيار اللينكس:

1. النظام مجاني💰:
أغلب توزيعات لينكس مجانية، مما يخليها خيار جيد من ناحية التكلفة.

2. النظام مفتوح المصدر 🔓:
المستخدمين يكدرون يعدلون على النظام ويخصصونه حسب احتياجاتهم، وهذا مفيد للمطورين والشركات اللي تريد تخصص النظام حسب الحاجة.

3. الأمان 🔐:
يعتبر أكثر أمان وثغرات أقل مع العلم أنه أوپن سورس. النظام يعطي صلاحيات بشكل مفصل وقوي، والمجتمع يستجيب بسرعة لأي ثغرات ويصلحها بسرعة.

4. الأداء 🚀:
حتى لو تجيب بلي ستيشن 2 وتشغل عليه لينكس، راح يشتغل 😂. النظام ما يحتاج مواصفات عالية أبداً. تقدر تستخدم لينكس كسيرفر، كنظام للاستخدام الشخصي، أو لأي شيء ببالك، وتخصصه مثل ما تريد.

أسباب اختيار الـ Windows

1. توافق البرامج 🖥:
يدعم مجموعة واسعة من البرامج الشائعة، مثل Microsoft Office، Adobe Creative Suite، وألعاب الكمبيوتر.

2. سهولة الاستخدام👨‍💻:
واجهة مستخدم سهلة وتطبيقات مدمجة تسهل إدارة النظام والملفات.

3. التحديثات التلقائية 🔄:
يوفر تحديثات تلقائية للأمان والميزات الجديدة.

4. الدعم الفني 📞:
يوفر دعم فني شامل من خلال Microsoft والمجتمع الواسع من المستخدمين.


CH : @SparkSecurity

إذا إحنا بعدنا جديدين ونريد نحول للينكس، شنو نختار؟ 🐧

راح نختار توزيعة لينكس مينت (Linux Mint) 🍃

- ليش؟

- ببساطة، لينكس مينت يتشابه وي الوندوز مما يكون الانتقالات بداخل النظام سهلة 🖥.

زين عندي بعد سؤال، أنزل النظام ثانوي لو وهمي لو أساسي على الجهاز؟ 🤔

الفرق بين النظام الثانوي والوهمي والأساسي:

1. النظام الثانوي 💠:
معناها يكون بجانب الوندوز. إذا حاسبتك تتحمل أكثر من نظام بنفس الوقت ومواصفاتها شوي عالية، فراح تكدر تستعمل هاي الخاصية.

2. النظام الوهمي 🌀:
هو عبارة عن تنزل برنامج معين يشغل الك النظام هذا، مثل برنامج VMware، VirtualBox وغيرها من البرامج.

3. النظام الأساسي 💻:
بمعنى أنو تمسح النظام الأصلي مالك، فرضاً كان النظام الأساسي وندوز، فراح تمسح الوندوز وتخلي اللينكس بمكانه. هاي الخطوة ما ننصح بيها كبداية. ننصح أنو تستخدم نظام وهمي باستخدام برامج الفيرجول مشين.

نصائح:

1. استخدام النظام الوهمي 🌀:
ننصح بالبداية أنو تستخدم نظام وهمي حتى تتعرف على اللينكس بدون مخاطرة.

2. استخدام النظام الثانوي 💠 :
إذا حاسبتك تتحمل أكثر من نظام، ممكن تجرب تنزل النظام بجانب الوندوز حتى تستفيد من الاثنين.

3. تحويل للنظام الأساسي 💻:
إذا عجبك اللينكس وخلص قررت تحول، بعدها تحول للاوبنتو (Ubuntu).

ليش اوبنتو؟ 🌍

- يعتبر سهل الاستخدام.
- عليه دعم قوي واغلب مشاكله محلولة بالمجتمع التقني الخاص بلينكس.
- تثبيت التطبيقات سهل بي.

توزيعات أخرى كخيارات ثانية:

1. ZorinOS 🌟
2. ElementaryOS 🌟

هذه التوزيعات أيضًا سهلة الاستخدام وتعتبر خيارات جيدة للانتقال إلى لينكس.

CH : @SparkSecurity

ريلز قادم بالطريق على ما اعتقد حيكون رهيب :)

اما الي مامشتركين! ف أنتضروا :)

هسه يجيكم كورس هدية

جُمعة مباركة ❤️

ف مثل ما كلت الكم باجر تنزل منشورات وباقي الايام طبيعي مثل ماتعودنا .. ولو اني مخلص منشورات لان منزل اكثر من 4000 منشور شنو تريدون اكثر ف هم ياريت لو تقترحون مواضيع عن طريق مراسلتكم للبوت

@Nationofdev_bot