AWS & React: Deploy an Auto-Scaling E-Commerce App with ELB


- احصل على شهادة مشاركة
- الشرح باللغة الانكليزية 🇺🇸
- سعر الدورة (35$)
- حالة الدورة : متوفرة
- شارك الدورة مع اصدقائك المهتمين

اضغط هنا للانظمام الى الكورس

CH : @SparkSecurity

هالكورس راح يعلمك شلون تنشر وتضبط تطبيق تجارة إلكترونية باستخدام AWS و React، بحيث يكون قادر على التوسع بشكل تلقائي ويقدر يتحمل ضغط الشغل الزايد.

راح تتعلم أمور مثل:

شلون تتعامل ويا واجهة إدارة AWS.
تأمين حسابك على AWS باستخدام المصادقة الثنائية (MFA).
إنشاء تنبيهات للفواتير حتى تراقب الصرف.
نشر وضبط خوادم EC2 على AWS.
شلون تنشئ صلاحيات (IAM roles) للخوادم.
استخدام تخزينات مختلفة مثل EBS و EFS.
تاخذ نسخ احتياطية (Snapshots) من التخزينات وتسوي صور للنظام (AMIs).
شلون تربط السيرفرات بالتخزينات الخارجية.
توزيع الشغل بطريقة ديناميكية باستخدام ميزات التوزيع (ELBs) والجماعات المتوسعة تلقائياً (ASGs).
توجيه حركة مرور الإنترنت باستخدام Route 53 و DNS.
أساسيات React وكيف تبني بيئة تطوير للتطبيقات باستخدامه.
وأخيراً، راح تطور تطبيق تجارة إلكترونية بسيط وقابل للتعديل باستخدام ReactJS.


CH : @SparkSecurity

هالكورس راح يعلمك شلون تنصب شهادة SSL مجانية باستخدام خدمة Let’s Encrypt على سيرفر Digital Ocean شهادة SSL هي اللي تضمن أمان الموقع وتخلّيه يظهر بأنه "آمن" للزوار.

راح تتعلم

التمييز بين الأنواع المختلفة لشهادات SSL.
إنشاء وضبط Droplet بسيط على Digital Ocean (سيرفر خاص بيك).
تنصيب شهادة SSL مجانية باستخدام Let’s Encrypt.
شلون تصلح تحذير "الموقع غير آمن" اللي يظهر على المواقع اللي بيها فورمات إدخال بيانات (مثل تسجيل الدخول).
تنصيب LAMP Stack (لينكس، أباتشي، ماي إس كيو إل، بي إتش بي) على Ubuntu 16.04.
ضبط الـ DNS و الـ Name Servers على Digital Ocean.
التحقق من حالة شهادة SSL.
تجديد شهادة SSL بشكل تلقائي عن طريق cron jobs اللي هي أوامر تنفذ بشكل دوري.
الكورس هذا مفيد إذا تريد تأمن موقعك وتحل مشاكل الأمان اللي ممكن تسبب تحذيرات للزوار.

CH : @SparkSecurity

هذا الكورس عبارة عن دورة عملية كاملة تشرح Git و GitHub، وراح يعلمك كل الأساسيات اللي تحتاجها حتى تدير مشاريعك البرمجية وتتحكم بالإصدارات.

راح تتعلم:

أساسيات Git: شلون تتعامل ويا Git كأداة للتحكم في نسخ المشروع.
تنصيب Git على جهازك.
التعامل مع التيرمنل أو سطر الأوامر على الويندوز.
إدارة المستودعات المحلية باستخدام Git، يعني شلون تسوي تخزين بحاسبتك للمشروع.
القيام بالكوميتات (commits) باستخدام تيرمنال Git أو برنامج فيجول ستوديو كود .
مراجعة تاريخ المشروع: تشوف كل التغييرات اللي سويتها من أول ما بديت.
استخدام GitHub كأداة للتحكم بالمصادر والنسخ الاحتياطية أونلاين.
استخدام أوامر Git: شلون تنفذ أوامر Git بشكل عملي لإدارة مشروعك.
هذا الكورس يفيدك إذا كنت تريد تفهم شلون تدير الكود البرمجي بشكل احترافي وتحفظ النسخ القديمة وتشتغل مع فريق على نفس المشروع بطريقة منظمة.

CH : @SparkSecurity

⛔️ تنبيه هام لجميع أعضاء قناة سبارك سكيورتي

نود نوضح لكم بشكل مباشر، إحنا في القناة غير مسؤولين عن أي استخدام غير صحيح أو خاطئ للأدوات أو المحتوى اللي ننشره. هدفنا الأساسي هو نشر العلم والمعرفة بمجال الأمن السيبراني وتطوير مهاراتكم لحماية أنفسكم ومؤسساتكم.

نتذكر دوما بما اوصانا الله تعالى بضرورة أن نكون سبب في الفائدة وليس الأذى.

علم الأمن السيبراني قوي، ويجب علينا استخدامه بحكمة وبنية صالحة، لنحمي الناس ونساهم بتطوير المجتمع الرقمي بدلاً من إلحاق الضرر به.

رجاءً استخدموا المعلومات اللي نقدمها هنا بعناية ومسؤولية. خلينا دوم نتعاون على الخير.

قناة سبارك سكيورتي

CH : @SparkSecurity

جُمعة مباركة

✨ نموذج المسؤولية المشتركة - Shared Responsibility Model

يمكن سمعتو عن هذا النموذج، بس شنو هو بالضبط؟ وشلون يأثر على مجال الحوسبة السحابية Cloud Computing؟ خلي نشوف شلون يتوزع بين مقدم الخدمة والمستهلك:

🌐 النموذج التقليدي: مركز البيانات - Traditional Data Center
بمراكز البيانات التقليدية Traditional Data Centers، تكون الشركة مسؤولة عن كل شي يخص المركز، مثل:

المساحة الفيزيائية - Physical Space
الأمان - Security
صيانة السيرفرات - Server Maintenance

وقسم تكنولوجيا المعلومات IT Department يكون مسؤول عن تحديث الأنظمة وصيانة كل البنية التحتية Infrastructure، وضمان تشغيلها بأحدث الإصدارات.

🚀 نموذج المسؤولية المشتركة توزيع المسؤوليات - Shared Responsibility
في Shared Responsibility Model، تنقسم المسؤوليات بين الطرفين:

مزود الخدمة - Service Provider 🛠:
مسؤول عن الأمان الفيزيائي Physical Security، الطاقة Power، التبريد Cooling، والاتصال بالشبكة Network Connectivity.

المستهلك - Consumer 🔒:

مسؤول عن البيانات Data والمعلومات المخزونة Stored Information، وأمان الوصول Access Security - يعني لازم يحدد الأشخاص اللي يسمح لهم الوصول.
📝 المسؤوليات حسب الحالة - Responsibilities by Scenario

مثلاً، لو تستخدم قاعدة بيانات SQL Database سحابية

مزود الخدمة يكون مسؤول عن صيانة Maintenance القاعدة نفسها.
أنت مسؤول عن البيانات - Data اللي تدخلها للقاعدة.
أو إذا أنشأت جهاز افتراضي Virtual Machine وفيه قاعدة بيانات SQL، راح تصير مسؤول عن التحديثات Updates وصيانة البيانات.

⚙️ الفرق بين مركز البيانات المحلي والسحابي
- Local vs. Cloud Data Centers

بمركز البيانات المحلي On-Premises Data Center، تكون أنت مسؤول عن كل شيء
أما مع الحوسبة السحابية Cloud Computing، فالمسؤوليات تتغير حسب الخدمة السحابية Cloud Service Type:

البنية التحتية كخدمة - Infrastructure as a Service (IaaS) 🛠:

أغلب المسؤوليات على المستهلك، بينما مزود الخدمة مسؤول عن الأمان الفيزيائي Physical Security والطاقة Power.

المنصة كخدمة - Platform as a Service (PaaS) 💻:

تتوزع المسؤوليات بين الطرفين بشكل متوازن.
البرمجيات كخدمة - Software as a Service (SaaS) 📲:


CH : @SparkSecurity

☁️ تعريف نماذج السحابة - Cloud Models

شنو يعني نماذج السحابة؟

نماذج السحابة تحدد نوع نشر موارد السحابة - Cloud Resources

هي عبارة عن ثلاثة أنواع رئيسية:

السحابة الخاصة Private Cloud
السحابة العامة Public Cloud
والسحابة المدمجة Hybrid Cloud

🏢 السحابة الخاصة - Private Cloud

شنو يعني؟
السحابة الخاصة تكون مخصصة فقط لجهة وحدة.

اللي يصير هو:

الشركة تتحكم بشكل كامل بالخدمات Full Control، لأنها مخصصة لها فقط.
نقطة مهمة: هذا النوع يكون تكلفته أعلى ويحتاج استثمار أكبر Higher Cost وبهذا مو كل الشركات تستفيد منه مثل السحابة العامة.

وين نكدر نسوي Hosting او وين يمكن استضافتها

داخل مركز البيانات الداخلي On-Premises Data Center.
أو بمركز بيانات خارجي External Data Center،
بس بشرط يكون مخصص لهذا الشي.


🌍 السحابة العامة - Public Cloud
شنو يعني؟
السحابة العامة هي النوع اللي أغلب الناس يتصوروه لما نحچي عن الحوسبة السحابية Cloud Computing.

اللي يصير هو:

مزود الخدمة Service Provider يكون خارجي، ويبني ويشغل السحابة، وأي شخص يكدر يشتري خدمات سحابية منها.

الفرق الرئيسي بين السحابة العامة والخاصة هو إنها مفتوحة للجميع Open to Public.

🔗 السحابة المدمجة - Hybrid Cloud

شنو يعني؟
السحابة المدمجة هي مزيج بين السحابة الخاصة والعامة ب بيئة مترابطة.

اللي يصير هو:

الشركات تستخدم موارد من السحابتي العامة والخاصة حسب الحاجة.
ميزة إضافية: توفر طبقة أمان أعلى، بحيث يكدر المستخدم يختار وين يخزن البيانات الحساسة Security Layer - يعني يحدد شنو يبقى خاص، وشنو يكون متاح للجميع.


أنواع السحابة الثلاثة توفر مرونة Flexibility حسب احتياجات كل شركة. فإنت كشركة تكدر تختار النموذج اللي يناسب وضعك وأهدافك، سواءً كان تركيزك على الأمان، أو الوصول السريع، أو حتى مزيج بينهم.

CH : @SparkSecurity

تخيل وياي... عندك موقع إلكتروني يحتاج تخزين بيانات حساسة جدًا، مثل معلومات المستخدمين أو بيانات الطلبات.

هنا تكدر تعتمد على "السحابة المدمجة" كحل عملي وآمن.

السحابة الخاصة (Private Cloud) 📂🔒
قاعدة البيانات: كل البيانات الحساسة - مثل معلومات المستخدمين - تنحفظ هنا داخل السحابة الخاصة. الفكرة إنك تحمي البيانات وما تخلي أي جهة توصل إلها غير اللي فعلاً مسموح لهم.
بالنسبة للامان السحابة الخاصة تنطيك حماية إضافية، لأنك حرفياً تخلي البيانات تحت سيطرتك، بعيد عن أي احتمالات اختراق ممكنة.


السحابة العامة (Public Cloud) 🌐⚙️

تطبيق الويب (Web App) الكود البرمجي الخاص بالموقع يستضيف بالسحابة العامة، اللي تتيحلك الاستفادة من إمكانيات ضخمة مثل قوة المعالجة ومساحة التخزين.
ام بالنسبة لواجهة المستخدم كل الزوار يكدرون يوصلون للموقع عبر الإنترنت، وهذا اللي يخلي التطبيق متاح للجميع.

الربط بين السحابتين باستخدام الـ API 🔄

التواصل باستخدام API حتى يتواصل التطبيق اللي على السحابة العامة مع قاعدة البيانات على السحابة الخاصة، تحتاج نستخدم واجهات برمجية (API).

الـ API هي الجسر اللي يخليك تنقل البيانات بشكل آمن بين السحابتين
لازم تأمن واجهة الـ API باستخدام بروتوكولات مثل HTTPS أو تعتمد على آليات مثل OAuth او Gprc او rest api حتى تتأكد من أن فقط الأشخاص المصرح لهم يكدرون يوصلون للبيانات الحساسة.

CH : @SparkSecurity

وهنا يجي دور الـ DevOps 👨‍💻

وظيفة الـ DevOps تتلخص بتهيئة هذا النوع من الحلول وضمان انسيابية التشغيل والأمان بين السحابتين. في هذا السياق،
نستخدم أدوات مثل Docker والكونتينرات (Containers) لتقسيم التطبيق
على أجزاء مترابطة، بحيث كل جزء (أو كونتينر) يكون مسؤول عن وظيفة معينة. هاي الطريقة تساعد على عزل الكود البرمجي بالسحابة العامة عن قاعدة البيانات بالسحابة الخاصة، وتنطي مرونة كبيرة بمجال التشغيل والأداء.

الكونتينرات هاي مو بس تعزل النظام، بل تنطيك مرونة وتسرع تحديثات النظام لأنك تكدر تحدث كل جزء بدون ما تأثر على الأجزاء الثانية، وهذا هو دور التشغيل
المستمر (Continuous Deployment) اللي يسعى لتوفيره DevOps.

CH : @SparkSecurity

االاقنعة الخفية 🎭

منشور جديد على الانستكرام لسلسلة #الهندسة_الاجتماعية

رابط المنشور

CH : @SparkSecurity

6000 ? 🤔

هذا المنشور من اقوى منشورات القناة رغم هو منشور مو طويل ولا بي شرح هواي بس يعني فد شي عظيم ادخلوا استكشفوا بنفسكم

مفاجأة بالقناة قريباً اتوقعوا شنو هي على البوت ؟

@Nationofdev_bot

XRay

هي أداة مخصصة لجمع معلومات OSINT للشبكات، والهدف من هذه الأداة هو تسهيل بعض المهام الأولية في جمع المعلومات ورسم خريطة الشبكة بشكل تلقائي

شلون تشتغل الأداة؟

🔸 تسوي brute force لعناوين subdomains باستخدام wordlist وطلبات DNS

🔸 لكل subdomain أو IP تلكاه ، راح تستخدم Shodan حتى تجمع معلومات عن البورتات المفتوحة وغيرها من التفاصيل

🔸 إذا عندك مفتاح API من ViewDNS، تكدر تجمع بيانات لكل subdomain

🔸 لكل عنوان IP وكل بورت مفتوح، راح تنفذ عمليات لجمع معلومات وبيانات إضافية باستخدام أدوات banner grabbing.


✳️ إذا جنت باحث أمني أو مختص بتأمين الشبكات XRay أداة مهمة لتسريع عملية الفحص الأولي وجمع المعلومات بشكل شامل ودقيق!


https://github.com/evilsocket/xray

CH : @SparkSecurity