🚨 تحذير تقني جديد – حملة اختراق ضخمة على Google Play

اكتشف الباحثون حملة خبيثة باسم SlopAds اخترقت متجر Google Play بـ 224 تطبيق ضار، تم تحميلها أكثر من 38 مليون مرة في 228 دولة

شنو تسوي هاي التطبيقات؟

تسرق بياناتك من خلال إعلانات مزيفة

تستخدم تقنيات متقدمة مثل steganography لإخفاء الأكواد داخل صور PNG

تتفاعل فقط إذا حملت التطبيق من إعلان، مو من بحث مباشر، حتى تبقى مخفية تنفذ عمليات احتيال داخل WebView

حجم الضرر أكثر من 2.3 مليار طلب إعلان مزيف يوميًا أكثر الدول المتأثرة أمريكا، الهند، البرازيل

شلون تحمي نفسك من هيج هجمات

احذف أي تطبيق مشبوه أو غير معروف

فعل Google Play Protect

لا تحمل تطبيقات من إعلانات عشوائية

راقب صلاحيات التطبيقات المثبتة

CH : @SparkSecurity

اداة Villager

شنو هي Villager هي عبارة عن اداة AI-Native جديدة مخصصة لاختبار الاختراق ( Pentesting )
طورها فريق Cyberspike فريق صيني ، متوفرة على Pypi وتم تحميلها اكثر من 10 الاف مرة من شهر تموز 2025 تستعمل هاي الاداة DeepSeek v3 وادوات من كالي لينكس لتعقيد الهجمات تلقائياً

ليش ممكن تعتبر هاي الاداة خطيرة جداً لانها تستعمل بيئة معزولة ( Containerized ) وتختفي بعد 24 ساعة حتى تخلي التتبع صعب بيها خاصية الـ C2 يعني كومند وكونترول يعني " agent " ذكي مبني بـ FastAPI وتجري اكثر من مهمة بنفس الوقات ومهام فرعية بناء ع السياق



CH : @SparkSecurity

❇️ مرحبًا بكم جميعًا في قناة سبارك سكيورتي! ❇️

نود أن نشكر كل الطلاب الأعزاء والأساتذة والدكاترة الذين يتابعوننا، ونود أن نعبر عن امتناننا العميق لدعمكم المستمر.

نحن نفهم تمامًا رغبتكم في الحصول على محتوى يساعدكم في تعلم أمور الأمن السيبراني والتقنية والنصائح العامة. لذا، نحن هنا لتقديم التوجيه المناسب لكم ولأصدقائكم.
الدورات التعليمية التي تقدمها قناتنا لا تقتصر فقط على المعرفة النظرية، بل توفر لكم فرصة كسب الأموال واكتساب الخبرة العملية التي تؤهلكم للعمل في أقوى الشركات في المستقبل. بالإضافة إلى ذلك، نقدم نصائح قيمة في مجال الأمن السيبراني والتقنية في قناتنا.

فلنعمل جميعًا لتحقيق النجاح والتطور المستمر.

ندعوكم لنشر هذه المعلومات والتوجيه لأصدقائكم والأشخاص الذين ترون أنهم يستحقون أن يكونوا في مكان مرموق ❤️.

سوف نبقى ملتزمين بتقديم أفضل المحتويات والموارد لكم، لذا تابعونا لتحصلوا على المزيد من التعليمات والنصائح القيمة ⚠️ .

" شرارة نحـو المستقبل 🔥🤩! "

مع خالص التحية والتقدير،

إدارة قناة سبارك سكيورتي

CH : @SparkSecurity

قريباً اكو معلومات اكثر عن هاي الاداة

منشور تحليلي تفصيلي

اطرحوا اسئلتكم على البوت الاتي

@Nationofdev_bot

الأسئلة المتكررة (FAQ) 🟢

شلون أبدأ بالأمن السيبراني من خلال القناة؟

اكو منشور مُثبت يشرح الأساسيات والخطة حتى تبدي بالأمن السيبراني يحتوي على جميع التفاصيل اللي تحتاجها حتى تبلش

🔗 اضغط هنا

شنو نوع المحتوى اللي تنزلونه بالقناة؟

ننزل شروحات مبسطة، أدوات مفيدة، تنبيهات أمنية، اختبارات، ومصادر تعليمية تساعدك تتطور خطوة بخطوة بمجال الأمن السيبراني

هل لازم أكون مبرمج حتى أتعلم الأمن السيبراني؟

لا، مو شرط تكون مبرمج بس لازم يكون عندك أساسيات بالحاسوب والإنترنت، ومع الوقت راح تتعلم البرمجة اللي تحتاجها ضمن المجال

شنو أفضل المصادر حتى أتعلم أكثر؟

📖 نرشح لك مصادر عربية وأجنبية، منها دورات مجانية، كتب، ومواقع تدريب عملي راح نشاركها بالقناة بشكل دوري

شلون أطبق عملي؟ وين أتمرن؟

نشارك منصات تدريب مثل TryHackMe وHackTheBox، بالإضافة إلى تحديات بسيطة تنزل بالقناة حتى تطبق وتتعلم

هل أحتاج لغة إنكليزية قوية؟

نعم، لأن أغلب المصادر والمصطلحات تكون بالإنجليزي بس مو شرط تكون محترف، تقدر تطور لغتك تدريجياً من خلال التعلم والممارسة

CH : @SparkSecurity

الفرق بين علوم الامن السيبراني وهندسة الامن السيبراني 👨🏻‍💻👩‍💻

علم الأمن السيبراني وهندسة الأمن السيبراني، على الرغم من أنهما تحت مظلة الأمن السيبراني، لديهما تركيزات وأهداف مختلفة.

علم الأمن السيبراني أكثر نظرية وبحثية يتضمن دراسة المبادئ والنظريات حول كيفية عمل الأمن السيبراني. يتضمن ذلك فهم طبيعة التهديدات، ودراسة الخوارزميات والتقنيات المستخدمة للتشفير، وتطوير طرق جديدة لحماية المعلومات الرقمية والأنظمة. يتعلق الأمر بفهم لماذا تعمل بعض تدابير الأمن وكيف يمكن تحسينها. غالبًا ما يكون أكثر اهتمامًا بالمفاهيم والمبادئ والنظرية.

من ناحية أخرى، تعتبر هندسة الأمن السيبراني أكثر عملية وتطبيقية. يتضمن التصميم والتنفيذ والصيانة للأنظمة والشبكات الآمنة. يتضمن ذلك المهام مثل إعداد الجدران النارية، وإدارة التحكم في الوصول، وإجراء تقييمات الضعف، والاستجابة للحوادث الأمنية. غالبًا ما يعمل مهندسو الأمن السيبراني على تطبيق النظريات والمبادئ التي طورها علماء الأمن السيبراني في الحالات العملية الحقيقية.

باختصار، بينما يتعلق علم الأمن السيبراني أكثر بفهم وتطوير مبادئ الأنظمة الآمنة، فإن هندسة الأمن السيبراني تتعلق بتطبيق تلك المبادئ لحماية الأنظمة الحقيقية. كلاهما ضروري للأمن السيبراني الفعال، لكنهما يتناولان المسألة من زوايا مختلفة.

CH : @SparkSecurity

أداة LLM Desktop Agent ذكاء اصطناعي يشتغل محليًا على جهازك

مو كل مرة تحتاج تعتمد على السحابة لتشغيل نماذج الذكاء الاصطناعي مع LLM Desktop Agent صار بإمكانك تشغّل نماذج اللغة الكبيرة (LLMs) مباشرة على جهازك، وتخلي الذكاء الاصطناعي يشتغل كـ "وكيل رقمي" خاص بيك يقدملك LLM Desktop Agent

تشغيل محلي تكدر تدير وتشغّل النماذج بدون ما ترسل بياناتك لخوادم خارجية تكامل كامل يدعم بروتوكولات مثل MCP (Model Context Protocol) للربط مع أدوات مثل Claude Desktop أو OpenWebUI
يشغّل الكود داخل حاويات (Docker) آمنة حتى لو كان الكود مولّد من AI
واجهة رسومية + تيرمنل مو بس CLI، عندك سطح مكتب افتراضي كامل يكدر الـ Agent يتفاعل وياه (يفتح متصفح، يكتب كود بـ VS Code، يتعامل مع الملفات) تكدر تدير أكثر من Agent بنفس الوقت، كل واحد ببيئة معزولة


فيديو يوضح اكثر - اضغط هنا
CH : @SparkSecurity

شهادة eWPT هي بوابتك للاحتراف في اختبار اختراق تطبيقات الويب، وتثبت جدارتك في بيئات الهجوم الواقعية

شهادة Web Application Penetration Tester – eWPT من INE Security هي شهادة عملية موجهة للمهتمين باختبار اختراق تطبيقات الويب، مثل مختبري الاختراق، صيادي الثغرات، والمهندسين الأمنيين تهدف إلى تقييم مهاراتك في تحليل واختبار أمان تطبيقات الويب باستخدام أدوات وتقنيات احترافية تحاكي الهجمات الواقعية


ماذا تغطي شهادة eWPT؟

منهجيات اختبار اختراق تطبيقات الويب (10%)

جمع المعلومات والاستطلاع (10%)

تحليل وفحص التطبيقات (10%)

تقييم الثغرات الأمنية (15%)

اختبار الأمان اليدوي للتطبيقات (25%)

استغلال الثغرات الشائعة يدويًا (20%)

اختبار أمان خدمات الويب (Web Services) (10%)


لمن هذه الشهادة؟

إذا كنت تمتلك فهمًا أساسيًا للشبكات والأنظمة ولديك شغف باختبار الاختراق، فهذه الشهادة مناسبة لك مثالية لمن يسعى للعمل في فرق Red Team أو في مجال أمن التطبيقات

CH : @SparkSecurity

تقرير اختبار اختراق تطبيقات الويب eWPT Reprot

أنجزت مؤخرًا تقريرًا شاملًا في خدمة اختبار الاختراق، بأسلوب احترافي مستوحى من منهجية شهادة eWPT التقرير يغطي نقاط الضعف الأمنية في تطبيقات الويب، ويقدم توصيات عملية لكل ثغرة

📌 التقرير مصمم بأسلوب عملي، ويعكس المهارات المكتسبة من مسار eWPT، مع التركيز على التقييم اليدوي والتقني الدقيق.


CH : @SparkSecurity

5 خطوات لازم تسويها فوراً اذا ضغطت على رابط يحتوي على فايروس

اذا ضغطت على رابط مشبوه ، جهازك ممكن يتحول لخطر امني بثواني المتصفح مالتك ممكن يبلش ينزل برمجيات خبيثة او استغلال ثغرات معينة بالجهاز خاصة الاجهزة اللي تكون اندرويد ك موبايل او كمبيوتر " وندوز " لانهم شائعات جداً ف ع الاغلب صاحب الفايروس او البرمجية الخبيثة ممكن يخلي الفايروس يشتغل على اساس هاي النظامين لاسباب كثيرة بسبب الضعف الامني للانظمة هاي او وجود ثغرات يتم استغلالها احياناً ، الهدف الرئيسي هو سرقة المعلومات اللحظات الاولى بعد الضغط هي اللي تحدد اما تسيطر على موقف يا اما تصير ضحية لجريمة الكترونية

الهجمات اليوم مو مثل قبل صارت متطورة ويستخدمون اساليب هندسة اجتماعية وذكاء اصطناعي حتى تخدعك او تسيطر على جهازك بسرعة


طبعاً اكو هواي مخاطر ومن ضمنها

Drive by downloads

الدرايف باي داونلود يعني - بمجرد ما تضغط الهجوم هنا ممكن يستغل ثغرات بالمتصفح او النظام وينزل فايروسات بدون ما تعرف شنو جاي يصير ، هاي البرمجيات ممكن تكون مثل فايروس الفدية او برامج تجسس اخرى او RAT وغيرها هواي ..

Session Hijacking

عدنا هنا السشن هاكن بمعنى اختراق المتصفح وسرقة الجلسات المهاجم يكدر يسرق الكوكيز مال تسجيل دخولك ويصير يدخل بحساباتك ايميل بنوك سوشيال ميديا وغيرها وكانه انتَ هاي المعلومات يتم بيعها " السشنات " او الجلسات وغيرها اكو كثير من المخاطر بس.

بس لازم نعرف شنو اول 5 خطوات نسويها

1️⃣ افصل الإنترنت مباشرة طفي الواي فاي أو افصل الكيبل حتى توقف الاتصال وتمنع تسريب بياناتك

2️⃣ انسخ ملفاتك المهمة اخذ نسخة احتياطية من الملفات الضرورية بس، حتى لا تنسخ وياها فايروس

3️⃣ افحص جهازك كامل شغّل برنامج حماية موثوق ومحدّث، وسوّي فحص شامل حتى تكشف أي برمجيات خبيثة

4️⃣ غيّر كلمات السر خصوصاً للحسابات المهمة مثل الإيميل والبنوك والسوشيال ميديا استعمل كلمات قوية وفعّل التحقق بخطوتين

5️⃣ راقب حساباتك وبلّغ تابع حساباتك البنكية والإلكترونية إذا شفت نشاط غريب، بلّغ الجهات المختصة

CH : @SparkSecurity

هذا المخطط يوضح الية الاستجابة بعد دخولك للرابط المشكوك بهِ

CH : @SparkSecurity

سلام عليكم شباب وبنات التقنيين المُبدعين شلونكم !

بالبداية احب اباركلكم على اتخاذكم القرار مهما كنت مقدم جامعة اهلية او حكومية بدخولكم للمجال التقني وخصوصاً الامن السيبراني والبرمجة هاي المجالات تعتبر من اكثر التخصصات المطلوبة حالياً ومستقبلاً والمميز بيها انها مفتوحة لكل واحد عنده الشغف وحب التعلم والاستكشاف!

لكن احب اوضح نقطة جداً مهمة النجاح ب هاي المجالات مو مجرد الشهادة او درجة عالية بالجامعة ، صح الجامعة تنطيك الاساس ركززز الاساس!! لكن اللي يخليك متميز هو جهدك الشخصي وتطويرك الذاتي بالمجال

CH : @SparkSecurity

الجامعة مجرد البداية ، الطريق أطول!

الجامعة تعلمك اساسيات العلوم ، سواء جانت برمجة او شبكات او امن سيبراني لكن الحقيقة هي السوق يحتاج اكثر من مجرد معلومات اكاديمية ، السوق يريد ممارسين ناس عدهم خبرة ، وعدهم القدرة على حل المشاكل بشكل عملي ويفهمون شلون يتعاملون وي تحديات الحياة الواقعية اللي تواجههم بالشغل زين انت تكول هسه منين اتعلم ومنين ابدي

شوفة عينك احنا نعتبر المصدر لتعليمك الذاتي استغل المنشورات الفوك والكتب اللي موجودة بالقناة حتى تطور نفسك بالمجال ، لذلك لا تتوقع ان تكون الجامعة هي كل شي وراح اصير محترف ، لازم تباشر بالتعلم خارج حدود الجامعة سواء من الانترنت او الدورات او حتى التجارب الشخصية

CH : @SparkSecurity

البحث المستمر هو سلاحك

بمجال التقنية الامور تتطور بسرعة فائقة وماكو شي ثابت واللي تتعلمة اليوم ممكن يكون قديم بعد سنة او سنتين فشغلتك مو بس تكعد وتنتظر المعلومات تجيك لازم تبحث وتقرا مقالات وتشوف فيديوهات تعليمية وتحظر الدورات حتى تكون على دراية باحدث التقنيات

كل معلومة تقراها هي كنز

المواقع مثل

udemy
coursera
linkedin learning
وهواي من المواقع مُسبقاً ناشريها الكم وناشرين دوراتها
الشغف والاستمراية

مثل ما اكول كل مرة النجاح بمجالنا ما يصير بيوم وليلة يحتاج شغف ويحتاج استمرارية وصبر مرات راح تصير عندك مشاكل او تلكى نفسك واكف بنقطة معينة ومتعرف شلون تحلها وراح تستمر لمدة شهر او شهرين وما تعرف شلون تحلها. بهذي اللحظات، لازم تكون عندك قوة الصبر والمثابرة. الحلول راح تجي، لكن لازم تستمر وما تستسلم بسهولة. أي شخص ناجح بهذا المجال مر بهاي اللحظات وتجاوزها بشغفه وإصراره. 🔥


المشاريع العملية هي اللي تميزك

لا تعتمد فقط على الواجبات الدراسية أو الامتحانات. سوي مشاريع بنفسك، حتى لو كانت بسيطة. سوِّ موقع إلكتروني، صمم برنامج، سوِّ تحديات CTF، أو حتى اختبر نظام حماية لموقعك الشخصي. التجارب العملية هي اللي تخليك تفهم كيف تشتغل الأمور بشكل حقيقي، وتخليك جاهز لما تدخل سوق العمل. وبنفس الوقت، المشاريع هذه تكون دليل عملي على قدراتك لما تقدم على وظيفة. كل ما عندك مشاريع أكثر، كل ما كان ملفك أقوى وأفضل.

استفادوا من المصادر المفتوحة والقنوات التعليمية

قنوات مثل YouTube مليانة ناس مبدعين ينشرون دورات مجانية. مواقع مثل GitHub تحتوي على ملايين الأكواد الجاهزة اللي تكدرون تستفيدون منها. وحتى منصات مثل Hack The Box أو TryHackMe توفر بيئات تدريب عملية لاختبار مهاراتك بالأمن السيبراني بشكل عملي. لا تنسون الاستفادة من هذي الموارد بشكل يومي.

كونوا جزء من المجتمع التقني

الانضمام للمجتمع التقني مهم جداً. هذا يعني ان تشارك بالمؤتمرات، الندوات، الكروبات، والمناقشات على الإنترنت. حاول تنضم لمجتمعات تقنيين، سواءً كان على Reddit، Telegram، LinkedIn أو حتى الفيسبوك. المشاركة بهذه المجتمعات تعطيك فرصة تتعلم من الآخرين، تكتشف تجارب جديدة، وتحصل على نصائح من الناس اللي سبقوك بهذا المجال. تبادل الخبرات هو جزء مهم من النمو.

CH : @SparkSecurity

اللغة الإنكليزية هي المفتاح

أعرف أن هذا الشي ممكن يكون تحدي للبعض، لكن اللغة الانكليزية هي اللغة الأساسية بالتقنية. معظم المصادر، الدورات، والوثائق التقنية تكون بالانكليزية. لذلك، حتى تتطور بشكل أسرع، حاول تتعلم بشكل تدريجي. صدكني راح تفتحلك أبواب كثيرة إذا كان عندك فهم جيد الى اللغة . 🌍

اتعلموا عن الأمان الرقمي


سواءً كنت مهتم بالأمن السيبراني أو لا، الأمان الرقمي هو جزء أساسي من حياتنا اليومية كمهندسين أو مبرمجين. لازم تكون عندك فكرة قوية عن كيف تحمي نفسك، وكيف تقدر تحمي بياناتك ومعلوماتك الشخصية على الإنترنت. هذا الشي ينطبق حتى على البسطاء، فما بالك إذا كنت شخص تقني؟ 🔐

وهنا بالامان الرقمي الشخصي اقصد بيه هو OPSEC اضغط على الكلمة حتى تفهم شنو OPSEC

important links | روابط مُهمة

link 1: OPSEC Digital Shadow
link 2: How to Improve OSEC
link 3: The Ultimate OPSEC Guide To Stay Secure Online beginner
link 4: OPSEC Guide
link 5: Most comprehensive free OPSEC guide

هاي فقط 5 منشورات من قناتنا تحجي عن الـ OPSEC
CH : @SparkSecurity

النصائح اللي قدمناها بالقناة مفيدة لكل المراحل

إذا إنت بعدك ببداية مشوارك أو حتى بالمنتصف، فأنصحك تتطلع على كل المسارات والخرائط اللي نزلناها بالقناة. هذي الدلائل ممكن تكون خارطة طريق واضحة تساعدك على فهم المسارات الصحيحة اللي لازم تسلكها حتى توصل لهدفك. وهذي المسارات تشمل مجالات مثل البرمجة، إدارة الشبكات، واختبار الاختراق، والعديد من المجالات الأخرى.

ابحث عن شغفك الحقيقي

وأخيراً، أهم نصيحة أقدر أقدمها إلك هي أن تبحث عن شغفك الحقيقي بهذا المجال. إذا كنت تحب البرمجة، ركز على البرمجة وطور نفسك بيها إذا كنت تحب حماية البيانات والأمن السيبراني، اندمج بهذا المجال وتعلم كل يوم شي جديد الشغف هو اللي راح يدفعك للأمام مهما كانت التحديات صعبة.


أنت الشخص اللي راح يبني مستقبلك بإيدك، لا تعتمد فقط على الآخرين أو على النظام التعليمي التقليدي. استثمر بوقتك، استثمر بمجهودك، وابدي من اليوم حتى تكون الشخص اللي تتمنى تكونه بعد سنوات قليلة. القنوات التعليمية والخرائط موجودة، المسارات محددة، وكل اللي تحتاجه هو الشغف والإصرار حتى توصل لأعلى المراتب.

CH : @SparkSecurity

بالتوفيق للجميع شاركوا القناة وللطلاب الجدد

شنو يعني "Token Kidnapping"

ببساطة… Windows يولّد Access Tokens لكل عملية (Process) حتى تحدد الصلاحيات مالته المهاجم إذا يكدر يمسك توكن مال مستخدم أقوى (Administrator / SYSTEM)، يكدر يشغّل أوامر بصلاحياته بدون ما يعرف كلمة المرور ولا حتى يدخل الجهاز فعلياً

شلون ينفّذ المُخترق هذا الهجوم؟

يحصل وصول أولي بجلسة منخفضة (Low Priv)

يستخدم أدوات مثل



Tokenvator - Incognito (Metasploit) - RoguePotato / PrintSpoofer

شلون تكتشف الموضوع؟

راقب الأحداث
Event ID 4673 – Sensitive Privilege Use
Event ID 4624 – Logon Type 3/10 بوقت مشبوه

أي Process يسوي Token Duplication لازم يتحول إلى Incident فوراً استخدم Sysmon… خصوصاً Event ID 10 (Process Access)

شنو اللي يمنع الهجوم؟

عطّل أي Service يتحرك بصلاحيات عالية وهو
ما يحتاجها استخدم gMSA Accounts بدل الحسابات التقليدية فعّل Credential Guard + LSASS Protection
CH : @SparkSecurity