هذا المخطط يوضح الية الاستجابة بعد دخولك للرابط المشكوك بهِ

CH : @SparkSecurity

سلام عليكم شباب وبنات التقنيين المُبدعين شلونكم !

بالبداية احب اباركلكم على اتخاذكم القرار مهما كنت مقدم جامعة اهلية او حكومية بدخولكم للمجال التقني وخصوصاً الامن السيبراني والبرمجة هاي المجالات تعتبر من اكثر التخصصات المطلوبة حالياً ومستقبلاً والمميز بيها انها مفتوحة لكل واحد عنده الشغف وحب التعلم والاستكشاف!

لكن احب اوضح نقطة جداً مهمة النجاح ب هاي المجالات مو مجرد الشهادة او درجة عالية بالجامعة ، صح الجامعة تنطيك الاساس ركززز الاساس!! لكن اللي يخليك متميز هو جهدك الشخصي وتطويرك الذاتي بالمجال

CH : @SparkSecurity

الجامعة مجرد البداية ، الطريق أطول!

الجامعة تعلمك اساسيات العلوم ، سواء جانت برمجة او شبكات او امن سيبراني لكن الحقيقة هي السوق يحتاج اكثر من مجرد معلومات اكاديمية ، السوق يريد ممارسين ناس عدهم خبرة ، وعدهم القدرة على حل المشاكل بشكل عملي ويفهمون شلون يتعاملون وي تحديات الحياة الواقعية اللي تواجههم بالشغل زين انت تكول هسه منين اتعلم ومنين ابدي

شوفة عينك احنا نعتبر المصدر لتعليمك الذاتي استغل المنشورات الفوك والكتب اللي موجودة بالقناة حتى تطور نفسك بالمجال ، لذلك لا تتوقع ان تكون الجامعة هي كل شي وراح اصير محترف ، لازم تباشر بالتعلم خارج حدود الجامعة سواء من الانترنت او الدورات او حتى التجارب الشخصية

CH : @SparkSecurity

البحث المستمر هو سلاحك

بمجال التقنية الامور تتطور بسرعة فائقة وماكو شي ثابت واللي تتعلمة اليوم ممكن يكون قديم بعد سنة او سنتين فشغلتك مو بس تكعد وتنتظر المعلومات تجيك لازم تبحث وتقرا مقالات وتشوف فيديوهات تعليمية وتحظر الدورات حتى تكون على دراية باحدث التقنيات

كل معلومة تقراها هي كنز

المواقع مثل

udemy
coursera
linkedin learning
وهواي من المواقع مُسبقاً ناشريها الكم وناشرين دوراتها
الشغف والاستمراية

مثل ما اكول كل مرة النجاح بمجالنا ما يصير بيوم وليلة يحتاج شغف ويحتاج استمرارية وصبر مرات راح تصير عندك مشاكل او تلكى نفسك واكف بنقطة معينة ومتعرف شلون تحلها وراح تستمر لمدة شهر او شهرين وما تعرف شلون تحلها. بهذي اللحظات، لازم تكون عندك قوة الصبر والمثابرة. الحلول راح تجي، لكن لازم تستمر وما تستسلم بسهولة. أي شخص ناجح بهذا المجال مر بهاي اللحظات وتجاوزها بشغفه وإصراره. 🔥


المشاريع العملية هي اللي تميزك

لا تعتمد فقط على الواجبات الدراسية أو الامتحانات. سوي مشاريع بنفسك، حتى لو كانت بسيطة. سوِّ موقع إلكتروني، صمم برنامج، سوِّ تحديات CTF، أو حتى اختبر نظام حماية لموقعك الشخصي. التجارب العملية هي اللي تخليك تفهم كيف تشتغل الأمور بشكل حقيقي، وتخليك جاهز لما تدخل سوق العمل. وبنفس الوقت، المشاريع هذه تكون دليل عملي على قدراتك لما تقدم على وظيفة. كل ما عندك مشاريع أكثر، كل ما كان ملفك أقوى وأفضل.

استفادوا من المصادر المفتوحة والقنوات التعليمية

قنوات مثل YouTube مليانة ناس مبدعين ينشرون دورات مجانية. مواقع مثل GitHub تحتوي على ملايين الأكواد الجاهزة اللي تكدرون تستفيدون منها. وحتى منصات مثل Hack The Box أو TryHackMe توفر بيئات تدريب عملية لاختبار مهاراتك بالأمن السيبراني بشكل عملي. لا تنسون الاستفادة من هذي الموارد بشكل يومي.

كونوا جزء من المجتمع التقني

الانضمام للمجتمع التقني مهم جداً. هذا يعني ان تشارك بالمؤتمرات، الندوات، الكروبات، والمناقشات على الإنترنت. حاول تنضم لمجتمعات تقنيين، سواءً كان على Reddit، Telegram، LinkedIn أو حتى الفيسبوك. المشاركة بهذه المجتمعات تعطيك فرصة تتعلم من الآخرين، تكتشف تجارب جديدة، وتحصل على نصائح من الناس اللي سبقوك بهذا المجال. تبادل الخبرات هو جزء مهم من النمو.

CH : @SparkSecurity

اللغة الإنكليزية هي المفتاح

أعرف أن هذا الشي ممكن يكون تحدي للبعض، لكن اللغة الانكليزية هي اللغة الأساسية بالتقنية. معظم المصادر، الدورات، والوثائق التقنية تكون بالانكليزية. لذلك، حتى تتطور بشكل أسرع، حاول تتعلم بشكل تدريجي. صدكني راح تفتحلك أبواب كثيرة إذا كان عندك فهم جيد الى اللغة . 🌍

اتعلموا عن الأمان الرقمي


سواءً كنت مهتم بالأمن السيبراني أو لا، الأمان الرقمي هو جزء أساسي من حياتنا اليومية كمهندسين أو مبرمجين. لازم تكون عندك فكرة قوية عن كيف تحمي نفسك، وكيف تقدر تحمي بياناتك ومعلوماتك الشخصية على الإنترنت. هذا الشي ينطبق حتى على البسطاء، فما بالك إذا كنت شخص تقني؟ 🔐

وهنا بالامان الرقمي الشخصي اقصد بيه هو OPSEC اضغط على الكلمة حتى تفهم شنو OPSEC

important links | روابط مُهمة

link 1: OPSEC Digital Shadow
link 2: How to Improve OSEC
link 3: The Ultimate OPSEC Guide To Stay Secure Online beginner
link 4: OPSEC Guide
link 5: Most comprehensive free OPSEC guide

هاي فقط 5 منشورات من قناتنا تحجي عن الـ OPSEC
CH : @SparkSecurity

النصائح اللي قدمناها بالقناة مفيدة لكل المراحل

إذا إنت بعدك ببداية مشوارك أو حتى بالمنتصف، فأنصحك تتطلع على كل المسارات والخرائط اللي نزلناها بالقناة. هذي الدلائل ممكن تكون خارطة طريق واضحة تساعدك على فهم المسارات الصحيحة اللي لازم تسلكها حتى توصل لهدفك. وهذي المسارات تشمل مجالات مثل البرمجة، إدارة الشبكات، واختبار الاختراق، والعديد من المجالات الأخرى.

ابحث عن شغفك الحقيقي

وأخيراً، أهم نصيحة أقدر أقدمها إلك هي أن تبحث عن شغفك الحقيقي بهذا المجال. إذا كنت تحب البرمجة، ركز على البرمجة وطور نفسك بيها إذا كنت تحب حماية البيانات والأمن السيبراني، اندمج بهذا المجال وتعلم كل يوم شي جديد الشغف هو اللي راح يدفعك للأمام مهما كانت التحديات صعبة.


أنت الشخص اللي راح يبني مستقبلك بإيدك، لا تعتمد فقط على الآخرين أو على النظام التعليمي التقليدي. استثمر بوقتك، استثمر بمجهودك، وابدي من اليوم حتى تكون الشخص اللي تتمنى تكونه بعد سنوات قليلة. القنوات التعليمية والخرائط موجودة، المسارات محددة، وكل اللي تحتاجه هو الشغف والإصرار حتى توصل لأعلى المراتب.

CH : @SparkSecurity

بالتوفيق للجميع شاركوا القناة وللطلاب الجدد

شنو يعني "Token Kidnapping"

ببساطة… Windows يولّد Access Tokens لكل عملية (Process) حتى تحدد الصلاحيات مالته المهاجم إذا يكدر يمسك توكن مال مستخدم أقوى (Administrator / SYSTEM)، يكدر يشغّل أوامر بصلاحياته بدون ما يعرف كلمة المرور ولا حتى يدخل الجهاز فعلياً

شلون ينفّذ المُخترق هذا الهجوم؟

يحصل وصول أولي بجلسة منخفضة (Low Priv)

يستخدم أدوات مثل



Tokenvator - Incognito (Metasploit) - RoguePotato / PrintSpoofer

شلون تكتشف الموضوع؟

راقب الأحداث
Event ID 4673 – Sensitive Privilege Use
Event ID 4624 – Logon Type 3/10 بوقت مشبوه

أي Process يسوي Token Duplication لازم يتحول إلى Incident فوراً استخدم Sysmon… خصوصاً Event ID 10 (Process Access)

شنو اللي يمنع الهجوم؟

عطّل أي Service يتحرك بصلاحيات عالية وهو
ما يحتاجها استخدم gMSA Accounts بدل الحسابات التقليدية فعّل Credential Guard + LSASS Protection
CH : @SparkSecurity

🔴 #خبر


انقطاعات في مجموعة واسعة من خدمات الإنترنت تشمل "إكس" و"شات جي بي تي" بسبب مشكلة فنية
CH : @SparkSecurity

🔴 شنو اللي صار ويا Cloudflare؟

هي شركة كبيرة مسؤولة عن تسريع وحماية مواقع الإنترنت

اليوم بتاريخ 18 نوفمبر 2025 واجهت مشاكل بالشبكة العالمية

اللي صار ك التالي بعض خدماتها مثل WARP (برنامج لتسريع وحماية الإنترنت) و Access (خدمة دخول آمن) تعطلت خصوصًا في لندن المستخدمين هناك ما كدروا يتصلون بالإنترنت بشكل طبيعي

الشركة حاولت تصلح، وفعلاً رجعت بعض الخدمات تشتغل، بس باقي الخدمات بعدها تتصلح تدريجيًا
حتى بوابة الدعم مالهم صار بيها مشاكل، يعني إذا تحاول تفتح تذكرة دعم ممكن يطلع خطأ

🟢 ليش صار هيچ؟

السبب هو خلل داخلي بالشبكة بنفس الوقت، عندهم صيانة مجدولة في بعض مراكز البيانات (لوس أنجلوس، سانتياغو، تاهيتي)، وهذا ممكن يسبب بطء بسيط بالإنترنت للمستخدمين هناك


CH : @SparkSecurity

يعني " اي موقع مرتبط ب خدمة Cloudflare متوقف الى حل المشكلة في سيرفرات كلاود فلير المشكلة مو من عدكم فقط "

لاتنسون تتابعون حسابنا على الانستكرام

اضغط هنا للمتابعة

CH : @SparkSecurity

او الاتصال على 911

CH : @SparkSecurity

هل فعلا تحتاج تتعلم البرمجة؟

منشور جديد على حسابنا في الانستكرام لاتنسون تشاركون المنشور عدكم ❤️

اضغط هنا لرؤية المنشور

CH : @SparkSecurity

8,300 ❤️

ماهي شهادة eJPTv2 ؟ 🔴

هي عبارة عن إثبات أن الحاصل على هذه الشهادة لديه المعرفة والمهارات المطلوبة لشغل دور مختبر اختراقات على المستوى المبتدىء وهي ايضاً النسخة الجديدة والثانية لشهادة الشهيرة جداً eJPT التي تعتبر أولى الشهادات التي ينصح بها لي أي شخص لدية الرغبة ان يبدأ في مجال الأمن السيبراني بغض النظر عن توجهه لاحقاً سواء للغرض الهجومي او الدفاعي لأنها تغطي كل الأساسيات المطلوبة والتي يجب معرفتها وخصوصاً أن النسخة الثانية تحتوي على العديد من المواضيع المهمة و الجديدة المشروحة بشكل تفصيلي بكورس PTSv2


ماهي متطلبات النجاح ؟ 🎯

الشهادة تغطي أربعة نطاقات رئيسية وكل نطاق لديه العديد من المهارات والمواضيع المطلوب أتقانها, كل نطاق له نسبة معينة يجب الحصول عليها لإجتياز الإختبار عن طريق تحقيق المتطلبات الموجودة فالصورة أثناء الاختبار, وبعدها يتم جمع هذه النسب من 100% والنسبة المطلوبة للنجاح في الإختبار هي 70% فأكثر وهذه النطاقات الأربعة:

1- Assessment Methodology تعادل 25%

2- Host and Network Auditing تعادل 25%

3- Host and Network Penetration Testing تعادل 35%

4- Web Application Penetration Testing تعادل 15%

CH : @SparkSecurity

في ظل تصاعد الهجمات السيبرانية وتعقّدها، لم تعد الأدوات التقليدية القائمة على التوقيعات كافية الأداة الجديدة [Next-Gen Cyber Defense Platform] تمثل تحولًا نوعيًا في كيفية اكتشاف التهديدات والتعامل معها

🔐 ما الذي يميز هذه الأداة؟

تحليل سلوكي مدعوم بالذكاء الاصطناعي
بدل الاعتماد على قواعد ثابتة، تقوم الأداة ببناء Baseline لسلوك الأنظمة والمستخدمين، وتكشف أي انحراف مشبوه في الزمن الحقيقي.

Threat Hunting استباقي
تمكّن فرق الأمن من البحث عن التهديدات غير المكتشفة (Unknown Threats) قبل أن تتحول إلى Incident فعلي.

Zero Trust by Design
كل طلب وصول يتم التحقق منه بشكل ديناميكي، بغض النظر عن موقع المستخدم أو الجهاز.

تكامل ذكي مع بيئات العمل الحديثة
تعمل بسلاسة مع

Cloud & Hybrid Environments

SIEM / SOAR

EDR & XDR Solutions

▪️ استجابة آلية للحوادث (Automated Incident Response)
تقليل زمن الاستجابة (MTTR) من ساعات إلى دقائق عبر Playbooks ذكية.

القيمة الحقيقية
✔️ تقليل False Positives
✔️ رؤية أوضح للمخاطر
✔️ رفع جاهزية فرق الأمن
✔️ حماية الأعمال بدل تعطيلها

CH : @SparkSecurity

إضافة على Google Chrome وعليها علامة Featured، وعدد مستخدميها أكثر من 6 ملايين، طلعت تتجسس على محادثات الناس ب أدوات الذكاء الاصطناعي…

🔴 الإضافة اسمها: Urban VPN Proxy
– VPN مجاني
– تقييمها 4.7 ⭐️
– تكلك: نحمي هويتك ونخفي الـ IP

بس بالحقيقة سالفة ثانية تمامًا

شنو كانت تسوي فعليًا؟

من تحديث تموز 2025 (الإصدار 5.5.0)، فعلوا خيار مخفي يشتغل تلقائيًا:

▪️ تسحب كل شي تكتبه
▪️ تسجل ردود ChatGPT وClaude وCopilot وGemini وGrok وMeta AI وPerplexity
▪️ وتجمع:

المحادثة كاملة

الوقت والتاريخ

رقم الجلسة

المنصة ونوع الذكاء الاصطناعي

وبعدين؟
تنرسل كلها لسيرفرات الشركة

شلون صار هذا؟ (ببساطة)

يحقنون JavaScript خاص بكل منصة AI

يسيطرون على دوال المتصفح fetch() و XMLHttpRequest()

أي طلب يمر
ينسخوه
يخزنوه
يرسلوه لسيرفراتهم

المستخدم؟
ميدري ولا يطلعله تنبيه، ولا وافق على شي

والخصوصية؟

الشركة تكول:

نجمع البيانات بشكل مجهول لتحسين الحماية

بس الحقيقة 👇
🔴 البيانات مو مجهولة
🔴 تنعطي لشركة اسمها BIScience
🔴 وتستخدم للإعلانات والربح التجاري

والأخطر؟
BIScience هي نفسها مالكة Urban Cyber Security
يعني دايرها بيناتهم.

المضحك المبكي؟

الإضافة تسوق لميزة اسمها AI Protection

تحذرك لا تشارك معلوماتك ويا ChatGPT ❗️

بس بالخلفية:
هم نفسهم دا يسحبون كل المحادثة ويرسلونها


المصيبة أكبر

نفس الحركة بإضافات ثانية من نفس الجهة

1ClickVPN Proxy

Urban Browser Guard

Urban Ad Blocker

📈 مجموع المستخدمين: أكثر من 8 ملايين

ومعظمها عليها علامة Featured

CH : @SparkSecurity

8400 ❤️