يعني من الاخير هاي التقنيات صُممت حتى تتخطى الحظر من الدولة اذا جانت فارضه حظر عليك او مزودين خدمة الانترنيت ف نستعمل النواقل هاي الوسيطة من خلالها راح نكدر نتخطى الحظر وطبعا التقنيات هاي حديثة ومثل ماذكرت بالاعلى بعضها قيد التطوير ومو كاملة

بمجرد تفكيرك بيها هي بعظكم راح يحسها سهل صناعتها معقولة كل هالتطور وماكدرو يكملوهن بسرعة !

لا مو هيج الحجي .. لان اي خطأ اتصالك راح ينكشف بالشبكة العامة ف لازم zero bugs ولو هالشي مستحيل بس يعني حماية قوية جداً

واكيد اللي يدخل تور ويخاف ع خصوصيتة مراح يدخل بس فقط عن طريق تور راح يفتح بروكسيات او يفتح الاوبن في بي ان وياهم

اهم شي وصلت الفكرة هسه !

CH : @SparkSecurity

عموماً تحبون نكمل ع التور هسه لو احول على غير مواضيع مرتبطة ؟
لان عندي اكثر من موضوع اريد احجيلكم بي واشرحه ؟

شاركوني ارائكم هنا

@Nationofdev_bot

حلو خوش سؤال على البوت

الشخص يسأل :

يكول اني اعرف انو تور يستخدم شبكات او مسارات منوعة لتغيير حركة الاتصال عبر الانترنيت شنو هذا يعتبر VPN لو شنو ؟


نجاوب بالمنشور اللي بعده ..

مبدئياً شبكة تور ماتعتمد على الـ VPN بشكل مباشر لكن تستخدم بنية مشابهة لفكرة تغيير المسارات لاخفاء هويتك

تور يعتمد على ثلاث ( Layers ) من التشفير من خلال ما يسمى " Onion routing " من تتصل بتور تمر بياناتك عبر سلسلة من 3 عُقد واللي هي الـ " nodes "

العقدة الاولى اسمها " Entry node " او عقدة الدخول هي النقطة الي تبدي منها البيانات لكن هاي العقدة مراح تعرف شنو الوجهة النهائية للاتصال ف بهالحالة لازم اكو عقدة ثانية!

العقدة الثانية اسمها " Middle relay " او العقدة الوسيطة وظيفتها تمرير البيانات بين العقدة الاولى والثالثة وما تعرف انت منين ولا وين رايح 🤣.

العقدة الثالثة اسمها الـ " exit node " او عقدة الخروج وهي العقدة اللي ترسل بياناتك للوجهة النهائية ولكن هنا ماتعرف منين انت جاي وبمعنى ماتعرف المدل ري بس بنفس الوكت هي وصلتها الاشارات

كل مرحلة تشفر البيانات بطبقة جديدة او لير جديد مثل طبقات البصل ولهذا صارت التسمية هذا النظام يخلي تتبع حركتك صعب جداً لان كل عقدة تعرف فقط القبلها او البعدها مو كل عقدة تعرف كل العقد هنا الفرق

بالتالي تور مايستخدم 3 شبكات VPN لكن يستخدم 3 طبقات من التشفير وتغيير المسارات من خلال هاي العقد

اتمنى تكون فهمت هسه والشرح واضح !

CH : @SparkSecurity

ناخذ ريست نكمل بعدين ولاتنسى الرياكشنات تشجعنا للاستمرار بنشر هيج مواضيع مشوقة مثل قبل!
وتزيد من فرصة صعود القناة للاعلى

يُمكنك مشاركة قناة سبارك سكيورتي عبر الباركود ..

احفظ الصورة وشاركها لاشخاصك المُهتمين بالمجال!

او عن طريق الرابط

https://t.me/sparksecurity

جهاز الأمن الوطني يعلن انطلاق أول منصة للأمن السيبراني في العراق

https://aman.gov.iq/ar-quick

#اخبار #العراق #امن_سيبراني
CH : @SparkSecurity

5,200 ❤️

https://www.instagram.com/p/C_5vXUZoD1v/?igsh=eGtkNDh5cTN2ZGNx

بوست جديد على منصة الانستكرام شاركو البوست ❤️

100 كتاب عن

AI - Encrypiton - Cyber security - Devops - Nginx - embedded system - Web - Git - Security - Python - Patterns - Android - DB - Docker

حجم الملف كيكا ونص

اللي يسأل ع الكتب والمصادر اصعدو فوك اكثر من 4700 منشور علماً ان من سنتين بلشنا ب منشورات متسلسلة ونصائح متسلسلة


واكو اكثر من 1000 كتاب موجود بالقناة ودورات وكورسات متكاملة

هاي روابط المنشورات المهمة بالقناة تتجمع بهذا الرابط

شاركو القناة وصعدوها والرياكشنات قليلة والتفاعل نازل :)

عندك سؤال او استفسار تواصل على البوت

@Nationofdev_bot

بالتوفيق للجميع وجميع الملفات هاي كلها مفيدة الك وراح تحتاجهم بيوم من الايام اذا ماتعرف شي منه تكدر تبحث عن اسم الملف وتقره عنه اكثر حتى تفهم المصطلحات الغريبة عليك

CH : @SparkSecurity

~

مهم جداً

مهم جداً جداً

~

المنشورات هاي مؤقتة سويتلكم تاك عليها حتى تعرفون المصادر الموجودة

اللي يسأل وبعدة دايخ ومايعرف منين يبدي ويلكى حجة حتى يتكاسل ويماطل احب اكلك

كل هاي الامور متفيدك الامن السيبراني هو قمة الهرم ويحتاج تعب وجهد وصبر واصرار اذا انت طالب جامعي ومعتمد ع الجامعة تعلمك شنو الامن السيبراني ف انت غلطان يا حبيبي الامن السيبراني ب الجامعات مجرد انو الجامعة تعلمك الاساسيات ، وتثبت لك انك عندك شهادة ولكن ما تعني انو عندك خبرة بالمجال ، الخبرة تعتمد ع الممارسة والممارسة تعتمد ع الشغف والشغف مايفيد بدون استمرارية هاي النصائح دائماً احجيها لاي طالب جامعة يحاول يطور من نفسه ، بعض الاشخاص تشوفهم مبدعين بهالمجال ولكن هو اختصاصة فرضاً طبي او مو حاسبات اساساً

الامن السيبراني كل شي يدرس ، امن التطبيقات ، امن السحابة الالكترونية ، وصيد الثغرات وغيرها وغيرها ، مثل ما كايل الكم كل شي الة اساس وكل شي الة خارطة طريق انت اذا تايه وتريد تتعلم ف شغفك وحب استكشافك هو اللي راح يوجهك للطريق الصح اما اذا تبقى بمكانك وتنتظر المعلومة تدخل براسك غلطان


حاول واسعى وراح تلكى النتيجة بالنسبة للسؤال شكد تحتاج وقت حتى تتعلم ، اول شي انت تحدد المجال اللي تريد تختصة بداخل الامن السيبراني تدرون اكو هواي اختصاصات وتفرعات فرعية بالمجال نفسه ، ف انت تكتشف نفسك وعلى اساس هذا النمط راح تعرف شنو اللي يناسبك بس بشكل عام اني اشوف برأيي وحسب خبرتي

لمدة 6 سنوات كل يوم 8 ساعات مستمرة - دراسة كورسات + تطبيق عملي ، تدرس الكورسات بدون عملي؟

مالها فايدة ولا اكو اي قيمة ... شغلة اخرى تدرس حتى تاخذ شهادات احترافية بالمجال ، تحفظ بدون متفهم متفيد الشهادات الاحترافية بدون فهم وتطبيق وممارسة اكو هواي حجي بعد

شاركو القناة والمنشورات حتى تحصلون على نصائح اكثر ومعلومات وكورسات وتوجيهات صح

بالتوفيق للجميع

CH : @SparkSecurity