نصيحة اليوم

اكثر شي مهم من بعد ما تتعلم الامن السيبراني وتختار تخصصك بي هو الشهادات الاحترافية مهمة جداً ركز على هاي النقطة

CH : @SparkSecurity

بوست جديد على الانستكرام!

شاركونا ارائكم بالبوست

اضغط هنا لرؤية المنشور

CH : @SparkSecurity

ما شاء الله بديت اشوف انجازات متابعين قناتنا اللي محصل

CCNA
EJPTV2
وغيرها هواي من الشهادات

وخاصه المبتدئيين اللي جاي يسئلون هواي ونجاوبهم دائماً

انتو فخر والله واحييكم على انجازاتكم ، الفضل يعود لله
واسال الله ان يقويني على الاستمرار بنشر المحتوى الكم بالمنشورات التقنية السيبرانيه وغيرها حتى نوفر الكم اقصى جودة من المحتوى السيبراني

ودائماً مراح اقصر وي اي شخص

مفتخر ب انجازاتكم واللي وصلتو اله وشكرا على تفاعلكم وثقتكم بينا

استمروا واحنا اول الداعميين الكم ❤️🔥

" Dont stop , Spark Behind you ! "

CH : @SparkSecurity

جُمعة مباركة ❤️

سلام عليكم اضطر آني اتوقف شوية عن النشر بالوقت الحالي بسبب وعكة صحية، أتمنى دعواتكم الطيبة. إن شاء الله أرجع قريب أقوى وأحسن، وبالمناسبة، اكو مواضيع مفيدة تفيدكم خلال فترة توقفي تكدرون ترجعون بالمنشورات القديمة
شكراً لكل واحد بيكم على دعمكم المستمر.


Contact us: @Nationofdev_bot
CH: @SparkSecurity

Follow us : https://linktr.ee/spark.sec

CH : @SparkSecurity

5,800 ❤️

عُدنا من جديد

شباب تعرفون اخر فترة كُلش كثفنا المنشورات عن الفئة واللي هم ما قبل دخول اختصاص الامن السيبراني وشلون تدخل الامن السيبراني وشلون تتخصص وجاوبنا على هواي تساؤلات هسه راح نترك هذا الموضوع ونرجع عليه بعدين ب منشورات مُختلفة بعد فترة اذا شفنا اسئلة جديدة بالاختصاص او تساؤلات تثير الاشخاص اللي يريدون يحددون تخصصهم ف راح نجهز الهم المنشورات اللي يحتاجوها حسب التساؤلات

هسه المنشورات راح ترجع قبل ( كورسات ) شروحات عن السايبر للفئة المبتدئين والمتوسط والمُحترفين ف اذا نزلت منشورات وانت مافاهمها هاي ، اريدك تبحث وتتعلمها

اما بالنسبة للمنشورات اللي تكون اعلى من مستواك ، بس لا تسبق الاحداث اريدك فقط تاخذ معلومات لان مثل متعرفون 90% من محتوى ومنشورات القناة مُحتوى متسلسل بالمعلومات وكل منشور هو يختلف عن اللي قبلة واحياناً هو جزء من سلسلة اكمال منشور او ربط افكار ب بعضها

ف مثل ما كلتلكم اريدك تركزون على اللي جاي وتربطون الافكار الجديدة بالمنشورات القديمة واريدك تبحث وتسألنا على البوت بالمعلومات الجديدة

البوت : @Nationofdev_bot
حساباتنا : https://linktr.ee/spark.sec
CH : @SparkSecurity

سلام عليكم شباب بنات اليوم موضوعنا عن الـ Wireshark احنا شارحين عنه مُسبقاً بس اليوم راح نشرح بتفصيلية شوي وبفهم اعمق راح نتطرق للشبكات بنفس الوقت خليكم متابعين بعد قليل

CH : @SparkSecurity

مبدئياً احنا منزلين هواي كُتب + كورسات لهاي الاداة ، الاداه هاي جداً قوية ومفيدة ب مجال " تحليل الشبكات واللي هي الـ Wireshark هاي الاداة تتيح النا شنو ؟

مراقبة حركة البيانات اللي تصير على الشبكة بين الاجهزة الفكرة انو Wireshark
تساعدنا انو نفهم شلون الاجهزة تتواصل مع بعضها البعض ، ونكتشف المشاكل او الهجمات اللي تصير عبر الشبكة

بالبداية لازم نكون فاهمين شنو هي الطبقات السبعة للنموذج المعروف

بـ OSI Model !!

CH : @SparkSecurity

الـ OSI Model هو اختصار لـ Open Systems Interconnection،

وهو نموذج مكون من 7 طبقات يمثل كيفية انتقال البيانات عبر الشبكة
الهدف من هذا النموذج هو تسهيل فهم وتحليل كيفية تواصل الأنظمة المختلفة مع بعضها البعض في الشبكات.

شرح الطبقات السبعة 🌐

Physical Layer

مسؤولة عن نقل الإشارات الفعلية عبر الوسائط
(مثل الكابلات أو الألياف الضوئية).
هنا تصير عملية إرسال البيانات على شكل إشارات كهربائية أو ضوئية.

‏Data Link Layer

مسؤولة عن الاتصال بين جهازين مباشرةً على نفس الشبكة.
في هذه الطبقة، يتم تقسيم البيانات إلى حزم ويتم إضافة معلومات العنوان الفعلي (MAC Address).

Network Layer

تختص بتوجيه الحزم عبر الشبكات المختلفة
تستخدم بروتوكولات مثل IP لتحديد مسار الحزم بين الأجهزة المختلفة

Transport Layer

مسؤولة عن التحكم في تدفق البيانات وضمان وصول البيانات بسلامة
أشهر البروتوكولات هنا هو
( لا يوفر موثوقية كبيرة لكنه أسرع) - UDP
(الذي يوفر اتصال موثوق) - TCP

Session Layer

تدير جلسات الاتصال بين الأجهزة وتسمح بفتح وإغلاق جلسات الاتصال
مثلاً، التحكم في مدة الاتصال وإدارته بشكل صحيح

CH : @SparkSecurity

Presentation Layer

تهتم بتنسيق البيانات وتشفيرها أو فك تشفيرها إذا كانت مشفرة.
تضمن أن البيانات التي تصل يمكن قراءتها وفهمها من قبل الطبقة العليا.

Application Layer

الطبقة التي يتفاعل معها المستخدم مباشرة
تتعامل مع التطبيقات التي نستخدمها يومياً مثل المتصفح والبريد الإلكتروني

CH : @SparkSecurity

بعد مافهمنا شنو اللليرات او الطبقات الـ Layers الموجودة ب الـ OSI Model
هسه نكمل شرحنا ع الواير شارك

لان كل بروتكول للشبكة يشتغل على طبقة معينة ، هاي الطبقات تبدا من الطبقة الفيزيائية اللي هي توصيل الاسلاك والكابلات وتصعد للطبقات الاعلى اللي تشمل التطبيقات والبرامج اللي نستخدمها ب شكل يومي

خلي نحجي بمثال بسيط مثل هجمات الـ DoS هاي الهجمات تعتمد على بروتوكول الـ TCP بالبرتوكول هذا عدنا عملية اسمها الـ TCP Handshake

اللي تصير كل مرة بجهاز يريد يتصل بجهاز ثاني المهاجمين يستغلون هاي العملية ب ارسال طلبات اتصال ( SYN ) بكميات كلش جبيرة الى جهاز الضحية

جهاز الضحية يبقى يحاول يكمل الاتصال وبهالطريقة يستنزف موارده ويوقفه عن الخدمة ، بمعنى يبقى يحاول يرسل Packets هجمة الـ Dos تعترض البيانات ويصير timeout للـPackets مما يؤدي الى ارتفاع الـ Packetloss ي
ا اما يفصل النت او ينقطع مؤقتاً ويرجع من الجهاز بسبب حزم البيانات الكبيرة اللي جاي يتعرضلها جهاز الضحية


CH : @SparkSecurity

ARP (Address Resolution Protocol) 🌐

هنا نكدر نسوي هجوم كُلش خطير اللي اسمه الـ ARP Poisoning
هذا الهجوم يخلينا نخدع الاجهزة الموجودة على الشبكة ونخليها ترسل البيانات النا بدل ما توصل للجهاز الصحيح يعني نكدر نراقب البيانات اللي المفروض تروح لغيرنا

🔑 = Mac Address

هسه نجي للجانب العملي ب كال لينكس مثلاً نفتح الواير شارك ونختار الواجهة اللي نريد نراقب حركة البيانات عليها البرنامج تلقائياً يبدأ بما يُسمى ( Capture )
او ألتقاط الحزم اللي تنتقل عبر الشبكة ونشوف انواع الحزم المختلفة بناء على الالوان اللي تظهر

🟩 = TCP

🟦 = UDP

⬛️ = Packets that have problems

إذا نريد نركز على حزم معينة، نكدر نستخدم التصفية. مثلاً، نكتب "dns"
حتى نشوف الحزم الخاصة بالـ DNS فقط

هاي الحزم هي اللي تصير لما نطلب اسم نطاق، مثل لما تكتبون "google.com" بالمتصفح، فيبدأ جهازك يسأل عن عنوان IP الخاص بهذا النطاق. تقدرون تشوفون الطلب والاستجابة بالتفصيل داخل Wireshark.

GET + POST


واحدة من الميزات الحلوة أيضاً هي "Follow TCP Stream "
وهي تساعدنا نشوف المحادثة الكاملة بين جهاز المستخدم والخادم (Server). نقدر نستخدم هاي الميزة لفهم تبادل البيانات بالكامل بين الجهازين.

وحتى نكون فاهمين الهجمات اللي تصير على البروتوكول، خلونا نرجع لهجمات TCP. مثل ما ماكلنا المهاجم يرسل كميات كبيرة من طلبات SYN، لكن ما يكمل الاتصال، وهذي الطريقة تستنزف موارد الجهاز المستهدف.

بالإضافة، عندنا هجمات أكبر مثل الـ DDoS، وهي نفس الفكرة، بس تكون موزعة على أجهزة كثيرة. يعني مو جهاز واحد اللي يهجم، وإنما مجموعة كبيرة من الأجهزة المهاجمة اللي كل وحدة ترسل طلبات للضحية، وهذا يخلي الخادم المستهدف ينهار

بهالطريقة، نكون فهمنا شلون ممكن نستخدم Wireshark لتحليل حركة الشبكة، ونكتشف الهجمات مثل الـ DoS وARP Poisoning.

أهم شيء أنكم تجربون الأداة وتتعلمون أكثر عن كيفية مراقبة الشبكة وتحليل البيانات حتى تكشفون أي هجمات محتملة.


CH : @SparkSecurity

شنو ربط النموذج ببرنامج Wireshark 🤔

لما نشتغل على Wireshark لتحليل حركة البيانات نكدر نشوف الحزم اللي تمر عبر مختلف طبقات الـ OSI

كل طبقة تلعب دور في كيفية إرسال واستقبال البيانات.

مثلاً، إذا نريد نحلل البيانات من طبقة Transport
نكدر نشوف حزم الـ TCP أو UDP

أما لو كنا نحلل الـ ARP Poisoning نحتاج نركز على الـ Data Link لأنها تعتمد
على عنوان الـ MAC

Wireshark

يعرض لنا الحزم بشكل متدرج من الطبقة السفلى (الفيزيائية) إلى الطبقات العليا، وبالتالي نكدر نشوف شنو نوع الحزمة، وأي طبقة تتأثر.

هالطريقة من عرض الطبقات تسهل علينا نفهم وين المشكلة بالضبط إذا كانت الحزمة تالفة أو الهجوم يصير على طبقة معينة.

CH : @SparkSecurity

السؤال

شلون المهاجم يكدر يستغل بروتوكول ARP لخداع الأجهزة بحيث ترسل البيانات لعنوان خاطئ؟

فكروا بالـ MAC Address والـ ARP Poisoning وشاركونا الإجابة عبر البوت!

اتذكرو الـ Key

🔑 = Mac Address

@Nationofdev_bot

CH : @SparkSecurity