عدنا الـ Data-Driven Attacks الهجمات هاي تعتمد على البيانات نفسها بحيث المهاجم يكدر يستغل الثغرات الموجودة بالـ Data Handling او Api's للتلاعب بالبيانات المشتركة بين التطبيقات ، عن تجربتي اكثر شي شايفة هو ضعف النظام الامني من خلال الـ API مثل ماتعرفون الـ API هو وسيلة ربط بين مثلاً البرنامج الاساسي والبرنامج الفرعي المربوط ب التطبيق او الموقع او البرنامج من خلال هاي الثغرة .. راح تكدر تنفذ 3 هجمات واكو غيرها بعد بس حنشرح 3 بس

اللي هم اولاً عندك الـ SQL Injection هاي شارحين عنها وتعرفوها واللي هي ادخال اوامر خبيثة ب الحقول المدخلة من قبل المستخدمين مثل تسجيل الدخول او البحث

او عن طريق الـ Data Exfiltration هو سرقة البيانات اثناء معالجتها او نقلها بين الانظمة مثلاً بالمواقع ـ عمليات الـ GET , POST هو نقل البيانات بين الكلاينت والسيرفر وهسه نرجع لهاي النقطة بشكل مفصل اكثر ..

عدنا الـ Channel Hijacking هذا النوع من الهجمات يركز على قنوات الاتصال بين التطبيق الاساسي والتطبيق الفرعي ب استخدام تقنيات هواي ومنها

MITM المهاجم هنا يكدر يعترض الاتصالات ويعدل على البيانات المرسلة او المستلمة وحاجين عن الـ MiTM سابقاً

https://t.me/SparkSecurity/3282

او عن طريق الـSession hijacking من خلالها تتم سرقة الـ token او الـ Session token للمستخدم للوصول الى داتا المستخدم او عن طريق الـ Replay attacks هو اعادة ارسال بيانات قديمة مثل الرموز الامنية او API Request's

زين شنو نتيجة الـتقنيات هاي هو الـ Data Tempering التلاعب بالمعلومات الحساسة مثل تفاصيل المدفوعات او بيانات المستخدم ، وبنفس الوكت تسبب
Credential Harvesting اللي هي سرقة بيانات تسجيل ادلخول او السشنات النشطة

CH : @SparkSecurity

شنو أرائكم حول الموضوع شنو عدكم استفسارات ؟ تكدرون ترسلون النا عن طريق البوت

@Nationofdev_bot

راح نكمل شرحهم غير وكت ان شاء الله ، بالتوفيق ..

CH : @SparkSecurity

بوست جديد على الانستكرام !

اضغط هنا لمشاهدة المنشور

CH : @SparkSecurity

بالمنشور السابق حجينا عن الـ Data Exfiltration واليوم راح نشرح بشكل مفصل اكثر .. خليكم متابعين

الـ Data Exfiltration بالنسبة للمواقع ، تستغل العمليات مثل GET , POST لنقل العمليات بين الكلاينت والسيرفر

شلون تتم العملية بالضبط ؟

ببساطة تتم اذا جان الموقع يعرض بيانات حساسة ضمن الرابط URL
مثل
(:?id=12345&name=JohnDoe)
المهاجم يكدر يسوي اعتراضات عن هذا الرابط عبر تقنيات مثل

MITM - هنا يعترض اثناء نقل الطلب
Referrer Logs

مثل اداة الـ intruder بالـ Burp Suite يمكن استخدامها لتعديل واستغلال طلبات الـ GET اللي تحتوي على بيانات حساسة ب الرابط

اولاً تم الطريقة عن طريق جمع البيانات المهاجم يعترض طلب الـ GET ب استخدام Burp Suite ليحصل على الرابط اللي يحتوي على معلومات حساسة

GET /profile?id=12345&name=JohnDoe HTTP/1.1
Host: example.com

الرابط يحتوي على معلومات مثل ID و Name للاستغلال الي قد تكون اهدافا سهلة للاستغلال بعدها راح يتم ارسال طلب من خلال البربسيوت يتم ارسال طلب الى الانترودر ونحدد المعلومات للتلاعب ف راح تكون هيج

GET /profile?id=§12345§&name=§JohnDoe§ HTTP/1.1
Host: example.com

علامة الـ § تشير الى الاجزاء اللي يتم استهدافها وتعديلها اثناء الهجوم بعدها يتم اعداد البايلود حسب نوع الهجوم مثلا

راح يستغل ID's و users

الايدي تكون مثلاً ارقام ثانية 1001,1002,2604 والـ IDS ممكن تكون admin root وغيرها

لما يشتغل الانترودر راح يرسل البربسيوت الطلبات المعدلة للسيرفر ويحدد المهاجم اذا جان يكدر؟

هل من الممكن يوصل لبيانات مستخدمين اخرين عن طريق هاي الثغرة؟
او استغلال النظام للحصول على معلومات حساسة

العملية الاولى اللي صارت هي Information gathering بعدها payloads


مثال عن وصول الى بيانات مستخدم اخر

الـRequest الاصلي

GET /profile?id=12345&name=JohnDoe HTTP/1.1

الـ Request المُعدل

GET /profile?id=67890&name=JaneDoe HTTP/1.1

النتيجة اذا جان السيرفر معلومات مستخدم بناء على id دون تحقق اضافي ف المهاجم راح يكدر رؤية ب يانات الشخص JaneDoe

CH : @SparkSecurity

شلون نمنع هذا الهجوم من نضرة مُبرمجين لهاي المواقع !

دائماً نحاول نسوي استخدام التحقق من الهوية لكل طلب اللي هو الـ Authentication عن طريق ربط الريكوست ب جلسة المستخدم ب الـ Session الحالي عبر Token

او عن طريق تطبيق التحقق من المدخلات مالتنا عن طريق انو دائما نتحقق من ان الـ ID يخص المستخدم اللي قام بالطلب ، دائما لازم نستخدم ارقام معرفات غير متوقعة او بمعني تقني ( Non-Sequential IDs ) عن طريق استبدال ارقام الـ IDs بأرقام عشوائية او عن طريق تقنية الـ Tokenization واكيد وليس اخراً هو التشفير عبر الـ HTTPS لضمان ان البيانات ب مرحلة الطلب لا يتم اعتراضها ب الطريق!

CH : @SparkSecurity

شارك القناة في كروباتكم الدراسية للاستفادة

الي يداوم قسم امن سيبراني او اي تخصص تقني اخر

علوم حاسبات
هندسة حاسبات
نظم معلومات وباقي التخصصات الاخرى لان الكل ممكن يستفاد من المعلومات الموجودة بقناتنا

❤️.

CH : @SparkSecurity

اليوم نكمل شرح عن Data Exfiltration ، خليكم جاهزين!

مثل ما حجينا وكلنا أكو GET و POST Request


الـ GET Request ، يتم استخدامه لجلب البيانات من السيرفر والبيانات يتم ارسالها كجزء من الرابط ( URL )

GET /search?q=user123 HTTP/1.1

المشكلة هنا ان البيانات مكشوفة بالـ URL وممكن تتسجل بالـ Logs

حجينا ب شكل مُفصل عن الـ GET سابقاً اليوم ننتقل لعملية الـ POST

البوست ريكوست ، يتم استخدامه لارسال بيانات للموقع او السيرفر مثل الفورمات ( Forms ) وغيرها ، البيانات تكون مخفية بالـ Request body

مثال ..

POST /login HTTP/1.1
Content-Type: application/x-www-form-urlencoded

username=admin&password=supersecret

البيانات هنا مخفية لكنها ما زالت مُعرضة للاستغلال اذا ما صار تأمين قوي !

أكو هواي طرق للاستغلال اذا صار كلنا MITM أو Brute Force Attack h أو Request Analysis أو Input Validation أو Cross-Origin Resource Sharing

بالنسبة للـMITM
إذا جان الاتصال غير مشفر (بدون HTTPS)، المهاجمين يكدرون يعترضون البيانات أثناء نقلها بين الجهاز والسيرفر

مثال

المستخدم يرسل بيانات تسجيل الدخول، والمهاجم يستغل أدوات مثل Wireshark لالتقاط البيانات

اما بالنسبة لهجوم #Brute_Force_Attack اذا السيرفر ما يحتوي على اليات الحماية المضبوطة المهاجمين يكدرون يستخدمون محاولة ادخال البيانات بشكل اوتماتيكي مثل

عن طريق سكربت واحد ممكن ارسال هواي ريكوستات للسيرفر مثل تخمين كلمة سر مُعينة ب استخدام سكربت واحد

بالنسبة للريكوست انلايسز او تحليل البيانات المهاجم هنا يكدر يستخدم ادوات مثل الـ Brup Suite أو OWASP ZAP لفحص الطلبات وتعديلها قبل إرسالها للسيرفر يعني شلون

مثال

تغيير  البيانات الحقول بالـ Request body لارسال قيم مامتوقعة 

username=admin'--&password=123

لمحاولة استغلال ثغرات SQL Injection

بالنسبة للتحقيق من الانبت او المدخلات Input vaildation حجينا عنه بالنسبة للـ GET ، بس هنا اذا السيرفر ما يتحقق من المدخلات بشكل كافي المهاجم ايضاً ممكن يرسل سكربتات مثلاً جافا سكربت عبر الـ بوست ريكوست لاستهداف ثغرات الـ XSS او بِما تُسمى Cross-Site-Scripting مثال

username=<script>alert('Hacked!')</script>&password=123

الثغرة الشائعة هي استغلال ضعف
الـ CORS ( Cross-Origin Resource Sharing )

اذا اعدادات الـCORS مو صحيحة المهاجم ايضاً ممكن يرسل بوست ريكوست من مواقع غير موثوقة للتلاعب بالبيانات او حتى سرقتهاً

طرق التامين كُلش سهل تطبيقها بس اهم شي المتابعة دائماً .. عن طريق استخدام HTTPS اول شغلة! ، واكيد التشفير يمنع المهاجمين من اعتراض البيانات واكيد الاهم الحماية من البروت فورس ب استخدام معدل الريكوستات ب شكل محدود عن طريق وضع Rate Limting وقفل الحساب بعد عدد معين من المحاولات ..
واكيد لازم الـ API نأمنه بشكل قوي ونستخدم طريقة الـ Access Tokens بالنسبة للكود نستخدم الادوات التحليلية الامنية مثل

- SYNK
- Checkmarx

https://snyk.io/
https://checkmarx.com/

بالنسبة لمراقبة الريكوستات دائمااااا واريدك تركز عليها انو تراقب الـ Logs بشكل دائمي ، واعتماد ادوات التحليل مثل Splunk و ELK واكيد استخدام الـ WAF راح يمنع الطلبات Non trusted وكشف الانشطة

بما انو وصلنا لنهاية الموضوع وموضوع الـ Data Exfiltration على ما اعتقد اكتشفتوا بالنهاية انو الحل يبدي من تطبيق افضل الممارسات وهذا الشي صح! عن طريق التولز اللي وفرتهن الكم حسيت انت ماكو داعي تتعلم بس هذا الشي غلط تبقى هاي مجرد ادوات تساعدك بحماية موقعك الالكتروني او تحمي المواقع اللي تشتغل الهم 😉 ف نعتبر هذا شنو ؟ 🔑 اوكي؟

اوكي .. نصيحة اخيرة دائماً فكر مثل المهاجم

CH : @SparkSecurity

معلومة اليوم

أول لغة برمجية تتعلمها هي دائمًا الأصعب، بغض النظر عن مدى سهولة أو صعوبة اللغات الأخرى.

CH : @SparkSecurity

#Backdoor

الباك دور هو نوع من انواع الـ Malware اللي يصممها المُهاجم حتى يحصل على دخول غير مصرح بيه للنظام او الجهاز يعني طريق سري يدخل من خلالة المهاجم للنظام ب أي وكت ، الباك دور ممكن ينزرع من خلال ملفات مصابة اساساً او استغلال ثغرات وهدفه الاساسي هو البقاء مخفي لاطول فترة مُمكنة بالنظام نفسه!

RevC2 Backdoor

الريف سي تو هو احد الانواع المتطورة من الباك دورز اللي ينزرع بأنظمة الـضحايا ويستخدم ب هجمات موجهة ( Targeted Attacks ) وهذا النوع يهدف الى التحكم الكامل بالجهاز عن بعد ( Remote Control )

Command and control C2

الماهجم يرسل اوامر للجهاز من خلال سيرفر C2 الـ RevC2 يستخدم تقنيات متطورة حتى يخفي هذا الاتصال مثل تشفير البيانات اللي يرسلها ويستقبلها من خلالها راح يحصل على بيانات ويجمع معلومات عن الضحية مثل الملفات وكلمات المرور او نشاطات المستخدم وغيرها هواي واكيد تنفيذ اوامر يرسلها المهاجم مثل حذف الملفات وغيرها

ليش الـ Backdoor خطر؟ 👀
لأنه يفتح الباب لأي شخص يمتلك صلاحيات الدخول بدون إذنك. ممكن يستخدمه المهاجم للسرقة، الابتزاز، أو حتى تعطيل الأنظمة بالكامل. والأسوأ، مرات يكون جزء من هجوم أكبر مثل

Ransomware أو APT (Advanced Persistent Threat))

#Backdoor #Ransomware #APT #Cyber_Security

CH : @SparkSecurity

7000 ❤️

البرمجة في الأمن السيبراني 🔥

هل فعلاً أحتاج أتعلّم برمجة؟ 🤔

أكيد تسأل نفسك إذا احتاج تتعلّم لغة برمجة الجواب ببساطة نعم ولا بنفس الوقت ليش؟ لأن الموضوع يعتمد على أهدافك وشلون تريد تبني مسيرتك في هذا المجال.

هسة، بالمجال الحالي ومع وجود الأدوات اللي تعتمد على النقرة والاختيار (Point-and-Click)، تكدر تكون هكر أخلاقي جيد بدون ما تحتاج برمجة اذا تعرف كل الأدوات وتفهم طريقة شغلها، راح تكدر تسوي شغل فعال
لكن هنا المشكلة
أغلب الناس راح يصنفوك كـ"Script Kiddie" (شخص يعتمد على أدوات مبرمجة مسبقاً)

ليش تحتاج تتعلّم برمجة؟
رأيي الشخصي تعلّم البرمجة، حتى لو كانت الأساسيات ليش؟ لأن هذا الشي راح ينطيك فهم أعمق باللي يصير بالخلفية للبرامج والمواقع وإذا تعلمت البرمجة بعمق، تكدر تبرمج أدواتك الخاصة

شنو الفايدة من هالشي؟

تصير هكر محترف لما تسوي أداة أو ثغرة بنفسك راح تكون بمستوى أعلى وتتميز عن البقية

السيطرة على الأمور غير المكتشفة تتخيل لو هكر "Black Hat" اكتشف ثغرة جديدة وبرمج استغلال خاص بيها راح يكدر يسيطر على آلاف الأجهزة
قبل لا أحد يعرف بوجود الثغرة ويصلحها

صدكني راح تحس بالانجاز ، لما تسوي أداة أو تكتشف ثغرة بنفسك، راح تحس بمتعة وإنجاز ماكو مثلها

المفروض ما تقبل تكون هكر يعتمد بس على الأدوات الجاهزة. اخذ وقتك وتعلّم الأساسيات، وراح تشوف عالم جديد بالكامل يفتح كدامك

CH : @SparkSecurity

من وين أبدأ ؟ 👀

هواي ناس يقررون يتعلمون البرمجة بس يضيعون بين الخيارات
رأيي انو قبل لا تبدي بأي لغة برمجة، تعلّم HTML

HTML هو اللي يبني صفحات المواقع اللي تشوفها بالإنترنت
بسيط وسهل، وراح يساعدك تتعود على قراءة الكود
بعدها،

أنصحك تبدأ بلغة C 🔑

لأنها واحدة من أشهر لغات البرمجة وتُستخدم في كتابة أغلب الثغرات اللي نشوفها اليوم لغة C أيضاً تُستخدم ببرمجة أدوات الاختراق والفيروسات القوية


أفضل طريقة للتعلّم | Best way to learn 🏆

يا اما تكون عن طريق يوتيوب او كتاب بس اني شخصياً ارشحلك ان تقرأ على كتاب وبعدها فيديوات تلتزم بين الفيديوات الشرح والكتاب اللي جاي تدرسة

بالنسبة للاستمرارية لا تاخذ فترات استراحة طويلة اثناء التعلم لانك راح تنسى الاساسيات ف الاستراحات القصيرة اثناء تعلم البرمجة افضل من الاستراحات الطويلة

حل كل التمارين كل تمرين موجود بالكتاب او تمارين موجودة ع النت حاول تحله التطبيق التطبييق هو اسرعع طريقة للتعلم واكيد لازم ما تهرب من الصعب اذا واجهتك نقطة صعبة ومافهمتها لاتتركها ، ركز عليها وابحث على واحد يشرحها الك بس اكيد وما ننسى البحث ثم البحث حاول تحل ب ايدك وب عقلك حاول ب كل حواسك 😅 ، اهم شي تحل ب ايدك

واخيرا وليس اخرا التطبيق المستمر عن طريق تجربة افكار جديدة او بناء برنامج من فكرتك وتعلم شلون تبنيها عن طريق بناء فلو جارت وخوارزمية وبعدها بلش تعلم طرق البناء الصحيحة للبرامج مهما كانت بسيطة

CH : @SparkSecurity

معلومة اليوم 💡

قسم الأمن السيبراني في الجامعات يمنحك شهادة أكاديمية 🎓
 لكنها ليست شهادة إثبات خبرة 

الشهادات الاحترافية (Certifications) هي اللي تصنع الفارق وتثبت خبرتك العملية بمجال الأمن السيبراني

CH : @SparkSecurity

CH : @SparkSecurity

راجعين قريباً 😉.