2027-yildan ko‘p qavatli uylarda liftlardan foydalanish bo‘yicha yangi tartib joriy etiladi

1-yanvardan liftlarni ro‘yxatdan o‘tkazish, texnik xizmat shartnomalari va tekshiruv natijalari “Xavfsiz lift” yagona elektron platformasi orqali yuritiladi.

Liftlarni ro‘yxatdan o‘tkazish bepul bo‘ladi. Dastlabki texnik ko‘rik ijobiy natija bilan yakunlanganidan so‘ng lift ikki ish kuni ichida ro‘yxatga olinadi.

Binolarni boshqaruvchi tashkilotlar liftlarga kamida oyiga bir marta texnik xizmat ko‘rsatilishini ta’minlashi shart.

Yo‘lovchi liftlarida qurilish materiallari, chiqindilar, yirik buyumlar hamda portlovchi, yonuvchan, radioaktiv va zaharli moddalarni tashish taqiqlanadi.

Yangi liftlarga kamida uch yillik kafolat beriladi, kafolat davridagi ta’mirlash va ehtiyot qismlarni almashtirish 15 kundan oshmasligi kerak:

https://www.spot.uz/oz/2026/10/23/elevator-requirements/

Telegram | Instagram | YouTube

Toshkentda Shahrisabz ko‘chasidagi BRT avtobus yo‘lagi yana 1 km ga uzaytirildi

Natijada Shota Rustaveli va Shahrisabz ko‘chalaridagi uzluksiz BRT yo‘lagining umumiy uzunligi qariyb 8 km ga yetdi.

Yangi yo‘lak Amir Temur shoh ko‘chasi bilan Shahrisabz ko‘chasi kesishmasidan Maxtumquli ko‘chasi kesishmasigacha davom etadi.

BRT yo‘lagi avtobuslarning tirbandliklarga bog‘liqligini kamaytirish va harakat muntazamligini oshirishga xizmat qiladi.

Kelgusida yo‘lakni uzaytirib, Sergeli va Yunusobod tumanlarini yagona transport yo‘lagi orqali bog‘lash rejalashtirilgan:

https://www.spot.uz/oz/2026/10/24/brt-buses/

Telegram | Instagram | YouTube

FAW maxsus texnikalari biznes uchun ishonchli yechimlarni taklif etadi

BEZON, FAW zavodining O‘zbekistondagi rasmiy dileri, qurilish, kommunal xizmatlar va sanoat korxonalari uchun maxsus texnikalarni taklif etadi. Xaridni 30% boshlang‘ich to‘lov va 12 oydan 60 oygacha muddatli to‘lov asosida amalga oshirish mumkin (reklama).

https://www.spot.uz/oz/2026/10/24/bezon/

Toshkentda 265 o‘rinli yangi onkologiya markazi quriladi

Sog‘liqni saqlash vaziri Eldor Adilov Janubiy Koreyaning AUM & LEE Architects & Associates kompaniyasi vitse-prezidenti Li Von Sok bilan uchrashdi.

Uchrashuvda 265 o‘rinli yangi onkologiya markazi qurilishining keyingi bosqichlari muhokama qilib, konsalting xizmatlari bo‘yicha shartnoma imzoladi.

Kompaniya markazni loyihalashtirish, qurilishni nazorat qilish, tibbiy uskunalarni tanlash va axborot tizimini rejalashtirishda maslahat beradi.

Shuningdek, markaz xodimlari uchun radiologiya, yadro tibbiyoti, nur terapiyasi va tibbiy xizmatlar sifati bo‘yicha amaliy o‘quv dasturi tashkil etiladi:

https://www.spot.uz/oz/2026/10/24/cancer-centre/

Telegram | Instagram | YouTube

Namanganda 5,6 mlrd so‘mlik dorilar saqlanayotgan yashirin ombor aniqlandi

DXXning ma’lum qilishicha, Uychi tumanida joylashgan ombordan xorijda ishlab chiqarilgan 412 turdagi jami 67 923 birlik dori vositasi topilgan.

Mazkur dorilar kelgusida sotish uchun saqlangan. Hozirda holat yuzasidan ekspertizalar tayinlanib, tergovga qadar tekshiruv olib borilmoqda:

https://www.spot.uz/oz/2026/10/26/secret-storage/

Telegram | Instagram | YouTube

O‘zbekistonda noqonuniy suyultirilgan gaz sotuvchi 471 ta bunker faoliyati to‘xtatildi

2025-yil va 2026-yilning dastlabki to‘qqiz oyida Hududgazta’minot 3 mingdan ortiq to‘satdan tekshiruv va reyd o‘tkazib, suyultirilgan gaz ta’minoti bo‘yicha 1 217 ta qoidabuzarlik aniqlandi.

Ko‘rilgan choralar natijasida qiymati qariyb 2 mlrd so‘mlik 193,6 tonna gaz hamda 8,7 mlrd so‘mlik 17 301 dona gaz ballonining noqonuniy sotilishi oldi olindi.

Joriy yilning dastlabki to‘qqiz oyida 1,4 ming tonna suyultirilgan gaz va 10 626 dona maishiy gaz balloni talon-toroj qilingani aniqlanib, 19 ta jinoyat ishi qo‘zg‘atildi:

https://www.spot.uz/oz/2026/10/26/gas-cylinder/

Telegram | Instagram | YouTube

Toshkentda isitish mavsumi qachon boshlanishi ma’lum qilindi

Potaxt hokimligining ma’lum qilishicha, markazlashgan isitish tizimi o‘rtacha sutkalik havo harorati ketma-ket besh kun davomida +8 °C dan past bo‘lganda ishga tushiriladi.

Mutasaddilar havo keskin sovigan taqdirda issiqlik berishni boshlash qarori kechiktirilmasligini bildirdi.

Ayni paytda tizimlarni isitish mavsumiga tayyorlash ishlari davom etmoqda:

https://www.spot.uz/oz/2026/10/26/heating-season/

Telegram | Instagram | YouTube

O‘zbekistonda AES qurilishi 2027-yilda kengaytiriladi — Rosatom

Rosatom rahbari Aleksey Lixachyovning ma’lum qilishicha, kelasi yil Jizzaxdagi ilk integratsiyalashgan AES loyihasi qurilish maydonida keng ko‘lamli ishlar boshlanadi.

Ishchilar soni hozirgi 1 ming nafardan 12–13 ming nafargacha oshiriladi. Yirik AES bo‘yicha qidiruv va loyihalashtirish ishlarini esa yakunlash rejalashtirilgan.

Joriy yilda ikkita kichik energiya bloki reaktor bo‘limlari poydevorini betonlash, boshqaruv binosi, reaktor va turbina zallari qurilishini boshlash ko‘zda tutilgan.

Rosatom hisob-kitoblariga ko‘ra, loyihada mahalliylashtirish darajasi 40% ga yetishi mumkin:

https://www.spot.uz/oz/2026/10/26/npp-construction/

Telegram | Instagram | YouTube

Yevroosiyo taraqqiyot banki Markaziy Osiyo uchun yangi investitsiya jamg‘armasini tashkil etadi

Jamg‘arma Markaziy Osiyo va Kavkaz mamlakatlari kompaniyalariga investitsiya kiritish uchun xizmat qilishi kutilmoqda.

Maqsadi esa sanoatni rivojlantirish, kompaniyalarni uzoq muddatli kapital bilan ta’minlash va yangi bozorlarga chiqishini qo‘llab-quvvatlashga qaratilgan.

Tashabbusda YTB, Xitoy va Ummon investitsiya tashkilotlari, O‘zbekiston Tiklanish va taraqqiyot jamg‘armasi, Turkiyaning OYAK fondi va Shenwan Hongyuan Securities qatnashadi:

https://www.spot.uz/oz/2026/10/26/eabr-cacpef/

Telegram | Instagram | YouTube

27-oktabrdan Urganch — Xiva yo‘nalishida yangi trolleybuslar qatnovi yo‘lga qo‘yiladi

Urganchda Xorazm trolleybus saroyining yangi binosi foydalanishga topshirildi.

Ertadan Urganch — Xiva yo‘nalishida Yutong rusumli yangi trolleybuslar qatnovi boshlanadi. Bu qatnov oralig‘ini 25 daqiqadan 12 daqiqagacha qisqarishi kutilmoqda:

Trolleybuslar Urganch xalqaro aeroporti, Urganch temir yo‘l vokzali va Xiva temir yo‘l vokzalini bog‘laydi:

https://www.spot.uz/oz/2026/10/26/urgench-khiva/

Telegram | Instagram | YouTube

2027-yildan O‘zbekistonda shakar importiga yillik 300 ming tonna kvota joriy etilishi rejalashtirilmoqda

Vazirlar Mahkamasi mahalliy shakar sanoatini qo‘llab-quvvatlash choralarini yopiq qaror bilan tasdiqladi.

Oq shakar importining yillik kvotasi 300 ming tonna bo‘lib, ichimliklar, qandolat va boshqa oziq-ovqat ishlab chiqaruvchilariga 100 ming tonnadan ajratiladi.

Kvotaning aniq hajmi har yili noyabr oyida Iqtisodiyot va moliya vazirligi, Milliy statistika qo‘mitasi hamda Raqobat qo‘mitasi takliflari asosida belgilanadi.

Bunda ichki iste’mol, ishlab chiqarish quvvatlarining bandligi va narxlarni hisobga olgan holda kvotani har olti oyda qayta ko‘rib chiqish mumkin.

Bundan tashqari, mahalliy zavodlarning kreditlarni qaytarish muddatlari uzaytiriladi va foiz xarajatlarining bir qismi qoplab beriladi:

https://www.spot.uz/oz/2026/10/26/sugar-no-please/

Telegram | Instagram | YouTube

“Biz raqobatdan qo‘rqmaymiz”: Rosatom O‘zbekistonda yangi AESlar qurishga tayyor

Rosatom rahbari Aleksey Lixachyov kompaniya O‘zbekistondagi yangi loyihalarda qatnashishga tayyorligini, hamkor tanlash esa mamlakat ixtiyorida ekanini bildirdi.

Unga ko‘ra, 2027-yilda O‘zbekistondagi kichik AESga xizmat ko‘rsatadigan mutaxassislar bilan dastlabki shartnomalarni tuzish rejalashtirilgan.

“Ishonchim komilki, O‘zbekiston hozirgi rejalar va mavjud to‘rtta energoblok bilan cheklanib qolmaydi”, — deya xulosa qildi Rosatom rahbari.

Avgustda Shavkat Mirziyoyev ikkinchi AES qurilishiga tayyorgarlik boshlanganini ma’lum qilib, hamkor davlatni oshkor etmadi.

Sentabrda Serbiya sobiq prezidenti Aleksandr Vuchich stansiya Xitoy bilan hamkorlikda qurilishini aytgan.

O‘tgan hafta esa davlat rahbari O‘zbekistonda ikkinchi va uchinchi AESlarni qurish rejalari haqida ma’lum qildi:

https://www.spot.uz/oz/2026/10/24/rosatom/

Telegram | Instagram | YouTube

Million dollarlik kamomad va $128 minglik Mercedes: IMAN Invest’da nimalar bo‘lyapti?

IFCB kengashi IMAN Invest bilan hamkorlikni to‘xtatdi. Kengash a’zosi Mahmud Usmon kompaniyada moliyaviy qoidabuzarliklar aniqlanganini aytdi. Kompaniya rahbari Rustam Rahmatov esa ayblovlarni rad etdi.

Mahmud Usmon e’lon qilgan audit hujjatlarida $2,97 mln qarzdorlik, $9,5 mln muammoli kreditlar va oyiga $350 ming boshqaruv xarajatlari qayd etilgan. Shuningdek, investorlar mablag‘lari hisobidan Rahmatov uchun $128 minglik Mercedes-Benz S500 xarid qilingani aytilgan.

IFCB kengashi a’zosi kompaniyaning taxminan $70 mlnlik portfelida $20 mln kamomad borligini ham bildirdi. Rahmatov esa investorlar oldidagi majburiyatlarini bajarishini va audit natijalarini e’lon qilishini aytgan.

Bundan tashqari, IMAN Invest Rahmatovning videomurojaatini Telegram kanalidan o‘chirib, kompaniya faoliyatiga oid savollarni mustaqil tekshiruv asosida ko‘rib chiqishga tayyorligini bildirdi:

https://www.spot.uz/oz/2026/10/26/iman-invest/

Telegram | Instagram | YouTube

O‘zbekistonliklarning Misrga kirishiga talablar 2027-yil martgacha kechiktirildi

Tashqi ishlar vazirligi va Misr tomoni kirish tartibini qat’iylashtirish bo‘yicha avvalgi qarorni qayta ko‘rib chiqishga kelishdi.

Yangi qoidalar kuchga kirgunga qadar o‘zbekistonliklar Misrga amaldagi tartib asosida sayohat qilishlari mumkin.

Yangi tartib 1-noyabrdan kuchga kirishi kerak edi. Unga ko‘ra, 40 yoshgacha bo‘lganlar oila a’zolari bilan va $5 ming, 40 yoshdan oshgan mustaqil sayyohlar esa $3 ming naqd pul bilan safar qilishi lozim edi.

Shuningdek, kirish vizasini oldindan rasmiylashtirish va qo‘shimcha hujjatlarni taqdim etish talabi belgilangan edi:

https://www.spot.uz/oz/2026/10/26/uz-egypt/

Telegram | Instagram | YouTube

Toshkentda 10 gektar maydonda O‘zbekfilm kino shaharchasi tashkil etiladi

Bo‘lajak klasterning asosiy tarkibiy qismlaridan biri dublyaj va ovozlashtirish markazi bo‘ladi.

Loyiha-smeta hujjatlarini esa yaqin ikki oy ichida tayyorlanib, kinoshaharcha qurilishi 2027-yil mart oyida boshlanishi kerak.

Shuningdek, O‘zbekistonda mualliflik huquqlari va kasbiy manfaatlarni himoya qilish, yosh mutaxassislarni qo‘llab-quvvatlash uchun Kinoindustriya vakillari palatasi tashkil etiladi.

Har yili kino sohasi tashkilotlarining 300 nafar xodimi mamlakat sanatoriylarida bepul dam olib, davolanishi mumkin bo‘ladi:

https://www.spot.uz/oz/2026/10/26/cinema-city/

Telegram | Instagram | YouTube

Coldwell Banker Commercial Uzbekistan boshqaruvida Modera Towers bir yilda 80% dan ortiq to‘ldirildi

Bir yil oldin ijarachilar Toshkentdagi biznes-markazning bir qavatining yarmidan kamrog‘ini egallagan bo‘lsa, hozir taxminan 9500 kv.m Binoni boshqarish yagona raqamli platformaga o‘tkazildi (reklama).

https://www.spot.uz/oz/2026/10/27/modera-towers/