O‘zbekistonda noqonuniy suyultirilgan gaz sotuvchi 471 ta bunker faoliyati to‘xtatildi

2025-yil va 2026-yilning dastlabki to‘qqiz oyida Hududgazta’minot 3 mingdan ortiq to‘satdan tekshiruv va reyd o‘tkazib, suyultirilgan gaz ta’minoti bo‘yicha 1 217 ta qoidabuzarlik aniqlandi.

Ko‘rilgan choralar natijasida qiymati qariyb 2 mlrd so‘mlik 193,6 tonna gaz hamda 8,7 mlrd so‘mlik 17 301 dona gaz ballonining noqonuniy sotilishi oldi olindi.

Joriy yilning dastlabki to‘qqiz oyida 1,4 ming tonna suyultirilgan gaz va 10 626 dona maishiy gaz balloni talon-toroj qilingani aniqlanib, 19 ta jinoyat ishi qo‘zg‘atildi:

https://www.spot.uz/oz/2026/10/26/gas-cylinder/

Telegram | Instagram | YouTube

Toshkentda isitish mavsumi qachon boshlanishi ma’lum qilindi

Potaxt hokimligining ma’lum qilishicha, markazlashgan isitish tizimi o‘rtacha sutkalik havo harorati ketma-ket besh kun davomida +8 °C dan past bo‘lganda ishga tushiriladi.

Mutasaddilar havo keskin sovigan taqdirda issiqlik berishni boshlash qarori kechiktirilmasligini bildirdi.

Ayni paytda tizimlarni isitish mavsumiga tayyorlash ishlari davom etmoqda:

https://www.spot.uz/oz/2026/10/26/heating-season/

Telegram | Instagram | YouTube

O‘zbekistonda AES qurilishi 2027-yilda kengaytiriladi — Rosatom

Rosatom rahbari Aleksey Lixachyovning ma’lum qilishicha, kelasi yil Jizzaxdagi ilk integratsiyalashgan AES loyihasi qurilish maydonida keng ko‘lamli ishlar boshlanadi.

Ishchilar soni hozirgi 1 ming nafardan 12–13 ming nafargacha oshiriladi. Yirik AES bo‘yicha qidiruv va loyihalashtirish ishlarini esa yakunlash rejalashtirilgan.

Joriy yilda ikkita kichik energiya bloki reaktor bo‘limlari poydevorini betonlash, boshqaruv binosi, reaktor va turbina zallari qurilishini boshlash ko‘zda tutilgan.

Rosatom hisob-kitoblariga ko‘ra, loyihada mahalliylashtirish darajasi 40% ga yetishi mumkin:

https://www.spot.uz/oz/2026/10/26/npp-construction/

Telegram | Instagram | YouTube

Yevroosiyo taraqqiyot banki Markaziy Osiyo uchun yangi investitsiya jamg‘armasini tashkil etadi

Jamg‘arma Markaziy Osiyo va Kavkaz mamlakatlari kompaniyalariga investitsiya kiritish uchun xizmat qilishi kutilmoqda.

Maqsadi esa sanoatni rivojlantirish, kompaniyalarni uzoq muddatli kapital bilan ta’minlash va yangi bozorlarga chiqishini qo‘llab-quvvatlashga qaratilgan.

Tashabbusda YTB, Xitoy va Ummon investitsiya tashkilotlari, O‘zbekiston Tiklanish va taraqqiyot jamg‘armasi, Turkiyaning OYAK fondi va Shenwan Hongyuan Securities qatnashadi:

https://www.spot.uz/oz/2026/10/26/eabr-cacpef/

Telegram | Instagram | YouTube

27-oktabrdan Urganch — Xiva yo‘nalishida yangi trolleybuslar qatnovi yo‘lga qo‘yiladi

Urganchda Xorazm trolleybus saroyining yangi binosi foydalanishga topshirildi.

Ertadan Urganch — Xiva yo‘nalishida Yutong rusumli yangi trolleybuslar qatnovi boshlanadi. Bu qatnov oralig‘ini 25 daqiqadan 12 daqiqagacha qisqarishi kutilmoqda:

Trolleybuslar Urganch xalqaro aeroporti, Urganch temir yo‘l vokzali va Xiva temir yo‘l vokzalini bog‘laydi:

https://www.spot.uz/oz/2026/10/26/urgench-khiva/

Telegram | Instagram | YouTube

2027-yildan O‘zbekistonda shakar importiga yillik 300 ming tonna kvota joriy etilishi rejalashtirilmoqda

Vazirlar Mahkamasi mahalliy shakar sanoatini qo‘llab-quvvatlash choralarini yopiq qaror bilan tasdiqladi.

Oq shakar importining yillik kvotasi 300 ming tonna bo‘lib, ichimliklar, qandolat va boshqa oziq-ovqat ishlab chiqaruvchilariga 100 ming tonnadan ajratiladi.

Kvotaning aniq hajmi har yili noyabr oyida Iqtisodiyot va moliya vazirligi, Milliy statistika qo‘mitasi hamda Raqobat qo‘mitasi takliflari asosida belgilanadi.

Bunda ichki iste’mol, ishlab chiqarish quvvatlarining bandligi va narxlarni hisobga olgan holda kvotani har olti oyda qayta ko‘rib chiqish mumkin.

Bundan tashqari, mahalliy zavodlarning kreditlarni qaytarish muddatlari uzaytiriladi va foiz xarajatlarining bir qismi qoplab beriladi:

https://www.spot.uz/oz/2026/10/26/sugar-no-please/

Telegram | Instagram | YouTube

“Biz raqobatdan qo‘rqmaymiz”: Rosatom O‘zbekistonda yangi AESlar qurishga tayyor

Rosatom rahbari Aleksey Lixachyov kompaniya O‘zbekistondagi yangi loyihalarda qatnashishga tayyorligini, hamkor tanlash esa mamlakat ixtiyorida ekanini bildirdi.

Unga ko‘ra, 2027-yilda O‘zbekistondagi kichik AESga xizmat ko‘rsatadigan mutaxassislar bilan dastlabki shartnomalarni tuzish rejalashtirilgan.

“Ishonchim komilki, O‘zbekiston hozirgi rejalar va mavjud to‘rtta energoblok bilan cheklanib qolmaydi”, — deya xulosa qildi Rosatom rahbari.

Avgustda Shavkat Mirziyoyev ikkinchi AES qurilishiga tayyorgarlik boshlanganini ma’lum qilib, hamkor davlatni oshkor etmadi.

Sentabrda Serbiya sobiq prezidenti Aleksandr Vuchich stansiya Xitoy bilan hamkorlikda qurilishini aytgan.

O‘tgan hafta esa davlat rahbari O‘zbekistonda ikkinchi va uchinchi AESlarni qurish rejalari haqida ma’lum qildi:

https://www.spot.uz/oz/2026/10/24/rosatom/

Telegram | Instagram | YouTube

Million dollarlik kamomad va $128 minglik Mercedes: IMAN Invest’da nimalar bo‘lyapti?

IFCB kengashi IMAN Invest bilan hamkorlikni to‘xtatdi. Kengash a’zosi Mahmud Usmon kompaniyada moliyaviy qoidabuzarliklar aniqlanganini aytdi. Kompaniya rahbari Rustam Rahmatov esa ayblovlarni rad etdi.

Mahmud Usmon e’lon qilgan audit hujjatlarida $2,97 mln qarzdorlik, $9,5 mln muammoli kreditlar va oyiga $350 ming boshqaruv xarajatlari qayd etilgan. Shuningdek, investorlar mablag‘lari hisobidan Rahmatov uchun $128 minglik Mercedes-Benz S500 xarid qilingani aytilgan.

IFCB kengashi a’zosi kompaniyaning taxminan $70 mlnlik portfelida $20 mln kamomad borligini ham bildirdi. Rahmatov esa investorlar oldidagi majburiyatlarini bajarishini va audit natijalarini e’lon qilishini aytgan.

Bundan tashqari, IMAN Invest Rahmatovning videomurojaatini Telegram kanalidan o‘chirib, kompaniya faoliyatiga oid savollarni mustaqil tekshiruv asosida ko‘rib chiqishga tayyorligini bildirdi:

https://www.spot.uz/oz/2026/10/26/iman-invest/

Telegram | Instagram | YouTube

O‘zbekistonliklarning Misrga kirishiga talablar 2027-yil martgacha kechiktirildi

Tashqi ishlar vazirligi va Misr tomoni kirish tartibini qat’iylashtirish bo‘yicha avvalgi qarorni qayta ko‘rib chiqishga kelishdi.

Yangi qoidalar kuchga kirgunga qadar o‘zbekistonliklar Misrga amaldagi tartib asosida sayohat qilishlari mumkin.

Yangi tartib 1-noyabrdan kuchga kirishi kerak edi. Unga ko‘ra, 40 yoshgacha bo‘lganlar oila a’zolari bilan va $5 ming, 40 yoshdan oshgan mustaqil sayyohlar esa $3 ming naqd pul bilan safar qilishi lozim edi.

Shuningdek, kirish vizasini oldindan rasmiylashtirish va qo‘shimcha hujjatlarni taqdim etish talabi belgilangan edi:

https://www.spot.uz/oz/2026/10/26/uz-egypt/

Telegram | Instagram | YouTube

Toshkentda 10 gektar maydonda O‘zbekfilm kino shaharchasi tashkil etiladi

Bo‘lajak klasterning asosiy tarkibiy qismlaridan biri dublyaj va ovozlashtirish markazi bo‘ladi.

Loyiha-smeta hujjatlarini esa yaqin ikki oy ichida tayyorlanib, kinoshaharcha qurilishi 2027-yil mart oyida boshlanishi kerak.

Shuningdek, O‘zbekistonda mualliflik huquqlari va kasbiy manfaatlarni himoya qilish, yosh mutaxassislarni qo‘llab-quvvatlash uchun Kinoindustriya vakillari palatasi tashkil etiladi.

Har yili kino sohasi tashkilotlarining 300 nafar xodimi mamlakat sanatoriylarida bepul dam olib, davolanishi mumkin bo‘ladi:

https://www.spot.uz/oz/2026/10/26/cinema-city/

Telegram | Instagram | YouTube

Coldwell Banker Commercial Uzbekistan boshqaruvida Modera Towers bir yilda 80% dan ortiq to‘ldirildi

Bir yil oldin ijarachilar Toshkentdagi biznes-markazning bir qavatining yarmidan kamrog‘ini egallagan bo‘lsa, hozir taxminan 9500 kv.m Binoni boshqarish yagona raqamli platformaga o‘tkazildi (reklama).

https://www.spot.uz/oz/2026/10/27/modera-towers/

Aksiya va chegirmalar tekshiruvida 250 mln so‘m qayta hisob-kitob qilindi — Raqobat qo‘mitasi

Raqobat qo‘mitasi 58 ta savdo va xizmat ko‘rsatish shoxobchasidagi 116 ta aksiya va chegirmani o‘rganib, 65 ta muammo va kamchilikni aniqladi.

Natijada iste’molchilar foydasiga qariyb 250 mln so‘m qayta hisob-kitob qilindi. Aniqlangan kamchiliklarning 59 tasi bartaraf etildi, to‘rt nafar tadbirkorga nisbatan ish qo‘zg‘atildi.

Qo‘mita chegirmalar shaffofligini oshirish uchun mahsulot narxlarini QR-kod orqali tekshirish va aksiyalarni elektron tizimda oldindan ro‘yxatdan o‘tkazish mexanizmlarini taklif qilmoqda:

https://www.spot.uz/oz/2026/10/27/promotions-and-discounts/

Telegram | Instagram | YouTube

Birlamchi tibbiy yordam tizimi kelasi yili yana 100 ta tumanda joriy etiladi

Bu haqda Shavkat Mirziyoyev tibbiyot va farmatsevtika sohasi xodimlari bilan uchrashuvda ma’lum qildi.

Tibbiyotni raqamlashtirish xususiy klinikalar va dorixonalarni ham qamrab olib, tizimga yaqin orada SI joriy etiladi.

Yangi laboratoriyalar ishga tushirildi va bemorlar uchun tibbiy muassasalardan foydalanish tartibini belgilovchi “bemor marshruti” ishlab chiqildi.

Ambulator bemorlarga kafolatlangan paket doirasida 69 turdagi dori bepul berilmoqda. Kelasi yili model yana 100 ta tumanda joriy etiladi.

Shuningdek, farmatsevtika mahsulotlariga bo‘lgan ehtiyojning 70% ini mahalliy ishlab chiqarish hisobidan qoplashni maqsad qilingan:

https://www.spot.uz/oz/2026/10/27/medical/

Telegram | Instagram | YouTube

Oilaviy shifokorlik bo‘yicha mutaxassislarga 5,5 mln so‘m ustama to‘lanadi — prezident

Shavkat Mirziyoyevga ko‘ra, kelasi yildan tibbiyot talabalari haftasiga uch kun bemorlar bilan ishlashni o‘rganadi.

Bitiruvchilar esa so‘nggi o‘quv yilini to‘liq tibbiyot muassasalarida amaliyot o‘tashga bag‘ishlaydi.

Shuningdek, 2027-yildan tibbiyot oliygohlarida tor mutaxassislik bo‘yicha rezidentura bepul bo‘lib, talabalarga 3 mln so‘m stipendiya beriladi.

Bakalavriat bitiruvchilariga 1,5 mln so‘m, magistratura bitiruvchilariga 2,5 mln so‘m, oilaviy shifokorlik bo‘yicha tor soha mutaxassislariga esa 5,5 mln so‘m ustama beriladi.

Joriy yilda eng yaxshi shifokor va hamshiralarga 30 mln so‘mdan, kelasi yili hududiy tanlovning 14 nafar g‘olibiga esa elektromobil beriladi:

https://www.spot.uz/oz/2026/10/27/medical-reforms/

Telegram | Instagram | YouTube

Davlat ro‘yxatidan o‘tgan shifokor va farmatsevtlarga 7 mln so‘mdan ustama to‘lanadi

O‘zbekistonda tibbiyot va farmatsevtika xodimlarini davlat ro‘yxatidan o‘tkazish tizimi 2027-yil 1-iyuldan joriy etiladi.

Ro‘yxatdan o‘tgan shifokor va farmatsevtlarga 7 mln so‘mdan, hamshiralarga esa 3,5 mln so‘mdan ustama to‘lanadi.

Dastlab ro‘yxatdan o‘tish ixtiyoriy bo‘ladi, 2030-yildan majburiy tus oladi.

Shuningdek, tumanlardagi 130 ming nafar tibbiyot xodimining malaka oshirish xarajatlarini davlat to‘liq qoplaydi:

https://www.spot.uz/oz/2026/10/27/medical-surcharge/

Telegram | Instagram | YouTube

“Bu eng qimmat yo‘l”: shakar importiga kvotalar joriy etilishi kimga foyda, kimga zarar?

O‘zbekistonda shakar importiga yiliga 300 ming tonna kvota joriy etish rejalashtirilmoqda.

Mutaxassislar bu qaror shakar narxining oshishi, oziq-ovqat ishlab chiqaruvchilarining xarajatlari ko‘payishi va raqobatning cheklanishiga olib kelishi mumkinligini ta’kidladi.

Iqtisodchi Otabek Bakirovning hisob-kitobiga ko‘ra, import cheklanishi davlat budjetining bojxona to‘lovlaridan tushumini yiliga $65 mln ga kamaytirishi mumkin.

Yuliy Yusupov esa mahalliy ishlab chiqaruvchilarga imtiyozlar berish va importni cheklash raqobatni susaytirishini bildirdi.

Biznes-advokat Bektosh Hatamovning fikricha, shakar qimmatlashishi boshqa mahsulotlar narxiga ham ta’sir qilishi, korxonalarning eksport imkoniyatlarini cheklashi mumkin.

Hukumat rejasi mahalliy shakar zavodlarining kreditlarini uzaytirish, soliq imtiyozlari berish va davlat xaridlarida ularning mahsulotlariga ustuvorlik berishni ham nazarda tutadi:

https://www.spot.uz/oz/2026/10/27/sugar/

Telegram | Instagram | YouTube