Iqtisodiyot va moliya vazirligi isitish tariflari nega inflyatsiyadan yuqori oshirilishini tushuntirdi

O‘zbekistonda markaziy isitish tariflarini 2028-yildan boshlab yillik inflyatsiyaga mos ravishda, biroq yiliga 10% dan oshmaydigan miqdorda oshirish taklif etilmoqda.

Iqtisodiyot va moliya vaziri o‘rinbosari Xurshed Mustafayevning so‘zlariga ko‘ra, tariflarni indeksatsiya qilish 2028-yil 1-maydan boshlanishi rejalashtirilgan.

Bunda tariflar amaldagi yillik inflyatsiya darajasiga mos ravishda oshiriladi, lekin o‘sish 10% dan yuqori bo‘lmaydi. Masalan, inflyatsiya 6–7% bo‘lsa, isitish tariflari ham shu miqdorda oshiriladi.

Mustafayevning ta’kidlashicha, bu mexanizm inflyatsiya o‘zgarishlarini hisobga olish va tariflarni belgilangan chegaradan ortiq oshirmaslik imkonini beradi.

Aholi uchun elektr energiyasi va tabiiy gaz tariflarini ham yiliga 10% dan oshirmasdan indeksatsiya qilish mexanizmi 2026-yil boshidan amal qilmoqda:

https://www.spot.uz/oz/2026/10/16/tariffs-heating/

Telegram | Instagram | YouTube

ACWA Power 2027-yilda O‘zbekistonga yana $3,5 mlrd investitsiya kiritishga kelishib oldi

Shavkat Mirziyoyev xorijiy energetika kompaniyalari vakillari bilan uchrashib, qo‘shma investitsiya loyihalarini muhokama qildi.

Saudiya Arabistonining ACWA Power kompaniyasi bilan 2027-yilda O‘zbekistonga yana $3,5 mlrd investitsiya kiritishga kelishib olindi.

Tomonlar Markaziy Osiyoda ilk bor kecha-yu kunduz elektr energiyasi ishlab chiqaradigan quvvati 1 GVt bo‘lgan loyiha bo‘yicha $1,5 mlrdlik shartnoma imzoladi.

Turkiyaning Cengiz Holding kompaniyasi O‘zbekistonda to‘rtinchi va beshinchi loyihalarni amalga oshirish niyatida ekanini bildirdi.

Kompaniya boshqaruvi raisi Mehmet Jengiz Jizzaxdagi yangi stansiyani yaqin kunlarda ishga tushirish rejalashtirilganini bildirdi. Uchinchi loyihaga esa investitsiya kiritish ishlarini yakunlagan:

https://www.spot.uz/oz/2026/10/17/investments/

Rasmda: ACWA Power boshqaruvi raisi Muhammad Abunayyan va Shavkat Mirziyoyev

Telegram | Instagram | YouTube

Aksa Enerji Toshkent, Sirdaryo va Jizzaxdagi elektr tarmoqlarini boshqaruvga olmoqchi

Shavkat Mirziyoyev Turkiyaning Aksa Enerji kompaniyasi direktorlar kengashi raisi Jamil Kazanchi bilan energetika sohasidagi hamkorlikni kengaytirish va tarmoqni modernizatsiya qilish loyihalarini muhokama qildi.

Jamil Kazanchining so‘zlariga ko‘ra, kompaniya Toshkent, Sirdaryo va Jizzax viloyatlaridagi loyihalar bo‘yicha kelishuvlarni bir hafta ichida imzolashni rejalashtirmoqda.

Kompaniya Samarqandda boshlangan faoliyatini ushbu hududlarda ham kengaytirishni ko‘zda tutgan.

“Aksa guruhi sifatida elektr energiyasini taqsimlash tarmoqlariga sarmoya kiritib, yo‘qotishlarni kamaytirish, tannarxni pasaytirish va energiyadan foydalanish samaradorligini oshirishni maqsad qilganmiz”, — dedi u.

Aksa Enerji hozirgacha O‘zbekistonga $750 mln investitsiya kiritib, to‘rtta elektr stansiyasi qurgan:

https://www.spot.uz/oz/2026/10/17/aksa-enerji/

Telegram | Instagram | YouTube

Nega bazaviy me’yor 500 emas, 350 kVt/soatga oshirilyapti? IMV izoh berdi

Gazlashmagan hududlarda elektr energiyasi uchun bazaviy me’yorni oyiga 200 kVt/soatdan 350 kVt/soatgacha oshirish taklif qilinmoqda.

Iqtisodiyot va moliya vaziri o‘rinbosari Xurshed Mustafayev bunga kam ta’minlangan oilalarga beriladigan kompensatsiya va qishda elektr energiyasi iste’moli tahlilini asos qilib keltirdi.

Uning aytishicha, gazlashmagan hududlardagi aholining 60% i qishda oyiga 300 kVt/soatgacha elektr energiyasi ishlatadi. Shu sababli 350 kVt/soatlik me’yor taklif qilingan. Biroq, jurnalistlar so‘ragan 500 kVt/soatlik taklif bo‘yicha izoh bermadi.

Hozir qariyb 4 mln xonadon tabiiy gaz bilan ta’minlanmagan. Bundan tashqari, 600 mingdan ortiq mahallaga qishda gaz ta’minoti muntazam yetib bormaydi:

https://www.spot.uz/oz/2026/10/17/why350/

Telegram | Instagram | YouTube

Mirziyoyev China Energyni Navoiydagi suv tizimiga investitsiya kiritishga chaqirdi

Shavkat Mirziyoyev Xitoyning CAMCE, China Energy va Sinoma Energy kompaniyalari rahbarlari hamda O‘monning Voltamp Energy kompaniyasi direktorlar kengashi raisi Sayyid Ayman al-Busaydiy bilan uchrashdi.

Unda qayta tiklanuvchi energetika, energiya saqlash, suv ta’minoti va chiqindilarni qayta ishlash loyihalari muhokama qilindi.

Xitoy kompaniyalari bilan Navoiy viloyatidagi suv tizimiga yangi sarmoya kiritish, Andijonda logistika xabi tashkil etish va agrovoltaikani rivojlantirish masalalari ko‘rib chiqildi.

Voltamp Energy bilan esa quyosh elektr stansiyalarini qurish va yuqori kuchlanishli transformatorlar ishlab chiqarish bo‘yicha hamkorlik muhokama qilindi:

https://www.spot.uz/oz/2026/10/17/dialogue-investors/

Telegram | Instagram | YouTube

Saidqahhor Xolxo‘jayev investitsiyalar, sanoat va savdo vazirining birinchi o‘rinbosari bo‘ldi

U 2022-yil avgustidan buyon Chilonzor tumani hokimi lavozimida ishlab kelayotgandi.

1981-yilda Toshkent viloyatining Oqqo‘rg‘on tumanida tug‘ilgan Xolxo‘jayev Toshkent moliya institutini tamomlagan. U 17 yil bank sohasida ishlagan, 2017–2019-yillarda O‘zagrosug‘urta kompaniyasini boshqargan.

Shuningdek, Markaziy bank raisi o‘rinbosari va iqtisodiy taraqqiyot va kambag‘allikni qisqartirish vazirining birinchi o‘rinbosari lavozimlarida faoliyat yuritgan:

https://www.spot.uz/oz/2026/10/17/kholkhuzhaev-saidkakhkhor/

Telegram | Instagram | YouTube

Poytaxt hokimligi Brasserie Park terassasini demontaj qildi

Toshkentdagi Moviy gumbazlar bog‘ida joylashgan Brasserie Park restorani vakili va kuryer o‘rtasidagi janjal muhokamalarga sabab bo‘lgach, poytaxt hokimligi hududdan foydalanish talablariga amal qilinishini o‘rgandi.

Tekshiruvda qoidabuzarliklar aniqlanib, tegishli choralar ko‘rildi hamda hudud qonunchilik talablariga muvofiqlashtirildi.

“Piyodalarning qulayligi va xavfsizligi shahar muhitini tashkil etishdagi ustuvor yo‘nalishlardan biridir. Jamoat joylari aholi uchun ochiq bo‘lib qolishi shart”, — deyiladi xabarda:

https://www.spot.uz/oz/2026/10/19/brasserie-park/

Telegram | Instagram | YouTube

“Svet o‘chmaydi emas, o‘chadi” — Hududiy elektr tarmoqlari raisi rejali uzilishlar haqida

Sardor Isaqulov elektr ta’minotidagi uzilishlarni butunlay istisno qilib bo‘lmasligini, chunki tarmoqlarda avariyalar yuz berishi mumkinligini ta’kidladi.

Uning so‘zlariga ko‘ra, tarmoqlarni modernizatsiya qilish va ta’mirlash uchun rejali o‘chirishlar zarur. Bunday ishlar davomida xodimlar xavfsizligini ta’minlash maqsadida elektr ta’minoti vaqtincha uziladi.

“Tekis yo‘lda ketayotgan mashinaning baloni teshilmasligiga kafolat bera olmaysiz-ku. Elektr energiyasi ham o‘chadi. Faqat bu qanday? U rejali o‘chishi mumkin”, — dedi Isaqulov.

Kompaniya rejali uzilishlar haqida iste’molchilarni bir yoki ikki kun oldin Telegram-bot orqali ogohlantirish tizimini ishlab chiqmoqda. Buning uchun iste’molchilarning telefon raqamlari ular ulangan transformator punktlari va hisob raqamlariga biriktiriladi.

Tizimni ishlab chiqish va ishga tushirish uchun dastlabki hisob-kitoblarga ko‘ra, ikki-uch oy vaqt talab etilishi mumkin:

https://www.spot.uz/oz/2026/10/19/lights-go-out/

Telegram | Instagram | YouTube