O‘zbekiston bu yil qancha investitsiya jalb qilmoqchi?

Shavkat Mirziyoyev huzurida bo‘lib o‘tgan majlisda 2025 yilda investitsiyalar bo‘yicha asosiy maqsadlar belgilab olindi:

▪️42 milliard dollarlik xorijiy investitsiyani taʼminlash, shu jumladan xorijiy moliya institutlari ishtirokida 5,3 milliard dollarlik ishlarni bajarish;
▪️81 ta yirik loyihani ishga tushirish, 8 mingdan ortiq o‘rta va kichik loyihani amalga oshirish;
▪️donor tashkilotlar bilan faol ishlab, 2 milliard dollar grant olib kelish;
▪️banklar bilan 6 milliard dollar resurs jalb qilish.

Xabarda aytilishiga ko‘ra, Shavkat Mirziyoyevning BAA, Malayziya, Kuvayt va Fransiyaga bo‘lib o‘tgan tashriflari davomida umumiy qiymati 39 milliard dollar bo‘lgan 178 ta loyiha bo‘yicha kelishuvlarga erishilgan.

Undan tashqari, o‘tgan hafta Samarqandda Yevropa Ittifoqi Markaziy Osiyoga 12 milliard yevro ajratishini maʼlum qildi.

✅Sputnik kanali👉lotin 👉 кирилл

🇩🇪Germaniya o‘z harbiy sputniklar guruhini yaratmoqchi

Germaniya qurolli kuchlari 2029 yilga qadar koinotda o‘z sunʼiy yo‘ldosh guruhini yaratishni rejalashtirmoqda, deb yozadi Handelsblatt gazetasi.

Hozirgi vaqtda Bundesver koinotda atigi 8-10 sunʼiy yo‘ldoshga ega, va kerak bo‘lganda bu masalada ittifoqchilarga, birinchi navbatda AQSHga tayanadi.  To‘laqonli harbiy guruh uchun bir necha yuz sunʼiy yo‘ldosh talab qilinadi. Bunday guruh narxi 10 milliard yevrogacha bo‘lishi mumkin, deb yozadi nashr.

“Kosmik razvedkaga ehtiyojini qondirish uchun, milliy imkoniyatlardan foydalangan holda, sunʼiy yo‘ldosh guruhini yaratish bo‘yicha turli variantlar ko‘rib chiqilmoqda”, — deb izoh berdi gazetaga Bundesver.

Oldinroq Germaniya korxonalari qurol-yarog‘ va suv osti kemalari ishlab chiqarishni yo‘lga qo‘yishga tayyorlanayotgani haqida maʼlum bo‘lgan edi.

✅Sputnik kanali👉lotin 👉 кирилл

Ajralmas do‘stlik

Kabardin-Balkariyada Ayu ismli it va Barsik ismli mushuk har doim birga yurishar ekan. Mushuk ko‘pincha do‘stining ustiga minib olarkan. Mahalliy aholi aytishiga ko‘ra, doimiy egasi yo‘q bo‘lishiga qaramasdan, ular bir necha yildan beri birga ovqatlanib bir joyda uxlar ekan.

✅Sputnik kanali👉lotin 👉 кирилл