✨ «Կյանքը միշտ չէ, որ հեշտ է եղել». Անդրեի հուզիչ գրառումը՝ ծննդյան օրվա առթիվ

«Այսօր իմ ծննդյան օրն է…
Եվ այս տարի ամենաշատը շնորհակալ եմ։

Շնորհակալ եմ Աստծուն՝ ապրելու, պայքարելու, սիրելու և երբեք չհանձնվելու ուժի համար։ Շնորհակալ եմ ընտանիքիս, ընկերներիս, իմ հանդիսատեսին ու բոլոր նրանց, ովքեր եղել են կողքիս ոչ միայն ուրախ, այլև դժվար օրերին։

Կյանքը միշտ չէ, որ հեշտ է եղել, բայց այն ինձ սովորեցրել է գնահատել ամեն մի օրը, ամեն մի ժպիտը և ամեն մի անկեղծ մարդուն։

Այս նոր տարում միայն մեկ ցանկություն ունեմ՝ թող սերը, խաղաղությունն ու բարությունը երբեք չպակասեն մեր կյանքից, իսկ ամենաթանկ մարդկանց միշտ գրկելու հնարավորություն ունենանք։

Շնորհակալ եմ յուրաքանչյուրիդ՝ ձեր ջերմ խոսքերի, սիրո և բարեմաղթանքների համար։ Դրանք ինձ համար իսկապես մեծ արժեք ունեն»,- գրել է երգիչը։

🎂 Յանա Դանիելյանի դուստրը ևս մեկ անգամ շնորհավորել է մայրիկի տարեդարձը

Յանայի տարեդարձը օրեր առաջ էր, բայց դուստրը՝ Ադելը, ևս մեկ անգամ տորթով և փուչիկներով շնորհավորել է մայրիկին։

«Ես դեռ ծնվում եմ»,- հրապարակումներին կից նշել է Յանան։

🪩 Լիլում ամուսնու հետ նոր լուսանկարներ է հրապարակել

«Մենք կանք նենց, ոնց կանք»,- գրել է երգչուհին։

🤍 Գարիկ Մարտիրոսյանի կնոջ նոր ֆոտոշարքն ու գրառումը

«Ամենից շատ ես սիրում եմ գարունը։ Այն նման է ուրբաթի, որից հետո գալիս է շաբաթը։ Այդպես էլ գարնանից հետո գալիս է ամառը։ Իսկ ամառը մի փոքրիկ կյանք է»,- գրել է Ժաննան։