🔴 «Գործից եկել եմ տուն, իմացել եմ, որ երեխեքը չկան». ինչ է պատմում գետն ընկած աղջիկների հայրը

«Գործից եկել եմ տուն, զանգ եմ ստացել, իմացել եմ, որ երեխեքը չկան, մի քանի րոպե սպասելուց հետո զանգել եմ կնոջս հեռախոսահամարին, երեխաս է պատասխանել, ասել է՝ երեխեքը չկան, պապ, տեղյա՞կ ես, ասել եմ չէ։ Ասացի, որ խաբար ստացա, ես կզանգեմ քեզ կասեմ։ Ես էլ էլ չեմ սպասել, նստել եմ ավտոմեքենա, հետ եկել, փորձում են գտնել։ Ես ուրիշ բան չգիտեմ, ասում են տրուբեքի վրայից են ընկել ցած։ Ես հիմա Վարդաքարում եմ ապրում, ընտանիքիցս բաժան եմ եղել»,- News.am-ի հետ զրույցում նշել է երեխաների հայրը։

Նա նաև հերքել է համացանցում տարածվող այն տեղեկությունները, թե իրենք Արցախից են՝ պարզաբանելով, որ ինքը Շիրակի մարզի Վարդաքար գյուղից է, ամուսնալուծված է կնոջից ու վերջինս երեխաների հետ բնակվել է Վանաձորում։

🔴 «Ծնողի վիճակը շատ վատա». ինչ է պատմում հարևանը՝ գետն ընկած աղջիկների մոր մասին

«Ինքը շատ ուշադիր ծնող էր, հիմա վիճակը շատ վատա, իրենք էլ շատ վատ կարգավիճակում էին ապրում, վարձով էին ապրում։ Փոքրը 3-դ դասարան է փոխվել, երբ այդ լուրը լսեցինք, շատ ապշած ենք։ Իր քույրիկն ասաց, որ սպիտակ շոր է եղել հագին։ Չգիտեմ, ինչ ասեմ, մենակ աղոթենք, որ այդ երեխեքին բերեն, իրենց ծնողին տան»,- նշել է հարևանուհին։

🔴 Երեխաների մորաքույրը պնդում է, որ որևէ մեկը կոնկրետ չի տեսել, որ երեխաները գետն են ընկել

Ասում է՝ երեկվանից մտածում էր, որ գուցե շներից են վախեցել ու ինչ-որ տեղ թաքնվել: Շներից վախենալու վարկածն առաջ է բերում նաև երեխաներից մեկի դասընկերոջ մայրը, ում խոսքով՝ հնարավոր է՝ վախեցած լինեին ու ճանապարհը փոխեին, գնային գետի կողմով ու ընկնեին գետը:

🔴Ջրասուզակը Փամբակ գետում հայտնաբերել է ջրահեղձ եղած 7-ամյա աղջնակի մարմինը։ Այսօր՝ ժամը 9․30-ի սահմաններում, Փամբակ գետում՝ ենթադրյալ դեպքի վայրից մոտ 500 մ հեռավորության վրա, հայտնաբերվել է հունիսի 15-ից որոնվող 2018 թվականի ծնված Նարե Մարտիրոսյանի մարմինը

📌Հունիսի 15-ին՝ ժամը 14։45-ին, Լոռու մարզային օպերատիվ կառավարման կենտրոն ահազանգ էր ստացվել երեխայի խեղդվելու վերաբերյալ։ Այնուհետև ժամը 17։05-ին ստացվել էր մեկ այլ ահազանգ, որ 7 և 13 տարեկան երկու երեխա Վանաձոր քաղաքի Նարեկացի փողոցի հասցեներից մեկից դուրս են եկել և չեն հասել նախատեսված վայր։

💔 «Երեկ ես բաց թողեցի քեզ, ներեցի կուրությունս՝ սիրուց ծնված»

Դերասան Զիրոյանը սոցիալական հարթակներում նոր տեսանյութով է կիսվել ու նշել․

«Երեկ ես բաց թողեցի քեզ, ներեցի ինձ իմ բոլոր տառապանքները, ներեցի ինձ Աստծուն նվիրելը, ներեցի կուրությունս՝ սիրուց ծնված, ես սրտով եմ չափել ինձ, այն քեզ երջանկություն է մաղթում սրտանց, և ձեռքերով ամուր գրկած և աղոթքը շուրթերիս, բաց եմ թողնում և ինքս ինձ»։

🔴 Աշտարակում վթարվել է երեխաներին էքսկուրսիա տանող ավտոբուսը

🎂«Թող Աստված պահապան լինի քո ճանապարհին». Էդգար Իգիթյանի որդին նշում է ծննդյան տարեդարձը

«Արդեն 5 տարի է, ինչ մեր սրտերը բաբախում են ավելի լիարժեք, որովհետև դու կաս։

Ծնունդդ շնորհավոր, մեր սիրելի տղա։ Դու մեր ամենաթանկ նվերն ես, մեր ուժը, մեր հպարտությունն ու մեր կյանքի ամենագեղեցիկ իմաստը։

Թող Աստված պահապան լինի քո ճանապարհին, թող քո սիրտը միշտ մնա նույնքան մաքուր ու բարի, իսկ կյանքդ լցված լինի սիրով, առողջությամբ ու անսահման երջանկությամբ։

Հիշիր, որ ինչ էլ պատահի, աշխարհում միշտ կլինեն երկու սրտեր, որոնք քեզ կսիրեն անվերապահորեն, կհավատան քեզ և կկանգնեն կողքիդ՝ մայրիկիդ ու հայրիկիդ սրտերը»,- գրել է Էդգարի կինը՝ Լուսինեն։

🫡 Արամ MP3-ի հումորային արձագանքը՝ Կիևյան կամուրջի փակմանը

«Կարաք Դավթաշենի կամուրջն էլ վերանորոգեք, ես ok եմ»,- գրել է Արամը։

🔴 «Վերջին անգամ 2 տարի առաջ եմ տեսել երեխաներին». ինչ է պատմում գետն ընկած աղջիկների հայրը

«Տեսակցություն չեմ ունեցել, չեմ կարողացել ես ոչ մի անգամ տեսնել։ Վերջին անգամ 2 տարի առաջ եմ տեսել երեխաներին»։

❤️ «Չեմ կարողանում շփվել իմ պապայի հետ»

Արամ Մելիքյանի շնորհավորանքը՝ Հայրերի օրվա առթիվ։

🔴 «Մայրիկի հետ այս պահին հոգեբաններն են աշխատում, վիճակը բավականին ծանր է». Լոռու մարզպետ

Փրկարար ծառայությունը որոնողափրկարարական աշխատանքները չի դադարեցնում՝ ջրասուզակների ներգրավմամբ Փամբակ գետի երկայնքով։ Այս մասին NEWS.am-ի հետ զրույցում ասել է Լոռու մարզպետ Արեն Մկրտչյանը։

«Իրականացվում են լայնածավալ աշխատանքներ։ Մայրիկի հետ այս պահին հոգեբաններն են աշխատում, որովհետև հոգեբանական վիճակը բավականին ծանր է»,- նշեց մարզպետը։

Անդրադառնալով խողովակի վրայով անցնելու փաստին, Արեն Մկրտչյանն ասաց. «Սա հիմնական կամուրջն է, որն անվտանգ է, նախատեսված է անցնելու համար։ Ծնողներն ու ուսուցիչները երեխեքին զգուշացրել են, որ այդ խողովակի վրայով չանցնեն»։

Նշենք, որ այսօր առավոտյան ջրասուզակը հայտնաբերել է 2 օր առաջվանից փնտրվող քույրերից մեկին՝ 7-ամյա աղջկան։ Այժմ փրկարարները փնտրում են նրա 13-ամյա քրոջը։

🌟 Աստղային օրվա ամփոփում

▫️ «Երեկ ես բաց թողեցի քեզ, ներեցի կուրությունս՝ սիրուց ծնված». Զիրոյանի հուզիչ հոլովակը՝ https://t.me/starnewstvv/1689

▫️ «Թող Աստված պահապան լինի քո ճանապարհին». Էդգար Իգիթյանի որդին նշում էր ծննդյան տարեդարձը՝ https://t.me/starnewstvv/1691

▫️ Արամ MP3-ի հումորային արձագանքը՝ Կիևյան կամուրջի փակմանը՝ https://t.me/starnewstvv/1692

▫️ «Չեմ կարողանում շփվել իմ պապայի հետ». Արամ Մելիքյանի շնորհավորանքը՝ Հայրերի օրվա առթիվ՝ https://t.me/starnewstvv/1694

▫️ Վարդան Սարգսյանի և որդու լուսանկարը՝ Հայրերի օրվա առթիվ՝ https://t.me/starnewstvv/1695

🟡 Ինչպես են հայ տղամարդիկ հնդիկի առաքման պատճառով հարձակվում հայ կնոջ վրա

Բլոգերներն էլի խառնվել են իրար, բայց ինչպես միշտ խոսում են ոչ թե իսկապես կարևոր ու առաջնահերթ խնդիրներից, այլ գտել են մի թեմա, որի միջոցով կարող են ինքնահաստատվել իրենց շրջապատում ու մի քանի հազար դիտում հավաքել։ Սոնա Մանուկյանը, ով հայտնի է առողջ ապրելակերպի մասին իր բլոգով, մոտիվացիոն հրապարակումներով, օրերս տեսանյութ էր տարածել, որտեղ դժգոհում էր «Յանդեքս» ընկերության առաքիչի հակահիգիենիկ, փնթի առաքումից։ Առաքիչը ազգությամբ հնդիկ է եղել ու հենց սա է «նեղացրել» բլոգերներին՝ Հայկ Մկրտչյանին, Ռաֆիկ Համբարձումյանին (Հայդալեկ), Նինա Տիտանյանին, հաղորդավար Մհեր Բաղդասարյանին ու նրանց հետևող մի քանի հազար օգտատերերի։

Կարդալ այստեղ

🔴 Պետությունը պետք է հետևի միգրանտներին

Անդրադառնալով հնդիկ առաքիչի հետ կապված աղմկահարույց միջադեպին՝ Արա Ղազարյանը նշել է, որ երկիր մուտք գործող անձանց ֆիլտրացիան ու վերահսկողությունը նաև պետության պարտականությունն է։ Ըստ նրա՝ բնականոն չէ, երբ, օրինակ, տաքսու վարորդը կարող է մեքենան կանգնեցնել փողոցի մեջտեղում՝ նամազ անելու համար, կամ որևէ մեկը Երևանի կենտրոնում ցուցադրի «Գորշ գայլերի» նշանը։

Արան նաև ընդգծել է, որ մենք փոքր ազգ ենք և մեզ ինչ-որ տեղ հատուկ է նաև ազգայնական մոտեցումը որոշ հարցերի։

🎂 Ինչպես է Վահագն Գալստյանը անակնկալ շնորհավորում դստեր ծննդյան տարեդարձը

«Շնորհավոր ծնունդդ իմ աղջիկ։ Սիրում եմ քեզ շատ»,- գրել է դերասանը։

🔴 Փամբակ գետից հեռացվում է 7-ամյա աղջկա մահվան պատճառ դարձած խողովակը

🥺 «Առանց չարանալու բաց թողել սիտուացիան ու էդ մարդուն». Էլեն Սաֆարյանի նոր հրապարակումը

Հետևորդներից մեկը հարց էր ուղղել Էլեն Սաֆարյանին՝ նշելով.

«Ո՞ր արարքն է Ձեզ համար աններելի»։

Ի պատասխան՝ նա գրել է.

«Ցանկացած պարագայում ավելի մեծահոգի կլինի ներելը․․
Մեզնից ոչ մեկն անսխալական չի)
Իմ կարծիքով ուղղակի կան արարքներ, որոնց դեպքում պետք ա տվյալ մարդուն հանել կյանքից՝ ցանկանալով իրեն ամենալավը․․ առանց չարանալու բաց թողել սիտուացիան ու էդ մարդուն»։

🔴 «Ողբերգություն է, երեխաները որտեղով անցել են, անցման համար չէր». Փաշինյանը՝ գետն ընկած քույրերի մասին

Ես, ինչքան հասկանում եմ, այնտեղով, որտեղով անցել են երեխաները, նախատեսված չի եղել անցման համար, մարդիկ ինքնաշխատ եղանակով ուղղակի օգտագործել են։ Այս մասին, այսօր՝ հունիսի 18–ին, Կառավարության նիստից հետո լրագրողների հետ ճեպազրույցում նշեց վարչապետ Նիկոլ Փաշինյանը՝ անդրադառնալով հունիսի 15–ի ողբերգական դեպքին, երբ երկու քույրերն ընկել էին գետը։

«Դա մեծ ողբերգություն է, մենք ցավոք դեպք ենք ունեցել, երբ որ երեխան ափից է ընկել ջրի մեջ կամ տարբեր տեղերից։ Մենք պետք է ավելի մանրամասն նայենք, թե այդտեղ կա՞ր մի բան, որ պետք էր անել և չի արվել։ Եթե այս դեպքը չլիներ, գնային այդ խողովակը կտրելու, ժողովուրդը դիմադրելու էր, ասելու էին՝ այդ տեղով անցնում, դառնում ենք, ինչի եք մոնտաժում»,–ասաց Փաշինյանը։