🛠 #ToolOfTheWeek | BrowserStack

O‘tgan sonimizda Product Hunt haqida gaplashgan edik.

Mahsulotingiz tayyor, auditoriyangiz ham shakllanmoqda.
Endi foydalanuvchilarga qulay tajriba taqdim etish muhim.

🤔 Saytingiz iPhone’da yaxshi ishlaydi, ammo Android’da-chi? Barcha brauzerlarda hammasi to‘g‘ri ko‘rinishiga ishonchingiz komilmi?

🔎 BrowserStack — sayt va mobil ilovalarni turli qurilmalar, operatsion tizimlar hamda brauzerlarda sinovdan o‘tkazish imkonini beruvchi platforma.
BrowserStack imkoniyatlari:

🔵 sayt va ilovalarni mobil qurilmalarda test qilish;
🔵 Chrome, Safari, Firefox va boshqa brauzerlarda moslikni tekshirish;
🔵 turli ekran o‘lchamlarida dizayn va funksiyalarni sinash;
🔵 foydalanuvchilar duch kelishi mumkin bo‘lgan texnik xatolarni aniqlash;
🔵 mahsulotni launch’dan oldin sinovdan o‘tkazish.

💡 Maslahat:

MVP’ingizni ishga tushirishdan oldin uni faqat o‘z telefoningiz yoki kompyuteringizda tekshirish bilan cheklanmang.

BrowserStack orqali mahsulotingizni turli qurilmalarda sinab ko‘ring. Ayniqsa, ro‘yxatdan o‘tish, to‘lov va asosiy funksiyalarning to‘g‘ri ishlashiga e’tibor qarating.

Esda tuting: foydalanuvchining mahsulotingiz haqidagi birinchi taassuroti nafaqat dizaynga, balki uning qanchalik qulay va barqaror ishlashiga ham bog‘liq.

👌 Startapingizni rivojlantirish bo‘yicha amaliy tavsiyalarni O‘zbekiston bo‘ylab o‘tkaziladigan Startup Advice sessiyalarida olishingiz mumkin.

@startupbaseuz

LinkedIn | Facebook | Instagram | Website

🇰🇪 Digital Uzbekistan: Kenya — Keniya bozoriga chiqmoqchi bo‘lgan dasturiy mahsulotlar uchun Open Call!

🚀 Dasturiy mahsulotingizni Keniya bozoriga olib chiqish, yangi mijozlar topish va xalqaro investorlar bilan hamkorlik o‘rnatishni rejalashtiryapsizmi?

🟢 IT Park Uzbekistan joriy yilning 8-dekabr kuni Keniyaning Nayrobi shahrida Digital Uzbekistan: Kenya tadbirini tashkil etadi. Unda ishtirok etish uchun O‘zbekiston dasturiy mahsulotlaridan arizalar qabul qilinmoqda.

Tanlangan dasturiy mahsulotlar qanday imkoniyatlarga ega bo‘ladi?

🟩o‘z mahsulotlarini Keniyadagi potensial mijozlarga taqdim etish;
🟩IT-distribyutorlar, resellerlar, tizim integratorlari va innovatsiya markazlari bilan uchrashish;
🟩Keniya bozoriga kirish strategiyasi (GTM), savdo va B2B-hamkorlik imkoniyatlarini o‘rganish;
🟩mahsulotlar taqdimoti va hamkorlar bilan muloqot o‘rnatish sessiyalari.

🤝 IT Park Uzbekistan tadbirni to‘liq tashkil etadi hamda tanlangan dasturiy mahsulotlarga mos B2B auditoriyani jalb qilish uchun maqsadli reklama va kommunikatsion yordam ko‘rsatadi.

🎯 Tanlov asosida 6 tagacha dasturiy mahsulot saralab olinadi. Aviachipta, turar joy va viza xarajatlari ishtirokchilar tomonidan qoplanadi.

Kimlar ariza topshirishi mumkin?

🟩ishlaydigan mahsulot yoki MVP hamda ingliz tilidagi veb-saytga ega;
🟩dastlabki sotuvlari yoki mijozlar bilan pilot loyihalari mavjud;
🟩asoschisi yoki hammuassisi ingliz tilida erkin muloqot qila oladigan dasturiy mahsulotlar.

Tanlovda Keniya bozoriga chiqishni yoki ushbu bozordagi faoliyatini kengaytirishni rejalashtirayotgan O‘zbekiston dasturiy mahsulotlari qatnashishi mumkin.

📍 Nayrobi, Keniya
🗓 8-dekabr, 2026-yil
🕔 Arizalar qabuli: 12-noyabrgacha

🔗 Ariza topshirish
🖥 Batafsil saytimizda

@startupbaseuz

LinkedIn | Facebook | Instagram | Website

🎮 GameDev studiyalar uchun xalqaro imkoniyat: Firstpoint Boost Central Asia dasturiga arizalar qabul qilinmoqda!

O‘z o‘yiningizni global bozorga olib chiqish va xalqaro gaming industriyasi vakillari bilan ishlashni xohlaysizmi?

🟢 Firstpoint VC tomonidan Markaziy Osiyodagi o‘yin ishlab chiquvchi studiyalar uchun Firstpoint Boost: Central Asia — bir haftalik bepul onlayn dastur tashkil etilmoqda!

Dastur ishtirokchilariga qanday imkoniyatlar taqdim etiladi?

🔵 Industry Sessions — xalqaro o‘yin nashriyotlari (publishers), investorlar va gaming industriyasi ekspertlaridan bilim olish;

🔵 Hands-on Mentorship — Firstpoint jamoasi va soha mutaxassislaridan individual mentorlik hamda loyihalar bo‘yicha amaliy feedback olish;

🔵 Global Networking — xalqaro founderlar, mentorlar va investorlar bilan aloqalar o‘rnatish;

🔵 40+ Partner Perks — hamkorlarning maxsus takliflari, servis kreditlari va resurslaridan foydalanish.

🇺🇸 AQShga yo‘l ochuvchi imkoniyat!

Dasturda yuqori natija ko‘rsatgan studiyalar AQShda to‘liq moliyalashtiriladigan maxsus dasturga saralanishi mumkin.

Unda gaming kompaniyalari rahbarlari bilan uchrashuvlar, studiyalarga tashriflar, networking va AQShdagi yirik o‘yin industriyasi tadbirida ishtirok etish imkoniyati mavjud.

Kimlar qatnashishi mumkin?

Markaziy Osiyodagi Mobile, PC va Console o‘yinlarini ishlab chiquvchi studiyalar.

🗓 Dastur boshlanishi: 2–6-noyabr
⏲ Arizalar topshirish: 23 oktabrgacha
🌐Format: Onlayn | Ingliz tilida

🔗 Ro‘yxatdan o‘tish

🏳️ O‘yiningizni global darajaga olib chiqish imkoniyatini qo‘ldan boy bermang!

@startupbaseuz

LinkedIn | Facebook | Instagram | Website

⚡️ Silikon vodiysi. Xalqaro aloqalar. Katta maqsadlar:
Y Combinator Winter 2027 dasturiga arizalar ochildi!

🇺🇸 Startapingizni global darajaga olib chiqish va dunyoning yetakchi startap hamjamiyatiga qo‘shilishga tayyormisiz?

🟢 Airbnb, Stripe va Dropbox kabi mashhur unicorn startaplar yetishib chiqqan Y Combinator (YC) 2027-yil yanvar–mart oylarida San-Fransiskoda o‘tkaziladigan Winter 2027 akseleratsiya dasturiga arizalar qabul qilmoqda.

Dastur ishtirokchilarini nimalar kutmoqda?

🔵 Global Networking — xalqaro investorlar, tajribali founderlar va YC hamjamiyati bilan aloqalar o‘rnatish;

🔵 Mentorship — YC hamkorlaridan amaliy maslahatlar olish va startapni rivojlantirish;

🔵 Silicon Valley Experience — uch oy davomida San-Fransiskoda mahsulotni takomillashtirish va global o‘sishga tayyorlanish;

🔵 $500 000 investitsiya — YC’ning standart investitsiya shartlari asosida moliyalashtirish;

🔵 $12 milliondan ortiq imtiyozlar — cloud, AI va boshqa texnologik xizmatlar uchun kreditlar va maxsus takliflardan foydalanish.

Kimlar ariza topshirishi mumkin?

💡 Global miqyosda rivojlanishni maqsad qilgan startaplar. Ariza topshirish uchun kompaniyangiz AQShda ro‘yxatdan o‘tgan bo‘lishi shart emas.

📍 San-Fransisko, AQSh
🗓 2027-yil yanvar–mart
⏳ Dedlayn: 3-noyabr, soat 09:00

🇺🇿 O‘zbekistonlik founderlar ham YC sahnasida!
Vatandoshlarimiz asos solgan Twolabs.ai (Sardor Rahmatulloyev) va Speko.ai (Beknazar Abdikamalov) avvalroq Y Combinator dasturiga qabul qilingan.

🔗 Ariza topshirish
🖥 Batafsil saytimizda

🚀 Balki keyingi YC startapi aynan sizniki bo‘lar?

@startupbaseuz

LinkedIn | Facebook | Instagram | Website

⚡️ Bootcamp intensiv dasturining Product & Unit Economics yo‘nalishiga ro‘yxatdan o‘tish boshlandi!

Mahsulotingiz iqtisodiyotini tahlil qiling va barqaror biznes modelini shakllantiring!

🟢 IT Park Uzbekistan va Hackonnect hamkorligidagi bootcamp intensiv dasturining Product & Unit Economics yo‘nalishi uchun ro‘yxatdan o‘tish ochiq!

Ushbu yo‘nalishda:
⚫️ mahsulot iqtisodiyotini tahlil qilish va asosiy moliyaviy ko‘rsatkichlarni hisoblash;
⚫️ mijozni jalb qilish xarajati (CAC) va mijozning umrbod qiymatini (LTV) aniqlash;
⚫️ mahsulot uchun samarali narx belgilash strategiyasini ishlab chiqish;
⚫️ xarajatlarni optimallashtirish va barqaror biznes modelini shakllantirishga e’tibor qaratiladi.

Qayerda va qachon?
🗓 29–31-oktabr
📍 Samarqand, Navoiy, Qarshi

🔗 Ro‘yxatdan o‘tish: Samarqand
🔗 Ro‘yxatdan o‘tish: Navoiy
🔗 Ro‘yxatdan o‘tish: Qarshi

🏳️ Startapingizning moliyaviy samaradorligini oshirish sari navbatdagi qadamni qo‘ying — dasturga qo‘shiling!

@startupbaseuz

LinkedIn | Facebook | Instagram | Website

#StartupMyth | Startap yaratish uchun dasturchi bo‘lish shartmi?

“Kod yozishni bilmasam, qanday qilib startap yarataman?”

❌ Mif: Startap yaratish uchun dasturlashni bilish shart.
✅ Haqida: Muvaffaqiyatli startap yaratish uchun dasturchi bo‘lish majburiy emas. Muhimi — yechim topish, PMF ni aniqlash va kuchli jamoa shakllantirish

Bunga misollar bormi? Albatta!

🌍 Global tajriba — Airbnb
Airbnb asoschilari Brian Chesky va Joe Gebbia dasturchi emas, dizayner bo‘lgan. Ular dastlab o‘z xonadonlarida mehmonlarni qabul qilish orqali g‘oyasini sinab ko‘rgan.

Dastlabki tajriba va mijozlardan olingan fikr-mulohazalar asosida g‘oya rivojlantirilgan. Keyinchalik jamoaga texnik hammuassis qo‘shilib, mahsulot kengaytirilgan.

🇺🇿 Mahalliy tajriba — Mazza
O‘zbekistonlik founder Shoakmal Shomansurov oziq-ovqat isrofgarchiligini kamaytirishga qaratilgan Mazza startapini katta investitsiya, to‘liq jamoa yoki tayyor mobil ilovasiz boshlagan.

G‘oya oddiy: kafe va restoranlarda sotilmay qolgan mahsulotlarni mijozlarga maxsus to‘plamlar orqali taklif qilish.
Dastlab murakkab platforma yaratish o‘rniga, loyiha Telegram-bot orqali ishga tushirilgan.

🤔 Xo‘sh, nimadan boshlash kerak?

Bugun no-code va AI vositalari yordamida dasturlashni bilmasdan ham mahsulot prototipini yaratish, g‘oyani sinovdan o‘tkazish va dastlabki MVP ustida ishlash mumkin.

🛠 Qaysi vositalardan foydalanishni bilmayapsizmi?

#StartupTools ruknimizda har hafta startap yaratish va rivojlantirishga yordam beradigan foydali AI, no-code va boshqa raqamli vositalar bilan bo‘lishamiz.

🏳️ Unutmang: Startapning qiymati yozilgan kod hajmida emas, balki u hal qilayotgan muammo va mijozlarga berayotgan foydasida!

@startupbaseuz

LinkedIn | Facebook | Instagram | Website

🇦🇿 Boku sari yo‘l: startapingizni InMerge Innovation Summit 2026’da namoyish eting!

Startapingiz bilan xalqaro sahnani zabt etishga tayyormisiz?

🟢 IT Park Uzbekistan 30-noyabr – 1-dekabr kunlari Ozarbayjonning Boku shahrida bo‘lib o‘tadigan InMerge Innovation Summit 2026 xalqaro sammitida ishtirok etish uchun O‘zbekiston startaplaridan arizalar qabul qilmoqda!

Tanlangan startaplarni qanday imkoniyatlar kutmoqda?

🟢 Startup Showcase — IT Park Uzbekistan ko‘rgazma stendida o‘z mahsuloti va innovatsion yechimlarini xalqaro auditoriyaga taqdim etish;
🟢 Investor Networking — xalqaro investorlar va potensial biznes hamkorlar bilan aloqalar o‘rnatish;
🟢 Market Expansion — Ozarbayjon va Kavkaz hududi bozorlariga chiqish imkoniyatlarini o‘rganish;
🟢 Global Connections — turli mamlakatlardan kelgan founderlar va texnologiya kompaniyalari vakillari bilan tajriba almashish.

Kimlar ishtirok etishi mumkin?

💡 O‘z mahsuloti yoki MVP’siga ega, xalqaro bozorlarga chiqish va biznesini kengaytirishga tayyor O‘zbekiston startaplari.

Saralashda startapning faoliyati, rivojlanish ko‘rsatkichlari va maqsadli bozorga mosligi inobatga olinadi.

Ingliz tilida muloqot qila olish muhim.

📌 Ishtirok etish shartlari:
IT Park Uzbekistan tanlangan startaplarni ko‘rgazma stendi bilan ta’minlaydi. Aviachipta, turar joy va boshqa safar xarajatlari ishtirokchilar tomonidan qoplanadi.

🗓 30-noyabr – 1-dekabr, 2026-yil
📍 Boku, Ozarbayjon
⏳ Arizalar qabuli: 13-noyabrgacha

🔗 Ro'yxatdan o'tish

🚀 Startapingiz uchun navbatdagi katta imkoniyat Bokuda boshlanishi mumkin!

@startupbaseuz

Читать на русском

LinkedIn | Facebook | Instagram | Website