🇯🇵 IT Park Uzbekistan va 01Booster o‘zbek startaplari uchun Yaponiya bozoriga chiqish dasturini ishga tushiradi

ICT WEEK Uzbekistan 2026 doirasida IT Park Uzbekistan va Yaponiyaning 01Booster kompaniyasi vakillari o‘rtasida uchrashuv bo‘lib o‘tdi. Tomonlar 2026-yilning o‘zida O‘zbekiston startaplarining Yaponiya bozoriga chiqishiga qaratilgan market-entry dasturini ishga tushirishga kelishib oldi.

👤 Uchrashuvda IT Park Uzbekistan tomonidan Startap ekotizimini rivojlantirish bo‘yicha direktor Farrux Erkinov, 01Booster’dan esa ijrochi direktor Takeru Kavashima ishtirok etdi.

2013-yilda Tokioda tashkil etilgan 01Booster startap akseleratsiyasi, venchur investitsiyalar, open innovation va korporativ innovatsiya dasturlariga ixtisoslashgan. Kompaniya IT Park Uzbekistan bilan O‘zbekiston startaplari va dasturiy ta’minot kompaniyalarini Yaponiya bozoriga olib chiqishga qaratilgan market-entry dasturini tayyorlamoqda.

🌐 2026-yilda tomonlar Yaponiya bozoriga chiqishga qiziqqan O‘zbekiston startaplari va IT-kompaniyalari uchun qo‘shma Go-to-Market vebinarini tashkil etdi. Endilikda hamkorlik amaliy bosqichga o‘tib, market-entry dasturini joriy yilning 4-choragida ishga tushirish rejalashtirilmoqda.

Dastur doirasida o‘zbek startaplarini Yaponiya bozoriga tayyorlash, ularni mahalliy korporatsiyalar va investorlar bilan bog‘lash, akseleratsiya mexanizmlarini joriy etish hamda xalqaro kengayishni qo‘llab-quvvatlash ko‘zda tutilgan. Shuningdek, O‘zbekiston startaplari mahsulotlarini Yaponiya bozorida targ‘ib qilish, qo‘shma forum va demo day’lar tashkil etish rejalashtirilmoqda.

💰 Uchrashuvda O‘zbekistonda 01Booster kompaniyasining venchur fondini tashkil etish imkoniyati ham ko‘rib chiqildi. Bunday hamkorlik o‘zbek startaplari uchun yapon investorlari va korporativ hamkorlariga chiqish imkoniyatlarini kengaytirishi hamda ikki mamlakat startap ekotizimlari o‘rtasidagi aloqalarni mustahkamlashi mumkin.

🤝 IT Park Uzbekistan va 01Booster market-entry dasturini ishga tushirish bilan birga, akseleratsiya, investorlar bilan ishlash va O‘zbekistonda qo‘shma venchur tashabbuslarini rivojlantirish bo‘yicha hamkorlikni davom ettiradi.

@startupbaseuz

LinkedIn | Facebook | Instagram | Website

🎤 Sherzod Shermatov Startup & Venture Summit ochilishida nutq so‘zladi

O‘zbekiston Respublikasi Raqamli texnologiyalar vaziri Sherzod Shermatov sammit ishtirokchilarini qutlab, O‘zbekistonni mintaqadagi yetakchi startap va texnologik hablardan biriga aylantirish maqsadini ta’kidladi.

🚀 Vazir mamlakatda startup ekotizimi jadal rivojlanayotgani, xalqaro akseleratorlar va yirik kompaniyalar O‘zbekistonga kirib kelayotgani, shuningdek, 2 mingdan ortiq startap shakllanganini qayd etdi.

🤝 Sherzod Shermatov hukumat startup founderlarining taklif va ehtiyojlarini inobatga olib, IT-kompaniyalar uchun yanada qulay sharoit yaratishni davom ettirishini ta’kidladi.

“Bu hali boshlanishi. O‘zbekistonda startap ekotizimini yanada rivojlantirish uchun barcha g‘oya va takliflaringizni eshitishga tayyormiz”, — dedi vazir.

🔥 Jonli efirga o‘tish

✨ #ICTWEEK2026 | 🧭 Startup Base bilan voqealar markazida bo‘ling.

@startupbaseuz

LinkedIn | Facebook | Instagram | Website

🇺🇿 O‘zbekiston — startaplar yurti

Startup & Venture Summit doirasida IT Park Uzbekistan Global Growth yo‘nalishi rahbari Izzat Xamidov O‘zbekistonning startap va texnologik ekotizimi haqida ma’ruza bilan chiqish qilmoqda.

🚀 U O‘zbekistonning tez o‘sayotgan startap ekotizimi, xalqaro bozorga kirish hablari, investor va founderlar uchun yaratilayotgan imkoniyatlar, shuningdek, StartupBase, Scale va Land of Startups kabi tashabbuslar haqida so‘z yuritmoqda.

🔥 Jonli efirga o‘tish

✨ #ICTWEEK2026 | 🧭 Startup Base bilan voqealar markazida bo‘ling.

@startupbaseuz

LinkedIn | Facebook | Instagram | Website

💸 Kapital eng tez o‘sayotgan ekotizimlarni qanday topadi?

Startup & Venture Summit doirasidagi panel sessiyasida investorlar tez rivojlanayotgan startap ekotizimlarini qanday baholashi, yangi bozorlarga kapital qanday kirib borishi va investorlar qaysi signallarga e’tibor berishi muhokama qilinmoqda.

🎙Spikerlar:

🔵Dalerxon Nodirov — IT Park Ventures CEO
🔵Maykl Lints — Golden Gate Ventures MENA
🔵Ali Abdulhussein — UzOman
🔵Chibo Tang — Gobi Partners
🔵Antoni Doeh — Princeville Capital
🔵Julien Coustaury — Fil Rouge Capital.

🔥 Jonli efirga o‘tish

✨ #ICTWEEK2026 | 🧭 Startup Base bilan voqealar markazida bo‘ling.

@startupbaseuz

LinkedIn | Facebook | Instagram | Website

🤖 Founderlarning yangi avlodi: AI startap jamoalarini qanday qayta shakllantirmoqda?

Startup & Venture Summit doirasida Founder Institute Marketing rahbari Ayhan Ayzaks AI founderlar ish uslubi, jamoa tuzilishi va startap qurish jarayonini qanday o‘zgartirayotgani haqida taqdimot o‘tkazmoqda.

Sessiyada sun’iy intellekt yordamida kichikroq, tezroq va samaraliroq startap jamoalarini shakllantirish imkoniyatlari haqida so‘z yuritilmoqda.

🔥 Jonli efirga o‘tish

✨ #ICTWEEK2026 | 🧭 Startup Base bilan voqealar markazida bo‘ling.

@startupbaseuz

LinkedIn | Facebook | Instagram | Website