🚀 Li Seong Hvan Koreyaning Chungnam provinsiyasida o‘zbek startaplari uchun akseleratsiya va inkubatsiya dasturini tashkil etishga tayyorligini bildirdi. Ushbu yo‘nalish startaplarga Koreya bozorini o‘rganish, mahalliy ekotizimga kirish va potensial hamkorlar bilan aloqa o‘rnatish imkonini berishi ko‘zda tutilmoqda.

🌍 Farrux Erkinov esa 2027-yildan ishga tushiriladigan Land of Startups dasturi haqida ma’lumot berib, koreys startaplarini, jumladan, Chungnam provinsiyasidagi jamoalarni mazkur dasturda ishtirok etishga taklif qildi.

🤝 Tomonlar, shuningdek, K-ICT tarmog‘iga kiruvchi kompaniyalarni O‘zbekistonga jalb qilish, o‘zbek va koreys texnologik kompaniyalari o‘rtasida matchmaking tashkil etish, biznes missiyalarini yo‘lga qo‘yish va qo‘shma pilot loyihalarni amalga oshirish imkoniyatlarini muhokama qildi.

Korea ICT Entrepreneurs Association qariyb 400 ta ICT kompaniyasini birlashtiradi va texnologik hamkorlik, biznes netvorking, ekspert sessiyalari hamda xalqaro biznes missiyalarini tashkil etishga ixtisoslashgan.

👥 Uchrashuvda, shuningdek, quyidagilar ishtirok etdi:

🔵Chun-min Hvang — KP HUB Company bosh direktori;
🔵Seok-Hi Li — Namseoul University INTER/KR direktori;
🔵Jong-ik Li — Seoul Shinmun tahririyati jurnalisti va davlat boshqaruvi bo‘yicha PhD.

Tomonlar o‘zbek va ozarbayjon texnologik kompaniyalari uchun yangi bozorlarga chiqishda infratuzilmaviy ko‘mak ko‘rsatish, ularning mahalliy texnologik ekotizimga integratsiyalashuvi va yangi bozorda faoliyatini yo‘lga qo‘yishini qo‘llab-quvvatlash bo‘yicha hamkorlik qiladi.

🚀 Hamkorlik doirasida High Technologies Park Azerbaijan o‘zbek startaplarining NEXUS dasturida ishtirok etish imkoniyatlarini qo‘llab-quvvatlaydi. IT Park Uzbekistan esa Ozarbayjon startaplarini 2027-yildan ishga tushiriladigan Land of Startups dasturida qatnashishga taklif etadi.

Land of Startups xalqaro founderlar uchun O‘zbekistonda o‘z loyihalarini rivojlantirish, mahalliy ekotizimga kirish va yangi bozor imkoniyatlaridan foydalanishga qaratilgan dastur bo‘ladi. Ozarbayjon startaplarining ushbu dasturda ishtiroki ikki mamlakat o‘rtasidagi texnologik almashinuvni yanada kengaytirishi kutilmoqda.

🇺🇿 Iroda Azimova IT Park Uzbekistan tajribasi haqida gapirib, mamlakat bo‘ylab 14 ta hududiy filial, inkubatsiya va akseleratsiya dasturlari, xorijdagi vakolatxonalar va startap hablar yagona tizim sifatida ishlayotganini ta’kidladi. Shuningdek, Navoiyda barpo etilayotgan yirik R&D markazi startaplarga laboratoriyalar, mentorlik, IP va ilmiy konsultatsiya hamda R&D xarajatlarining bir qismini qoplash imkoniyatlarini taqdim etishi aytildi.

🇬🇪 Natia Giorgadze Gruziyada 500 Global, Startup Grind, Founder Institute va Startupbootcamp kabi xalqaro akseleratorlar jalb qilingani, founderlar uchun yuqori darajadagi mentorlik, moliyalashtirish va global aloqalarga kirish imkoniyati yaratilayotganini qayd etdi. Shuningdek, innovatsion startap maqomi orqali soliq va boshqa imtiyozlar berilishi haqida so‘z bordi.

💸 Sabina Babayeva mintaqadagi startap ekotizimlari tobora yetilayotganini ta’kidlab, ayniqsa fintech yo‘nalishidagi o‘sish, hukumat, universitetlar, korporatsiyalar va investorlarning birgalikdagi ishtiroki muhim ekanini qayd etdi. U O‘zbekistonning mintaqadagi texnologik hamjamiyatlarni bir joyga jamlayotganini ham alohida ta’kidladi.

🇲🇩 Veronika Tarus esa Moldova tajribasida ekotizimdagi barcha ishtirokchilarni xaritalash, resurslarni takrorlamasdan taqsimlash va deep tech, AI, texnologiyalar transferi hamda moliyalashtirish kabi yo‘nalishlarni yagona strategiya asosida rivojlantirish muhimligini aytdi.