🌍 IT Park Uzbekistan va Knowledge Oasis Muscat O‘zbekiston va Ummon startaplari uchun yangi imkoniyatlarni muhokama qildi

ICT WEEK Uzbekistan 2026 doirasida IT Park Uzbekistan va Ummonning Knowledge Oasis Muscat (KOM) texnoparki vakillari startaplarning ikki mamlakat bozoriga chiqishi, inkubatsiya va biznesni rivojlantirish bo‘yicha hamkorlik masalalarini muhokama qildi.

🤝 Uchrashuvda ikki tomonlama kompaniyalar almashinuvi ko‘rib chiqildi: O‘zbekiston startaplari va IT-kompaniyalarini Ummon bozoriga olib chiqish, shuningdek, Ummon kompaniyalarini O‘zbekiston bozoridagi imkoniyatlar bilan tanishtirish.

2003-yilda tashkil etilgan Knowledge Oasis Muscat Ummonning yetakchi texnoparklaridan biri bo‘lib, Madayn tomonidan boshqariladi. Uning ekotizimida 200 dan ortiq kompaniya va tashkilot, jumladan Ericsson, Oracle, HP, Microsoft va Huawei faoliyat yuritadi.

👤 Uchrashuvda KOM bosh direktori Jaafar bin Mohammed bin Ali Al Ajmi ishtirok etdi. IT Park Uzbekistan va KOM o‘rtasidagi muzokaralar 2026-yil avgust oyida boshlangan bo‘lib, hamkorlik doirasida qo‘shma vebinarlar va Ummon bozoriga chiqish dasturini ishlab chiqish masalalari ko‘rib chiqilmoqda.

Tomonlar o‘zbek kompaniyalari uchun Ummondagi istiqbolli yo‘nalishlarni, jumladan logistika, yashil vodorod va sanoat texnologiyalari sohalarini o‘rganishni muhokama qildi. Shuningdek, mahalliy investorlar va korporativ hamkorlar bilan aloqalarni yo‘lga qo‘yish, KOM infratuzilmasida inkubatsiya va biznesni qo‘llab-quvvatlash xizmatlaridan foydalanishga qaratilgan go-to-market dasturi ko‘rib chiqildi.

✈️ 2026-yil noyabr oyida besh nafar o‘zbek kompaniyasi ishtirokida Ummonga biznes missiyasi tashkil etish hamda COMEX 2027 ko‘rgazmasida O‘zbekiston pavilyonini ochish imkoniyatlari ham muhokama qilindi.

Tomonlar Ummonni o‘zbek texnologik kompaniyalari uchun GCC bozorlariga chiqish darvozasi sifatida ko‘rib chiqish, soft-landing va inkubatsiya imkoniyatlarini kengaytirish bo‘yicha hamkorlikni davom ettirishga kelishib oldi.

📄 Uchrashuv yakunida bozorga kirish dasturini ishlab chiqish va hamkorlikni rasmiylashtirish uchun memorandum imzolash ustida ishlash bo‘yicha kelishuvga erishildi.

@startupbaseuz

LinkedIn | Facebook | Instagram | Website

🤝 IT Park Uzbekistan Princeville Capital va Hypernova Capital bilan investitsion hamkorlik imkoniyatlarini muhokama qildi

ICT WEEK Uzbekistan 2026 doirasida IT Park Uzbekistan vakillari Princeville Capital hamkori Antoni Doe va Hypernova Capital asoschi hamkori Tugche Ergul bilan qo‘shma uchrashuv o‘tkazdi.

💼 Muzokaralarda O‘zbekiston startaplari uchun erta bosqichdan growth-stage’gacha bo‘lgan investitsiya imkoniyatlari, mahalliy venchur fondlari bilan ko-investment mexanizmlari, xalqaro investorlar tarmog‘iga chiqish va texnologik kompaniyalarni yangi bozorlarga olib chiqish masalalari muhokama qilindi.

Princeville Capital bilan, xususan, O‘zbekistondagi AI yo‘nalishidagi istiqbolli startaplar oqimini shakllantirish, ularni fondning investitsiya oqimiga olib kirish va keyingi bosqichlarda xalqaro investorlar bilan bog‘lash imkoniyatlari ko‘rib chiqildi.

🌱 Hypernova Capital bilan esa Osiyodagi LP investorlar kapitalini O‘zbekiston venchur ekotizimiga jalb qilish bo‘yicha hamkorlik masalalari muhokama qilindi. Tomonlar mahalliy venchur fondlarini xalqaro LP tarmog‘i bilan bog‘lash va O‘zbekistonni Osiyo kapitali uchun yanada jozibador investitsion yo‘nalishga aylantirish imkoniyatlarini ko‘rib chiqdi.

Tomonlar O‘zbekiston startaplarini Silikon vodiysi, Yevropa, Yaqin Sharq va Osiyo investor hamda mentorlar tarmog‘i bilan bog‘lash, cross-border expansion’ni qo‘llab-quvvatlash va sanoat, AI, barqarorlik hamda raqamli transformatsiya yo‘nalishlaridagi loyihalarga kapital jalb qilish imkoniyatlarini ham ko‘rib chiqdi.

📈 Uchrashuv yakunida tomonlar AI-startaplar uchun xalqaro investitsiya oqimini kengaytirish, Osiyodagi LP kapitalini O‘zbekistonga jalb qilish hamda mahalliy venchur ekotizimini global investorlar tarmog‘i bilan yanada yaqinroq bog‘lash bo‘yicha hamkorlikni davom ettirishga kelishib oldi.

@startupbaseuz

LinkedIn | Facebook | Instagram | Website

🇰🇷 IT Park Uzbekistan va KDDI Korea IT-mahsulotlar eksporti va O‘zbekistondagi faoliyatni kengaytirish masalalarini muhokama qildi

ICT WEEK Uzbekistan 2026 doirasida IT Park Uzbekistan va KDDI Korea Corporation vakillari o‘rtasida uchrashuv bo‘lib o‘tdi. Tomonlar KDDI’ning O‘zbekistondagi faoliyatini kengaytirish, mahalliy bozorda ofis ochish, dasturiy mahsulotlarni sertifikatsiyadan o‘tkazish hamda IT-mahsulotlar eksportini qo‘llab-quvvatlash imkoniyatlarini muhokama qildi.

🏢 Uchrashuvda KDDI Korea’ning O‘zbekistonda ofis ochish imkoniyati ko‘rib chiqildi. Shuningdek, kompaniyaning dasturiy va texnologik mahsulotlarini mahalliy bozorda sertifikatsiyadan o‘tkazish tartibi, jumladan, zarur xavfsizlik va boshqa tegishli sertifikatlar bo‘yicha batafsil ma’lumot taqdim etildi.

Tomonlar Koreya kompaniyalari O‘zbekiston bozoriga kirishda duch keladigan amaliy masalalar, mahalliy kompaniya tashkil etish, qo‘shma korxonalar yaratish, davlat xaridlarida ishtirok etish hamda IT Park tomonidan taqdim etilishi mumkin bo‘lgan qo‘llab-quvvatlash choralarini ham muhokama qildi.

🌏 Shuningdek, O‘zbekiston IT-mahsulotlarini Koreya bozoriga olib chiqishda hamkorlik qilish masalasi ko‘rib chiqildi. IT Park Uzbekistan KDDI’ning Yaponiyadagi bosh ofisi va Koreyadagi tarmog‘i orqali IT Park rezidentlari hamda mahalliy IT-mahsulotlarning Yaponiya va Koreya bozorlariga eksportini qo‘llab-quvvatlash imkoniyatlarini taklif etdi.

KDDI Korea KDDI Group’ning Janubiy Koreyadagi sho‘ba kompaniyasi bo‘lib, data center, cloud, IT-outsourcing, system integration, IoT, network infratuzilmasi va digital transformation yo‘nalishlarida faoliyat yuritadi. KDDI Group’ning global tarmog‘i 190 dan ortiq mamlakatni qamrab oladi.

🤝 Tomonlar O‘zbekistonni KDDI uchun IT-outsourcing va global delivery markazi sifatida rivojlantirish, o‘zbekistonlik IT-mutaxassislarni xalqaro loyihalarga jalb qilish hamda Koreya va Yaponiya kompaniyalari bilan texnologik hamkorlikni kengaytirish bo‘yicha muloqotni davom ettirishga kelishib oldi.

✨ #ICTWEEK2026 | 🧭 Startup Base bilan voqealar markazida bo‘ling.

@startupbaseuz

LinkedIn | Facebook | Instagram | Website

🌏 IT Park Ventures va Gobi Partners Markaziy Osiyoda venchur hamkorlikni kengaytirish imkoniyatlarini muhokama qildi

ICT WEEK Uzbekistan 2026 doirasida IT Park Ventures va Gonkongning Gobi Partners venchur fondi vakillari o‘rtasida uchrashuv bo‘lib o‘tdi. Tomonlar O‘zbekistondagi istiqbolli startaplarga investitsiya jalb qilish, Markaziy Osiyoda venchur faoliyatni kengaytirish hamda qo‘shma investitsiya tashabbuslarini rivojlantirish masalalarini muhokama qildi.

👤 Uchrashuvda Gobi Partners boshqaruvchi hamkori Chibo Tang ishtirok etdi. U fondning Greater Bay Area yo‘nalishiga rahbarlik qiladi va Osiyodagi texnologik kompaniyalarga investitsiya kiritish bo‘yicha katta tajribaga ega.

2002-yilda tashkil etilgan Gobi Partners Osiyodagi yirik venchur platformalardan biri bo‘lib, $1,6 mlrd dan ortiq aktivlarni boshqaradi. Fond FinTech, AI va DeepTech, e-commerce, sustainability va boshqa texnologik yo‘nalishlardagi kompaniyalarga investitsiya kiritadi.

🚀 Muzokaralarda Gobi Partners’ning Markaziy Osiyoda faoliyatini kengaytirish rejalari alohida muhokama qilindi. Fond kelgusi yilda mintaqaga xizmat ko‘rsatadigan ofis ochish imkoniyatini ko‘rib chiqmoqda va uning joylashuvi uchun O‘zbekiston hamda Qozog‘iston variantlarini baholamoqda.

Uchrashuv davomida Gobi Partners vakillari O‘zbekiston fondning mintaqadagi faoliyatini yo‘lga qo‘yish uchun ancha mantiqli va istiqbolli variant ekanini qayd etdi. Toshkentda mintaqaviy ofis ochish orqali Markaziy Osiyodagi startaplar, investorlar va hamkorlar bilan ishlash imkoniyatlari ko‘rib chiqildi.

💰 Tomonlar, shuningdek, O‘zbekistonda qo‘shma venchur fond tashkil etish imkoniyatini muhokama qildi. Bunday mexanizm Gobi Partners’ning xalqaro investitsiya tajribasi va tarmog‘ini IT Park Ventures’ning mahalliy startup pipeline’i bilan birlashtirishga xizmat qilishi mumkin.

Bundan tashqari, O‘zbekiston startaplarini Gobi Partners investitsiya oqimiga olib kirish, ularni Greater Bay Area, Janubi-Sharqiy Osiyo va Yaqin Sharqdagi investorlar hamda korporativ hamkorlar bilan bog‘lash masalalari ko‘rib chiqildi.

🤝 Uchrashuv yakunida tomonlar Gobi Partners’ning Markaziy Osiyodagi potensial kengayishi, Toshkentda mintaqaviy ofis ochish va O‘zbekistonda venchur fond tashkil etish imkoniyatlarini yanada batafsil o‘rganish, shuningdek, istiqbolli mahalliy startaplar bo‘yicha investitsion hamkorlikni davom ettirishga kelishib oldi.

@startupbaseuz

LinkedIn | Facebook | Instagram | Website

🌍 IT Park Uzbekistan xalqaro hablar bilan o‘zbek startaplarining xorijiy bozorlarga chiqishini muhokama qildi

24-sentabr kuni ICT WEEK Uzbekistan 2026 doirasida IT Park Uzbekistan xalqaro hablar vakillari bilan davra suhbati o‘tkazdi. Unda Xitoy, Janubi-Sharqiy Osiyo va BAA bozorlaridagi amaldagi dasturlar, natijalar va keyingi hamkorlik yo‘nalishlari muhokama qilindi.

👥 Uchrashuvda IT Park Uzbekistan bosh direktori Azamat Karamatov, Khan Tengri Innovation Hub asoschisi Lyazzat Borankulova, Big Sky SEA Hub hamkori Adil Nurgojin va White Hill Capital venchur hamkori Agahuseyn Ahmadov ishtirok etdi.

🇨🇳 Xitoy yo‘nalishida 3 ta o‘zbek startapi Shanxaydagi Digital ScaleUp Acceleration Program’ni yakunlagani, 2 ta startap SCO Youth Innovation & Entrepreneurship Competition finaliga chiqqani, yana 4 ta startap AI in Healthcare dasturiga jalb etilgani qayd etildi. Shuningdek, iyul oyida Shanxayda o‘tkazilgan World AI Conference xalqaro ko‘rgazmasida 5 ta o‘zbek startapi ishtiroki ta’minlangani ma’lum qilindi.

🇲🇾 Janubi-Sharqiy Osiyo bo‘yicha Big Sky SEA Hub natijalari ko‘rib chiqildi. Birinchi kohort ishtirokchisi TASS Vision Malayziya korporatsiyalari bilan tijoriy shartnoma imzolagan. Oktabr oyida esa 5 ta o‘zbek startapi ishtirokidagi ikkinchi kohortni boshlash rejalashtirilgan.

🇦🇪 BAA yo‘nalishida o‘tgan yilgi akseleratsiya dasturi natijalari muhokama qilindi. Shuningdek, shu yil oktabr oyida 5 ta o‘zbek startapini BAA bozoriga olib chiqishga qaratilgan akseleratsiya dasturini yo‘lga qo‘yish bo‘yicha tayyorgarlik ishlari ko‘rib chiqildi.

📈 Uchrashuvda xalqaro hablar faoliyatini dasturlar soni bilan emas, balki tijoriy shartnomalar, yangi mijozlar, investitsiyalar, pilot loyihalar va real market-entry natijalari orqali baholash muhimligi ta’kidlandi.

Tomonlar yangi kohortlarni shakllantirish, hablar o‘rtasidagi hamkorlikni kuchaytirish va O‘zbekiston startaplari uchun xalqaro bozorga chiqish imkoniyatlarini yanada tizimli kengaytirishga kelishib oldi.

@startupbaseuz

LinkedIn | Facebook | Instagram | Website