🚀 Andijonlik yoshlar uchun Investorlar kuni bo'lib o'tdi

8-oktabr kuni Andijondagi AI Hub — Sun’iy intellekt markazida IT Park Uzbekistan’ning Andijon filiali tomonidan Investorlar kuni tashkil etildi.

Tadbirda yosh dasturchilar va startap asoschilari o‘z g‘oyalarini real mahsulotga aylantirish, dastlabki mijozlarni topish hamda investorlar bilan ishlash bo‘yicha bilim va ko‘nikmalarga ega bo‘ldi.

💡 Workshop davomida ishtirokchilar:

🔵Lean Startup va Customer Development yondashuvlari orqali mijoz muammosini aniqlashni;
🔵MVP yaratish va biznes modelni shakllantirishni;
🔵venchur fondlar va investorlar startaplarni qanday mezonlar asosida baholashini;
🔵investitsiya jalb qilish uchun Pitch Deck tayyorlashni o‘rgandi.

🎤 Yakuniy pitch-sessiyada ishtirokchilar o‘z loyihalarini 3 daqiqalik taqdimot va 2 daqiqalik savol-javob formatida IT Park Ventures ekspertlarga taqdim etib, tavsiyalar oldi.

Vorkshopda 15 yoshli dasturchi Oyatbek Abdug‘aniyev o‘zining ParkOS va Ilimli startaplari, Yahyobek Habibullayev esa an’anaviy laboratoriyalarni onlayn formatga o‘tkazishga qaratilgan Smart Lab loyihasi ustida ishlayotgani haqida so‘zlab berdi.

📈 Istiqbolli loyihalarni IT Park Andijon filialining inkubatsiya va akseleratsiya dasturlariga yo‘naltirish, mentorlik va investitsiyaga tayyorlash bo‘yicha qo‘llab-quvvatlash rejalashtirilgan.

@startupbaseuz

LinkedIn | Facebook | Instagram | Website

🇹🇲 IT Park rezidentlari va startaplari uchun Turkmaniston bozoriga chiqish imkoniyatlari muhokama qilindi

IT Park Uzbekistan’ning Global Growth va rezidentlar bilan ishlash yo‘nalishlari hamkorligida O‘zbekiston IT, mahsulot va servis kompaniyalari va startaplari uchun Turkmaniston bozoriga chiqishga bag‘ishlangan amaliy vorkshop tashkil etildi.

Tadbir davomida ishtirokchilar Turkmaniston IT-bozorining o‘ziga xos xususiyatlari, mahalliy talab va ehtiyojlar, bozorga kirish strategiyalari hamda potensial hamkorlar bilan ishlash imkoniyatlari bilan tanishdi.

🚀 Vorkshopda quyidagi masalalar muhokama qilindi:

🟩O‘zbekiston IT-mahsulotlari va raqamli yechimlarini Turkmaniston bozoriga olib chiqish;
🟩Mahalliy buyurtmachilar va potensial biznes hamkorlar bilan aloqalar o‘rnatish;
🟩Yangi bozorda mahsulotlarni sinovdan o‘tkazish va mijozlar topish.

Ishtirokchilar o‘zlarini qiziqtirgan savollarga javob olib, Turkmaniston bozoridagi biznes imkoniyatlari yuzasidan fikr almashdi.

Mazkur vorkshop O‘zbekiston IT kompaniyalari va startaplarining eksport geografiyasini kengaytirish hamda Turkmaniston bozorida yangi hamkorlik aloqalarini yo‘lga qo‘yish imkoniyatlarini o‘rganishga qaratildi.

Vorkshop yakunida bir qator IT Park rezidentlari Turkmaniston bozoriga chiqishga qiziqish bildirdi. Kelgusida ushbu kompaniyalar bilan ularning mahsulot va xizmatlarini Turkmanistonga eksport qilish imkoniyatlari hamda bozorga kirish bo‘yicha amaliy qadamlar ishlab chiqiladi.

@startupbaseuz

LinkedIn | Facebook | Instagram | Website

🇮🇩 Digital Uzbekistan: Indonesia 2026 — O‘zbekiston startaplari Indoneziya bozorida yangi hamkorliklarni yo‘lga qo‘ymoqda

Indoneziyada bo‘lib o‘tgan Digital Uzbekistan: Indonesia 2026 tadbirida 45 dan ortiq kompaniya vakillari IT Park Uzbekistan imkoniyatlari va O‘zbekiston startaplarining texnologik yechimlari bilan tanishdi.

🚀 Tadbir davomida qanday natijalarga erishildi?

🔵Sino AI Indoneziyaning sog‘liqni saqlash sohasidagi 3 ta kompaniyasi bilan potensial hamkorlik yuzasidan muzokaralar o‘tkazdi;
🔵Indoneziyadagi go-to-market akseleratori bilan hamkorlik qilish bo‘yicha kelishuvga erishildi;
🔵APTIKNAS bilan biznes missiyalar, AI-mutaxassislar va Soft Landing imkoniyatlari muhokama qilindi. IT Park Uzbekistan Bali Tech Week 2026 tadbiriga taklif etildi;
🔵PIKOM va VINASA bilan Soft Landing va bozorga kirish dasturlari bo‘yicha muzokaralar olib borildi.

🤝 Shuningdek, Indoneziya AI assotsiatsiyasi, KADIN va Digital Talent Accelerator vakillari bilan uchrashuvlar o‘tkazildi.

Tadbir O‘zbekiston startaplari uchun Janubi-Sharqiy Osiyo bozoriga chiqish, yangi mijozlar va strategik hamkorlar topish imkoniyatlarini kengaytirishga qaratildi.

🖥 Batafsil saytimizda

@startupbaseuz

LinkedIn | Facebook | Instagram | Website

🇺🇸 15 ta o‘zbek startapi — AQSh bozori sari

IT Park Uzbekistan ko‘magida o‘zbek startaplari Alchemist Silkroad, Draper University Hero Training, TechCrunch Disrupt va Go Abroad doirasida AQShdagi dastur va tadbirlarda ishtirok etmoqda yoki qatnashishga tayyorlanmoqda.

Jamoalar AQSh bozorini o‘rganish, savdoni rivojlantirish, mentorlar bilan ishlash hamda potensial mijozlar va investorlar bilan aloqalar o‘rnatish imkoniyatiga ega bo‘ladi.

👉 Qaysi startaplar qaysi dasturda qatnashadi? Karuselda tanishing.

@startupbaseuz

LinkedIn | Facebook | Instagram | Website