Virat Kohli ❤😍

अहिल्याबाई होळकर यांचे नाव मोठ्या अदबीने घेतले जाते.दानशूर, कर्तृत्ववान, धर्मपरायण व कार्यक्षम राज्यकर्ती म्हणून अहिल्याबाई होळकर हे नाव मराठ्यांच्या इतिहासात सुवर्णाक्षरांनी लिहिले गेले आहे. 
अवघ्या आठव्या वर्षी विवाह, पतीची साथ पुरेशी नाही, वयाच्या अठ्ठाविसव्या वर्षी पतिचे निधन आणि तिथूनच सासर्याच्या शब्दास मान देऊन उभी राहिलेली एक कणखर महिला...
राज्य कारभार खऱ्या अर्थाने सासर्यांच्या निधनानंतर अहिल्याबाईवर आला.
अहिल्याबाई होळकर हे नाव मराठ्यांच्या इतिहासात अमर झाले. त्याला त्यांची धर्मपरायण आणि उदारवृत्ती कारणीभूत ठरली. बाई काय राज्य कारभार करणार  ही दरबारी मंडळींची अटकळ त्यांनी सपशेल खोटी ठरविली. अशी शंका घेणाऱ्यात त्यांचा जुना दिवाण गंगाधर यशवंत चंद्रचूड उर्फ गंगोबा तात्या हा प्रमुख होता. राघोबादादांशी त्यांनी अहिल्याबाईंविरुद्ध संधान बांधले आणि इंदूर बळकावण्यासाठी त्यांना प्रोत्साहित केले. अहिल्याबाईंना हे कळले तेव्हा त्या युद्धास तयार असल्याचे त्यांनी राघोबादादास कळविले. राघोबांना ते अडचणीचे झाले. हरलो तर बाईकडून हरलो आणि जिंकलो तरी बाईशी युद्ध करण्यात कोणती मोठी मर्दुमकी  शेवटी राघोबांना माघार घ्यावी लागली. त्यांचा उत्तम पाहुणचार अहिल्याबाईंनी इंदुरात केला. अशा रीतीने बाईंच्या लौकिकात आणखीच भर पडली.
अहिल्याबाईंच्या आयुष्यातील एक अविस्मरणीय घटना त्यांचा लौकीक वाढविणारी आहे. आपली कन्या मुक्ताबाई हिचे स्वयंवर घोषित करताना त्यांनी जाहीर केले की, जो कोणी चोर, लुटारु, दरोडेखोर यांचा राज्यात बंदोबस्त करील, त्या शूर व्यक्तीशी मुक्ताबाईचा विवाह लाविला जाईल. त्यावेळी जातपात बघितली जाणार नाही. हा अलौलिक विचार जाहीर करून त्या थांबल्या नाहीत, तर त्यांनी कृतीही तशीच केली. यशवंतराव फणसे या गुणी, शूर तरुणाशी त्यांनी मुलीचा विवाह करून दिला.
मध्यम उंचीची, सावळ्या वर्णाची, डोईवर पदर घेतलेली ही स्त्रीकर्तृत्व आणि विचार या दोन्ही दृष्टींनी केवढ्या उंचीची होती, हे त्यांचे आयुष्यच सांगते. अनेक कर्तब करत भारतीय महिलांना आदर्श ठरावे असे व्यक्तिमत्त्व आजच्या दिवशी भेटले. आणि आपणही काही तरी प्रमाणभूत करू या भावनानिशी अहिल्याबाईना आदरांजली वाहूया....

- तेजस्विनी प्र. राऊत
@TejuRaut

*⛳⚜️एक नाव,एक व्यक्तिमत्त्व,एक विचार,एक प्रेरणा,एक आदर्श,एक इतिहास यापेक्षा खूप काही म्हणजेच "श्रीमंतयोगी छत्रपती शिवाजी महाराज"..!🙏🏻⚔️*
*👑जय शिवराय👑*