0️⃣0️⃣0️⃣

🏫 Тошкент тиббиёт академиясининг янги бош ўқув биноси фойдаланишга топширилди

📌 Тошкент тиббиёт академияси нафақат мамлакатимиз, балки жаҳон тиббиётига олий маълумотли етук мутахассислар тайёрлайдиган юртимиздаги таянч тиббий олий таълим муассасаси ҳисобланади.

🧑‍💻Бу ерда кадрлар салоҳиятини ошириш, талабаларнинг амалий кўникмаларини мустаҳкамлаш ва ўқув жараёнини самарали ташкил этишга катта эътибор қаратилмоқда.

🏢 Бунинг амалий ифодаси сифатида бугун академиянинг янги реконструкция қилинган бош ўқув биноси фойдаланишга топширилди.

🔴 Очилиш маросимида Ўзбекистон Республикаси Президенти администрацияси Ижтимоий ривожланиш департаментининг раҳбари Одил Абдурахманов, соғлиқни сақлаш вазири Амрилло Иноятов, шунингдек тиббиёт муассасалари раҳбарлари ҳамда талаба ва ўқитувчилар иштирок этди.

📚 Таъкидланганидек, бугун Президентимиз томонидан олиб борилаётган барча ислоҳотлар негизида кадрлар тайёрлаш сифатини оширишдек эзгу мақсад ётади. Буни эса Тошкент тиббиёт академияси фаолияти мисолида ҳам кўриш мумкин.

🧑‍🔬Айтиш лозимки, фойдаланишга топширилган янги бинода 8 та кафедра, 10 та бўлим, маъмурият ҳамда бошқа маиший ҳудудлар жойлашган бўлиб, 3000 нафар талаба таҳсил олади.

💻 Иншоотда 148 та ўқув аудиториялари, 10 та смарт маъруза заллари, 60 нафар болажонга мўлжалланган боғча, 500 нафардан ортиқ талабанинг мустақил тайёргарлиги учун ижтимоий зоналар ҳамда 520 ўринли овқатланиш шохобчаси мавжуд.

🔬Хусусан, бинонинг биринчи қаватида Симуляцион марказ ва 3 та электрон микроскоп лаборатория ташкил этилган. Япониянинг энг замонавий лаборатор ускуналари билан жиҳозланган симуляцион марказда бакалавриат ва магистратура босқичи битирувчилари амалий кўникмаларни ўзлаштириш имконига эга.

🩺 Мазкур бўлим турли клиник вазиятларни тақлид қилувчи манкенлар ва симуляторлар билан жиҳозланган бўлиб, шошилинч тиббий ёрдам, реанимацион, жарроҳлик, педиатрия, терапевтик мутахассисликлар ҳамда анъанавий тиббиёт каби 10 та ўқув аудиторияларни ўз ичига олади.

⌨️ Шунингдек, бинонинг иккинчи қаватида Рақамли тиббиёт маркази жойлашган. Бу ердаги Тест марказида талабалар ўртасида имтиҳон синовларини ўтказиш, мустақил тайёргарлик кўриш учун 24/7 тартибда ишловчи 200 ўринли виртуал кутубхона ва компьютер синфлари мавжуд.

🛏 Телемедицина ёки масофавий тиббиётга бағишланган бўлимда талабаларга дистанцион тиббий хизмат тизимида ишлаш, электрон поликлиника ва стационар бўлимда эса электрон тизим орқали беморни рўйхатга олиш, маслаҳат бериш, кундалик холидан хабар олиш ҳамда электрон карта тўлдириш ўргатиб борилади.

🧪Шунингдек, бинонинг еттинчи қаватида Биотиббиёт технологиялари маркази ташкил этилиб, тиббий генетика, ҳужайра технологиялари, иммунология, электрон микроскопия, фармакотоксикология, экологик лаборатория ва илмий мактаблар мавжуд.

🖲 Ушбу қаватда жойлашган Технопарк ва саккизинчи қаватдаги рақамлаштирилган Ахборот ресурс маркази ҳам талабаларнинг билим олиши ва ўз устида изланишлари учун кенг имкониятлар яратади.

‼️Очилиш маросимидан сўнг меҳмонлар янги бинонинг имкониятлари билан яқиндан танишиб, Симуляцион марказ ва бошқа бўлимлар фаолиятига юқори баҳо берди.

❗️❗️❗️❗️

Табиатни асранг, азизлар!

😃 👉 уланинг 👈