#BuAxvolgaQandayKeldik?

Kuni kecha Ekomed klubi a’zolari 50+ chiqindi yig‘ib, akademiya hududini tozalash uchun katta mehnat qildilar. Hudud nafaqat tozalanib, balki bir zumga bo‘lsa-da nafas oldi.

Ammo bugun…
Mana yana shu manzara.
Plastiklar, sigaret qoldiqlari, salfetkalar, qog‘ozlar — hech narsa o‘zgarmagan.
Biz shunchalik befarq bo‘ldikmi?

Shu darajaga yetib keldikmi?
Tozalikka ham, mehnatga ham, yashayotgan muhitga hurmat qolmadi?

Plogging — bu faqat chiqindi yig‘ish emas.
Bu — fikrni tozalash, odati o‘zgartirish, madaniyatni shakllantirish.

Bu faqat volontyorlarning ishi emas.
Tozalik — bu har birimizning yuzimiz, har birimizning madaniyatimiz.

Bir kunga emas, butun umrga yetadigan odat shakllantiraylik.
Axir biz bu hududda o‘qiymiz, ishlaymiz, yashaymiz…

Hozirgi xolatga qaramay,
har birimizni mas’uliyat kutmoqda.

✅Bizni kuzating

🌐Telegram | 📷Instagram

😏Toshkent tibbiyot akademiyasida “BIZ SOG‘LOM YURT FARZANDLARIMIZ” sport festivali bo’lib o’tdi

🖋Bugun, Toshkent tibbiyot akademiyasida “SPORT – SOG‘LOM XALQ, SOG‘LOM AVLODNING TAYANCH USTUNI” shiori ostida an’anaviy tarzda o‘tkazilayotgan “BIZ SOG‘LOM YURT FARZANDLARIMIZ” sport festivalining tantanali ochilish marosimi bo‘lib o‘tdi.

👥Tadbirda O‘zbekiston Respublikasi Sog‘liqni saqlash vazirligi mas’ullari, Oliy ta’lim, fan va innovatsiyalar vazirligi rahbariyati, O‘zbekiston Respublikasi Sport vazirligi vakillari, Toshkent tibbiyot akademiyasi rahbariyati, professor-o‘qituvchilar va talaba-yoshlar faol ishtirok etdilar.

🎉Tadbir doirasida turli sport musobaqalari, ko‘rgazmali chiqishlar hamda madaniy-ma’rifiy dasturlar namoyish etildi. Sport festivalining eng faol va g‘olib ishtirokchilari maxsus diplom va esdalik sovg‘alari bilan taqdirlandilar.

#SportBayrami #TTA #Sog‘lomTurmush #Birdamlik

✅Bizni kuzatishda davom eting!

TMA.uz | Telegram | Facebook | Instagram | YouTube | X