😏Toshkent tibbiyot akademiyasida “BIZ SOG‘LOM YURT FARZANDLARIMIZ” sport festivali bo‘lib o‘tdi

Bugun 😏Toshkent tibbiyot akademiyasida, “SPORT – SOG‘LOM XALQ, SOG‘LOM AVLODNING TAYANCH USTUNI” shiori ostida an’anaviy “BIZ SOG‘LOM YURT FARZANDLARIMIZ” sport festivali bo‘lib o‘tdi.

Parad chiqishi “Harbiy orkestr marshi” jarangi ostida amalga oshdi, tomoshabinlar bayramona kayfiyat yaratdi. Stadionga paraddan o‘tuvchi jamoalar kirib kelishdi, O‘zbekiston bayrog‘ini karate bo‘yicha Jahon, Osiyo va O‘zbekiston chempioni, Tibbiy profilaktika fakulteti talabasi Shavkatova Anjelina hamda “Mard o’g’lon” davlat mukofoti sohibi Valijonov Azizbek ko‘tarib o‘tdi.

Shundan so‘ng, TTA rektorati va bo‘limlari xodimlari, fakultetlar jamoalari, Yoshlar ittifoqi kengashi jamoasi, Ekomed klubi a’zolari, TTA Akademik litseyi jamoasi va boshqa jamoalar parad maydoniga yaqinlashdi. Har bir jamoaga ta’rif berilib, sog‘lom turmush tarzi va sportni targ‘ib qilishga oid shiorlar, sharlar va emblemalar bilan tomoshabinlarga zavq ulashdilar.

Tadbirda sport musobaqalari boshlandi: Sheyping, bolajonlar o‘rtasida estafetali yugurish, oilaviy estafeta, talabalar o‘rtasida estafetali yugurish, xodimlar o‘rtasida estafetali yugurish, stol tennisi, arqon tortish kabi qiziqarli musobaqalar bo‘lib o‘tdi.

Sport bayramiga xalq sevgan san’atkorlar, sport yulduzlari hamda Toshkent tibbiyot akademiyasining eng iqtidorli talabalari ishtirok etdi. Tadbir so‘ngida musobaqalar g‘oliblari esdalik sovg‘alari, sertifikatlar va pul mukofotlari bilan taqdirlandilar.

#SportBayrami2025 #TTA

✅Bizni kuzatishda davom eting!

TMA.uz | Telegram | Facebook | Instagram | YouTube | X