Ассалому алайкум
Болалик дўстларимдан бирининг бошига шу қишда оғир бир синов тушди.
Уйи тамоман ёниб кетди. Ҳозир оиласи билан ижарада турибти. Ногиронлиги сабаб уйни тиклаб олиш қийин кечяпти. Кимда имкон бўлса, ватандошимизга ёрдам беришларини сўрайман. Расм ва видео ёнғиндан сўнг ҳолати. Ҳозир ҳаммаси булдозер билан теккисланган. Ҳовли Тошкент вилоятининг, Тошкент туманида.

Алишернинг ҳисоб рақами:
5614 6821 2335 4740 Ashurov Alisher

Елкан устуни (мачта) тепасида ўтирган денгизчи узоқдан қуруқликни, тўфон булутларини кема палубасидагилардан олдинроқ кўради. Юқоридаги кузатувчига кўринган нарсалар, вақт ўтиб пастдагиларга кўринади. Бошқача қилиб айтганда, келажак тепада жойлашган назарга олдинроқ етиб келади.

Киши ўз ақл идрокини юқорироқ поғонага кўтара билиши керак. Ўз идрокини нафақат олдинга, балки юқорига йўналтира олмаган шахс кутилмаган зарбаларга дуч келади, қулай имкониятларни ўтказиб юборади. Даракчиларига ишонмай қўйган жамият эса олдинни кўра олмай кемани қояларга уриб, чўкиб кетган денгизчиларга ўхшайди.

Ўзингизни банд қилинг, ўзингиздан озод бўласиз. Қизиқ машғулот, гўзаллик, китоб, меҳнатга берилинг, ўзингизни топасиз. Ўзимиз билан овора бўлишни ўзимиздан нарироқ қилсак, чин ўзимизни топамиз.

Kitoblarga ishonib qolish haqida savollarga javoblar
https://youtu.be/qqyL57fi0CQ

Нурбек ёзманг деса ҳам ёзяпман. ФИКРАТ таҳлилий дастурида ҳар куни 5-6 соат уникал (янги) кўрсатув тайёрланади. Бу эса кўрсатувда фойдаланиладиган камераларнинг катта юклама билан ишлашини билдиради. Шу кунларда дастурда фойдаланиладиган 3 та камерадан иккитасида жиддий муаммолар кузатилиб турибди. Биттаси ҳатто қаттиқ қизиб кетганидан ўчиб ҳам қоляпти. Айримлар ўйлаганидек кетма-кет рекламалар йўқ, ходимлар маоши асосан "Фикратонлайн" клуби семинарларидан. Техникага алоҳида маблағ ажратиш ҳозирча имконсиз. У эса эскиряпти. Агар кимда фойдаланилмай турган камера, объектив бўлса (вақтинчаликка бўлса ҳам, чунки мақсад фақат кўрсатув) ёки бошқа таклифлари бўлса @Nurbekgofurov га алоқага чиқишини сўраб қоламиз.

Мавжуд техника билан амалласа бўлади, лекин кўрсатувлар сифати бузилаётганини кўриб ёзишга қарор қилдим

@Hamid_Sodiq

Аквариумда яшовчи балиқча шиша девор ортидаги борлиқни кузатар экан, ташқарини ўзи яшаб турган муҳит билан бир хил деб ўйлайди. Балчиқчанинг ташқаридаги борлиқни билмаслиги авваламбор ўзи жой олган аквариумни билмаслигидан келиб чиқади.

Албатта гап хаёлий балиқча ҳақида. Реал балиқчага ўйлаш хос бўлганда хам, у аслида нимани «ўйлашини» ё «билишини» билиш имконсиздир.

Бироқ, ҳолимиз мана шу хаёлий балиқча ҳолига ўхшайди. Ақл-хушимизга, оммавий шууримизга ҳукмрон бўлиб, вужудимизни аквариумдек қамраб олган тасаввурларни билмаймиз, уларни тушунмаймиз. Мана шу билимсизлигимиз билан бизни ажратиб турувчи ўтмишнинг шиша девори ортидаги тарихни тушуна олмаймиз. Натижада, ўтган замонларни фақат хозириги кунларгина хос бўлган тасаввурлар билан ифодалаймиз.

«Аквариумимиз», яъни замонамизни билмаслик нафақат тарихни билмасликка сабаб бўлади, балки биз билан содир бўлаётган воқеликни етарли англамасликни келтириб чиқаради. Кетаётган жараёнлар қаерга олиб боришини, ҳодисалар шакли ортидаги асл моҳиятни тушунмай, тарих оқавасида чўп хашакдек чайқалиб сузаверамиз.

Ташқаридан назар керак. Бугунги Инсон ақл-идрокини эгаллаб олган, халқларни ўз ўйинларида истаганича ўйнатаётган 20-21-асргагина хос бўлган Тасаввурларни ажратиб, тахлил қиладиган муаллифларни топиб ўқиш керак. Бу бизга ақли йўқ қўғирчоқлик мақомидан чиқишга имкон беради. Албатта ҳеч бир мутафаккир-муаллиф биронта хато қилиб қўймасликдан кафолатланмаган. Шунинг учун бир иккиси билан эмас, балки камида, бир-бирига ўхшамаган ўнтасининг қарашларига эътибор беришга арзийди. Ва албатта ўқиганда кўр-кўрона ишонувчанлик билан эмас, балки муаллиф мулоҳазаларини кузатувлар ва соғлом фикр тарозусида тортиб ўқиш керак бўлади.

Akvariumga nazar
Ernst Yungerga Kirish
@subnazar

Hikoya
https://t.me/OneShotut/25

Akvariumdan akvariumga nazar: Ernst Yungerni o'qishga zarurat

https://youtu.be/qrR9OJWQP_c?si=RzLqzwcuZOzC6R3j

Askar - Adib - Flanyor - Dissident - Mutafakkir ||Ernst Yunger (1895-1998) hayoti va Ijodi.

@subnazar

Askar. Adib. Mutafakkir | Ernst Yunger hayoti va ijodi

https://youtu.be/jMlWlCdwkQI

@subnazar

Total Safarbarlik 1 | Yangi zamon urushi | E.Yunger | Jamshid Muslimov
@subnazar

Total safarbarlik – yangi zamon urushi | Ernst Yunger essesining tahlili, 1-qism

https://youtu.be/99S03beUrnc

Иш қилиб тушунарлими, ёки қийинми тушуниш?

⚡️Уруғ-аймоқчилик сиёсий миллатга айланишга халақит берадими?

Замонавий дунёда уруғ-аймоқчилик керакми ё йўқ?

Ishonch.uz нинг бу галги кўрсатуви  уруғ-аймоқчилик мавзусига бағишланди. XXI асрда бу тушунча ўзбек жамияти учун нимани англатмоқда? Миллий ўзликни шакллантириш ёки қайта шакллантиришда уруғчиликка таяниш наф берадими? Унинг замонавий шакли қандай? Ва нега хавфли? Биз шу ва бошқа саволлар юзасидан изланиш олиб бордик.

You Tube да тўлиқ кўрсатувни кўринг: https://www.youtube.com/watch?v=w5JTtNWLZps

Каналга уланиш:
@ishonchuz_official

Геноцидни тан олиш учун иккита ҳолат исботланиши керак. Тизимли равишда маълум ҳудудда оммавий қирғин уюштириш ва мана шу мақсадини очиқ эътироф этиш. Иккала шартни исроил ҳукумати тасдиқлаб келмоқда. Ҳукумат расмийлари мақсад Ғазо аҳолисини ҳудуддан сиқиб чиқариш, уларнинг сонини максимал равишда камайтириш эканини исроил фуқароларига айтса, ташқи оламга мақсади асир олганларни қутқариш деяпти. Иккинчиси қип қизил ёлғон экани тинимсиз исботланди. Оммавий қирғин амалиётлари эса иккинчи жаҳон уруши давридан кейин энг массалиси дейиляпти. Халқаро Жиноят Суди ишини давом этар экан, судялардан бирига “собиқ” моссадчидан қўрқитиш муждаси берилганини Гардиан хабар берибти.

Шахсан мен учун кишининг дунёқараши, дини, сиёсий туси қандай бўлишидан қатъи назар, айнан Ғазо қирғинига нисбатан позицияси унинг инсоф даражасини белгилайди.

“Бизнинг Ўрта Шарқдаги ишларга қандай ишимиз бор?” деювчилар учун:

Либерал оламнинг исроилга истаганини қилишига қўйиб бериши, Жаҳонда ўта хавфли намуна прецедент ясаяпти: “агар бирон давлат “ўзимизникилардан” бўлса, ва у кучли ва “замонавий маърифатли” бўлса, истаганича босқинчилик, оммавий қатл ва қатағон ишларни содир этиши мумкин, ва у кечирилади, ёки кўпида оғзаки маломат қилиб қўйилади. Бу дегани 19-аср жанговар колониализмига эшиклар қайта очилишини англатади, халқаро ҳуқуқ ишдан чиқади, ким зўрроқ бўлса ўша ҳақ деб тан олинади. Фақат “ўзимизникилар” клубига кирган бўлса, бўлди… ва бу клуб эшиги маҳкам ёпиқ тутилади.”

Салом, ажиб “янги” олам.

Абу Ҳурайра розияллоҳуанҳудан ривоят қилинади:
«Расулуллоҳ солаллоҳу алайҳи васаллам: «Ким Ашуро кунида аҳли-аёлига кенглик қилса, Аллоҳ таоло унга йилнинг қолганини кенг қилади», дедилар».
Имом Байҳақий ривоят қилган.
Имом Ҳофиз Суютий бу ҳадисни саҳиҳ деган.
Абдуллоҳ ибн Масъуд розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Ким Ашуро куни аҳли-аёлига нафақада кенгчилик қилса,  Аллоҳ унга йилнинг қолганини кенг қилади», - дедилар.
Имом Розий ривоят қилган.
Ироқий айтади: «Бу ҳадиснинг бир қанча йўллари бор бўлиб, унинг баъзиларига саҳиҳ деб қарор берилган. Баъзиларига эса, имом Муслимнинг шартига кўра саҳиҳ дейилган.
Лекин юқорида зикр қилинган ҳадисга биноан, Ашуро куни оиласига кенгчилик қилса, бозорлик қилиб, рўзғорини бут қилиб олса, йилнинг қолган ойлари ҳам баракатли бўлиши умид қилинади. Суфён Саврий: «Биз буни тажриба қилиб кўрдик ва ана шундай бўлишини топдик» деган. Суфён ибн Уяйна: «Биз буни эллик ёки олтмиш йил тажриба қилиб кўрдик ва фақатгина яхшилик кўрдик», деган. «Ал-Муҳит» китобида шундай дейилган: Жобир раҳматуллоҳи алайҳ: «Мен қирқ йил тажриба қилдим, бўлмай қолмади», деган.