📖 "Behalovat avlod: realdan virtualga ko‘chgan bolalik va ruhiy xastaliklar epidemiyasi" kitobidan parcha:

Biz real dunyoni bolalar uchun xavfsiz qilish borasida bir asrdan ortiq tajribaga egamiz.
20-asr boshlarida avtomobillar ommalashgach, o‘n minglab bolalar ularda halok bo‘ldi. Alal-oqibat, xavfsizlik kamarlarini (1960-yillarda), keyinchalik esa bolalar uchun maxsus avtomobil o‘rindiqlarini (1980-yillarda) majburiy qildik.

Men hali maktab o‘quvchisi bo‘lgan 1970-yillar oxirida sigaret chekadigan ko‘plab sinfdoshlarim ularni maxsus avtomatlardan bemalol sotib olardi. Keyinchalik, bu avtomatlar taqiqlandi. Bu esa katta yoshli chekuvchilar uchun noqulaylik tug‘dirdi, chunki endi ular sigaretni faqat do‘kon xodimidan sotib olishi va har gal yoshini tasdiqlatishi kerak bo‘ldi.

Yillar davomida, kattalar o‘z yumushlari bilan band ekan, bolalarni xavfsiz tarbiyalash yo‘llarini topib keldik. So‘ng, kutilmaganda shunday virtual olamni yaratdikki, bu olamda kattalar har qanday oniy istagi-yu nafsiga erk berishi mumkin, ammo bolalar deyarli himoyasiz qoldi.

Telefon-markazli bolalik farzandlarimizni ruhan xasta, ijtimoiy jihatdan yakkalangan va o‘ta baxtsiz qilayotganiga keragicha dalillar bor ekan, biz yana o‘zimizga noqulayroq cheklovlarga rozimizmi?

O‘tgan asrda bo‘lgani kabi, kattalarga noqulaylik tug‘dirsa-da, bolalarni zararlardan himoya qilish zarurligini oxir-oqibat anglab yetamizmi?

Men bu boradagi islohot bo‘yicha takliflarni kitobning 4-qismida bayon etaman.

Ikkita katta xatoga yo‘l qo‘ydik: bolalarni real hayotda (ular bevosita tajribadan o‘rganadigan muhitda) me’yordan ortiq avayladik, virtual hayotda esa (ayniqsa, jinsiy yetilayotgan zaiflik pallasida) yetarlicha himoya qilmadik. Takliflarim ana shu xatolarni o‘nglashga qaratiladi.

📚 Jonathan Haidt, “Behalovat avlod: realdan virtualga ko‘chgan bolalik va ruhiy xastaliklar epidemiyasi”

#jonathan_haidt #anxious_generation #behalovat_avlod #raqamliavlod

Суқрот ҳақидаги ютуб чиқишни тайёрлар эканман, олдин мени ҳайрон қолдирган саволга жавоб топдим.

Маълумки, Суқротни ўлимга маҳкум қилишда иккита айблов қўйилган: биринчиси диний характерда, яъни Суқрот Афинага янги худоларга эътиқодни олиб кирган, иккинчиси эса ахлоқий жиҳатдан «ёшларни тўғри йўлдан адаштиряпти» деган айблов.

Маҳкама ҳақида қолган хабарлардан Суқротни йўқотишдан асосий мақсад сиёсий экани аён. Аммо нима учун сиёсий айблов келтирмай, у диний ва ахлоқий жиноятда айбланди? Аслида сиёсий айблов билан Суқротга ҳукм ўқиш анча осонроқ эди. Унинг бир яқин аристократ шогирди Афинага хоин деб топилиб ўлдирилган, бошқа икки шогирди эса 30 тиран қаторида бўлганлар. Уларнинг ҳукмронлиги ағдарилиб, яна демократия тузуми ўрнатилган ва ўша "тиранлар" жиноятчи деб топилиб, фуқаролар уруши жангларида ўлдирилган.

Суқрот ҳеч қайси шогирдини қайсидир сиёсий тарафни олишга чақирмаганлиги аниқ. Унинг бошқа издошлари ғолиб демократия тарафида ҳам етарли эди, шунга қарамай уни "халқ душмани"га чиқарилган шогирдлари билан биргаликда судлаш осонроқ бўларди. Қолаверса, Суқрот ҳар бир тузумда ноқулай одам сифатида кўплаб сиёсий қарорлар ва қонунларни очиқдан-очиқ савол остига олар, қўрқмай танқид қилар эди. Суқротнинг рақиблари уни сиёсий тузумга тажовуз қилишда айблаш учун етарли асослар келтириши мумкин эди.

Ҳўш, нега айбловчилар бундан фойдаланишмади? Бунинг жавоби қизиқ экан. Гап шундаки, фуқаролар урушига чек қўйиш мақсадида амнистия эълон қилиниб, ҳеч ким аввалги сиёсий тарафи учун маҳкамага тортилмаслиги керак эди. Шунинг учун Суқрот рақиблари бу қонунни айланиб ўтиш учун диний ва ахлоқий айблов билан уни судга тортишади ва оқибатини биламиз – файласуф ўлимга маҳкум қилинди.

@KitobHouse’ning yangi kitoblar haqidagi oylik sarhisob videosi chiqibdi. Unda “Boshlang’ich saboqlar” to’plami haqida ham so’z borgan.

To‘liq ko‘rish uchun:
https://youtu.be/SD3N7yOtVVc?si=zxVhweC7hKraTMBe

🎉 Do‘stlar! 11.11 chegirma aksiyasi boshlandi!

Usborne “Boshlang‘ich saboqlar” turkumidagi kitoblarning har birini alohida yoki to‘plam holida yanada arzonroq chegirma bilan xarid qilishingiz mumkin! 📚🔥

🛒 Xarid uchun havola:

🔹 Uzum Market:
👉 https://uzum.uz/uz/shop/farengeytkitob

Farzandingiz yoki o‘zingiz uchun ilmiy-ommabop, qiziqarli va ko‘rgazmali kitoblarni hoziroq buyurtma qiling! Chegirmalar muddati bir kun.

Bu kitoblar sotuvidan tushgan mablag’ni 100% keyingi uch kitobni (matematika, iqtisodiyot va kimyo) chop etishga sarflaymiz.

#BoshlangichSaboqlar #Usborne #Chegirma

Bugun Toshkent vaqti bilan soat 20:00da

Kriton dialogi tarixiy konteksti haqida suhbat

FALSAFA O‘ta qisqa tanishtiruv 2-bob |#1000kitob

https://www.youtube.com/watch?v=nPDNo0C_nt0

2.Kriton dialogi tarixiy konteksti | FALSAFA O‘ta qisqa tanishtiruv kitobi bo‘yicha suhbatlar 2-bob | Edvard Kreyg

00:00 | Kirish va ikkinchi bobning asosiy mavzusi
Ikkinchi bob Platonning "Kriton" dialogi asosida qurilgan bo'lib, Suqrotning o'limidan uch kun oldingi suhbatini o'rganadi. Bob "Nima qilish kerak?" degan falsafiy savolga, ya'ni etika masalasiga bag'ishlangan. Tarixiy kontekst haqida kitobda qisqa ma'lumot berganligi uchun materialni chuqurroq o'rganish zarur.

01:40 | Tarixiy zamon va voqealar chizig'i
Voqealar miloddan avvalgi 399-yilda, Iso alayhissalom tug'ilishidan 400 yil va Muhammad alayhissalom tug'ilishidan taxminan 900-1000 yil oldin sodir bo'lgan. Suqrotdan keyin uning shogirdi Platon, Platondan keyin Arastu keladi va Arastu Iskandar Maqduniy podshohning ustozi bo'lgan.

05:45 | Afinaning inqiroz davri
399-yilda Afina polisi og'ir inqirozni boshidan kechirmoqda. Bunga sabab 30 yillik urush: Afina va ittifoqchilari qarshi Sparta va ittifoqchilari. Urush boshlanishidan oldin Yunon shahar-davlatlari Fors zulmini chetlatishgan va ittifoqchilikda yashagan.

06:30 | Yunon sivilizatsiyasining rivojlanishi
Forslardan ozod bo'lgandan keyin Yunon shahar-davlatlari iqtisodiy, harbiy, madaniy va ilmiy jihatdan o'ta rivojlanib, katta sivilizatsiyaga aylana boshlaydi. Ilgari Misr, Mesopotamiya, Bobil va Fors oldida arzimagan yerlar hisoblangan.

08:00 | 30 yillik urushning oqibatlari
Tarixchi Fukidid aytganidek, urushning bo'lishi muqarrar edi. Urush 30 yil davom etib, Afinaning mag'lubiyati bilan yakunlanadi. Bu davr Suqrotning hayotiga to'g'ri keladi va u bevosita janglarda ishtirok etgan.

09:12 | 30 tiranlarning hukmronligi
Sparta g'alabasidan keyin Afinaga 30 kishidan iborat hukumat tayinlaydi. Ular "30 tiran" nomi bilan mashhur bo'lib, demokratik tuzumni mag'lubiyatga sabab deb hisoblashgan. Ular repressiyalar o'tkazib, taxminan 1500 ta fuqaroni qatl qiladilar. Suqrotga yoshlar bilan suhbat o'tkazmaslik buyuriladi.

10:55 | Suqrotning shogirdlari va uning qarshiligi
30 tiranlarning ichida Suqrotning ikki shogirdi Kritiy va Xarmid bo'lgan. Suqrot yoshlar bilan suhbatni taqiqlovchi qarorga mantiqiy savollar bilan qarshi chiqadi. 30 tiranlar Suqrotga Afinalikning birini qatl qilishni buyurishganda, Suqrot bu ishni bajarishdan bosh tortadi.

11:03 | Alkviad voqeasi
Alkviad Suqrotning eng sevimli shogirdi bo'lib, o'zini bo'lajak katta lider deb ko'rgan. Afinaliklar uni jinoatchiga chiqargach, u Spartaga o'tib ketadi va "yoshlar vatanparvarligini" himoya qilayotganini aytadi. Keyinchalik o'ldiriladi va xoinlik timsoliga aylanadi. Muhimi, Suqrot xuddi shunday vaziyatda Afinadan qochib ketmagan.

14:10 | Fuqarolik urushi va Spartaning vositachiligi
30 tiranlar agdariladi va fuqarolik urushi boshlanadi. Sparta vositachilik qilib, ikki shart qo'yadi: demokratiya qaytadi va barcha tomonlarga amnistiya e'lon qilinadi. Tiranlarning sakkiz oylik hukmronligi shunday yakunlanadi.

18:25 | Savol - Afina demokratiyasining xususiyatlari haqida
Afina fuqarolari erkinlikni sevadi va hammasi teng. Boshqaruvchilarga qur'a orqali, qisqa muddatga tayinlash bo'lgan. Har qanday fuqaro maydonga chiqib taklif berishi mumkin va boshqalar ovoz beradi. Qur'a bilan tayinlangan organ qarorni ijro etishga majbur. Bu hozirgi zamon demokratiyasidan jiddiy farq qiladi.

21:25 | Suqrotga sud ochilishi
Demokratiya qayta tiklanganidan to'rt yil o'tgach, Suqrotga jinoiy ish ochiladi. Suqrotning sudlanishi va qamoqdagi Kriton bilan suhbat voqeasi miloddan avvalgi 399-yilda sodir bo'ldi.

Jamshid Muslimov | #1000KITOB

ZARBATOBLAR NIMA?

"Behalovat avlod"ni tarjima qilarkanmiz, bitta muhim tushunchani yasadik: zarbatoblar. Ya’ni zarba yegani sari toblanib boradigan narsa (zarba + toblar).

Xo‘sh bu nima degani?
Hamma narsani uch toifaga ajratish mumkin: mo‘rt, mustahkam va zarbatoblar.

Mo‘rt
Masalan, yerga tushsa sinadigan shisha idish. Parcha-parcha bo‘ladi. Avaylash kerak.

Mustahkam
Plastik idish. Otib yuboravering — sinmaydi.

Zarbatoblar
Asosan jonli mavjudotlarga xos. Masalan, immun tizimi: infeksiya yuqqanda, unga qarshi kurash jarayonida yanada toblanadi. Asraganingiz sari zaiflashadi.

“Zarbatoblar” — Nasim Talebning "Antifragile" atamasining o‘zbekcha talqini.

“Behalovat avlod” muallifi inson bolasi zarbatoblar ekanligi, ammo keyingi 30 yilda ota-onalar shuni unutib qo'yayotgani, o‘ta avaylovchilik avj olgani haqida yozadi. Bu o‘ta avaylovchilik, parvona onalik yoki otalik bolaning ham jismoniy, ham ruhiy zo‘riqishdan ortiqcha avaylab yuborishda namoyon bo'ladi.

Muallif shunday deydi:

“Xuddi shu dinamika “psixologik immun tizimi”da ham bor. Ya’ni bola hayotdagi mayda xafachiliklar, muammolar, tengdoshlari kulgusiga qolish, rad etilish, adolatsizlik yoki odatiy mojaro va qiyinchiliklarga duch kelganda, ularni ichki iztiroblarsiz qabul qilishni va ortga tashlashni o‘rganishi lozim. Insonlar orasida yashab, nizo yoki cheklovlarga uchramaslikni kutib bo‘lmaydi. Stoiklar va buddistlar qadimdan o‘rgatganidek, baxt – hayotdagi barcha “trigger”larni yo‘q qilishda emas, balki tashqi hodisalar sababli o‘zingda salbiy hissiyot qo‘zg‘alishiga imkon bermaslikdadir...
Farzandlari ko‘ngliga doim qaraydigan, ularni hafsalasi pir bo‘lishidan, oqibatlarga duch kelishidan va salbiy hissiyotlardan asrashga urinadigan yaxshi niyatli ota-ona aslida ularga zarar yetkazayotgan bo‘lishi mumkin. Bunday yondashuv bolaning malakasi rivojlanishiga, o‘zini boshqarish, muvaffaqiyatsizlikka sabr qilish va o‘zini qo‘lga ola bilish kabi muhim ko‘nikmalarni shakllantirishiga to‘sqinlik qilishi mumkin.”

Real hayotdagi o'ta avaylovchilik va uning tamoman teskarisi — virtualdagi mutlaq himoyasizlik o'rtasida qolgan bolaning ruhiy ahvoli ne kechishi haqida batafsil kitobda o'qiysiz.

#jonathan_haidt #anxious_generation #behalovat_avlod #raqamliavlod

Facebook | Instagram | X

3. Davlat, polis, demokratiya, qonunlar tushnchalari | Kriton Dialogiga kirish | #1000kitob

00:00:00 | Kirish va asosiy vazifa
Suqrot davridagi davlat tushunchasi bilan hozirgi zamondagi davlat tushunchasi o'rtasidagi farqni aniqlash. Kriton dialogini muhokama qilishda bu farqlar va birlashtiruvchi jihatlarni tahlil qilish.

00:01:30 | "Davlat" va "Polis" tushunchalari
O'zbek tilida "davlat" arab tilidan (boylik, farovonlik), rus tilida "gosudarstvo" (hukmronlik), ingliz tilida "state" (maqom, tuzum). "Polis" - yunon tilida ko'plikning jamlanishi, jamoa ma'nosida.

00:04:26 | Polisda qonunlar va an'analar tizimi
Polisda qonunlar deb mifologik ajdodlar tomonidan o'ylab topilgan an'analar tushuniladi. Bu an'analar protsedura ishlari - takliflar qanday chiqarilishi, muhokama qilinishi va qarorlar qabul qilinishi tartibini belgilaydi.

00:05:00 | Polis - diniy jamoa
Polisning muhim jihati - bitta dinga bo'ysungan fuqarolarning jamoasi. Agar fuqaro polisning dinidan chiqsa yoki ishonmayman desa, avtomatik ravishda polisdan chetlashtiriladi.

00:06:10 | Qadimgi va zamonaviy demokratiya farqi
Suqrot, Platon va Aristotel aytgan demokratiya hozirgi demokratiyaga mos kelmaydi. Fuqaro bo'lish uchun nafaqat dinni qabul qilish, balki ota-onasining ham fuqaro bo'lishi kerak. Begona odam dinni qabul qilgani bilan fuqaro bo'la olmaydi. Fuqaroning imtiyoz va majburiyatlari bor.

00:09:30 | Afinadagi fuqarolar sonining tahlili
Afinada 300-500 ming odam yashagan bo'lsa, haqiqiy fuqarolar faqat 30-40 ming, ya'ni 10-15% bo'lgan. To'g'ridan-to'g'ri demokratiyada har bir fuqaro siyosiy hayotda ishtirok etishi majbur - bu ham fazilat, ham burch. Perikl va uning o'g'li haqida.

00:15:08 | To'g'ridan-to'g'ri demokratiya va uning kamchiliklari
Polisda vakillik tizimi yo'q. Harbiy sarkardalarga qarshi qarorlar qabul qilingan. Dengiz jangidan keyin zobitlarni qatlga mahkum qilishgan, chunki cho'kgan askarlarni chiqara olmaganlar. Suqrot buni tanqid qilgan.

00:19:30 | Polisning boshqaruv tizimi va inqiroz
Jamoa kichkina bo'lganda bu tizim samarali. Aholi soni oshgandan va xorijliklar bilan aralashgandan keyin kamchiliklari ko'rinadi. Suqrot davrida korrupsiya rivojlangan, polis fazilatga javob bermayotgan edi.

00:22:31 | Polis falsafasi: fazilat va fuqarolik
Aristotelga ko'ra, polisda inson baxtini topa oladi. Inson baxtli bo'lish uchun yo polisda, yo yovvoyilik hayotida, yo oliy mavjudot sifatida yashashi kerak. Polisdan tashqarida varvarlik hayoti. Haqiqiy fazilat faqat polisda bo'lishi mumkin. Taraqqiyot masalasi haqida savol.

00:28:53 | Ayollar va qullarning siyosiy huquqsizligi
Polisda ayollar va qullar siyosiy huquqqa ega emas. Sababi - respublika odami o'limga tayyor bo'lishi kerak. Kelgandilar va qullarning sodiqligini tekshirib bo'lmaydi - bu ularning ona vatani emas.

00:30:04 | Vatan tushunchasini shakllantirish
Afinada yoshlarni butun hudud bo'ylab - orol, vodiy, qirg'oqlar bo'ylab harbiy yurish qildirib aylantirishgan, vatan tushunchasini hosil qilish uchun. O'zbekiston uchun ham bu tajriba o'rganishga arziydi.

00:31:55 | Suqrotning polisga munosabati
Suqrot bir tarafdan polisga sadoqatli, ikkinchi tarafdan uning nuqsonlarini muhokama qilish kerak deb hisoblagan. E'tirozi: munosiblarning qarorini qabul qilish kerak. Bilimi bor odam qaror chiqarishi kerak, nega qur'a bilan tanlanilishi kerak?

00:33:50 | Suqrotning shogirdlari va maktablar
Suqrotdan kamida uchta falsafiy maktab paydo bo'ldi: Platonning maktabi, gedonistlar va kiniklar. Stoyklar ham Suqrotning ta'siri ostida. Suqrot faqat savol qo'yishni o'rgatadi – “sokratizm” yo'q, turli maktablar bor.

00:38:15 | Suqrot nima uchun yozmagan?
Suqrotning prinsipi: "Men hech narsani bilmasligimni bilaman". Yozilgan narsa haqiqat bo'lmasligi mumkin.

Jamshid Muslimov | #1000KITOB

Apologiya matni
https://t.me/odilxonslibraryy/637

Apologiyaning yana bir tarjimasi👇
https://shomila.islomiy.info/index.php?act=book&sec=251&b_id=231&s_id=23714

2. Suqrot Apologiyasi | O'qish va sharhlash | Jamshid Muslimov - davomi

00:00:00 - Kirish va dastur haqida
Platonning "Suqrot apologiyasi" kitobini davom ettirish. Matnlar Telegram kanalida va Mutolaa ilovasida mavjud.

00:01:00 - Tomoshabinlar savollariga javoblar
Falsafani qayerdan boshlash masalasi. "Falsafaga o'ta qisqa kirish" (Edvard Kreg) tavsiya qilinadi.

00:05:40 - To'rtta asosiy fazilat
Adolat, jasorat, mo'tadillik va donolik. Kalokratiya - har tomonlama yetuk inson tushunchasi.

00:09:26 - Matnni o'qishga qaytish
Yoshlarning Suqrotga taqlid qilishi. Shoirlar, hunarmandlar va notiqlar tomonidan e'tirozlar.

00:13:00 - Tuhmatlarning sabablari
Meletus, Anitus va Likon - uch asosiy ayblovchi. Har biri turli guruh nomidan chiqish qilmoqda.

00:15:55 - Yoshlarni buzish aybloviga
Suqrotning Miletni so'roqqa tutishga ruxsati. Sudda ayblovchini savol berish huquqi.

00:16:45 - "Kim yoshlarni yaxshiroq qiladi?"
Suqrotning asosiy savoli. Milet javob berolmay qoladi. Bilmasligini ko'rsatish strategiyasi.

00:21:30 - Hakamlar, majlis a'zolari va tinglovchilar
Hammasi yoshlarni yaxshilaydimi? "Faqat men buzg'uncha ekanman?" - Suqrotning ironiyasi.

00:25:00 - Otlar va hachir misoli
Nima uchun faqat mohir suvoriylar otlarni o'rgatadi? Mantiqiy dalil orqali ayblovni rad etish.

00:31:00 - Atayin yoki bilmay buzish masalasi
Agar bilmay qilgan bo'lsa, sud emas, shaxsan nasihat kerak edi degan himoya.

00:37:42 - Xudolar haqidagi ayblov
Afina xudolarini tan olmaslik va yangi xudolarni olib kelish. Rasmiy ayblovning asosiy qismi.

00:39:00 – Dahriylikda ayblov
Miletning ziddiyat tuzog'iga tushishi.

00:40:01 - Anaksagor va tabiiy falsafa
Quyosh tosh, oy yer degan fikrlar Suqrotniki emas. Miletning Suqrotni bilmasligi isbotlanadi.

00:50:00 – Demonlar haqida
Ular qanday mavjudot. Dahriylikka qarshi argument? Hachirlar misoli.

01:04:30 - Ahil va jasorat (Troya urushi)
Patroklning o'limi va qasos. Do'st uchun o'lishga tayyor bo'lish qahramonligi.

01:09:18 - Inson hayotida xavf va vazifa
Komandirlar buyrug'i va xudo buyrug'i. Potidey, Amfipol va Deliy janglari misoli.

01:10:00 - Suqrotning asosiy missiyasi
Falsafa bilan shug'ullanish - xudoning vazifasi. "O'limdan qo'rqmayman" bayonoti.

01:10:51 - O'lim haqida falsafiy mulohazalar
O'lim yo'qlik yoki narigi dunyomi? Ikkala holatda ham qo'rquv asossiz. Instinktiv va hayoliy qo'rquv.

01:22:00 - Falsafadan hech qachon voz kechmaslik. Suqrotning missiyasi
"O'lsam o'lamanki, bu yo'limdan qaytmayman." Hukm qilinsa ham falsafa davom etadi.

01:27:50 - Ayblov mohiyati – Falsafa yuritish.
Falsafani nima yenga oladi?

01:32:20 – Mahkamada shovqin.
Suqrot kimning foydasiga gapiryapti?

01:35:22 - Afinaga xizmat misoli
Otga yopishgan sona o'xshatmasi. Dangasalashgan Afinani uyg'otish vazifasi.

01:38:00 - Yakuniy dalillar va kambag'allik
Agar g'arazli bo'lsa, boylik to'plagan bo'lardi. Kambag'allik - manfaatsizlikning isboti. Suqrotni o'ldirish Afinaga zarar.

01:41:20 - Nitshening talqini
Suqrot nima uchun bunday qilyapti? Ichki sabablar?

01:43:33 – Suqrot ichki ovozi
Demon Suqrotni nimadan qaytardi? Keyingi suhbat davomi.

Jamshid Muslim

📖 Эдуард Крейгнинг "Фалсафага ўта қисқа таништирув"* китобининг иккинчи боби Платоннинг "Критон" диалогига бағишланган. Бу — фалсафа тарихидаги энг таъсирли саҳналардан бири. Бу бобда асарнинг асосий мавзулари ва муаммолари шарҳланган, муҳим саволлар қўйилган.

Платон ёзган диалогнинг ўзбек тилида тўлиқ таржимаси ишчи версияси (таҳрирдан ўтмаган)

Якшанба куни диалогни ўқиймиз ва шарҳлаймиз. Иштирок этиш ҳақида кейинги постда.

—————
*"Фалсафага ўта қисқа таништирув" #1000Kitob лойиҳаси доирасидан нашр этилган. Қоғоз китобларни Ўзбекистоннинг кутубхоналаридан изланг. Онлайн ва аудиокитоб шакллари Мутоала иловасида жойланган

Якшанба куни, 23 ноябр, Тошкент вақти билан соат 21:00да Платоннинг "Критон" диалогини биргаликда ўқиймиз ва муҳокама қиламиз.

Диалогни бир киши овоз чиқариб ўқийди, мен шарҳлар бераман. Иштирокчилар саволларини беришлари мумкин.

Видео кейинчалик YouTube каналимизда жойланади.

Қандай иштирок этиш мумкин?
Ботга шахсий хабар ёзинг, ўзингиз ҳақингизда қисқа хабар қолдиринг, махсус Телеграм каналига таклиф оласиз — у ерда Гугл Мит линки бўлади.

Ёки мана шу имейл орқали
jamshidmuslimzargar@gmail.com

"Критон" диалогини олдиндан ўқиб чиқишингиз мумкин:

Ўзбек тилида (ишчи версия)

Рус тилида

Инглиз тилида

Турк тилида — топилмади

Араб тилида — топилмади

📖 Eduard Kreygning "Falsafaga o‘ta qisqa tanishtiruv"* kitobining ikkinchi bobi Platonning "Kriton" dialogiga bag‘ishlangan. Bu — falsafa tarixidagi eng ta’sirli sahnalardan biri. Bu bobda asarning asosiy mavzulari va muammolari sharhlangan, muhim savollar qo‘yilgan.

Platon yozgan dialogning o‘zbek tilida to‘liq tarjimasi ishchi versiyasi (tahrirdan o‘tmagan)

Yakshanba kuni dialogni o‘qiymiz va sharhlaymiz. Ishtirok etish haqida keyingi postda.

—————
*"Falsafaga o‘ta qisqa tanishtiruv" #1000Kitob loyihasi doirasidan nashr etilgan. Qog‘oz kitoblarni O‘zbekistonning kutubxonalaridan izlang. Onlayn va audiokitob shakllari Mutoala ilovasida joylangan