فريق الغلابة داخل علي اساس انو ممثل للفئة الغلبانة يعني عايز يعكس انو الفوز ماعندو جلباب معين حتي لو كنت كحيان ممكن تفوز
طبعا دي احلام زلوط وعشم الكلب في موية الابريق
الفريق اتأهب للمشاركة كولهم اتحكرو نظام واثقين من ناحية الامكانيات
ريري قالت ليهم انا اليوم شاربة المعلومات زي شرابي للسليقة بيتنا كلو مثلقف يعلم الله عندي راي في انشتاين
احمد قاليها اصلا اختيارنا ليك ما كان من فراغ وانا زول حيوان وجماد اكتر من كدا ماعندي التكتحة لكن بجاسف مرة مرة
هنا عبدالله وقف علي حيلو حدر طاقيتو قال لاحمد افووو انا اخو الشينات البايرات حرم اجيب ليك النقاط ست وطقيق معاكم الموسوعة زاتا خليكم وراي بس ارقدو قفا
ريري عاينت لي عبدالله وقالت ليهو كلامك يعجب والله رقصني ياجدع يلا نوريهم الشطف القرد منو
وبصوت عالي قالت الغلابة
الجماعة رددو فوق فوق فوق
الجولة الاولي ولا نقطة الكترابة
الجولة التانية نفس الحال الموز ابو نقطة
الجولة التالتة اكل الاضافر اشتغل
الجولة الرابعة ها ناس صبت فيكم مطر
الجولة الاخيرة قاعدين زي كعك العيد كلو واحد راجع شايل صفر في جيبو
يا شماتة ابلة ظاظة فيكم
نان وكت ماعندكم معلومات قاعدين لشنو منتظرين الحلاقة

كيوت اكتر مني و من البنات ال لاقيتهم في حياتي 🤣🤣🤣

رايكم في صوت