በዒድ ቀን ደስታን አንፀባርቁ!
ለፆመኛ ሁለት ደስታዎች አሉት፣ ሲያፈጥር እና ጌታውን አር ራህማን ሲገናኝ ደስታ አለው። 🤎🤎🍂.

ሐፊዝ ኢብኑ ሀጀር አል-አስቀላኒ (ረሂመሁላህ) «ፈትሁል ባሪ» በተሰኘው ዝነኛ የቡኻሪ ሐዲሥ ማብራሪያ መጽሐፋቸው ላይ፣ በዒድ ቀን ደስታንና ሐሴትን መግለጽ ስላለው (ሸሪዓዊ) ብይን በሰፊው አብራርተዋል።
​በተለይም ነቢዩ (ሶለላሁ ዐለይሂ ወሰለም) ዘንድ ሁለት ሴት ልጆች እየዘፈኑ እያለ አቡበከር (ረዲየላሁ ዐንሁ) ሊከለክሏቸው ሲሉ፣ ነቢዩ

«ተዋቸው አቡበከር ሆይ! እያንዳንዱ ሕዝብ በዓል አለው፣ ይህም (ዛሬ) በዓላችን ነው»

ያሉበትን ሐዲሥ ሲያብራሩ ኢብኑ ሀጀር የሚከተለውን ጠቅሰዋል፡-
​1. በዒድ ቀን ደስታን ማሳየት የዲን አካል መሆኑን፡-
ኢብኑ ሀጀር (ረሂመሁላህ) እንዲህ ይላሉ፡-

​«በዚህ ሐዲሥ ውስጥ (የሚገኘው ጥቅም)፡ በዒድ ቀናት ደስታን ማንፀባረቅ/ማሳየት የዲን (የእስልምና) ምልክቶች "ሸዓኢር" አንዱ እንደሆነ ነው።» (ፈትሁል ባሪ፡ 2/443)

​ይህም ማለት በዒድ ቀን መደሰትና ደስታን ለሌሎች ማጋራት እንዲሁ ልማድ ብቻ ሳይሆን፣ አላህ የደነገገውን በዓል ማክበሪያና ማላቂያ መንገድ ነው።
​2. ነፍስን ማዝናናት መፈቀዱን፡-
ከዚሁ ሐዲሥ በመነሳት ኢብኑ ሀጀር የሚከተለውን ነጥብ ያስቀምጣሉ፡-

​«በዓላትን ተገን በማድረግ፣ ነፍስን (በተፈቀዱ ነገሮች) ለማዝናናትና ከዒባዳ ጫና ለማረፍ ሰፊ እድል መስጠት እንደሚፈቀድ (ከሐዲሡ እንረዳለን)።» ብለዋል።

🔴 አሁን የዐስር ሶላት ወቅት ደርሷል።
"መካከለኛዋ ሶላት (ዐስር) ደረጃህን ከፍ ታደርጋለች፤ ከእርሷ ዘንጊዎች አትሁን።"

📖 ከቁርኣን ጋር ጽኑ!
ውድ ወንድሞቼ ሆይ…
ከሁሉ በላይ ትልቁ ኪሳራ በረመዳን ከቁርኣን ጋር ቆይቶ ከረመዳን በኋላ መለየቱ ነው!  በአንድ ወቅት የቁርኣን አንባቢ ሆኖ በሌላ ጊዜ ደግሞ ቁርኣንን የሚርቁ (የሚተዉት) መሆን ነው።
📌 አላህ  እንዲህ ይላል፦
> "መልእክተኛውም አለ፦ ጌታዬ ሆይ! ወገኖቼ ይህንን ቁርኣን የተተወ ነገር አድርገው ያዙት።" (አል-ፉርቃን፡ 30)
🌿 ከቁርኣን ጋር ጽኑ፦
* በትንሹም ቢሆን ማንበብን አዘውትሩ
   📖 የአላህ መልክተኛ ﷺ እንዲህ ብለዋል፦
   "

አላህ ዘንድ በጣም ተወዳጅ ስራዎች ትንሽም ብትሆን ዘውታሪ የሆነችው ናት።"

(ቡኻሪና ሙስሊም)
* ቁርኣንን አጥብቃችሁ ያዙ (ተከታተሉት)
   📖 ነቢዩ ﷺ እንዲህ ብለዋል፦
   "

ይህንን ቁርኣን አጥብቃችሁ ያዙ (ተከታተሉት)፤ የሙሐመድ ነፍስ በእጁ በሆነችው ጌታ እምላለሁ! እርሱ ግመል ከታሰረችበት ገመድ አምልጣ ከምትሄደው በላይ (ከሰው ልጅ ልብ) በፍጥነት አምላጭ ነው።

" (ቡኻሪና ሙስሊም)
* ቁርኣንን አማላጅ አድርጉት
   📖 ነቢዩ ﷺ እንዲህ ብለዋል፦
   "

ቁርኣንን አንብቡ፤ እርሱ በትነሳኤ ቀን ለጓደኞቹ (ለሚያነቡት) አማላጅ ሆኖ ይመጣልና።"

(ሙስሊም)
* በደረጃዎችም ከፍ በሉበት
   📖 ነቢዩ ﷺ እንዲህ ብለዋል፦
   "

ለቁርኣን ባለቤት (በትንሳኤ ቀን) እንዲህ ይባላል፦ አንብብ! ከፍም በል! በዱንያ ታነበንብ እንደነበረው አንብብ! የአንተ ደረጃ መጨረሻ የምታነባት አንቀጽ ጋ ነውና።"

(አቡ ዳውድና ቲርሚዚ)
* የአላህ ቤተሰቦችና የልዩ ምርጦቹ ሁኑ
   📖 ነቢዩ ﷺ እንዲህ ብለዋል፦
   "

የቁርኣን ሰዎች (ባለቤቶች) እነርሱ የአላህ ቤተሰቦችና የልዩ ምርጦቹ ናቸው"

(ኢብኑ ማጃህ)
🌙 ውድ ወንድሞቼ…
ከረመዳን በኋላ መጽናት የስራ ተቀባይነት ምልክት ነው፤ በቁርኣን ላይ መዘውተርም ከአላህ ጋር ላለ ግኑኝነት የእውነተኛነት ማስረጃ ነው።
📌 አስታውሱ፦

ከቁርኣን ጋር የኖረ በብርሃን ይኖራል፣ በኸይር ላይ ይሞታል፣ ከቁርኣን ሰዎች ጋርም ይቀሰቅሳል።

🤲 አላህ ሆይ! ቁርኣንን የልባችን ረቢዕ (ለምለም)፣ የደረታችን ብርሃን፣ የሀዘናችን መወገጃ አድርግልን።
✨

ጽኑ… መንገዱ ረጅም ነው፣ ስንቁ ደግሞ ቁርኣን ነው።

✍️ የጌታው ችሮታ ፈላጊ የሆነው ወንድማችሁ፦ አቡ ሑዘይፋ ሱልጣን ኸድር

🌟 የአላህ ይቅርታ ለማግኘት ሰዎችን ይቅር በሉ! 🌟
ከአቡ ሁረይራ (ረዲየላሁ ዐንሁ) በተከበረው ሐዲሥ የአላህ መልክተኛ ﷺ እንዲህ ብለዋል፦
> "

ከሰዎች ጋር የንግድ ግንኙነት የሚያደርግ (ብድር የሚያበድር) አንድ ሰው ነበር። ለሰራተኛው (ለወጣቱ አገልጋዩ) እንዲህ ይለው ነበር፦ 'ችግርተኛ (ብድር ለመመለስ የቸገረው) ሰው ጋር ስትደርስ አላህ እኛን ይቅር እንዲለን ዘንድ ይቅር በለው (ተውለት)፤ ከዚያም አላህን (ሞቶ)በተገናኘው ጊዜ አላህ ይቅር አለው።

"
>
📖 ምንጭ፡ ቡኻሪ እና ሙስሊም
📌 ከሐዲሡ የምንማረው፦
* የይቅርታ ታላቅነት፡ እኛ ሰዎችን በቻልነው መጠን ይቅር ካልንና ካመቻቸንላቸው፣ አላህም በእኛ ላይ ይቅርታውን ያወርዳል።
* ቸርነት፡ በንግድና በብድር ግንኙነት ውስጥ ችግርተኞችን መርዳትና ማመቻቸት የተወደደ ስራ ነው።
* የስራ ምንዳ፡

የስራ ምንዳ እንደ ስራው አይነት ነው። (ይቅር ላለ ይቅር ይባላል)።

🤲 አላህ ይቅር ባዮችና ይቅር የሚባሉ ያድርገን።
📲 ቻናላችንን ሰብስክራይብ ያድርጉ፦
[@ https://t.me/sultan_54

«ፆመኛን ያስፈጠረ የጿሚውን ምንዳ ያገኛል፣ ይህም የጿሚው ምንዳ ሳይቀነስ ነው!» ረሱል ﷺ

t.me/sultan_54

​🕌 እንግዶቹ ሄዱ... ቤተኞቹ ግን ቀሩ!
​ረመዳን ሲጠናቀቅ መስጂዶች ተቀዛቀዙ፣ የሰጋጅ ሰፎች ቀነሱ፣ ቁርኣኖችም ወደ መደርደሪያቸው ተመለሱ! ነገር ግን እዚያ ጋር

ህይወታቸውን ሙሉ ረመዳን ያደረጉ፣ ቁርኣናቸው አቧራ የማይበላው፣ ወደ መስጂድ እርምጃቸው የማይዝል ጥቂት ንጹህ ልቦች አሉ። ረመዳን ለእነርሱ ከጥንካሬ በላይ ጥንካሬን ሰጥቷቸዋል።

​"እንግዶቹ (የረመዳን ሰጋጆች) ሄዱ፤ ቤተኞቹ (ዘውታሪዎቹ) ግን ቀሩ!" የሚለው ትርጉም ይሄ ነው።
​🤲 አላህ ሆይ! ልቦችን የምትገለባብጥ ጌታ ሆይ! ልባችንን በዲንህና በታዛዥነትህ ላይ አጽና። አንተን እስክንገናኝ ድረስ እኛንም አጽናን፣ በእኛም ሌሎችን አጽና።
​✨ ከመስጂድ ቤተሰቦች ጋር የተያያዙ ነቢዩ ﷺ የተናገሯቸው ብስራቶች፦
​1️⃣ መስጂድ የጥንቁቁች ቤት ናት!

​"መስጂድ የእያንዳንዱ አላህን ፈሪ (ተቂይ) ቤት ናት። መስጂድን ቤቱ ላደረገ ሰው አላህ በመንፈስ ዕረፍት፣ በእዝነት፣ በሲራጥ ድልድይ ላይ አልፎ ወደ አላህ ውዴታና ወደ ጀነት ለመግባት ዋስትና ሰጥቶታል።"
(ሶሒሕ አት-ተርጊብ)

​2️⃣ የአላህ ጎረቤቶች እነማን ናቸው?

​"አላህ የቂያማ ቀን፦ 'ጎረቤቶቼ የት ናቸው? ጎረቤቶቼ የት ናቸው?' ብሎ ይጣራል። መላእክትም፦ 'ጌታችን ሆይ! አንተን ሊጎረብት የሚገባው ማነው?' ይላሉ። አላህም፦ 'የመስጂድ አዘውታሪዎች (አዘውታሪዎች) የት ናቸው?' ይላል።"
(አስ-ሲልሲላህ አስ-ሶሒሐህ)

​3️⃣ የመስጂድ ካስማዎች (አውታዶች)

​"ለ መስጂዶች 'አውታዶች ምሶሶች' (ቋሚ አዘውታሪዎች) አሏቸው፤ መላእክት የነርሱ የቅርብ ጓደኞች ናቸው። ቢጠፉ ይፈልጓቸዋል፣ ቢታመሙ ይጠይቋቸዋል፣ እርዳታ ቢፈልጉም ያግዟቸዋል።"
(ሶሒሕ አት-ተርጊብ)

​4️⃣ የአላህ አቀባበል

​"አንድ ሙስሊም ለሶላትና ለዚክር መስጂድን መኖሪያው (አዘውታሪ) ካደረገ፣ ልክ የጠፋባቸው ሰው ተመልሶ ሲመጣ ቤተሰቦቹ በደስታ እንደሚቀበሉት ሁሉ፣ እርሱም ከቤቱ ሲወጣ አላህ በደስታ ይቀበለዋል።"
(ሶሒሕ አል-ጃሚዕ)

​📲 ቻናላችንን ይቀላቀሉ፦
[https://t.me/sultan_54]

🌙 የረመዳን ቀዳ ሳያጠናቅቁ የሸዋልን ስድስት ቀናት መጾም ይቻላል?
ጥያቄ፦ የረመዳን ቀዳ (ያመለጡ ቀናት) ሳይከፈሉ የሸዋልን ስድስት ቀናት መጾም ይቻላል?
ምላሽ፦
የሸዋልን ስድስት ቀናት መጾም ለሚፈልግ ሰው ሱናው (የተመረጠው) በመጀመሪያ የረመዳን ቀዳውን በመጾም መጀመር ነው። ይህ መሆኑ "ረመዳንን ጾመ" የሚለው ንግግር በእርሱ ላይ እውነት እንዲሆን ያደርገዋል። ነቢዩ ﷺ እንዲህ ብለዋልና፦
> "

ረመዳንን የጾመ፣ ከዚያም ከሸዋል ስድስት ቀናትን ያስከተለ፤ ዓመቱን ሙሉ እንደጾመ ይቆጠርለታል።"

(ሙስሊም)
>
ዋና ዋና ነጥቦች፦
* የሐዲሡ ትርጉም፦ አንድ ሰው "ረመዳንን ጾሞ…" የሚባለው ያመለጡትን ቀናት ቀዳ አውጥቶ ሲያጠናቅቅ ብቻ ነው። ዓመቱን ሙሉ እንደጾመ እንዲቆጠርለትም ይኸው ቅድመ ሁኔታ የግድ ይላል።
* የስነ-ልቦና ጥንካሬ፦ የሸዋል ስድስት ቀናት እንዲጾሙ መበረታታቱ፤ ሰውየው የረመዳንን ጾም አጠናቆ ነፍሱ ለዒባዳ ተዘጋጅታ፣ ጾም ሳይከብደውና በአላህ ስጦታ ተደስቶ በራሱ ፍላጎት ተጨማሪ ጾም እንዲጾም ለማሳየት ነው።
* ስለዚህ የሸዋልን ስድስት ቀናት መጾም የሚፈልግ ሰው መጀመሪያ ያለበትን የግዴታ (ዋጅብ) የረመዳን ዕዳ መክፈል አለበት፤ ከዚያም የሸዋልን ስድስት ቀናት ይጾማል።
📲 ቻናላችንን ይቀላቀሉ፦
[https://t.me/sultan_54]
✍️ አቡ ሑዘይፋ ሱልጣን ኸድር

የረመዳን ቀዷን እና የሸዋል ስድስት ቀናትን ጾም በአንድ ላይ የመጾም ብያኔ!
​ ሸይኽ ዐዚዝ ቢን ፋርሀን አል-ዒነዚይ እንዲህ ይላሉ፦
" ግለሰቡ ያለበትን የቀዷ ጾም እና የሸዋል ስድስት ቀናትን ጾም በአንድ ኒያ አጣምሮ መጾም እንደማይፈቀድ ገልጸዋል።
​ለዚህም ሁለት ዋና ዋና ምክንያቶችን ጠቅሰዋል፦
​ዋጂብ ከሱና ይቀድማል፦ የቀዷ ጾም ግዴታ (ዋጂብ) ሲሆን፣ የሸዋል ጾም ደግሞ የውዴታ (ሱና) ነው። ስለዚህ ግዴታው ለብቻው መፈጸም አለበት።
​የተለያዩ አምልኮዎች መሆናቸው፦ ሁለቱም ጾሞች የየራሳቸው የተለየ ዓላማና ኒያ ስላላቸው በአንድ ላይ ሊጣመሩ አይችሉም።"

ሸይኽ ዐብዱ አር–ራሕማን ኢብን ናሰር አስ-ሲዕዲይ (አላህ ይዘንላቸውና) እንዲህ ብለዋል፦
"

ከታላላቅ ትርፎችና እንቁ ከሆኑ ጥቅሞች መካከል፦
የመልካም ሰዎችን ወዳጅነት(ጓደኝነት) ማግኘት፣
እንዲሁም በህይወት እያለን ከሞትንም በኋላም የነርሱን ዱዓቸውን መጠቃቀም ነው።"

📚 መጅሙዕ አል-ፈዋኢድ

🌙 ከሱረቱ አን-ነህል የተወሰደ ምክር(መውዒዛ)፦

የቀጥተኛው መንገድ ግልጽ ነውና አትዘንበል! 🌙

አላህ (ሱብሓነሁ ወተዓላ) እንዲህ ይላል፦
> 《

ቀጥተኛውን መንገድ(ኢስላም እና የርሱን ወዴታ ማግኛ መንገዶችን) ማሳየት በአላህ ላይ ነው፤ ከእርሷም (ከመንገዶቹ) ጠማማ(የሚስት) አለ።》

[አን-ነህል፡ 9]
>
የአላህ ባሮች ሆይ! ይህች አንቀጽ ለአንድ አማኝ የጥልቅ አስተንትኖ በርን የምትከፍት ታላቅ አንቀጽ ናት። አላህ (ሱብሓነሁ ወተዓላ)   በከንቱ አልተወንም፤ መንገዱንም ድንግዝግዝ አላደረገውም። ይልቁንም ቀጥተኛውን መንገድ አብራራልን፣ የቅኑን ጎዳና አሳየን፣ መልዕክተኞችን ላከ፣ መጽሐፍትንም አወረደ፣ ማስረጃንም አቋቋመ።
ነገር ግን መንገዱ ግልጽ ከመሆኑ ጋር፦ 《ከእርሷም ጠማማ(የሚስት) አለ》 ይላል።
ይህም ማለት፡- ብዙ የተሳሳቱ፣ ያሸበረቁና አታላይ የሆኑ መንገዶች አሉ። ሆኖም ግን እነዚህ መንገዶች መጨረሻቸው ጥፋት እንጂ ሌላ አይደሉም።
⚠️ ችግሩ የሐቁ መንገድ አለመታወቅ አይደለም፤ ይልቁንም የልቦች መዘናጋትና መሸሽ እንጂ!
ስንትና ስንት ሰው ሐቁን እያወቀ የማይከተለው አለ! ስንትና ስንት ባሪያ ቀጥተኛውን መንገድ እያየ ወደ ስሜታዊ ፍላጎቶች የሚያዘነብል አለ!
📌

ከረመዳን በኋላ ያለንን ሁኔታ እናስተውል፦
ለቁርኣን፣ ለሰላትና ለታዛዥነት ቅርብ ነበርን። ታዲያ አሁን እንጸናለን ወይስ የገነባነውን እናፈርሳለን?

አላህ (ሱብሓነሁ ወተዓላ) ሲያስጠነቅቅ እንዲህ ይላል፦
> 《

እንደዚያችም ፈትሏን ከጠነከረ በኋላ ፍትፍት አድርጋ እንደበጠሰችው ሴት አትሁኑ።》

[አን-ነህል፡ 92]
>
💔 በትጋት አምላክህን ከተገዛህ በኋላ፤ በወንጀል ሁሉንም ነገር የምታፈርስ አትሁን! መንገዱን አውቀህ ከእርሱ ዞር የምትል አትሁን!
🌿 ቀጥተኛው መንገድ ግልጽ ነው፦
* ከክፉ የምትጠብቅህ ሰላት፣
* ወደ ቀጥተኛው ጎዳና የሚመራህ ቁርኣን፣
* ልብህን የሚያረጋጋው ዚክር፣
* ወደ ጌታህ የሚያቀርብህ ታዛዥነት።

🔥 ጠማማዎቹ መንገዶችም ግልጽ ናቸው፦
* ልብን የሚያበላሹ ስሜታዊ ፍላጎቶች፣
* ከአላህ የሚያርቅ ዝንጉነት(ገፍላህ)፣
* ልብን የሚያደነድኑ ወንጀሎች።

👉 እንግዲህ ለራስህ ምረጥ፦ የጀነትን መንገድ ወይስ የእሳትን መንገድ?
🤲 አላህ ሆይ! አንተ ልቦችን የምትገለባብጥ ጌታ ሆይ፤ ልቦቻችንን በዲንህ ላይ አጽናልን። አላህ ሆይ! ቀጥተኛውን መንገድ ሙጥኝ ማለትን ወፍቀን፤ ቅኑን መንገድ ካሳየኸን በኋላ ልቦቻችንን አታዘንብልብን።
✍️ የጌታውን እዝነት ከጃይ የሆነው ወንድማችሁ፦ አቡ ሁዘይፋ ሱልጣን ኸድር

የሸዋል ኺትማ!

🌙 የረመዳን አሻራ (ብርሃን) እንዲደበዝዝ አትፍቀድ! 🌙
ከረመዳን በኋላ የፅድቅ ምልክቶች ውስጥ ዋነኛው፦ በዕለት ተዕለት ውሎህ ውስጥ ለቁርኣን ቋሚ ቦታ እንዲኖረው ማድረግ ነው።
ሁልጊዜ ብዙ እንድታነብ አይጠበቅብህም፤ ነገር ግን የሚከፋውና የሚያሳዝነው በረመዳን በየቀኑ ሲቀሩ የነበሩት የቁርኣን ገጾች ተዘግተው ሲቀሩ (ሲተዉ) ማየት ነው።
አላህ (ሱብሓነሁ ወተዓላ) እንዲህ ይላል፦
> 《ይህ ቁርኣን ወደዚያች እርሷ በጣም ቀጥተኛ ወደ ሆነችው መንገድ ይመራል።》 [አል-ኢስራእ፡ 9]
>
ነቢዩም ﷺ እንዲህ ብለዋል፦
> «አላህ ዘንድ በጣም ተወዳጅ የሆኑ ስራዎች ምንም እንኳን አነስተኛ ቢሆኑም ዘላቂነት ያላቸው (የማይቋረጡ) ናቸው።» (ቡኻሪና ሙስሊም ዘግበውታል)
>
ስለዚህ ከቁርኣን ጋር የማይቋረጥ ቋሚ ግንኙነት (ዊርድ) ይኑርህ፤ መጠኑ አነስተኛ ቢሆን እንኳ... ዋናው ነገር ቋሚ መሆኑ ነው።
📅 የሸዋል ወር የቁርኣን (ኺትማ) ፕሮግራም
ቤተሰቦችህንና ጓደኞችህን አብረውህ እንዲበረቱ ጋብዛቸው!
ለሸዋል ወር የሚሆኑ 3 አማራጮች፦
* የጠንካሮች መንገድ (ሙሉ ኸትም)፦ በቀን 30 ደቂቃ ብቻ በመስጠት 1 ጁዝ (20 ገጽ) በማንበብ በወሩ መጨረሻ ሙሉ ቁርኣንን ማኽተም።
* የመካከለኛው መንገድ፦ በቀን 15 ደቂቃ ብቻ ከጊዜህ በመስጠት ግማሽ ጁዝ (10 ገጽ) በማንበብ በሁለት ወር አንዴ ማኸተም።
* የጽናት መንገድ (ዘላቂው)፦ በቀን ሩብ ጁዝ (5 ገጽ ወይም 2 ሉክ) በማንበብ ግንኙነትን አለማቋረጥ።
💡 ማሳሰቢያ፦ በቴሌግራም ወይም በዋትስአፕ ግሩፕ "ዛሬ የጀመርኩትን ቀርቻለሁ ✅" በመባባል እርስ በእርስ ተበረታቱ።
ይህ መልዕክት ለቤተሰብህና ለጓደኞችህ እንድታጋራው ሆኖ የተዘጋጀ ነው።

ሸዋል…

ስለ ኒካሕ ማበረታቻ!
ኢብን አል-ቀዪም (አላህ ይዘንላቸውና) እንዲህ ብለዋል፦
«ከጋብቻ [ኒካህ] ጥቅሞች መካከል፦ እይታን መስበር (ከሐራም መጠበቅ)፣ ነፍስን መቆጣጠር፣ ከእርም (ሐራም) የመታቀብ አቅምን ማግኘት እና ይህንኑ ጥበቃ ለሴቷም ማስገኘት ናቸው። ስለሆነም ጋብቻ ለሰውየው በዱንያውም ሆነ በአኺራው ይጠቅመዋል፤ ሴቷንም ይጠቅማል።»
* በዚህም ምክንያት ነቢዩ ﷺ ጋብቻን ይወዱ ነበር፤ ወደርሱም ቅስቀሳም ያደርጉ ነበር እንዲህም ይሉ ነበር፦
* ነቢዩ ﷺ ኡመታቸውን እንዲጋቡ ሲያበረታቱ፦ «ተጋቡ፤ እኔ በእናንተ በሌሎች ሕዝቦች (ኡመቶች) ፊት በብዛት እፎካከርባችኋለሁና (እኩራባችኋለሁና)።»ብለዋል
* ኢብን አባስ (ረዲየላሁ ዐንሁማ) እንዲህ ብለዋል፦ «የዚህ ኡመት በላጩ (ሰው) ሚስቶቹ የበዙት ነው።»
* ነቢዩ ﷺ እንዲህ ብለዋል፦ «እኔ ሴቶችን አገባለሁ፣ ሥጋ እበላለሁ፣ እተኛለሁ፣ (ለሶላት) እቆማለሁ፣ እጾማለሁ፣ አፈጥራለሁም፤ ከእኔ ፈለግ (ሱና) የራቀ ሰው ከእኔ አይደለም።»
* ነቢዩ ﷺ እንዲህ ብለዋል፦ «እናንተ ወጣቶች ሆይ! ከእናንተ መካከል የጋብቻን ጣጣ (ወጪና አቅም) የቻለ ያግባ፤ እሱ እይታን ይበልጥ ሰባሪ፣ ብልትንም ይበልጥ(ከሐራም) ጠባቂ ነውና። ያልቻለ ግን ጾምን አጥብቆ ይያዝ፤ እሱ ለእርሱ መከላከያ (ስሜትን መስበሪያ) ነውና።»
* ጃቢር (ረዲየላሁ ዐንሁ) ቀደም ሲል ባል አግብታ የፈታች(የሞተባት) (ሠዪብ) ሴት ባገባ ጊዜ ነቢዩ ﷺ እንዲህአሉት፦«የምታጫውታትና የምታጫውትህ ድንግል)አትሆንም ነበርን!»
*ዐብዱላህ ኢብን ዑመር (ረዲየላሁ ዐንሁማ) እንደተዘገበው የአላህ መልክተኛ ﷺ እንዲህ ብለዋል፦ «ዱንያ መጣቀሚያ ናት፤ ከዱንያ መጣቀሚያዎች ሁሉ በላጩ ደግሞ መልካም (ሷሊህ) ሴት ናት።»
📚(ዛድ አል-ሚዓድ፡ 4 / 359 - 361)

ደስታ ያለው የት ነው? – የጠፋውን ዕንቁ ፍለጋ!
​ብዙዎቻችን ደስታን የምንፈልገው በተሳሳተ ቦታ ነው። አንዳንዶች በሀብት፣ ሌሎች በዝና፣ አንዳንዶች ደግሞ በጊዜያዊ የስሜት እርካታ (ወንጀል) ውስጥ ያገኙት ይመስላቸዋል። ይሁን እንጂ፣ ይህ ደስታ ልክ እንደ ንጋት ጤዛ በቶሎ ይተናል፤ ከዚያም በምትኩ ብርቱ ጭንቀትና የጸጸት ስሜት ይተካል።
​አላህ (ሱብሓነሁ ወተዓላ) በቁርአኑ ውስጥ ለዚህ የሰው ልጅ ጥያቄ ቀጥተኛና የማይለወጥ መልስ ሰጥቷል፦

​«ከወንድ ወይም ከሴት እርሱ አማኝ ሆኖ በጎን ሥራ የሠራ ሰው በእርግጥ መልካም ኑሮን እናኖርዋለን።» (አን-ነሕል፡ 97)

​ይህ አንቀጽ (አያህ) እውነተኛውን የደስታ ቁልፍ ያሳየናል። እሱም እምነት (ኢማን) እና በጎ ሥራ (ዐመል ሷሊሕ) ነው።
​ሶላት ስንሰግድ የልባችንን ትክክለኛ ቦታ እናገኛለን።
​ዚክር ስናደርግ አዕምሯችን እረፍት ያገኛል።
​ለሰዎች መልካም ስናደርግ ደስታን እንሰጣለን፣ እኛም እርካታን እናገኛለን።
​ወንጀል ደግሞ እንደ መርዝ ነው። መጠኑ ትንሽ ቢመስልም መላ ሰውነታችንንና ነፍሳችንን ያቃውሳል። ሰላማችንን ያጠፋል።
​ስለዚህ፣

በወንጀል የምንፈልገው ጊዜያዊ “ደስታ” እውነተኛ ደስታ ሳይሆን፣ እውነተኛውን ደስታ የሚያስረሳን “ደብዛዛ ጥላ” ነው።

እውነተኛው ብርሃን ደግሞ ያለው ለአላህ በመታዘዝ ውስጥ ነው።
​ልባችን አሁኑኑ ይመለስ! ደስታ እጃችን ላይ ነው!