​#ቁድስ_አቅሷ
​በሺዓ አስተሳሰብ ዕይታ...
​ከራሳቸው ሸይኾች (መሪዎች) አንደበት፣ ከመጽሐፎቻቸውና ከአስተሳሰባቸው ስማ (ተረዳ)።

الحاسد من جند إبليس.

ابن القيم | بدائع الفوائد

## የእናት ምክር ለሙሽሪት ልጅዋ
###1(በትንሽ ነገር ተብቃቂ)
"ልጄ ሆይ! ዛሬ ካደግሽበትና ከለመድሽው ጎጆሽ ወጥተሽ ወደማታውቂው ቤት፣ ወደማታውቂውም የህይወት አጋር እየሄድሽ ነው። ላንቺ የሚሆንሽን ሁሉ ካደረግሽለት፣ እርሱም ላንቺ ታማኝ አገልጋይና የህይወት አጋር ይሆንሻል። በትዳርሽ ውስጥ ባለሽ ነገር መርካትን (በትንሽ መበቃቃት) ልመጂ፤ በውስጡ የልብ እረፍት አለና። ለቃሉም ታዛዥ ሁኚ፤ ይህም የአላህን ውዴታ ያስገኝልሻል።"
### 2. ውበትንና ንፅህናን መጠበቅ
"የባለቤትሽን አይንና አፍንጫ ተጠባበቂ (ትኩረት ስጪ)፤ አይኑ ካንቺ ላይ መጥፎ ነገርን እንዳያይ፣ አፍንጫውም ካንቺ መልካም ያልሆነ ጠረንን እንዳያሸት። ውበትሽንና ንፅህናሽን በመጠበቅ ሁልጊዜም በፊቱ እንደ አዲስ አበባ ሁኚ።"
### 3. ስሜትን መጋራት
"ልጄ ሆይ! እርሱ አዝኖ እያየሽው አንቺ በፊቱ ደስታሽን አታሳይ፤ እርሱ ደስ ብሎት እያለ ደግሞ አንቺ ፊትሽን አታጥቁሪ። የመጀመሪያው የቸልተኝነት ምልክት ሲሆን፣ ሁለተኛው ደግሞ የልብ መከፋትን ያመጣል። ላንቺ እንዲሰጥሽ የምትፈልጊውን ክብር ሁሉ አንቺም ቅድሚያ ለእርሱ ስጪው።"
### 4. ምስጢርንና ንብረትን መጠበቅ
"ንብረቱንና ቤቱን በጥንቃቄ ጠብቂ፤ ልጆቹንና ቤተሰቡን በፍቅር አስተዳድሪ። ይህ መልካም አስተዋይነትሽን ያሳያል። ምስጢሩንም ለሰው አታውጪ፤ ምስጢሩን ካወጣሽበት በአንቺ ላይ ያለውን እምነት ያጣልና።"
### 5
የምግብ ሰዓቱንና የዕረፍት ጊዜውን መጠበቅ

​"የራብ ትኩሳት ያቃጥላልና (ያበሳጫል)፣ እንቅልፍን ማወክ ደግሞ ቁጣን ይቀሰቅሳልና።"

​ የሰው ልጅ ሲርበው ትዕግስቱ ሊያልቅና ለቁጣ ሊቸኩል ይችላል። ስለዚህ ምግብን በሰዓቱ ማዘጋጀት አላስፈላጊ ግጭቶችን ያስቀራል::
​ክብርን መግለጽ፦ የምግብ ሰዓትን ማክበር ስለ ድካሙና ስለ ልፋቱ ያለሽን አክብሮት የምትገልጪበት አንዱ መንገድ ነው። ይህም ማዕዱ የፍቅር እንጂ የጭቅጭቅ ቦታ እንዳይሆን ያደርጋል።
በመጨረሻም…
> "የአይን ማረፊያዬ ልጄ ሆይ! አንቺ ለእርሱ እንደ ምድር ሁኚለት፣ እርሱም ላንቺ እንደ ሰማይ ይሆንልሻል። ቤትሽን የፍቅርና የትዕግስት መፍለቂያ አድርጊው፤ ፍቅር በመከባበር ይጸናልና።"
>

በሸይኽ ዩሱፍ አል-ቀረዳዊ (ረሂመሁላህ) የተሰጠ ምስክርነት!

"ኢራን ከላይላይ የእስልምና ሀገር ትመስላለች፤ በውስጧ ግን ጣኦት አምላኪነትና ክህደት ያለባት ናት።"

ቀደም ሲል የኢራንን እና የሒዝቡላህን አካሄድ በመደገፋቸው ስህተት እንደነበሩና የሳውዲ ዓረቢያ ታላላቅ ዑለማዎች  ከእሳቸው ቀድመው የእነዚህን አካላት ትክክለኛ ማንነት በመረዳታቸው እነሱን በማድነቅ እንዲህ ይላሉ፦
"ሒዝቡላህ ከእስራኤል ጋር በሚዋጋቡት ወቅት እኔ እነሱን በመደገፍ(ተከራክሬላቸዋለሁ) ተከላክዬላቸው ነበር። በሳውዲ ዓረቢያ የሚገኙ ታላላቅ ዑለማዎች ስለነዚህ ሰዎች ተንኮል፣ ስለ ግብዝነታቸው  እና በውስጣቸው ስለሚደብቁት ነገር(ተቂያ) ሲያስጠነቅቁ እኔ ግን እነሱን ተቃውሜ ለሒዝቡሏህ ጠበቃ ሆኜ ነበር።"
"ነገር ግን እነዚህ ዑለማዎች ከእኔ ይልቅ ነገሩን በጥልቀት የተረዱና አርቆ አሳቢ ነበሩ። እኔ ነገሮችን በላዩ ላይ በሚታዩት ብቻ ነበር የወሰንኩት። ሙስሊሞችን አንድ ለማድረግና በመካከላችን ያለውን ልዩነት ለማጥበብ ፈልጌ ነበር።"
* * "ኢራን በላዩ ላይ የእስልምና መንግስት ትመስላለች፤ ውስጧ ግን ሌላ ነው። አሁን ግን እነዚህ ሰዎች በሶሪያ ውስጥ ወንድሞቻቸውን ሲገድሉ አየን።"
* *"ፍትህን ደግፈን በደልን መቃወም ነበረብን። አሁን ግን እነዚህ ሰዎች ሌላ መልክ ያላቸውና እውነተኛውን እስልምና የማይወክሉ መሆናቸው ታውቋል።"

በነቢዩ ﷺ ላይ ሰለዋት ማውረድ የሚገኘው መልካም ነገር (ኸይራት) እና በረከት ለሰዎች ቢገለጥላቸው ኖሮ፤ ምላሶቻቸው እርሳቸውን በመውደድና በማላቅ ሰለዋት ከማውረድ ፈጽሞ አይቦዝኑም ነበር።

صلوا عليه وسلموا تسليما…

ነቢዩ ﷺ ከእኛ ሰለዋት ይፈልጋሉን?
### 1. ነቢዩ ﷺ የእኛ ሰለዋት አያስፈልጋቸውም።
አር-ራዚ እንደሚያብራሩት አላህ ራሱ በነቢዩ ﷺ ላይ ሰለዋት ማውረዱ፣ መላእክትም ሰለዋት ማውረዳቸው እርሳቸውን ከሰው ልጅ ሰለዋት (የማይፈልጉ) ያደርጋቸዋል። የአላህ ሰለዋት እርሳቸውን ለማላቅ በቂ ነው፤ የመላእክትም ሰለዋት ተጨማሪ ክብር ነው። ስለዚህ የኃጢአተኛው የሰው ልጅ ሰለዋት ለእርሳቸው የሚጨምርላቸው ነገር ኖሮ ሳይሆን ትእዛዙ የመጣው ለሌላ ጥበብ ነው።
### 2. ጥቅሙ ለራሳችን ነው (እርሳቸውን ማላቅ ለእኛ ክብር ነው)
አል-ራዚ እንደሚሉት አላህ በነቢዩ ﷺ ላይ ሰለዋት እንድናወርድ ያዘዘን የእኛን ታዛዥነትና ለእርሳቸው ያለንን ክብር እንድንገልጽ ነው። አላህ እኛን እንዲህ ብሎ እንደማዘዙ ነው፦ "እኔ ነቢዩን አክብሬያቸዋለሁ፣ እናንተም ሰለዋት በማውረድ ከእኔ ጋር በዚህ ክብር ላይ ተሳተፉ።" ይህ ደግሞ ለእኛ የደረጃ እድገትና ከፈጣሪ ዘንድ ምንዳ የምናገኝበት መንገድ ነው።
### 3. የውለታ ምላሽ (ምስጋና)
ነቢዩ ﷺ እኛን ከጨለማ ወደ ብርሃን የመሩን ታላቅ ውለታ አውጪያችን ናቸው። ሰለዋት ማውረድ ማለት ለዚያ ትልቅ ውለታቸው የምንሰጠው "የምስጋና ምላሽ" ነው። ምንም እንኳን የእኛ ምስጋና ለእርሳቸው ባይጠቅማቸውም፣ ምስጋና ማቅረብ ግን የእኛ የሥነ-ምግባር ግዴታ ነው።
በነቢዩ ﷺላይ ሰለዋት የምናወርደው "እርሳቸው ወደ እውነት ስለመሩን ያለብንን የውለታ ዕዳ ለመክፈልና በዚያውም ለራሳችን ደረጃንና በረከትን ለማግኘት" ነው።
ባጭሩ፦ እርሳቸው ልክ እንደ ውቅያኖስ ናቸው፤ ትናንሽ ቦዮች (የእኛ ሰለዋት) ወደ ውቅያኖሱ ውሃ ቢጨምሩም ባይጨምሩም ውቅያኖሱ አይጎድልም። ነገር ግን በቦዮቹ ውስጥ ውሃው ሲያልፍ ቦዮቹ ራሳቸው ይረካሉ፣ በዙሪያቸውም ለምለም ይሆናሉ። ሰለዋትም ለእኛ እንደዛው ነው።

​«(በሐሰት) ብዙ የሚምል፣ ወራዳ የሆነው ሁሉ አትታዘዝ። (ሰዎችን) አቃላይ (ሐሜተኛ)፣ ነገር አዋላጅ የሆነው።» (ሱረቱ አል-ቀለም፡ 10-11)
​
​ሐላፍ መሂን (حلاف مهين): በሐሰት ብዙ የሚምልና ደካማ (ወራዳ) የሆነ ሰው ማለት ነው።
​ሀማዝ (هماز): የሰዎችን ስም የሚያጠፋ (ሐሜተኛ)፤ የሰዎችን ስጋ እንደሚበላ (እንደሚቦጭቅ) የሚቆጠር።
​መሻዕ ቢነሚም (مشاء بنميم): በሰዎች መካከል ወሬን የሚያመላልስ (ነገር አዋላጅ)፤ ሰዎችን ለማጣላት የአንዱን ወሬ ለሌላው የሚያደርስ።

​ይህ አንቀጽ አማኞች በባህሪያቸው ደካማ ከሆኑ፣ ውሸት ከሚያዘወትሩና በሰዎች መካከል ጠብን ከሚጭሩ ግለሰቦች ራሳቸውን እንዲጠብቁና የእነሱን መንገድ እንዳይከተሉ ያስተምራል።

🔴 ግንዛቤ ማስተካከያ!
ብዙ ጊዜ "ሙአዊላዎች"(የአላህን ባህሪያት የሚያቆለምሙ) "ሰለፎች ቃላትን ያለ አውዱ (Context) ዝም ብለው ቃል በቃል ይተረጉማሉ" የሚል የተሳሳተ ክስ ይሰነዝራሉ። ነገር ግን የሰለፎችና የአህሉ ሱና እውነተኛ መንገድ "አውድን ያገናዘበ ትርጉም" ላይ የተመሰረተ ነው።
ይህንን ነጥብ በሚከተሉት ዋና ዋና ነጥቦች ማብራራት ይቻላል፦
### 1. የአውድ (سياق) አስፈላጊነት በሰለፎች ዘንድ
ሰለፎች አንድን ቃል ብቻውን ነጥለው አይተረጉሙም። ይልቁንም ያ ቃል በዐረፍተ ነገሩ ውስጥ ያለውን ቦታ፣ ከኋላውና ከፊቱ ያለውን ሃሳብ (Context) በማየት ትክክለኛውን ትርጉም ያስቀምጣሉ።
* ለምሳሌ፦ አላህ ስለ ኑህ (ዐለይሂ ሰላም) መርከብ ሲናገር "በዓይኖቻችን  ትጓዛለች" (تجري بأعيننا) ይላል።
* የሰለፎች ትርጉም፦ እዚህ ጋር "በዓይኖቻችን" የሚለውን አውዱን አይተው "በጥበቃችንና በክትትላችን" ብለውታል። መርከቧ አላህ ዓይን ውስጥ ትጓዛለች የሚል አንድም ሰለፊ የለም። ነገር ግን ይህ ማለት አላህ "ዓይን" የሚል ባህሪ የለውም ማለት አይደለም፤ አላህ ለሱ እንደሚገባው ዓይን አለው፣ በመርከቧ ዙሪያ ያለው አውድ ግን "ጥበቃን" ያሳያል ብለው ያምናሉ።
### 2. በ "ተእዊል" እና "በአውድ መተርጎም" መካከል ያለው ልዩነት
ሙአዊላዎች (ተእዊል አራማጆች) እና ሰለፎች በአውድ አጠቃቀም ላይ ትልቅ ልዩነት አላቸው፦
* ሙአዊላዎች፦ አንድን የአላህ ባህሪ (ለምሳሌ "እጅ" ወይም "ከዐርሽ በላይ መሆን") የሚተረጉሙት "ይህ የአካል ባህሪ ነው፣ ለአላህ አይገባም" የሚል ቅድመ-ግምት በጭንቅላታቸው ስለሚይዙ ነው። ይህ "መሸሽ" (هرب) ይባላል።
* ሰለፎች፦ አንድን ቃል ከአንድ ትርጉም ወደ ሌላ የሚቀይሩት በቋንቋው አውድ ውስጥ ሌላ ትርጉም እንደሌለው ሲረጋገጥ ብቻ ነው። አውዱ "ባህሪን" መገለጫን የሚያመለክት ከሆነ ያለምንም ፍልስፍና ያጸድቁታል።
### 3. የአረብኛ ቋንቋ ስልትን መከተል
የሰለፎች መንገድ የዐረብኛን ቋንቋ ስልት ጠንቅቆ መከተል ነው። ለምሳሌ፦
* አላህ "አላህን ረሱት፣ እርሱም ረሳቸው" (نسوا الله فنسيهم) ሲል፣ ሰለፎች "አላህ መርሳትን ረሳቸው (ከእዝነቱ አገለላቸው)" ብለው ይተረጉማሉ።
* ይህንን ያደረጉት "መርሳት" የሚለው ቃል ለአላህ ጉድለት ስለሚሆን ሳይሆን፣ በቋንቋው ስልት "አንድን ነገር መተው" በሚል ትርጉም ስለሚመጣና አላህ ደግሞ አዋቂ በመሆኑ "ከማወቅ መዘንጋት" እንደማይገጥመው አውዱ ስለሚነግረን ነው።
### 4. የ "ዛሂር" (ጉልህ ትርጉም) ትክክለኛ ትርጉም
ለሰለፎች "ዛሂር" ማለት፦ አንድ አረፍተ ነገር በአረብኛ ቋንቋ ህግና በንግግሩ አውድ (Context) መሰረት መጀመሪያ ወደ አእምሮ የሚመጣው ትክክለኛ ትርጉም ማለት ነው።
* አላህ "ከዐርሽ በላይ ከፍ አለ" (ኢስተዋ) ሲል፣ በአረብኛ አውድ "ከፍታን" ያሳያል። ይህንን ወደ "ስልጣን" መቀየር ከአውዱ የወጣ ተእዊል ነው።

### ማጠቃለያ
ሰለፎች "ሙፈሲሮች"  እንጂ እንደ الظاهرية (ዛሂሪያዎች) በቃላት ብቻ የሚታጠሩ አይደሉም። ልዩነቱ ሰለፎች አውዱን ተከትለው አላህ ለራሱ ያፀደቀውን  ያፀድቃሉ፤ "ሙአዊላዎች" ግን አውዱን እንደ ሰበብ በመጠቀም አላህ ለራሱ ያፀደቀውን መገለጫ ባህሪ ውድቅ ያደርጋሉ።

### በዙልቂዳ ወር የሚከናወኑ አራት ታላላቅ ተግባራት!
1. ተውበት ማድረግ፦ አንድ ሙእሚን ሁልጊዜም ከፈጣሪው ጋር ያለውን ግንኙነት በተውበት ማደስ ይኖርበታል። "እናንተ ያመናችሁ ሆይ! ወደ አላህ ንጹሕ የሆነችን ተውበት አድርጉ" የሚለውን የቁርኣን ቃል በማስታወስ፣ ሁልጊዜም ለሞት ዝግጁ ሆኖ መገኘት ያስፈልጋል።
2. ዑምራ ማድረግ፦ (ሰለሏሁ አለይሂ ወሰለም) በሕይወታቸው ያከናወኗቸው አራት ዑምራዎች በሙሉ በዚህ በዙልቂዳ ወር ውስጥ ነበሩ። ስለዚህም ሁኔታዎች ለፈቀዱለት ሰው በዚህ ወር ዑምራ ማድረጉ ትልቅ ትርጉም አለው። በአካል መገኘት ያልቻለ ደግሞ በኒያው ምንዳውን ሊያገኝ ይችላል።
3. መልካም ስራዎችን ማብዛት፦ በዚህ ወር ውስጥ እንደ ዚክር (ፈጣሪን ማውሳት)፣ ተስቢህ፣ ሶላት፣ ጾም እና ሌሎችም ዒባዳዎችን ማብዛት ይገባል። ዑለማዎች "የስራ ክብር እንደ ቦታው እና እንደ ጊዜው ክብር ይጨምራል" ይላሉ፤ ዙልቂዳ ደግሞ ከተከበሩት (አሽሁሩል ሁሩም) ወራት አንዱ ነው።
4. ከኃጢአት መራቅ፦ ከተከበሩ ወራት አንዱ እንደመሆኑ መጠን፣ በዚህ ወር ውስጥ የሚሰራ ኃጢአት በፈጣሪ ዘንድ ቅጣቱ የላቀ ሊሆን ይችላል። ስለዚህ ኃጢአትን ሙሉ በሙሉ መተው ካልተቻለ እንኳ መቀነስ ለፈጣሪ ካለን ፍርሃት (ተቅዋ) አንዱ ማሳያ ነው።
በመጨረሻም ፈጣሪ ወሩን የሰላም እና የበረከት እንዲያደርግልን እንመኛለን።

🎗 የ አል-ዐቂደቱል ዋሲጢያህ ኪታብ ማብራሪያ APP

👤በሸይኽ ኢልያስ አሕመድ

ዝግጅት ፡ @kasimApp


____
🏳️ የኡስታዝ ኢልያስ አሕመድ የትምህርት መድረክ  @ustazilyas

### የእለቱ ሐዲስ
ከአቡ ሁረይራ (ረዲየላሁ ዐንሁ) እንደተወራው ነቢዩ ﷺ እንዲህ ብለዋል፦
> "አላህ ለኡመቶቼ በውስጣቸው የሚያወጡትንና የሚያወርዱትን (የሚመላለስባቸውን የውስጥ ሃሳብ)፣ በተግባር እስካላዋሉት ወይም በንግግር እስካላወጡት ድረስ ይቅር ብሎላቸዋል።"
> *ቀታዳህ የተባሉት ታላቅ ዓሊም ሲናገሩ፡- "አንድ ሰው በልቡ (በውስጡ) ፍቺን ቢያስብ (በንግግር እስካላወጣው ድረስ) ምንም ማለት አይደለም (ውድቅ አይሆንም)።"*
> (ቡኻሪና ሙስሊም የዘገቡት - ሶሒሕ ሐዲስ)
>
### የሐዲሱ ማብራሪያ፦
በዚህ ሐዲስ ውስጥ አንድ ሰው በልቡ ውስጥ በሚመላለሱ ሃሳቦችና ስሜቶች፣ በንግግርና በተግባር እስካልተገለጹ ድረስ ተጠያቂ እንደማይሆን ማብራሪያ ተሰጥቶበታል።
እንዲሁም ይህ ሐዲስ "የልብ ፍቺ" (በልብ ብቻ ማሰብ) እንደማይጸና ትልቅ ማስረጃ ነው። ምክንያቱም ፍቺ በንግግር የሚገለጽ እንጂ በልብ የሚታሰብ ብቻ አይደለም። እነዚህ ሕግጋት የተመሰረቱት በንግግር (ቃላት) ላይ እንጂ በልብ ሥራ ላይ አይደለም።

## ያላገቡ ሰዎችን እንዲያገቡ ስለማበረታታት

ሸይኽ ኢብኑ ባዝ (ረሒመሁላህ) እንዲህ ብለዋል፦
"አንድ [አሳዳጊ] ለሴት ልጁ ወይም ለእህቱ እጮኛ መፈለግ  እሱ ራሱ መልካም ከሆኑ ወጣቶች መካከል በመፈለግ፦ *'አንተ እገሌ! እኔ ዘንድ ላጋባህ የምፈልጋት ሴት ልጅ (ወይም እህት) አለችኝ'* ቢለው (ጥሩ ነው)፤ ከተስማማም አልሐምዱሊላህ።
ዑመር (ረዲየላሁ ዐንሁ) ከነቢያትና ከአቡበክር ሲዲቅ በመቀጠል ከሰው ልጆች ሁሉ በላጭ ሆነው ሳለ፣ ልጃቸው ሐፍሷ (ረዲየላሁ ዐንሃ) ባሏ ሞቶባት የዒዳ ጊዜዋን ስትጨርስ እጮኛ ፈልገውላታል። ለዑስማን (ረዲየላሁ ዐንሁ) አቀረቡላት፣ ለአቡበክርም (ረዲየላሁ ዐንሁ) ለላቀ ደረጃቸው ሲሉ አቀረቡላት። ዑስማን ይቅርታ ጠየቁ፣ አቡበክር ደግሞ ዝም አሉ። ምክንያቱም ነቢዩ ﷺ በእሷ ላይ ፍላጎት እንዳላቸው ያውቁ ስለነበር ነው። በመጨረሻም ነቢዩ ﷺ አገቧት፤
አንድ ሰው ለልጁ ወይም ለእህቱ እጮኛ ማፈላለጉ ምንም አይነት ጉድለት ወይም ነውር አይደለም፤ ይልቁንም መልካም ባል ከፈለገላት የሚመሰገንበትና አጅር የሚያገኝበት ተግባር ነው።
መልካም ባል መጥቶ እጮኝነት ሲጠይቅም ፈጥኖ ምላሽ መስጠት ግዴታ ነው። በሚከተሉት ምክንያቶች ማዘግየት አይገባም፦
* ልጁ ገና ናት በማለት፣
* ወይም እሱ ድሃ ነው በማለት፣
* ወይም ደግሞ ስራው (ደረጃው) ዝቅተኛ ነው በማለት፤
   = አይሆንም! ሲሳይ (ርዝቅ) በአላህ እጅ ነው። ከአላህ መልእክተኛ ﷺ በተላለፈ ሐዲስ እንዲህ ብለዋል፦ «ዲኑንና ስነ-ምግባሩን የምትወዱለት ሰው (ልጃችሁን ሊያገባ) ቢመጣላችሁ ዳሩት፤ ይህን ካላደረጋችሁ በምድር ላይ ፈተናና ትልቅ ጥፋት ይነግሳል።»
በተለይ በዚህ በፈተናና በዝቅጠት ዘመን ቸልተኝነትን መጠንቀቅ ግዴታ ነው። ወንዶች ልጆችንም ሆኑ ሴት ልጆችን በማጋባት ረገድ መቸኮል ይገባል። ብቁ እና አቻ የሆኑ እጮኞች ከመጡና ከተገኘ፣ አንተ ራስህ ለሷ ብትጠይቅላት ወይም ብትፈልግላትም (መልካም ነው)።
እንደዚሁም ለወንዶች ልጆችህ፣ ለወንድሞችህና ለወንድምህ ልጆችም በንግግር፣ በምክርና በገንዘብም ቢሆን (ድሆች ከሆኑ እንደ አቅምህ) በማገዝ እንዲያገቡ ጣር። ነቢዩ ﷺ እንዲህ ብለዋል፦ «የወንድሙን ጉዳይ ለመፈጸም በወንድሙ ጉዳይ ላይ የቆመ ሰው፣ አላህ በእሱ ጉዳይ ላይ ይሆንለታል።» (ቡኻሪና ሙስሊም የዘገቡት ታላቅ ሐዲስ ነው)።
ስለዚህ በጋብቻ ጉዳይ የወንድምህን፣ የእህትህን፣ የልጅህን ወይም የወንድምህን ልጅ ጉዳይ ለማስፈጸም የምትጥር ከሆነ በታላቅ ኸይር (መልካም ስራ) ላይ ነህ። አላህ ሱብሓነሁ ወተዓላ እንዲህ ይላል፦ «በመልካም ስራና አላህን በመፍራት ላይ ተረዳዱ።» (አል-ማኢዳህ፡ 2)። ለጋብቻ መረዳዳት ደግሞ በመልካም ስራና አላህን በመፍራት ላይ ከመረዳዳት ይመደባል። ለሁሉም ተውፊቁንና ቅን መንገድን እንመኛለን።"
ምንጭ፦ *ፈታዋ ኑሩን ዐላ ደርብ፣ ኢብኑ ባዝ (20/ 14 - 15)

የቀልብ መድረቅና ከመልካም ስራ መራቅ ምልክቱ በክርክር መጠመድ ነው።
ኢማም አል-አውዛዒይ እንዲህ ብለዋል፦
> "አላህ በአንድ ሕዝቦች ላይ መጥፎን (ጥፋትን) በሻ ጊዜ፣ በክርክር ይጠምዳቸዋል፤ ተግባርን ግን ይከለክላቸዋል።"
>
### አንድ ሰው ወይም ማህበረሰብ ከአላህ ጥበቃ ሲርቅ፣ ጠቃሚ ስራዎችን ከመስራት ይልቅ በማያልቅና ፍሬ በሌለው ክርክር ጊዜውን ያጠፋል።
** ክርክር ሰዎችን ከዒባዳና ከመልካም ስራ ያዘናጋል። ሰዎች እውነትን ለመፈለግ ሳይሆን ለመርታትና ለመታወቅ መከራከር ሲጀምሩ አላህ ከተግባር ያርቃቸዋል።
** አንድ ሰው ስራ ትቶ በጭቅጭቅና በክርክር ከተጠመደ ውድቀቱ መቃረቡን ያሳያል።
ይህ ንግግር በተለይ በዚህ በሶሻል ሚዲያ ዘመን፣ ሰዎች ከመልካም ስራ ይልቅ በየኮመንቱ ክርክር ላይ ጊዜያቸውን ለሚያጠፉበት ሁኔታ ትልቅ ማሳሰቢያ ነው።
>  አላህ ከመልካም ሰሪዎች ያድርገን።"
> https://t.me/sultan_54
>