ថ្ងៃទី៣០ ខែសីហា ឆ្នាំ២០២៦ ខ្ញុំ និងក្រុមការងារ បានចូលរួមជាមួយឯកឧត្តម សូ សុភ័ក្ត្រ ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន និងជាប្រធានក្រុមការងារសប្បុរសធម៌សម្តេចតេជោ-ធិបតី បានចុះសួរសុខទុក្ខ និងនាំយកអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ចែកជូនដល់បងប្អូនប្រជាពលរដ្ឋដែលមានជីវភាពខ្វះខាតចំនួន ២៣គ្រួសារ រស់នៅក្នុងសង្កាត់ខ្សាម ក្រុងកំពង់ឆ្នាំង។

គ្រួសារដែលបានទទួលអំណោយនាពេលនេះបានគោរពសម្ដែងនូវអំណរអរគុណដ៏ជ្រាលជ្រៅបំផុតជូនចំពោះសម្តេចដែលសម្ដេចទាំងទ្វេកំពុងនឿយហត់បំផុតក្នុងកិច្ចការប្រទេសជាតិក៏លោកនៅឆ្លៀតពេលយកចិត្តទុកដាក់ចំពោះប្រជាជនដែលមានជីវភាពខ្វះខាត។

ខ្ញុំ រួមជាមួយឯកឧត្ដម ស៊ីវ រុន ប្រធានក្រុមប្រឹក្សាខេត្ត បានទទួលស្វាគមន៍ និងជួបពិភាក្សាការងារជាមួយឯកឧត្តម វ៉ាន់ឡុលវ៉ាណា បាវីតលុង ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋឥណ្ឌាប្រចាំព្រះរាជាណាចក្រកម្ពុជា។

ខ្ញុំបានជម្រាបជូនឯកឧត្ដមឯកអគ្គរដ្ឋទូត អំពីសក្ដានុពលវិនិយោគនៅខេត្តកំពង់ឆ្នាំង និងបានស្នើសុំឯកឧត្ដមជួយកៀរគរអ្នកវិនិយោគមកបណ្ដាក់ទុនរកស៊ីក្នុងខេត្ត ដើម្បីបង្កើតការងារបន្ថែមទៀតជូនប្រជាពលរដ្ឋ។

បន្តមក ឯកឧត្ដមឯកអគ្គរដ្ឋទូត និងលោកជំទាវ បានអញ្ជើញពិនិត្យស្ថានភាពរស់នៅរបស់ប្រជាពលរដ្ឋនៅតាមដងទន្លេ និងការចិញ្ចឹមត្រីក្នុងបែផងដែរ។

ថ្ងៃទី៣១ សីហា ២០២៦