ថ្ងៃទី១២ ខែកញ្ញា ឆ្នាំ២០២៦ ខ្ញុំបាទបានអមដំណើរសម្តេចមហាមន្ត្រី គុយ សុផល សមាជិក គណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកបរិបូណ៌ អញ្ជើញជួបសំណេះសំណាល សួរសុខទុក្ខក្រុមប្រឹក្សាឃុំទាំង១១ ក្នុងស្រុកបរិបូណ៌។

ខ្ញុំ រួមជាមួយអាជ្ញាធរមូលដ្ឋាន និងមន្ទីរជំនាញ ព្រមទាំងតំណាងអគ្គីសនីកម្ពុជា បានចូលរួមបើកដំណើរការការដ្ឋានសាងសង់បង្គោលភ្លើងបំភ្លឺផ្លូវប្រើថាមពលពន្លឺព្រះអាទិត្យ តាមបណ្តោយផ្លូវជាតិលេខ៥ ចាប់ពីព្រំប្រទល់ឃុំទឹកហូត ស្រុករលាប្អៀរ ដល់ព្រំប្រទល់ឃុំតាជេស ស្រុកកំពង់ត្រឡាច។

ដឹកនាំកិច្ចប្រជុំត្រួតពិនិត្យវឌ្ឍនភាពការងារត្រៀមរៀបចំពិធីសម្ពោធដាក់ឲ្យដំណើរការជាផ្លូវការ រោងចក្រផ្គុំនិងដំឡើងរថយន្ត ក្រុមហ៊ុន ធីអេច អូតូម៉ូធីវ មេនូហ្វេកធឺរីង ឯ.ក និងការងារចាំបាច់មួយចំនួនទៀត។