ស៊ុន សុវណ្ណារិទ្ធិ - Sun Sovannarith
5.6K subscribers
17.2K photos
252 videos
33 files
1.76K links
អភិបាលនៃគណៈអភិបាលខេត្តកំពង់ឆ្នាំង
Download Telegram
អ្នកបើកបររថយន្តម៉ាក HYUNDAI ពណ៌ស+ខៀវ ពាក់ស្លាកលេខ ភ្នំពេញ 3C-0589 ដែលបើកបរបញ្រ្ចាសទិសចរាចរណ៍ និងមានការប៉ះសម្ដីគ្នាជាមួយអ្នកបើកបររថយន្តម្ខាងទៀត កាលពីថ្ងៃទី២៣ ខែមីនា ឆ្នាំ២០២៥ វេលាម៉ោង ១១:៣៥នាទី លើផ្លូវជាតិលេខប្រាំ ត្រង់ចំណុចរង្វង់មូលឆ្នាំង ស្ថិតនៅភូមិជ្រៃបាក់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ត្រូវបាននគរបាលចរាចរណ៍ផ្លូវគោកខេត្តកំពង់ឆ្នាំង ហៅមកពិន័យ អប់រំ និងធ្វើកិច្ចសន្យាតាមច្បាប់ នៅថ្ងៃទី២៥ ខែមីនា ឆ្នាំ២០២៥នេះ។

គាត់បានចេញវីដេអូសុំទោសជាសាធារណៈ និងសន្យាកែប្រែមិនឲ្យកើតមានករណីនេះទៀតទេ។

#ស៊ុនសុវណ្ណារិទ្ធិ #Sunsovannarith
t.me/Sun_Sovannarith
#កំពង់ឆ្នាំង #Kampongchhnang
❤9👍4
បន្ទាប់ពីប្រគល់ផ្ទះថ្មថ្មី១ខ្នង ជាអំណោយដ៏ថ្លៃថ្លារបស់​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ ជូនយុវជន ឡាយ សំណាង និងក្រុមគ្រួសាររួចមក ខ្ញុំបាទ និងភរិយា ព្រមទាំងក្រុមការងារ បានបន្តចូលរួមជាមួយលោកជំទាវ​ ម៉ែន​ នារីសោភ័គ​ អគ្គលេខាធិការរងទី​១​ កាកបាទក្រហមកម្ពុជា​ ចែកអំណោយជូនប្រជាពលរដ្ឋងាយរងគ្រោះបំផុតចំនួន២៦ គ្រួសារ ក្នុងសង្កាត់ប្អេរ ក្រុងកំពង់ឆ្នាំង។

អំណោយក្នុងមួយគ្រួសារទទួលបាន អង្ករ ២៥គ.ក្រ មី១កេស ត្រីខ១យួរ ទឹកស៊ីអ៊ីវ១យួរ ឃីត១ (មុង ភួយ សារុង ក្រមា) និងថវិកាមួយចំនួន។

#ស៊ុនសុវណ្ណារិទ្ធិ #Sunsovannarith
t.me/Sun_Sovannarith
#កំពង់ឆ្នាំង #Kampongchhnang
❤18🙏4
ចុះជួបសំណេះសំណាលជាមួយបងប្អូនប្រជាកសិករ ស្នើសុំបង្កើតសហគមន៍កសិកម្មទំនើបក្នុងការផលិតស្រូវ នៅភូមិអញ្ចាញរូង ឃុំអញ្ចាញរូង ស្រុកបរិបូណ៌។

ខ្ញុំបានជម្រាបជូនបងប្អូនអំពីការយកចិត្តទុកដាក់ខ្ពស់របស់រាជរដ្ឋាភិបាលក្នុងការជំរុញវិស័យកសិកម្ម ក្នុងនោះគោលនយោបាយអាទិភាពចំណុចទី៦ គឺបញ្ជូនមន្ត្រីបច្ចេកទេសកសិកម្មទៅជួយកសិករនៅគ្រប់ឃុំ-សង្កាត់ ដែលមានពលរដ្ឋប្រកបរបរកសិកម្ម និងបង្កើតសហគមន៍កសិករនៅទូទាំងប្រទេស ដើម្បីការពារផលប្រយោជន៍របស់កសិករ។

ការចងក្រងរួមគ្នាជាសហគមន៍កសិកម្មទំនើប ហើយធ្វើផលិតកម្មកសិកម្មតាមកិច្ចសន្យា នឹងអាចការពារកសិករយើងពីហានិភ័យទីផ្សារប្រកបដោយប្រសិទ្ធភាព ជាពិសេសសម្រាប់បងប្អូនកសិករខ្នាតតូច ដែលធ្វើកសិកម្មជាលក្ខណៈគ្រួសារ។

រសៀលថ្ងៃទី២៥ មីនា ២០២៥

#ស៊ុនសុវណ្ណារិទ្ធិ #Sunsovannarith
t.me/Sun_Sovannarith
#កំពង់ឆ្នាំង #Kampongchhnang
❤24🥰1