ស៊ុន សុវណ្ណារិទ្ធិ - Sun Sovannarith
5.61K subscribers
17.2K photos
252 videos
33 files
1.76K links
អភិបាលនៃគណៈអភិបាលខេត្តកំពង់ឆ្នាំង
Download Telegram
ខ្ញុំបានទទួលដំណឹងថា ប្រជាជនយើងនៅតាមព្រំដែនពិសេសនៅប៉ោយប៉ែត នៃខេត្តបន្ទាយមានជ័យ ដែលមានប្រាក់បាតថៃ នាំគ្នាដូរយកប្រាក់រៀលតាំងពីខ្ញុំបង្ហោះសារបានប្រមាណ២ម៉ោងកាលពីថ្ងៃទី៦ ខែតុលា ឆ្នាំ២០២៥។

វាជារឿងល្អដែលប្រជាជនកម្ពុជាប្រើប្រាស់ប្រាក់រៀលលើទឹកដីរបស់ខ្លួន ដើម្បីជៀសវាងការខាតបង់ និងក្លាយជាចំណុចខ្សោយសម្រាប់ជាតិ នៅពេលដែលគេប្រើជាអាវុធនយោបាយ។ ខ្ញុំក្តាប់បានថា បងប្អូនខ្មែរយើងមួយចំនួនដែលធ្វើការ និងរកស៊ីនៅថៃមិនអាចដកប្រាក់ពីធនាគារនៅថៃបានទេ។

នេះបានបង្ហាញថា ប្រាក់បាតថៃកំពុងសម្លាប់ប្រជាជនខ្មែរដែលធ្វើការ និងរកស៉ីនៅក្នុងប្រទេសថៃ និងនាពេលខាងមុខប្រាក់បាតថៃ និងសម្លាប់ប្រជាជនខ្មែរលើទឹកដីកម្ពុជាចំពោះតែប្រជាជនខ្មែរណាដែលបន្តចាយ និងទុកប្រាក់បាតថៃ។

ប៉ុន្តែអ្វីដែលខ្ញុំចង់អំពាវនាវគឺសូមបងប្អូនដែលរកស៉ីប្តូរប្រាក់ សូមមេត្តាប្តូរប្រាក់តាមតម្លៃទីផ្សារកុំស្វែងរកប្រាក់ចំណេញហួសហេតុតាមរយៈបញ្ចុះតម្លៃប្រាក់បាត ដំឡើងថ្លៃប្រាក់រៀល ដែលធ្វើឲ្យអ្នកត្រូវការប្តូរប្រាក់ត្រូវខាតបង់។

ខ្ញុំក៏ចង់និយាយទៅកាន់បងប្អូនជនរួមជាតិថា ពីពេលនេះតទៅឈប់កំណត់ប្រាក់ឈ្នួលធ្វើការ ឬតម្លៃទំនិញ ឬតម្លៃសេវាជាប្រាក់បាតថៃ ហើយមកកំណត់ជាប្រាក់រៀល ឬប្រាក់ដុល្លារវិញ និងកាន់តែល្អគឺកំណត់ជាប្រាក់រៀលដើម្បីពង្រឹងរូបិយវត្ថុជាតិ។

ប្រសិនស្រឡាញ់ជាតិត្រូវទុកក្រដាសប្រាក់ដែលមានព្រះឆាយាល័ក្ខ ព្រះបិតាជាតិ ព្រះមាតាជាតិ និងព្រះមហាក្សត្រយើងក្នុងទូ ក្នុងកាបូប ឬក្នុងហោប៉ៅយើង ជាជាងទុកព្រះឆាយាល័ក្ខ ព្រះមហាក្សត្រប្រទេសមួយ ដែលចាត់ទុកយើងជាសត្រូវ និងប្រមាថមើលងាយយើងនោះទេ។

ខ្ញុំសូមស្នើរាជរដ្ឋាភិបាល និងអាជ្ញាធរគ្រប់លំដាប់ថ្នាក់កំចាត់ចោលមន្ត្រី និងឈ្មួញដែលនៅបន្តលួចនាំទំនិញថៃ ចូលក្នុងពេលព្រំដែននៅបិទ ដែលធ្វើឲ្យអ្នកជិតខាងយើងមើលងាយយើងថា អត់ទំនិញគេមិនបាន។ ប្រសិនបើខ្ញុំនៅធ្វើនាយករដ្ឋមន្ត្រីដូចពេលមុនខ្ញុំមិនបាច់និយាយភាសានេះទេ គឺចេញបញ្ជាចាប់ខ្លួន ឬដកចេញពីមន្ត្រីតែម្តង ប៉ុន្តែសូមកុំគិតថា (ឆ្មាមិននៅកណ្តុរឡើងរាជ្យឲ្យសោះ)៕
Connect with Samdech Hun Sen :
🌐Facebook
🌐Telegram
🌐TikTok
🌐Twitter
🌐YouTube
🌐Instagram
🌐Website
Please open Telegram to view this post
VIEW IN TELEGRAM
❤11
ថ្នាក់ដឹកនាំខេត្តកំពង់ឆ្នាំង អញ្ជេីញចូលរួមនាំយកអំណោយចែកជូនប្រជាពលរដ្ឋរងគ្រោះដោយសារទឹកជំនន់​ ចំនួន២៦៥គ្រួសារ នៅស្រុកកំពង់លែង

អានបន្ត 👉 https://www.facebook.com/share/p/1G51ZKi7zo/

📱 Mobile App: http://onelink.to/moinewscambodia

🌐 Facebook: https://www.facebook.com/moi.tv.cambodia

🌐 TikTok: https://www.tiktok.com/@moitv_cambodia

🌐 Youtube:https://www.youtube.com/@moitvcambodia
❤8
សូមអបអរសាទរលោកគ្រូ ផុន សុភ័ក្ត គ្រូបង្រៀននៅសាលាបឋមសិក្សាសាមគ្គី ស្រុករលាប្អៀរ ខេត្តកំពង់ឆ្នាំង ជាប់ចំណាត់ថ្នាក់លេខ៣ ជ័យលាភីផ្នែកស្មូតកំណាព្យ ពានរង្វាន់ “ព្រះភិរម្យភាសាអ៊ូ ហៅ ង៉ុយ”
❤10
ថ្ងៃទី៩ ខែតុលា ឆ្នាំ២០២៥ ខ្ញុំ រួមជាមួយលោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង អភិបាលរងខេត្ត និងក្រុមការងារ បានចូលរួមបិទសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល (២០២៦-២០២៨) ស្រុកជលគីរី និងរដ្ឋបាលក្រុង ស្រុកទូទាំងខេត្ត។

សិក្ខាសាលាសមាហរណកម្មផែនការថ្នាក់ក្រុង ស្រុក គឺជាវេទិកាសម្របសម្រួលការអភិវឌ្ឍសម្រាប់អាជ្ញាធរគ្រប់លំដាប់ថ្នាក់ មន្ទីរ អង្គភាព វិស័យឯកជន និងដៃគូអភិវឌ្ឍន៍បានធ្វើការជជែក ពិភាក្សាលើគម្រោងអាទិភាព ដើម្បីលើកស្ទួយឱ្យកាន់តែប្រសើរឡើងនូវកិច្ចដំណើរការអភិវឌ្ឍន៍ឱ្យបានចំទិសដៅ ឆ្លើយតបបានទៅតាមតម្រូវការជាអាទិភាពរបស់ប្រជាជននៅមូលដ្ឋាន។
❤13
អភិបាលខេត្ត កំពង់ឆ្នាំង អញ្ជេីញចូលរួមបិទសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល ២០២៦-២០២៨ នៅស្រុកជលគីរី និងរដ្ឋបាលក្រុង ស្រុក ទូទាំងខេត្ត

អានបន្ត 👉 https://www.facebook.com/share/p/1aXv5VqHC4/

📱 Mobile App: http://onelink.to/moinewscambodia

🌐 Facebook: https://www.facebook.com/moi.tv.cambodia

🌐 TikTok: https://www.tiktok.com/@moitv_cambodia

🌐 Youtube:https://www.youtube.com/@moitvcambodia
❤14
សារជូនថ្នាក់ដឹកនាំ និងប្រជាជនថៃ!

ថៃ ជាប្រទេសដែលមានព្រះមហាក្សត្រ និងមានប្រពៃណីទំនៀមទម្លាប់អ្នកកាន់ព្រះពុទ្ធសាសនាហ្នឹងគេដែរ! ជាប្រទេសមួយមិនធ្លាប់ស្ថិតក្រោមអាណានិគមបរទេស! ជាប្រទេសស្ថាបនិកមួយរបស់អាស៊ាន និងជាប្រទេសមានសេដ្ឋកិច្ចខ្លាំងមួយនៅក្នុងតំបន់ដែរ។ ប៉ុន្តែបច្ចុប្បន្ន ថៃ បានក្លាយទៅជារដ្ឋមួយ ដែលគ្មានភាពខ្មាសអៀន បាត់អស់ភាពថ្លៃថ្នូរ និងក្លាយជារដ្ឋមួយ ដែលមានប្រព័ន្ធដឹកនាំជាតិ គ្មានក្បាល គ្មានកន្ទុយ។

មិនមែនជារឿងថ្មីថ្មោងនោះទេ ប៉ុន្តែលើកនេះ សកម្មភាពប្រមាថរបស់ជនជាតិថៃខ្លះ មកលើសម្ដេចតេជោ ហ៊ុន សែន ប្រមុខរដ្ឋស្ដីទី និងជាប្រធានព្រឹទ្ធសភា ដ៏មានគុណមួយរូបរបស់ប្រជាជនខ្មែរ បានប្រព្រឹត្តឡើងដោយកងកម្លាំងថៃ តែម្ដង។ ការយករូបថតសម្ដេចតេជោ ធ្វើជាផ្ទាំងស៊ីបនៃល្បែងបាញ់យករង្វាន់ ទោះបី សម្ដេចតេជោ ទទូចសុំពលរដ្ឋកុំប្រព្រឹត្តតបនឹងទង្វើដ៏អន់ថយនោះទៅថៃវិញ ក៏ដោយ តែក្នុងនាមពលរដ្ឋខ្មែរ យើងមានភាពចាំបាច់ ដើម្បីថ្កោលទោសលើអំពើរបស់ពួកគេ។

ជាដំបូង យើងត្រូវតែចង្អុលឱ្យចំមុខតែម្ដង ចំពោះទង្វើរបស់មេដឹកនាំថៃ គ្រប់ឈុត គ្រប់បក្ស ព្រមទាំងភាពព្រងើយកន្តើយរបស់ស្ថាប័នពាក់ព័ន្ធថៃ ជាពិសេសក្រសួងមហាផ្ទៃថៃ អគ្គស្នងការដ្ឋាននគរបាលជាតិថៃ អាជ្ញាធរ រដ្ឋបាលដែនដីថៃ និងអង្គភាពនគរបាលថៃ គ្រប់មូលដ្ឋាន។ ពីព្រោះពួកគេ បានសន្មតថា ជារឿងសាមញ្ញ និងពុំបានចាត់វិធានការអ្វីសោះ ចំពោះសកម្មភាពប្រមាថមេដឹកនាំខ្មែរ ជាចំហម្ដងហើយម្ដងទៀតរបស់ពលរដ្ឋថៃ។ នេះគឺជាភាពអន់ថយនៃប្រព័ន្ធច្បាប់ថៃ។

ភាពកម្សោយនៃច្បាប់ថៃ និងការព្រងើយកន្តើយមិនអនុវត្តរបស់អាជ្ញាធរមានសមត្ថកិច្ចថៃ ក៏ជាការបង្ហាញទៅកាន់ពិភពលោកដែរថា ថៃមិនត្រឹមតែមានប្រព័ន្ធដឹកនាំរដ្ឋរញ៉េរញ៉ៃប៉ុណ្ណោះទេ ប៉ុន្តែក៏ជាប្រទេសមួយ ដែលនិយមសាទរចំពោះទង្វើអសីលធម៌ បន្ថែមលើភាពជាប្រទេសមួយ ដែលនិយមយកឥទ្ធិពលនៃភាពមានបានរបស់ខ្លួន ទៅបំពានរដ្ឋក្បែរខាង។

បើទោះជាស្រុកថៃ កំពុងរញ៉េរញ៉ៃ ក៏គួរឆ្លៀតឆ្លើយ ហើយបើមិនឆ្លើយ ក៏សូមចេះស្វ័យពិចារណាផងចុះ។

១. បច្ចុប្បន្ន សម្ដេចតេជោ ជាប្រមុខរដ្ឋស្ដីទី ដែលទទួលការប្រទានសិទ្ធិពីព្រះមហាក្សត្រ។ ប្រទេសថៃ ក៏មានព្រះមហាក្សត្រ ហើយទ្រង់ក៏ជាប្រមុខរដ្ឋដែរ។ បើមានពលរដ្ឋខ្មែរ ធ្វើទង្វើថោកទាបបែបនោះ លើព្រះមហាក្សត្រថៃ តើជនជាតិថៃ មានអារម្មណ៍បែបណា?

២. អាជ្ញាធរថៃ បើមានជនជាតិថៃ យករូបព្រះមហាក្សត្រថៃ មកធ្វើសកម្មភាពប្រមាថបែបនោះ តើអស់លោក នឹងនៅស្ងៀម ដូចករណីពលរដ្ឋថៃ កំពុងប្រមាថប្រមុខរដ្ឋស្ដីទីខ្មែរឬយ៉ាងណា? ដោយឡែកមេដឹកនាំថៃ ទាំងអ្នករបូតតំណែង និងទាំងអ្នកកំពុងកាន់តំណែងក្នុងរដ្ឋាភិបាល ៤ខែ ប្រសិនបើមានជនជាតិថៃ ឬរហូតដល់ពលរដ្ឋខ្មែរ ធ្វើសកម្មភាពប្រមាថលើរូបអស់លោក តើអស់លោក យល់យ៉ាងណាដែរ?

៣. អង្គភាពគ្រប់គ្រងកងកម្លាំងថៃ! តើតម្លៃនៃអង្គភាពរបស់អ្នកនៅឯណា? ឯណាទៅភាពថ្លៃថ្នូរ និងវិន័យដ៏ល្អរបស់កងកម្លាំងថៃ? ចំណែកសាមីជនប្រព្រឹត្តទង្វើនោះវិញ តើឪពុកម្ដាយ និងសាលារៀនរបស់អ្នក ធ្លាប់បានអប់រំអំពីសីលធម៌ និងភាពជាមនុស្សថ្លៃថ្នូរដែរទេ?

៤. តើពលរដ្ឋខ្មែរ គ្មានលទ្ធភាពប្រព្រឹត្តទង្វើដ៏អន់ថយដូចជនជាតិថៃនោះទេឬយ៉ាងណា? ត្រង់នេះ ខ្ញុំជួយផ្ដល់ចម្លើយខ្លីជូនថា មែនទែនទៅ យើងអាចធ្វើបានទេតើ! ប៉ុន្តែយើងដឹងថាវាជាអំពើថោកទាប។ ខ្មែរមានភាពថ្លៃថ្នូរ ហើយខ្មែរ គោរពគោលការណ៍របស់ថ្នាក់ដឹកនាំ! ពិសេសនោះ គឺខ្មែរមិនចង់ឱ្យពលរដ្ឋថៃ ឈឺចាប់ដូចខ្លួន!

ក្នុងនាមពលរដ្ឋខ្មែរ យើងគោរពតាមដំបូន្មានរបស់សម្ដេចតេជោ ហ៊ុន សែន ប្រមុខរដ្ឋស្ដីទី និងជាប្រធានព្រឹទ្ធសភា និងគោលការណ៍ដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជារបស់យើង។ យើងនឹងបន្តរួបរួមសាមគ្គីគ្នា ហើយពង្រឹងស្មារតីជាតិនេះឱ្យកាន់តែរឹងមាំ និងប្រកបដោយភាពថ្លៃថ្នូរ។

យើងអាណិតថៃ ដែលមិនខំផ្សះផ្សាជាតិ ដែលបែកបាក់ បែរជាមកបង្កាត់ភ្លើង បង្កជម្លោះបំពានទឹកដី និងប្រមាថមេដឹកនាំខ្មែរ។ យ៉ាងណាក៏ដោយ យើងរង់ចាំបន្តធ្វើរឿងល្អៗជាមួយមេដឹកនាំ និងប្រជាជនថៃ ដែលជាថៃមានភាពថ្លៃថ្នូរ និងជាថៃ ដែលខិតខំការពារកិត្តិយសជាតិខ្លួន ទន្ទឹមគ្នានឹងគោរពភាពថ្លៃថ្នូររបស់ប្រទេស និងជនជាតិដទៃទៀត ក្នុងនាមមនុស្សជាតិដូចគ្នា៕

🌐H.E. Abhisantibindit Sar Sokha, Deputy Prime Minister, Minister of Interior
🌐Sar Sokha
🌐Join Telegram
🌐YouTube
🌐TikTok
#សសុខា #SarSokha #កម្ពុជា #Cambodia
Please open Telegram to view this post
VIEW IN TELEGRAM
👍5
អបអរសាទរមហាសន្និបាតវិសាមញ្ញតំណាងសមាគមអតីតយុទ្ធជន និងនិវត្តជនកម្ពុជាទូទាំងប្រទេស ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជន និងនិវត្តជនកម្ពុជា។

ឯកឧត្តម ស៊ុន សុវណ្ណរិទ្ធិ អភិបាល នៃគណៈអភិបាលខេត្តកំពង់ឆ្នាំង ចូលរួមបរិច្ចាគថវិកាគាំទ្រការសាងសង់ផ្ទះជូនអតីតយុទ្ធជន និងនិវត្តជន ចំនួន ១ខ្នង។

Connect with សមាគមអតីតយុទ្ធជន និងនិវត្តជនកម្ពុជា
🌐Facebook
🌐Telegram
📱TikTok
🌐YouTube
🌐Website
Please open Telegram to view this post
VIEW IN TELEGRAM
❤16
ព្រឹកថ្ងៃទី១០ ខែតុលា ឆ្នាំ២០២៥ ខ្ញុំបាទ និងឯកឧត្ដម ស៊ីវ រុន ប្រធានក្រុមប្រឹក្សាខេត្ត បានអមដំណើរឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញសម្ពោធដាក់ឱ្យប្រើប្រាស់សមិទ្ធផលអនុគម្រោងសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំង នៃគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាប ក្រោមឥណទានសម្បទានរបស់ធនាគារអភិវឌ្ឍន៍អាស៊ី។

ពិធីមានការចូលរួមពីលោក អាន់តូនី ហ្គីល តំណាងធនាគារអភិវឌ្ឍន៍អាស៊ីប្រចាំព្រះរាជាណាចក្រកម្ពុជា ព្រមទាំង ឯកឧត្តម លោកជំទាវថ្នាក់ដឹកនាំក្រសួង មន្ត្រីរាជការ កងកម្លាំង សិស្សានុសិស្ស និងបងប្អូនប្រជាពលរដ្ឋ។

គម្រោងនេះគ្របដណ្ដប់លើសង្កាត់ទាំង៤ នៃក្រុងកំពង់ឆ្នាំង ដែលមានផ្ទៃដីសម្រាប់សាងសង់ស្ថានីយប្រព្រឹត្តកម្មទឹកកខ្វក់ ទំហំ១៥ហិកតា។ ប្រព័ន្ធប្រព្រឹត្តកម្មទឹកកខ្វក់ មានសមត្ថភាពចម្រោះទឹកកខ្វក់បានចំនួន ៥ ៤០០ម៉ែត្រគូប ក្នុងមួយថ្ងៃ ហើយបានតភា្ជប់បណ្ដាញទឹកកខ្វក់តាមផ្ទះបងប្អូនប្រជាពលរដ្ឋ និងអគារការិយាល័យផ្សេងៗចំនួន ៥០០ទីតាំង និងសាងសង់បង្គន់អនាម័យដល់គ្រួសារក្រីក្រចំនួន ១ ២៩៣ទីតាំង និងបណ្ដាញលូមេ-លូរងតាមលំហូរធម្មជាតិ ដែលទាំងនេះនឹងក្លាយជាសមិទ្ធផលមួយរួមចំណែកលើកកម្ពស់សុខុមាលភាព និងអនាម័យបរិស្ថានសម្រាប់បងប្អូនប្រជាពលរដ្ឋរស់នៅក្នុងក្រុងកំពង់ឆ្នាំង។

ខ្ញុំសូមថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាល តាមរយៈក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការ និងដឹកជញ្ជូន ធនាគារអភិវឌ្ឍន៍អាស៊ី និងភាគីពាក់ព័ន្ធទាំងអស់ ដែលបានផ្ដល់នូវគម្រោងដ៏មានសារៈសំខាន់នេះដល់ខេត្តកំពង់ឆ្នាំង ក៏ដូចជាគម្រោងអភិវឌ្ឍន៍ជាច្រើនផ្សេងទៀត ដើម្បីបម្រើដល់ការអភិវឌ្ឍសង្គម-សេដ្ឋកិច្ច លើកកម្ពស់សុខុមាលភាព និងជីវភាពរស់នៅរបស់ប្រជាពលរដ្ឋ។
❤11🥰1