ស៊ុន សុវណ្ណារិទ្ធិ - Sun Sovannarith
5.61K subscribers
17.2K photos
252 videos
33 files
1.76K links
អភិបាលនៃគណៈអភិបាលខេត្តកំពង់ឆ្នាំង
Download Telegram
ថ្ងៃទី២០ ខែធ្នូ ឆ្នាំ២០២៥ ខ្ញុំ និងឯកឧត្ដម ស៊ីវ រុន ប្រធានក្រុមប្រឹក្សាខេត្ត បានអមដំណើរឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្ត អញ្ជើញចុះជួបសំណេះសំណាល និងនាំយកអំណោយមានគ្រឿងបរិភោគ និងថវិកាមួយចំនួន ឧបត្ថម្ភជូនគ្រួសារវីរកងទ័ព គ្រួសារភៀសសឹក និងគ្រួសារងាយរងគ្រោះ នៅឃុំគោកបន្ទាយ ស្រុករលាប្អៀរ។

ក្នុងឱកាសនោះ ឯកឧត្ដមបណ្ឌិតសភាចារ្យ បានឧបត្ថម្ភឯកសណ្ឋានប្រជាការពារចំនួន ១០០កំប្លេ ដល់កម្លាំងប្រជាការពារផងដែរ។

បន្តមក ឯកឧត្ដមបណ្ឌិតសភាចារ្យ និងក្រុមការងារ បានចូលរួមដាល់អំបុកស្រូវថ្មី ជូនវីរកងទ័ព វីរនគរបាលជាតិ ដែលកំពុងឈរជើងបំពេញបេសកកម្មយ៉ាងអង់អាចក្លាហាន ការពារដែនអធិបតេយ្យភាព និងបូរណភាពទឹកដីរបស់កម្ពុជា នៅសមរភូមិមុខ។
🥰9❤4
ក្រុមការងាររដ្ឋបាលខេត្តកំពង់ឆ្នាំង បានចាត់ចែងនាំយកអំណោយរបស់ព្រះសង្ឃ មន្ត្រីរាជការ ប្រជាពលរដ្ឋ និងសប្បុរសជននានា ប្រគល់ជូនបងប្អូនភៀសសឹកនៅខេត្តជាប់ព្រំដែន។

សូមគោរពថ្លែងអំណរគុណចំពោះទឹកចិត្តដ៏ថ្លៃថ្លារបស់សប្បុរសជនជិតឆ្ងាយទាំងអស់🙏🙏
🙏10❤5
ខ្ញុំ និងភរិយា ព្រមទាំងក្រុមគ្រួសារ រួមជាមួយលោកជំទាវ កែ ច័ន្ទមុនី តំណាងរាស្ត្រមណ្ឌលកំពង់ឆ្នាំង ឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្ដម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត អភិបាលក្រុង ស្រុក និងប្រធានមន្ទីរពាក់ព័ន្ធ បានចុះសួរសុខទុក្ខក្មួយៗនៅមណ្ឌលកុមារកំព្រាខេត្ត ១៣នាក់ ក្មួយៗកុមារភៀសសឹកនៅមណ្ឌលថែទាំកុមារអភិវឌ្ឍន៍ថ្មី ៦៥នាក់ ព្រមទាំងសួរសុខទុក្ខគ្រួសារវីរកងទ័ពជួរមុខ គ្រួសារភៀសសឹក ៥៩គ្រួសារ នៅឃុំស្រែថ្មី ស្រុករលាប្អៀរ និងបាននាំយកសម្ភារៈសិក្សា គ្រឿងឧបភោគ ថវិកា និងរៀបចំម្ហូបអាហារជូនទៅដល់កុមារភៀសសឹក កុមារកំព្រា និងគ្រួសារវីរកងទ័ពជួរមុខ និងបងប្អូនភៀសសឹកផងដែរ។

ថ្ងៃទី២១ ធ្នូ ២០២៥
❤10🙏4