ស៊ុន សុវណ្ណារិទ្ធិ - Sun Sovannarith
5.62K subscribers
17.2K photos
252 videos
33 files
1.76K links
អភិបាលនៃគណៈអភិបាលខេត្តកំពង់ឆ្នាំង
Download Telegram
កិច្ចប្រជុំស្ដីពីការផ្សព្វផ្សាយសេចក្ដីសម្រេចផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ សម្រាប់ខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ អ៊ុក រ៉ាប៊ុន សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានក្រុមការងារគណបក្សចុះចូលដ្ឋានខេត្តកំពង់ឆ្នាំង និង សម្ដេចមហាមន្ដ្រី គុយ សុផល សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាអនុប្រធានក្រុមការងារគណបក្សចុះចូលដ្ឋានខេត្តកំពង់ឆ្នាំង។

កិច្ចប្រជុំមានការអញ្ជើញចូលរួមពីឯកឧត្តម ឆាយ ឫទ្ធិសែន សមាជិកគណៈកម្មាធិការកណ្តាល និងជាអនុប្រធានក្រុមការងារគណបក្សចុះមូលដ្ឋានខេត្ត ឯកឧត្តម លោកជំទាវ សមាជិកព្រឹទ្ធសភា រដ្ឋសភា ឯកឧត្តម លោកជំទាវប្រធានក្រុមការងារគណបក្សចុះមូលដ្ឋានក្រុង ស្រុក សមាជិកគណៈអចិន្ដ្រៃយ៍គណៈកម្មាធិការគណបក្សខេត្ត និងប្រធាន អនុប្រធានគណៈកម្មាធិការគណបក្សក្រុង ស្រុក។
❤15🙏4
ថ្ងៃទី៩ ខែឧសភា ឆ្នាំ២០២៦ ខ្ញុំបាទ និងឯកឧត្ដម ស៊ីវ រុន ប្រធានក្រុមប្រឹក្សាខេត្ត អភិបាលរងខេត្ត និងក្រុមការងារ បានអមដំណើរសម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង អញ្ជើញសំណេះសំណាល និងសួរសុខទុក្ខក្រុមគ្រួសារវីរកងទ័ព វីរនគរបាល ដែលកំពុងឈរជើងការពារទឹកដីនៅសមរភូមិមុខ ចំនួន ១៥៣គ្រួសារ ក្នុងបណ្ដាឃុំ នៃស្រុកបរិបូណ៌។

សម្ដេចមហាមន្ត្រី ឧបនាយករដ្ឋមន្ត្រី បានពាំនាំប្រសាសន៍សាកសួរសុខទុក្ខពីប្រមុខថ្នាក់ដឹកនាំ ដែលជានិច្ចកាលតែងយកចិត្តទុកដាក់ចំពោះសុខទុក្ខរបស់ក្រុមគ្រួសារវីរកងទ័ព វីរនគរបាលជួរមុខ ដែលបានលះបង់គ្រប់បែបយ៉ាង ក្នុងបុព្វហេតុការពារបូរណភាពទឹកដីពីសត្រូវឈ្លានពាន។

ក្នុងឱកាសនោះដែរ សម្ដេចមហាមន្ត្រីបានឧបត្ថម្ភអំណោយជូនក្រុមគ្រួសារវីរកងទ័ព វីរនគរបាលទាំង ១៥៣គ្រួសារ ដោយក្នុងមួយគ្រួសារទទួលបាន អង្ករ ៥០គីឡូក្រាម មី១កេស ទឹកត្រី ទឹកស៊ីអ៊ីវ និងថវិកាចំនួន ២០ម៉ឺនរៀល។
❤19