ចុះពិនិត្យស្ថានភាពទូទៅនៅតាមមណ្ឌលប្រឡងសញ្ញាបត្រមធ្យមសិក្សាទុតិយភូមិ។

ជូនពរក្មួយៗប្រឡងទទួលបានជោគជ័យគ្រប់ៗគ្នា។ សូមក្មួយៗថែរក្សាសុខភាព ទទួលទានអាហារ សម្រាកឲ្យបានគ្រប់គ្រាន់ ហើយសូមត្រៀមឆ័ត្រ អាវភ្លៀង និងសូមសុខសុវត្ថិភាពក្នុងការធ្វើដំណើរ​ទៅ​មណ្ឌល​ប្រឡង​។

ខ្ញុំ រួមជាមួយលោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង ឯកឧត្ដម ស៊ីវ រុន ប្រធានក្រុមប្រឹក្សាខេត្ត អភិបាលរងខេត្ត បានចូលរួមជាមួយឯកឧត្ដម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគទូទាំងប្រទេសប្រចាំខេត្តកំពង់ឆ្នាំង និងឯកឧត្ដម អ៊ូ វិសាល ប្រធានដឹកនាំការងារសង្កេតការណ៍ អង្គភាពប្រឆាំងអំពើពុករលួយប្រចាំខេត្តកំពង់ឆ្នាំង បើកស្រោមវិញ្ញាសាប្រឡង​សញ្ញាបត្រមធ្យមសិក្សាទុតិយភូមិ នៅមណ្ឌលប្រឡងសាលាបឋមសិក្សាគំរូក្រុង។

ខេត្តកំពង់ឆ្នាំង មានបេក្ខជនប្រឡងសរុបចំនួន ៥ ០៥៣នាក់ ស្រី ២ ៩៧០នាក់ ចែកចេញជា ៨ មណ្ឌលប្រឡង ស្មើនឹង ២០៣បន្ទប់។

ថ្ងៃទី១០ សីហា ២០២៦