កាលពីព្រឹកថ្ងៃអង្គារ ទី១១ ខែសីហា ឆ្នាំ២០២៦ សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ឧត្តមប្រឹក្សាផ្ទាល់​ព្រះមហាក្សត្រ​ បានអញ្ជើញដង្ហែ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់ជាទីបំផុត ស្តេចយាងជាព្រះរាជាធិបតីដ៏ខ្ពង់ខ្ពស់ ក្នុងព្រះរាជពិធី សម្ពោធជានិមិត្តរូបតាមរូបភាពមាន អគារសិក្សា ផ្លូវលំ ស្រះទឹក និងអណ្តូងទឹក នៅខេត្តកំពង់ឆ្នាំង ខេត្តបន្ទាយមានជ័យ ខេត្តកែប ខេត្តកំពត និងខេត្តកំពង់ស្ពឺ នៅក្នុងព្រះបរមរាជវាំង។

ខ្ញុំរួមជាមួយឯកឧត្ដម ស៊ីវ រុន ប្រធានក្រុមប្រឹក្សាខេត្ត និងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ បានចូលរួមគោរពវិញ្ញាណក្ខន្ធលោកវរសេនីយ៍ទោ ភោគ ផល្លា មេបញ្ជាការកងអនុសេនាតូច នៃបញ្ជាការដ្ឋានកងអង្គរក្សប្រចាំការជួរមុខ ទិសទី១ប្រា​សា​​ទព្រះវិហារ បានទទួលមរណភាពកាលពីថ្ងៃទី១២ ខែសីហា ឆ្នាំ២០២៦ ក្នុងជន្មាយុ ៤៥ឆ្នាំ​។

មរណភាពរបស់លោកវរសេនីយ៍ទោ គឺជាការបាត់បង់កុលបុត្រស្នេហាជាតិ ជាទីគោរពស្រឡាញ់ដ៏ជ្រាលជ្រៅ​​បំផុត ប្រកបដោយគុណធម៌ សីលធម៌ មេត្តាធម៌ និងការយោគយល់អធ្យាស្រ័យ ដោយកន្លងមកលោកតែងតែចំណាយកម្លាំងកាយចិត្ត ប្រាជ្ញាស្មា​រតីចូលរួមយ៉ាងសកម្មក្នុងបុព្វហេតុការពារអធិបតេយ្យភាព បូរណភាពទឹកដីយ៉ាងអង់អាចក្លាហាន បម្រើឧត្តមប្រយោជន៍ជាតិមាតុភូមិ និងប្រជាជន និងទទួលបាននូវការគោរពស្រឡាញ់ពីបងប្អូនប្រជាពលរដ្ឋនៅគ្រប់មជ្ឈដ្ឋាន។

យើងខ្ញុំសូមចូលរួមរំលែកនូវមរណទុក្ខជាមួយក្រុមគ្រួសារនៃសព ដោយសេចក្ដីសង្វេគ​​ជាទីបំ​​ផុ​​ត​ និងសូមឧទ្ទិសបួងសួងសុំឱ្យវិញ្ញាណក្ខន្ធរបស់ លោកវេសេនីយ៍ទោ ភោគ ផល្លា បានទៅកាន់ឋានបរមសុខក្នុងសុគតិភព​​កុំបីឃ្លៀងឃ្លាតឡើយ​។