ខ្ញុំ រួមជាមួយឯកឧត្ដម ស៊ីវ រុន ប្រធានក្រុមប្រឹក្សាខេត្ត បានចូលរួមសិក្ខាសាលាផ្សព្វផ្សាយស្តីពីសមិទ្ធផលធម្មនុញ្ញសម្រេចបានក្នុងរយៈពេល៣០ឆ្នាំ ក្រោមអធិបតីភាពឯកឧត្តម ហុី សោភា ប្រធានក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា និងមានការអញ្ជើញចូលរួមពីថ្នាក់ដឹកនាំក្រុមប្រឹក្សាធម្មនុញ្ញ ឯកឧត្ដមប្រធានសាលាដំបូងខេត្ត ឯកឧត្ដមព្រះរាជអាជ្ញាអមសាលាដំបូងខេត្ត សមាជិកក្រុមប្រឹក្សាខេត្ត ថ្នាក់ដឹកនាំ មន្រ្តីរាជការ លោកគ្រូ អ្នកគ្រូ យុវជន សិស្សានុសិស្សប្រមាណជាង៤០០នាក់។

គោលបំណងនៃសិក្ខាសាលាគឺដើម្បីផ្សព្វផ្សាយដល់មន្ត្រីរាជការ អាជ្ញាធរមូលដ្ឋាន យុវជន សិស្ស និស្សិត និងប្រជាពលរដ្ឋ បានស្វែងយល់កាន់តែច្បាស់អំពីតម្លៃ គោលការណ៍គ្រឹះ និងខ្លឹមសារនៃរដ្ឋធម្មនុញ្ញ ដើម្បីឱ្យសាធារណជនបានជ្រួតជ្រាបពីតួនាទី និងសារៈសំខាន់របស់ក្រុមប្រឹក្សាធម្មនុញ្ញ នៅក្នុងប្រព័ន្ធនីតិរដ្ឋរបស់កម្ពុជា បញ្ជ្រាបពីការយល់ដឹងអំពីរដ្ឋធម្មនុញ្ញ និងជួយលើកកម្ពស់ស្មារតីគោរពច្បាប់ ការគោរពសិទ្ធិ និងសេរីភាពរបស់អ្នកដទៃ ការបំពេញកាតព្វកិច្ចរបស់ពលរដ្ឋ និងការចូលរួមក្នុងការកសាងសង្គមមួយដែលប្រកបដោយសន្តិភាព សណ្តាប់ធ្នាប់ យុត្តិធម៌ និងការគោរពនីតិរដ្ឋ។

ថ្ងៃទី២៦ សីហា ២០២៦

កក្រក ៖ នាព្រឹកថ្ងៃទី២៧ ខែសីហា ឆ្នាំ២០២៦ សាខាកាកបាទក្រហមកម្ពុជា ខេត្តកំពង់ឆ្នាំង បានរៀបចំសន្និបាតសាខា អាណត្តិទី៦ ក្រោមអធិបតីភាពលោកជំទាវ ពុំ ចន្ទីនី អគ្គលេខាធិការ តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងមានការនិមន្តពីព្រះធម្មវនវាសីបណ្ឌិត ចន្ទមុនី ព្រះបាឡាត់គណខេត្តកំពង់ឆ្នាំងស្តីទី និងការចូលរួមពីគណ:កិត្តយសសាខា សមាជិក-សមាជិកាពេញសិទ្ធិ នៃគណៈកម្មាធិការអាណត្តិទី៥ សមាសភាពអាណត្តិទី៦ មន្ត្រីនៅមន្ទីរអង្គភាពជុំវិញខេត្ត មន្ត្រីអនុសាខា ទាំង៨ ក្រុង-ស្រុក និងមន្ត្រីបច្ចេកទេសទីស្នាក់ការកណ្តាល ក្រុមប្រតិបត្តិសាខា យុវជន និងអ្នកស្ម័គ្រចិត្តកាកបាទក្រហមកម្ពុជា សរុប ២៤០នាក់។

ក្នុងដំណើរការអង្គសន្និបាត បានដំណើរបោះឆ្នោតជ្រើសរើសសមាសភាពគណៈកម្មាធិការសាខា អាណត្តិទី៦ ជាកញ្ចប់ និងសម្ងាត់។ ជាលទ្ធផលអង្គសន្និបាតបានគាំទ្រសមាសភាពទាំង១៥រូប របស់គណ:កម្មាធិការ សាខាអាណតិ្តទី៦។

លោកជំទាវ អគ្គលេខាធិការ បានប្រគល់សេចក្តីសម្រេច និងតែងតាំងប្រធាននិងអនុប្រធានកិត្តិយសសាខាកាកបាទក្រហមកម្ពុជា ខេត្តកំពង់ឆ្នាំង សរុបចំនួន២២នាក់។