ដឹកនាំក្រុមការងារចូលរួមកិច្ចប្រជុំពិភាក្សាលើករណីសំណើសុំជួយអន្តរាគមន៍លើការអនុវត្តគម្រោងនៅមុខក្រុមហ៊ុន ហឹរ៉ាយហ្សិន អៅដរ (ខេមបូឌា) នៅស្រុកកំពង់ត្រឡាច ក្រោមអធិបតីភាពឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ។

ថ្ងៃទី២៦ តុលា ២០២៦

ចូលរួមពិធីជួបសំណេះសំណាលជាមួយសិស្សនិទ្ទេស A សម្រាប់ការប្រឡងសញ្ញាបត្រមធ្យមសិក្សាទុតិយភូមិ និងការប្រឡងសញ្ញាបត្របច្ចេកទេស និងវិជ្ជាជីវៈកម្រិត៣ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

ទូលព្រះបង្គំសូមព្រះបរមរាជានុញ្ញាតក្រាបបង្គំថ្វាយព្រះរាជសព្ទសាធុការពរ ព្រះករុណាព្រះបាទសម្តេចបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសដ៏មហានក្ខត្តឫក្សវិសេសវិសាល នៃព្រះរាជពិធីបុណ្យខួបលើកទី២២ ការយាងគ្រងព្រះបរមសិរីរាជសម្បត្តិ នាថ្ងៃទី២៩ ខែតុលា ឆ្នាំ២០២៦

ព្រឹកថ្ងៃទី២៩ ខែតុលា ឆ្នាំ២០២៦ ខ្ញុំបានចុះជួបសំណេះសំណាលជាមួយសមាជិកគណបក្ស និងចូលរួមពិធីបោះឆ្នោតស្ទាបស្ទង់ជ្រើសរើសបេក្ខជនក្រុមប្រឹក្សាឃុំច្រណូក ស្រុកកំពង់លែង សម្រាប់ត្រៀមចូលរួមឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧។

ពិធីមានការចូលរួមពីក្រុមការងារថ្នាក់ខេត្ត ថ្នាក់ស្រុក គណៈកម្មាធិការគណបក្សឃុំ ប្រធាន អនុប្រធានក្រុមបក្ស សាខាចំណុះគណៈកម្មាធិការគណបក្សឃុំច្រណូក។