ស៊ុន សុវណ្ណារិទ្ធិ - Sun Sovannarith
5.6K subscribers
17.2K photos
252 videos
33 files
1.76K links
អភិបាលនៃគណៈអភិបាលខេត្តកំពង់ឆ្នាំង
Download Telegram
ព្រឹកថ្ងៃទី១៧ ខែមេសា ឆ្នាំ២០២៥ ខ្ញុំបាទ រួមជាមួយឯកឧត្ដម ស៊ីវ រុន ប្រធានក្រុមប្រឹក្សាខេត្ត និងក្រុមការងារ បានចុះសួរសុខទុក្ខ និងនាំយកថវិកាឧបត្ថម្ភជូនក្រុមអ្នកបើកបររថយន្តក្រុងដឹកជញ្ជូនប្រជាពលរដ្ឋ កម្មករ កម្មការិនីដោយឥតគិតថ្លៃពីខេត្តកំពង់ឆ្នាំង និងរាជធានីភ្នំពេញ និងបានឧបត្ថម្ភថវិកាជូនបងប្អូនប្រជាពលរដ្ឋ កម្មករ កម្មការិនីដែលធ្វើដំណើរត្រឡប់ទៅភ្នំពេញវិញ។

ឆ្លៀតក្នុងឱកាសនេះ ខ្ញុំបាទសូមគោរពថ្លែងអំណរគុណយ៉ាងជ្រាលជ្រៅជូនចំពោះសម្ដេចមហាបវរធិបតី នាយករដ្ឋមន្ត្រី ដែលបានផ្ដល់រថយន្តក្រុងដឹកជញ្ជូនបងប្អូនប្រជាពលរដ្ឋ កម្មករ កម្មការិនីដោយឥតគិតថ្លៃ ជួយសម្រួលដល់ការចំណាយជូនបងប្អូនក្នុងការធ្វើដំណើរមកលេងស្រុកកំណើត ជួបជុំបងប្អូនក្រុមគ្រួសារ ក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ។

អំណោយដែលបានឧបត្ថម្ភរួមមាន ឧបត្ថម្ភថវិកាចំនួន ២លានរៀលជូនក្រុមអ្នក​បើកបរ​រថយន្តក្រុង​ ឧបត្ថម្ភជូនបងប្អូនប្រជាពលរដ្ឋ កម្មករ កម្មការិនីអ្នកធ្វើដំណើរក្នុងម្នាក់ៗថវិកា ២ម៉ឺនរៀល និងទឹកពិសា។

បន្ទាប់មក ខ្ញុំបាទ និងឯកឧត្ដមប្រធានក្រុមប្រឹក្សា បានចុះពិនិត្យមើលការធ្វើដំណើររបស់បងប្អូនប្រជាពលរដ្ឋនៅតាមដងផ្លូវ ប្រកបដោយសុខសុវត្ថិភាព។ សូមជូនពរបងប្អូនបានសុខសប្បាយទាំងអស់គ្នា។
❤12