لام عليكم جميعا

ملاحظة مهمة وخطيرة

نعرف ان في فيديوات معينة قد تسربت بطريقة او بأخرى وفي ناس عالتيليقرام في قروبات خاصة وتعطي في ايميلات لبعض بنفس اليوزر باش ياخذوا كورسات خاصة بيا ..... لازم نوضح شي ومن كل قلبي انا نرحب باي حد ماعنداش قدرة للدفع يتواصل معاي عالخاص وانا مانقصر معاه ومش كلام بل فعل ......

الاهم من هذا لازم تعرفوا باني والله وتالله مش مسامح اي حد يسرب او ياخذ حاجة مسربة ليا بدون اذني ولا مسامح حد يستخدم التيليقرام بالتلاعب ....

ومن كل قلبي الله لاتربح من يتلاعب ويسرق الجهد سواء قليل او كثير ومش حيربح لا دنيا ولا آخرة وانا خصيمه يوم الدين والله على ما أقول شهيد

ونعاود اي حد مستحق بجد انا ولا غيري مش حنقصروا معاه لكن تسرق علم والاه ماحتربح

راهو اللي تسرقوا فيه جهد سنين شفنا فيه الويل من سهر وتجهيز مناهج وترتيب افكار وحرمان من لذة الحياة ومن السفر ومن العيلة والصغار راهو جهد لايقدر بثمن رغم ان بخس لدى البعض لانه مش عارف المجهود فقط لقي كل شي جاهز من العدم وبنوا عليه نكلم فيكم منهجي من أكثر من 20 سنة وانا نلقط في معلومات ونزيد ونعدل ونحدث ونعاود من العدم يعني ماكانش في منهج قبل لاني اول من بدي في الكورسات

بالفصيح والواضح والدغري الله لاتربح ولا تسامح اي حد ياخذ اي شي مسروق مني

كيف تراجع الجراحة في 7 أيام مع المبدع الدكتور خالد ميلاد ⏳

تقدر توا تستفيد من التخفيض في عرض كلينيك + مراجعة مع حل أسئلة الجراحة
🔗للاشترك في الباقة:‏ https://bit.ly/3CuXFqK

أو تقدر تشترك في كورس مراجعة مع حل أسئلة الجراحة فقط
🔗للاشترك في الكورس: https://bit.ly/3Fk5qjE


▶ كروت الاشتراك متوفرة في مصور الواضح وكل نقاط توزيع الكروت.
•لمعرفة أقرب موزع ليك اضغط على الرابط التالي:‏https://bit.ly/482JGFZ

▶ لأي استفسار:
📩 تواصلوا معنا عبر رسائل الصفحة.📲 أو عبر التيليجرام/ الواتساب: 0914176214

من امس لليوم اكتشفت انا خالد ميلاد حاجات غريبة جدا من قليل من الطلبة اللي ماتخافش ربي سرقة وبيع كورساتي بالرخيص وكروت ومهزلة وللأسف وصلني معلومات تودي اصحابها في داهية والحمد لله في من ياخذ الحق بعد الله ويعز عليا ان ننهي مسيرة طالب يقضي عمره في الحبس وتشهير وقصص ومش من طبعي
ولأن قد أعذر من أنذر ومن باب العلم أعلن توجهي المباشر للقضاء والمحاكم عن طريق لجنة مكافحة الجرائم الإلكترونية وانا كلي اسف لان السارق هو بعض من طلبتي اللي ماعمري قصرت معاهم ومشكلة لما يكون حاميها حراميها
بالأمس اكتشفت سرقة للفيديوات والشيتات والتسجيلات من المنصة والتيليقرام وهذا لوحده جريمة والأكبر والادهى ان طلبة واخذين الفيديوات وفاتحين بيهم كورسات عالتيليقرام ويبيعوا فيهم بثمن بخس لطلبة اخرين خاصة برا طرابلس في ثلاث مدن اكتشفتهم امس
لومي ليس فقط على من سرق بل اللوم الأكبر على من استحل اخذ تعبي من الغير دون أن يسأل عن المصدر ولوم اكبر واكبر عن من يكسب الأجر بتوزيع الفيديوات بالحرام ويحط فيهم في البوت والقنوات لغرض الأجر وهم مسروقات دون حتى ان يستأذن مني بل البعض كنت مستأمنه وحاطه أدمن في قروباتي وهو يبيع فيهم من وراي ويقولي طلبة مش قادرين يدفعوا وانا نقوله دخلهم مجاني وهو ياخذ في الفلوس في جيبه
طبعا مانبيش نحكي عن الضرر الجسدي شخصيا عامل ثلاث عمليات عالدوالي والركبة وعندي غضروف فب ظهري وكله من الوقوف.....
مانبيش نحكي عالضرر النفسي كيف تارك السهر مع الاصحاب وناجل في السفر والزرادي وكيف نفوت في العزومات والمؤتمرات داخل وبرا البلاد
مانبيش نحطي عالضرر الاجتماعي وكيف مش لاقي وقت كافي لصغاري وأهل بيتي وكيف مسيب مناسبات العيلة في بلادي وكمية السهر والتعب ....
مانبيش نحكي ان نسهر كل يوم نجمع في معلومات من النت ومن شيتات الكلية ومن الكتب خوفا ان يكون المنهج ناقص او طالب يسألني سؤال مانعرفاش ونقري فيكم وفي الجراحة وفي الماجستير والبورد ومانبيش نقصر مع حد لأني انسان نلتزم ونحب المثالية
مانبيش نحكي عالضرر المادي كيف مسيب عيادات ومصحات وعمليات دخلهم أضعاف مضاعفة بسبب التزام أدبي مع الطالب ويعلم الله في وقت غفلة كنت ناجل في سفر لغرض الدراسة وسيبت ايفاد من الدولة لتوهمي ان الدنيا حتوقف بعدي وعشم الطلبة اللي يقولولي ماتسيبناش وتسافر كنت نشوف فيها مسؤولية وعايش دور المنقذ بالرغم ان الكثير يستاهل كل هذا لكن السيئة للاسف تعم ....
نعاود ونزيد وتأكد ان مش حنسيب اي حد سبب في سرقة او تسريب لاي فيديو من المنصة او التيليقرام واي حد تواصل معاي واعتذر من امبارح الى اليوم صلح غلطه ومسح الفيديوات يشهد الله ان مسامح في حال مسحهم نهائيا او أغلق القناة لكن اللي مايبيش يمسحهم ومستمر في الحرام والزقوم والله حيلاحقه القانون والأهم والمهم ان عقاب الله سبحانه وتعالى نافذ ودعوة المظلوم مستجابة ولو بعد حين ومش مسامحه لادنيا ولا آخرة

السلام عليكم دكاترة

غدا السبت يبدأ مشوار الجراحة العامة الجزء الرابع والأخير لمدة أسبوع من 2 الى 5

غدا حيكون في امتحان تجريبي للجزء الثاني جراحة عامة كما اتفقنا من 12 ونص الى 1 ونص بمركز الايضاح

موفقين

أقيم اليوم الامتحان التجريبي للجراحة العامة الجزء الثالث بمركز الايضاح وكانت التراتيب الثلاثة الاولى على النحوا التالي

الترتيب الاول: نهى القمودي
الترتيب الثاني: مهند ابودابر
الترتيب الثالث: ريم الككلي
الثالث مكرر: هالة الكحيلي

بالتوفيق للجميع

السلام عليكم دكاترة

غدا الاثنين بمركز الايضاح تنطلق رحلة الكلنك وهي الفرصة الوحيدة قبل شهر رمضان وكذلك كورس جراحة المسالك

غدا الاثنين 19.2.2024 يبدأ الكورس

كلنك جراحة.......... من 11 الى 1 ونص

جراحة مسالك....... من 2 ونص الى 4


ملاحظة اليوم الأول والثاني والثالث الكلنك اغلبه نظري وشرح هستوري و DDحتكونوا مع بعض

التطبيق بعد ثلاثة أيام من بداية الكورس

السلام عليكم دكاترة

غدا يبدا تطبيق الكلنك بمركز الايضاح

كل يوم حيكون في قروبين الاول من 11 الى 2 والثاني من 2 الى 4 مع تطبيق على حالات
ماعدا غدا الاثنين حيكون يورولوجي ولان مافيش حالة حيكون القروبين كلكم مع بعض

حسب حضور الغد سيتم تقسيم القروبات يعني لازم تحضروا كلكم لان الموجود حينزل في الجدول

ملاحظة مهمة تطبيق كلنك الاورثو حيكون مع دكتور رامي اليعقوبي تطبيق لمدة ثلاثة ايام متواصلة

إعلان هام جدا

نظرا لأهمية شابتر ال ENT وبالذات اعتماده بنسبة ضخمة على الاناتومي ولضيق الوقت تقرر البدء في الشابتر غدا الاربعاء بمركز الايضاح مع استمرار كورس الكلنك

كلنك قروب A ........... من 10 ونص الى 1

محاضرة الاولى ENT ... من 1 الى 3

كلنك قروب B ........... من 3 الى 5 ونص

بلغوا بعضكم وبالذات الشابتر هذا حيكون كابوس لو تأجل بعد رمضان ولازم تقروه كويس لان فيه بيبر ودياقنوستك بشكل كبير

هذا شيت جديد ومرتب لل ENT
وفيه صور ومدلع == صورو النسخة هذي

السلام عليكم دكاترة

هذا قروب خاص جدا فقط لجماعة الفرصة الاستثنائية اللي امتحانهم يوم الثلاثاء القادم

حنطلع فيه لايفات باش نساعدكم في امتحانكم ونشرح اي شي ناقصكم

تاقات لبعض ولموا بعضكم


https://t.me/+dqOYfsAt7HI5MjQ0

طالب في جامعة #طرابلس وبتخش للامتحان الاستثنائي في مادة #الجراحة؟

عندنا ليك عرض #تخفيض 50% على قيمة كورس #الكلينك مع د. خالد ميلاد.

اشترك واستفيد من العرض.

اشترك الآن:
‏https://eshrah.ly/courses/1054995/

▶ لأي استفسار:
📩 تواصلوا معنا عبر رسائل الصفحة.
📲 أو عبر التيليجرام/ الواتساب: 0914176214

السلام عليكم دكاترة

كل عام وانتم بخير وصحة

هذا جدول ممتاز لشهر رمضان لطلبة الكورس العادي والمكثف تمشوا عليه ممتاز وياريت كل يوم تقرا محاضرة تتفرج عالدياقنوستك متاعها تولي مثالي وفل الفل

بعد العيد في مكثف يلم الدنيا كلها لمدة 20 يوم

السلام عليكم دكاترة

غدا الاثنين بمركز الايضاح يبدأ كورس مكثف للجراحة نلم فيه اهم المواضيع

التوقيت من 9 ونص الى 1 ونص

مدة الكورس ... 20 يوم

جدول الكورس .... تستلموه غدا

بلغوا بعضكم لان الوقت محدود جدا

موفقين

السلام عليكم

غدا الثلاثاء كورس المكثف جراحة بمركز الايضاح من 9 الى 1 ونص وحتكون المحاضرة عن

Biliary system and esophagus

طبعا زي اليوم معاها دياقنوستك

في العشية غدا حنطلع لايف نحلوا اسئلة متاع محاضرة اليوم وغدوة ان شاء الله

جميع محاضرات المكثف حتنزل في كورس المنصة المكثف كل يوم ويومه

الناس اللي عندها كوري عادي حننزل فيديوات مراجعة سريعة قمة في الإبداع تراجعوا بيها من الغد ان شاء الله


للعلم مافيش لايف عالتيليقرام الا في العشية للأسئلة

موفقين

مستمرين معاكم بعد العيد أكيد في عروض جديدة 😉.

باقة النظري كاملة للجراحة العامة والخاصة مع الدكتور خالد ميلاد على منصة ايضاح التعليمية فقط ب 490د.ل فقط! ✅.
شن تستنى فرصتك حتى تستفيد من العرض وتطمن على المادة خطوة بخطوة مع الدكتور.

________________
رابط لمستخدمي الأندرويد والأبل:
‏http://onelink.to/edah
‌‎رابط AppGallery لمستخدمي الهواوي: https://appgallery.huawei.com/app/C106562101

#منصة_إيضاح_التعليمية
‌‌‏#edah_learning_platform

مكثف الجراحة العامة وصل 😁.

طلابنا الاعزاء نعلمكم بافتتاح كورس مكثف داخل المنصة للجراحة العامة مع الدكتور خالد ميلاد، تقدروا تشتركوا في الكورس من توا مباشرة حتى تستفيدو خطوة بخطوة من كل محاضرة ✅.

شن تستنوا شوف أقرب موزع ليك وين وخود الكروت وتوكل مباشرة افتح الكورس وابدى.

________________________________________________________________________
رابط لمستخدمي الأندرويد والأبل:
‏http://onelink.to/edah
‌‎رابط AppGallery لمستخدمي الهواوي: https://appgallery.huawei.com/app/C106562101

‌‎
#منصة_إيضاح_التعليمية
‌‌‏#edah_learning_platform