#eʻtirof

Fidokorona xizmatning munosib eʼtirofi!

Soliq qoʻmitasida Oʻzbekiston Respublikasi davlat mustaqilligining 35 yilligi munosabati bilan Markaziy apparatning bir guruh xodimlarini “Oʻzbekiston Respublikasi mustaqilligining 35-yilligi” esdalik nishoni bilan taqdirlashga bagʻishlangan tantanali marosim boʻlib oʻtdi.

Unda Soliq qoʻmitasi raisi, rais oʻrinbosarlari, tarkibiy tuzilmalar rahbarlari hamda Markaziy apparatning shaxsiy tarkibi ishtirok etdi.

Tadbir avvalida qoʻmita raisi soʻzga chiqib, mamlakatimiz hayotida Mustaqillikning oʻrni va ahamiyati, keyingi 35-yil davomida yurtimizda amalga oshirilgan keng koʻlamli islohotlar hamda barcha sohalar qatori soliq tizimida ham yuz bergan tub oʻzgarishlarga alohida toʻxtaldi.

Koʻp yillik samarali mehnati, yuksak kasbiy mahorati, xizmat vazifalarini sidqidildan va vijdonan bajarib kelayotgani, shuningdek, mamlakatimiz taraqqiyoti va soliq xizmati tizimi rivojiga qoʻshgan munosib hissasi uchun bir guruh xodimlarga esdalik nishoni tantanali ravishda topshirildi.

Taqdirlanganlar orasidan soʻzga chiqqanlar bildirilgan yuksak ishonch va eʼtirof uchun minnatdorlik izhor etib, bunday mukofot ular uchun nafaqat faxr, balki kelgusidagi faoliyatga yanada katta masʼuliyat bilan yondashishga undaydigan munosib ragʻbat ekanini taʼkidladilar.

Тelegram |Facebook |Youtube| Instagram |X| Threads

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan yuksak davlat mukofotlariga sazovor boʻlgan bir guruh vatandoshlarimizni taqdirlash marosimi boʻlib oʻtdi.
—
С участием Президента Шавката Мирзиёева состоялась церемония награждения группы соотечественников, удостоенных высоких государственных наград в связи с 35-летием независимости нашей страны.

#Mirziyoyev #marosim #mustaqillik35 #taqdirlash

Prezident.uz|Facebook|Instagram|YouTube|X