#ochiq_muloqot

Surxondaryoda tadbirkorlar bilan ochiq muloqotlar davom etmoqda

Davlatimiz rahbarining joriy yilda tadbirkorlar bilan o‘tkaziladigan VI ochiq muloqotiga puxta tayyorgarlik ko‘rish, biznes vakillarining taklif hamda muammolarini o‘rganish maqsadida Surxondaryo viloyatida ochiq muloqotlar davom etmoqda.

Ana shunday uchrashuvlardan biri Qiziriq tumanida bo‘lib o‘tdi.

Unda Qiziriq tumani bilan bir qatorda Bandixon tumanida faoliyat yuritayotgan tadbirkorlar ham ishtirok etdi.

Uchrashuv avvalida Prezidentimizning «Kichik biznes sub’yektlarining o‘sishi uchun yanada qulay iqtisodiy va ma’muriy shart-sharoitlar yaratish to‘g‘risida»gi hamda «Soliq organlari faoliyatini institutsional jihatdan takomillashtirish va soliq ma’muriyatchiligida zamonaviy yondashuvlarni joriy etish chora-tadbirlari to‘g‘risida»gi farmonlarining mazmun-mohiyati haqida atroflicha ma’lumot berildi.

✅Telegram ✅facebook 📹youtube 🌐instagram

#Mahallada_obodlik

Mustaqilligimizning 35 yilligi munosabati bilan mamlakatimizda e’lon qilingan «Mahallada obodlik va mehr-saxovat oyligi» doirasida Surxondaryo viloyatining barcha hududlarida keng ko‘lamli obodonlashtirish va ko‘kalamzorlashtirish ishlari olib borilmoqda.

Viloyatning Qiziriq tumanidagi «Do‘stlik» mahallasi tuman soliq inspeksiyasi boshlig‘iga biriktirilgan bo‘lib, ayni kunlarda bu yerda obodonlashtirish ishlari jadal sur’atlarda davom etmoqda.

✅Telegram ✅facebook 📹youtube 🌐instagram

#mahalla

Davlatimiz Rahbarining 2025-yil 28-noyabrdagi “Soliqlarning yig‘iluvchanlik darajasini oshirish va faol soliq to‘lovchilarni rag‘batlantirish chora-tadbirlari to‘g‘risida”gi qaroriga muvofiq, joriy yildan boshlab mamlakatimizda «Eng yaxshi soliq to‘lovchi mahalla» nominatsiyasi joriy etildi.

Unga ko‘ra, g‘olib deb topilgan mahallalar nafaqat e’tirof etiladi, balki
2 milliard so‘m miqdorida moliyaviy rag‘batlantiriladi.
Ayni paytda Surxondaryo viloyatining Sho‘rchi tumanidagi “To‘la” va “Zarbdor” mahallalari ham mazkur yuksak nom va mukofot uchun astoydil harakat qilmoqda.

Belgilangan 5 ta muhim mezondan biri, aholining mol-mulk va yer soliqlarini o‘z vaqtida to‘lashi bo‘yicha mazkur mahallalarda yuqori ijobiy natijaga erishildi.

2026-yil uchun ushbu mahallalarda soliq to‘lamagan birorta ham xonadon qolmadi.

Mahalla fuqarolari joriy yil uchun hisoblangan soliqlarni muddatidan avval to‘liq ado etib, yuksak fuqarolik mas’uliyatini namoyon etdilar.

Ayni vaqtda bu mahallalarda qolgan mezonlar bo‘yicha ham tizimli ishlar qizg‘in davom ettirilmoqda.

✅Telegram ✅facebook 📹youtube 🌐instagram

#soliq_hisoboti

Tadbirkorlar uchun buxgalteriya xarajatlarini kamaytirish imkoniyati

✅Yangi tashkil etilgan tadbirkorlik subyektlariga ularning ixtiyoriga ko‘ra dastlabki 6 oy davomida soliq va moliyaviy hisobotlarni yuborish xizmati «Soliq-servis» AJ tomonidan bepul amalga oshiriladi.

✅Kichik biznes subyektlariga buxgalteriya hisobini yurituvchi tashkilotlar va soliq maslahatchilarini jalb qilish xarajatlarini 2 barobarga oshirgan holda chegirishga ruxsat berilgan.

Тelegram |Facebook |YouTube| Instagram |X|Threads

#налоговая_отчетность

Возможность для предпринимателей сократить расходы на бухгалтерию

✅Новые субъекты предпринимательства по своему усмотрению могут в течение первых 6 месяцев бесплатно воспользоваться услугами по отправке налоговой и финансовой отчётности, которые предоставляет АО «Soliq servis».

✅Также малому бизнесу разрешено расходы на привлечение бухгалтерских организаций и налоговых консультантов вычитать из налогооблагаемой базы в двойном размере.

Тelegram |Facebook |YouTube| Instagram |X|Threads

#soliq_oliy_maktabi

🎓 Soliq oliy maktabi — soliq tizimi uchun malakali kadrlar maskani

O‘zbekiston Respublikasi Prezidentining 2026-yil 19-maydagi PF–95-son Farmoni hamda 2026-yil 16-iyundagi PQ–227-son qaroriga asosan Soliq oliy maktabi tashkil etildi.

Mazkur oliy ta’lim muassasasi soliq tizimi uchun zamonaviy bilim, amaliy ko‘nikma va kasbiy kompetensiyalarga ega mutaxassislarni tayyorlashga ixtisoslashgan.

🔹  Oliy maktabda quyidagi yo‘nalishlarda kadrlar tayyorlanadi:
🔹 Soliqlar va soliqqa tortish
🔹 Raqamli soliq ma’murchiligi
🔹 Soliq huquqi va moliyaviy nazorat
🔹 Buxgalteriya hisobi

Bakalavriat ta’limi kamida 3 yillik dastur asosida tashkil etiladi. Ta’lim jarayonida nazariy bilimlar amaliy mashg‘ulotlar bilan uyg‘unlashtiriladi.

Eng yuqori natija qayd etgan 50 nafar abituriyent davlat granti asosida tahsil olish imkoniyatiga ega bo‘ladi.

Soliq oliy maktabida zamonaviy o‘quv kampuslari, texnik vositalar bilan jihozlangan auditoriyalar, axborot-resurs markazi, sport zali, stadion hamda qariyb 1000 o‘rinli talabalar turar joyi mavjud.

Bitiruvchilar davlat namunasidagi diplom bilan birga soliq maslahatchisi va auditor malaka sertifikatlarini olish uchun maxsus o‘quv kurslarini tamomlaganlik to‘g‘risidagi hujjatga ham ega bo‘ladilar.

Manzil: Toshkent shahri, Uchtepa tumani, Kichik halqa yo‘li, 3A-uy.

 Qo‘shimcha ma’lumot uchun: 1198

Soliq oliy maktabi — kelajak soliq tizimi mutaxassislarini tayyorlaydigan zamonaviy ta’lim maskani.

✅Telegram ✅facebook 📹youtube 🌐instagram