#QQS

QQSni qaytarish bo‘yicha muhim yangilik!

Endilikda ayrim sohalardagi tadbirkorlarga to‘langan QQSning bir qismini qaytarishda barqarorlik reytingi darajasi hisobga olinmaydi.
👉 PF-175 27.08.2026-yil

Bu umumiy ovqatlanish, turoperatorlik, mehmonxona, zargarlik, chorvachilik va parrandachilik, bolalar uchun kontent hamda tibbiy xizmatlar sohasidagi tadbirkorlarga taalluqli.

✔️ 2026-yil 7-sentabrdan reytingi “B”dan past bo‘lgani sababli avval ariza bera olmagan tadbirkorlarga ham qayta ariza topshirish imkoniyati yaratildi.

❗️Shuningdek, 2026-yil mart-aprel oylari uchun arizalar istisno tariqasida 25-sentabrgacha qabul qilinadi.

Тelegram |Facebook |YouTube| Instagram |X|Threads

#ochiq_muloqot

Surxondaryoda tadbirkorlar bilan ochiq muloqotlar oʻtkazilmoqda

Davlatimiz rahbarining tadbirkorlar bilan ochiq muloqotida belgilangan vazifalar hamda PF-175-son Farmoni mazmun-mohiyatini keng jamoatchilikka yetkazish maqsadida Surxondaryo viloyati soliq boshqarmasi tomonidan joylarda uchrashuvlar tashkil etilmoqda.

Xususan, ochiq muloqotlarda kichik tadbirkorlik subyektlari faoliyatini tekshirishga 3 yil muddatga moratoriy joriy etilgani, soliq tekshiruvlari qaysi hollarda oʻtkazilishi, kichik va oʻrta biznes uchun iqtisodiy amnistiya va boshqa yengilliklar qoʻllanilishi haqida batafsil maʼlumot berilmoqda.

Тelegram |Facebook |YouTube| Instagram |X|Threads

#sunʻiy_intellekt

AI Call-markaz: soliq toʻlovchilarni ovozli robot xabardor qiladi

Soliq qoʻmitasi soliq toʻlovchilar bilan muloqotni avtomatlashtirish va soliq qarzdorligi haqida tezkor xabar berish maqsadida AI Call-markaz xizmatini yoʻlga qoʻydi.

Tizim dastlab sinov tariqasida Jizzax viloyatining Gʻallaorol tumanida mol-mulk soligʻidan qarzdor jismoniy shaxslar oʻrtasida qoʻllanildi.

Sunʼiy intellekt asosida ishlovchi ovozli robot soliq toʻlovchilarga avtomatik qoʻngʻiroq qilib, mavjud qarzdorlik miqdori va uni toʻlash zarurati haqida maʼlumot berdi.

Sinov natijalariga koʻra, robot orqali qarzdorligi toʻgʻrisida xabardor qilingan soliq toʻlovchilarning 52 foizi soliq qarzini toʻliq toʻladi.

Erishilgan ijobiy natijalar asosida AI Call-markaz xizmatini Respublika miqyosida joriy etish belgilandi.

Endilikda tizim barcha hududlardagi qarzdor soliq toʻlovchilarni avtomatik ravishda xabardor qilishda qoʻllaniladi.

Mazkur xizmat soliq toʻlovchilarga qarzdorlikni oʻz vaqtida bartaraf etish imkonini beradi, xodimlarning ish yuklamasini kamaytiradi hamda soliq tushumlarining oshishiga xizmat qiladi.

Agar sizga 71-202-23-23 raqamidan qoʻngʻiroq qilishsa, bilingki: bu – Soliq qoʻmitasining sunʼiy intellekt asosida ishlovchi ovozli roboti.
_________
#искусственный_интеллект

AI Call-центр: налогоплательщиков информирует голосовой робот

Налоговый комитет внедряет искусственный интеллект в коммуникацию с налогоплательщиками.

В тестовом режиме AI Call-центр заработал в Галляаральском районе Джизакской области.

Голосовой робот обзвонил граждан, имеющих задолженность по налогу на имущество, сообщая сумму долга и напоминая о необходимости его погашения.

В результате 52% налогоплательщиков после звонка полностью погасили свою задолженность.

Учитывая эффективность нововведения, принято решение масштабировать AI Call-центр на все регионы страны.

Теперь голосовой робот будет автоматически уведомлять налогоплательщиков о наличии задолженности и необходимости её своевременной уплаты.

Технология позволит оперативно информировать граждан, снизить нагрузку на сотрудников налоговых органов и повысить эффективность работы с налоговой задолженностью.

Если вам позвонят с номера 71-202-23-23 – знайте: это искусственный интеллект Налогового комитета.

Тelegram|Facebook|Youtube|Instagram|X|Threads

Тelegram |Facebook |YouTube| Instagram |X|Threads

TADBIRKORLAR DIQQATIGA!

O‘zbekiston Respublikasi Prezidentining 2026-yil 27-avgustdagi PF-175-son Farmoniga asosan, kichik va o‘rta tadbirkorlik subyektlari uchun «Ikkinchi imkon» iqtisodiy amnistiyasi joriy etildi.

Unga ko‘ra, 2026-yil 31-dekabrga qadar iqtisodiy amnistiya e’lon qilinguniga qadar yuzaga kelgan asosiy soliq qarzi to‘liq to‘langan taqdirda, ushbu qarzdorlik bo‘yicha hisoblangan penya hisobdan chiqariladi.

Agar 2026-yil 31-dekabrga qadar asosiy soliq qarzi to‘liq to‘lanmasa, penya hisobdan chiqarilmaydi.

Bu borada tadbirkorlarda tushunmovchiliklar bo‘lsa  Surxondaryo viloyati soliq boshqarmasining ☎️ Ishonch telefoni: (76) 228-03-38  raqami orqali murojaat qilishlari mumkin.

Telegram facebook youtube instagram

#imtiyoz

Nukus shahrida Prezident Sh.Mirziyoyev raisligida Qoraqalpog‘istonni ijtimoiy-iqtisodiy rivojlantirish masalalariga bag‘ishlangan yig‘ilish bo‘lib o‘tmoqda.

So‘nggi yillarda hudud uchun katta mablag‘, imtiyoz va sharoitlar yaratilganini ta'kidlandi.

Foyda, yer va mol-mulk soliqlari 2 karra, sanoat uchun elektr tarifi 15 foizga pasaytirildi, ijtimoiy soliq 1 foiz etib belgilandi.

O‘tgan yili Qoraqalpog‘istonga 1 milliard 700 million dollar investitsiya kiritildi. Bu 2021-yildagidan 22 karra ko‘p.

Joriy yilning birinchi yarmida Qoraqalpog‘iston iqtisodiyoti 10,2 foiz o‘sib, hudud Toshkent shahridan keyingi ikkinchi o‘rinni egalladi.

👉 Batafsil

Тelegram|Facebook|Youtube|Instagram|X|Threads

#raqamli_platforma

Raqamli platformalar orqali savdo qilganda soliqni kim to‘laydi?

Agar YTT yoki o‘zini o‘zi band qilgan shaxs tovar yoki xizmatlarini to‘lov tashkilotining raqamli platformasi orqali sotsa, belgilangan hollarda soliqni uning o‘zi emas, to‘lov tashkiloti soliq agenti sifatida hisoblab, ushlab qoladi va budjetga o‘tkazadi.
👉 Soliq kodeksi 465-modda

✔️ Jarayon juda oddiy:
Xaridor to‘lov qiladi. To‘lov tashkiloti soliqni hisoblab, ushlab qoladi va budjetga o‘tkazadi. Qolgan mablag‘ esa sotuvchiga o‘tkazib beriladi.

Mazkur tartib soliq agenti orqali BHMning 12 ming baravarigacha bo‘lgan daromadlarga nisbatan qo‘llaniladi.

❗️Eslatib o‘tamiz, YTT va o‘zini o‘zi band qilgan shaxslar uchun aylanmadan olinadigan soliq stavkasi 1 foizni tashkil etadi.
👉 Soliq kodeksi 467-modda

Тelegram |Facebook |YouTube| Instagram |X|Threads

#imtiyoz

Nukus shahrida Prezident Sh.Mirziyoyev raisligida Qoraqalpog‘istonni ijtimoiy-iqtisodiy rivojlantirish masalalariga bag‘ishlangan yig‘ilish bo‘lib o‘tmoqda.

So‘nggi yillarda hudud uchun katta mablag‘, imtiyoz va sharoitlar yaratilganini ta'kidlandi.

Foyda, yer va mol-mulk soliqlari 2 karra, sanoat uchun elektr tarifi 15 foizga pasaytirildi, ijtimoiy soliq 1 foiz etib belgilandi.

O‘tgan yili Qoraqalpog‘istonga 1 milliard 700 million dollar investitsiya kiritildi. Bu 2021-yildagidan 22 karra ko‘p.

Joriy yilning birinchi yarmida Qoraqalpog‘iston iqtisodiyoti 10,2 foiz o‘sib, hudud Toshkent shahridan keyingi ikkinchi o‘rinni egalladi.

👉 Batafsil

Тelegram|Facebook|Youtube|Instagram|X|Threads

So‘nggi yillarda Qoraqalpog‘istonda 860 megavattli yangi energetika quvvatlari ishga tushirildi. Beruniy va Qorao‘zakda shamol stansiyalarining qurilishi hisobiga “yashil” energiya ulushi 23 foizga yetdi. Elektr ishlab chiqarish 4 karra oshib, 5 milliard 330 million kilovatt-soatni tashkil etdi. Bu aholi va korxonalarning yillik talabidan qariyb 3 barobar ko‘p.

Kecha 7 milliard dollarlik 47 ta yangi loyiha qurilishiga start berildi. Jumladan, Qo‘ng‘irotda 2 milliard 600 million dollarlik, quvvati 1,5 ming megavattli shamol stansiyasini qurish boshlandi. Loyiha doirasida 1,5 ming kilometr yuqori kuchlanishli tarmoq va 500 kilovoltli 3 ta podstansiya barpo etiladi.

2030-yilgacha jami quvvati 3 ming 300 megavattli shamol stansiyalari ishga tushirilib, “yashil” energiya ulushi 76 foizga yetkaziladi, 400 megavattli energiya saqlash quvvati yaratiladi.

Qoraqalpog‘iston “yashil” energiya ishlab chiqarish bo‘yicha mintaqaning eng yirik markazlaridan biriga aylanadi.

Facebook|Instagram|X

Qoraqalpog‘istonning har bir tumanida aholi turmush sharoitini yaxshilashga xizmat qiladigan loyihalar amalga oshirilayotgani ta’kidlandi.

Bo‘zatovda zamonaviy sanatoriy, Nukusda onkologiya va radiologiya markazi, Qo‘ng‘irotda bolalar shifoxonasi va tug‘uruqxona ishga tushirildi. Amudaryo va To‘rtko‘lda har biri 2 ming o‘rinli amfiteatr, Nukus shahrida gimnastika markazi va Konservatoriya filiali foydalanishga topshirildi.

Osiyo taraqqiyot banki bilan 384 million dollar hisobiga A-380 magistral yo‘lining Qo‘ng‘irotdan o‘tgan 240 kilometri to‘liq beton qoplamaga o‘tkazildi. Kecha yo‘lning To‘rtko‘l, Ellikqal’a va Beruniydan o‘tgan yana 92 kilometrini qurish boshlandi. Mazkur loyihaning qiymati 233 million dollar.

Natijada tranzit 1,5 karra oshadi. To‘rtko‘lga kirgan yuklar Qozog‘iston chegarasiga bir sutka o‘rniga 10 soatda yetib boradi.

Kelasi yil mart oyidan Toshkent – Nukus tezyurar poyezdi qatnovi yo‘lga qo‘yilib, safar vaqti 16 soatdan 7 soatga qisqaradi.

“Tuyamo‘yin” suv tozalash inshootini rekonstruksiya qilish va Qo‘ng‘irotdan Mo‘ynoqqa 100 kilometr ichimlik suv tarmog‘ini tortish boshlanadi.

Facebook|Instagram|X

Prezidentimiz Qoraqalpog‘istonda yer, qazilma boyliklar, quyosh va shamol energiyasi, katta yaylovlar mavjudligini qayd etdi.

Ana shu imkoniyatlar asosida “resursdan tayyor mahsulotgacha” bo‘lgan zanjirni qamrab oladigan yangi sanoat va investitsiya xaritasi yaratiladi.

“Qo‘ng‘irot – Qorao‘zak – Taxiatosh” yo‘nalishi Qoraqalpog‘istonning “yashil sanoat yo‘lagi” – “intellektual iqtisodiyot uchburchagi”ga aylanadi.

Sun’iy intellekt va data markaz loyihalari uchun tashkil etilgan maxsus zonada 8 milliard dollarlik 6 ta loyiha amalga oshiriladi.

Mutasaddilarga 1-oktabrgacha besh yillik dastur ishlab chiqib, investorlar uchun 1 gigavatt quvvatli barqaror elektr ta’minotini yo‘lga qo‘yish topshirildi.

Uch yilda Nukus shahri, Qo‘ng‘irot, Qorao‘zak va Taxiatoshda 1,5 ming yuqori daromadli ish o‘rni yaratish, bulutli texnologiyalar va sun’iy intellekt sohasida yillik eksportni 600 million dollarga yetkazish vazifasi belgilandi.

Facebook|Instagram|X

Iqlim o‘zgarishi sharoitida havoga chiqariladigan issiqxona gazlarini kamaytirish dolzarb masala ekani ta’kidlandi.

“Yashil” energiyani “karbon kredit”ga aylantirish Qoraqalpog‘istonga yiliga kamida 50-100 million dollar daromad olib kelishi mumkin.

Mutasaddilarga bir oyda “karbon kredit” mexanizmini Qoraqalpog‘istonda yo‘lga qo‘yish, Yaponiya, Koreya, AQSh, Kanada, Buyuk Britaniya va Avstraliya kabi yirik importyor davlatlar bilan muzokaralar o‘tkazish topshirildi.

“Karbon kredit” eksportidan tushadigan mablag‘lar infratuzilma uchun ajratilayotgan mablag‘larga qo‘shimcha bo‘ladi va Qoraqalpog‘istonning o‘zida qoladi.

Yirik xorijiy kompaniyalar “o‘rmon karbon krediti” tizimi orqali ekologik vaziyati og‘ir hududlarda daraxt ekishni moliyalashtirish bo‘yicha takliflar bildirmoqda.

Yil yakunigacha Orolning 50 ming gektar maydonida “o‘rmon karbon krediti” dasturini boshlash vazifasi qo‘yildi.

Facebook|Instagram|X

Qoraqalpog‘iston hududining atigi 20 foizida geologiya ishlari o‘tkazilgan. Yirik investorlar kelayotgan bir paytda xomashyo zaxiralari bo‘yicha ma’lumotlar yetarli emasligi ko‘rsatib o‘tildi.

Xitoylik investor Qorao‘zakdagi “Urusoy” koniga 33 million dollar sarmoya va texnologiya olib kirib, 200 gektarda 4 tonna oltin zaxirasini aniqlagan. Bu yerda 320 ta ish o‘rni yaratilgan.

Bir oyda investorlar ko‘targan masalalarni hal qilib, 1 ming ish o‘rniga ega oltin qazib olish va qayta ishlash klasterini tashkil etish, kompleks geologiya-qidiruv dasturini ishlab chiqib, konlar zaxiralarini qayta baholash topshirildi.

Qo‘ng‘irotdagi “Borsa kelmas” konidan har yili 1 million tonna texnik tuz qayta ishlanmasdan sotilmoqda. Bo‘zatovdagi “Kuskanatau” konida mirabilitni qayta ishlab, yiliga 45 ming tonna natriy sulfat, astraxanitdan esa magniy sulfat olish mumkin.

Germaniya kompaniyasi Beruniydagi kvarsit koniga 30 million dollar kiritib, kristall kremniy ishlab chiqarish va yiliga 25 million dollarlik eksportni yo‘lga qo‘yishni rejalashtirgan. Jahon bozorida bir tonna kristall kremniy 5,5 ming dollar turadi.

Kimyo sanoati mutasaddilariga dastlabki 400 million dollarlik rejaga qo‘shimcha 200 million dollarlik loyihalarni amalga oshirish va 5 ming ish o‘rni yaratish vazifasi qo‘yildi.

Facebook|Instagram|X

Tarmoq rahbarlariga Qoraqalpog‘istonda “xomashyo – tayyor mahsulot – eksport” zanjiri asosida loyihalar, ish o‘rinlari va qo‘shilgan qiymat bo‘yicha aniq rejalar belgilash topshirildi.

Amudaryo, Beruniy, Taxtako‘pir, Kegeyli va To‘rtko‘lda to‘qimachilik hamda charm sanoatida kamida 150 million dollarlik loyihalar amalga oshiriladi.

Nukus shahri, Nukus tumani va Qorao‘zakda elektrotexnika sanoatida 200 million dollarlik, Qorao‘zak, Bo‘zatov va Beruniyda energiya tejamkor qurilish materiallari bo‘yicha 100 million dollarlik loyihalar tashkil etiladi.

Nukus shahrida avtomobil ehtiyot qismlari ishlab chiqarish bo‘yicha 120 million dollarlik, Nukus shahri, Qonliko‘l, Kegeyli, Chimboy va Bo‘zatovda farmatsevtika sohasida 50 million dollarlik loyihalar yo‘lga qo‘yiladi.

Italiyaning “Bonifika Ferrarizi” kompaniyasi bilan Taxtako‘pirda 50 million dollarlik loyiha boshlanmoqda. 2 ming gektarda Italiya texnologiyasi asosida pomidor va g‘alla yetishtirilib, chuqur qayta ishlanadi hamda Yevropaga eksport qilinadi.

15-oktabrgacha har bir tuman bo‘yicha “road show”lar o‘tkaziladi. Viloyat hokimlari o‘z investorlarini jalb qilib, 2-3 ming yuqori daromadli ish o‘rni yaratadigan loyihalarni boshlaydi.

Umuman, kelasi yil Qoraqalpog‘istonga 5 milliard dollar investitsiya jalb qilish vazifasi belgilandi.

Facebook|Instagram|X

Yig‘ilishda Qoraqalpog‘istonni kambag‘allikdan xoli hududga aylantirish, aholi bandligi va daromadlarini oshirish masalalari muhokama qilindi.

Qoraqalpog‘istondagi 2 ming tadbirkor uch yilda 2 trillion 145 milliard so‘m kreditni vaqtida qaytarib, banklarning ishonchli mijoziga aylangan. “Mijozni o‘stirish” modeli asosida yana kamida 30-40 ming odamni ishli va daromadli qilish imkoniyati bor.

Hududga mas’ul bank ishonchli mijozlar uchun 16 foiz stavkada 300 milliard so‘mlik kredit liniyasini ochmoqda. Tadbirkorlikni rivojlantirish kompaniyasi 4 foizlik qismini qoplab berishi hisobiga tadbirkor uchun stavka 12 foizga tushadi.

Qolgan 8 ta bankka ham bir oyda shunday qulay mahsulotlarni ishlab chiqish topshirildi.

Facebook|Instagram|X

Qoraqalpog‘istonda oilaviy tadbirkorlik kreditlari stavkasi 17,5 foizdan 12 foizga tushiriladi.

Kelasi yili resurslar 2 karra oshirilib, Uychi va Zarbdor tajribasi asosidagi “drayver” loyihalarga 100 million dollar yo‘naltiriladi. Shu hisobdan kamida 50 ming odamni daromadli qilish vazifasi qo‘yildi.

Ikki yilda biznes infratuzilmasiga 370 milliard so‘m ajratilgani hisobiga 2 ming 200 ta savdo-servis obyekti ishga tushib, 10 mingga yaqin ish o‘rni yaratilgan. Nukus tumanidagi Diyqan arna mahallasida 60 o‘rinli bog‘cha, futbol va vorkaut maydonchalari tashkil etilgani mahallaga yangicha kayfiyat olib kirgani ta’kidlandi.

Tuman hokimlariga shu yil iqtisodiy o‘sish va bandlikka turtki beradigan yana ikkitadan loyiha qilib, 10 ming odamni daromadli qilish topshirildi. Buning uchun 100 milliard so‘m ajratilib, bir haftada moliyalashtirish vazifasi qo‘yildi.

Тelegram|Facebook|Youtube|Instagram|X|Threads

#mol_mulk_soligʻi #yer_soligʻi

❗️ 15-oktabr — mol-mulk va yer soliqlarini to‘lashning oxirgi kuni!

📲 2026-yil uchun hisoblangan soliqlarni "Soliq" mobil ilovasi orqali tekshiring va to‘lovni o‘z vaqtida amalga oshiring!

Soliqni vaqtida to‘lang — xotirjamlikni tanlang!

Тelegram | Facebook|Instagram|Youtube